興記菜館

Open Now

Now Closed

經過廟街 次次都會食呢間 地道小菜今次無叫煲仔飯，叫左🥢蠔仔煎蠔餅 （小）好多蠔仔🦪 煎得好香 小份而經好多🥢腐乳通菜份量多 家常小菜🌟CP值:🌟🌟🌟👩🏻回頭指數：👩🏻👩🏻👩🏻📸打卡比分：📸📸📸

成個冬天就快完都未食過煲仔飯… 趁今日得閒同屋企人一齊去咗😋呢間舖頭所有嘢食都係即叫即整😗 人又多🥱 所以唔想坐喺度之後眼碌碌咁等住就一定要叫啲小菜先🥲 晚飯時段個飯應該等左有30分鐘，但係啲小菜10分鐘就會到！😌煎蠔餅 （大）95 ⭐️⭐️⭐️⭐️枱枱都有嘅煎蠔餅🦪 大份真係好大份👍🏻 （望到其他枱細份嘅都唔細😋新鮮整丶熱辣辣丶麵粉皮夠跪嘅蠔餅一定係值得合格以上嘅分數✅ 但係始終有少少油味🥲 你問我嘅話全港最好食嘅蠔餅一定唔係佢🤨但係嚟到叫返碟食住等一定唔會錯！酥炸鯪魚球 80 ⭐️⭐️⭐️呢碟見到比較少人講，但係其實啲鯪魚球大粒又彈牙 🐟 仲食得出陣魚味👍🏻 都叫做係高分之作比較美中不足嘅係佢雖然上咗喼汁，但係大大力點落去都係唔入味😵‍💫 最後整碎咗放咗入飯增加口感👻梅菜扣肉煲 90 ⭐️⭐️呢碟就唔係好推薦啦…整得仲冇我阿媽好味🥲前兩個小菜都大大份，但係呢個就望落去多實際上少啲肉唔係煮到林晒嗰隻，所有嘢都冇話好入味，仲要成$90🤨鵝肝潤腸排骨煲仔飯 65 ⭐️⭐️終於到主角！其實係我問題定係點樣🥺 真係唔覺得好好食…先講最重要嘅飯焦！我嗰碗黐住碗嗰層都有，但係有五分之一左右係燶咗，係講緊有苦味嗰隻😔

🔸️興記菜館📍油麻地廟街12, 14, 15, 17, 19號地舖外國朋友新來港，佢話想食啲地道既野。天氣涼涼地，最岩食煲仔飯 Claypot rice 🤣 Not boil son rice🗨臘腸牛肉煲仔飯🗨北菇田雞煲仔飯🗨啫啫通菜煲🗨細蠔餅🍻一枝藍妹🍻兩罐可樂共$326我都好耐無黎喇，之前成日聽人講話興記唔好食喇，又污糟等等。本住無期望，只係帶朋友見識既心態黎既。講真，其實真係唔差啦。蠔餅啲蠔多又肥，脹卜卜；通菜好香，量多，夠味。呢兩樣菜基本枱枱都嗌。煲仔飯上台後一定要等多一陣先開蓋，兩煲都有飯焦，正～田雞唔錯，不過量只有一隻，分左隻脾比朋友食，佢竟然敢食，話似魚肉味。佢個滑牛食落都唔錯，仲以為會好難食🫣呢日星期四亦都好多人排隊，好繁忙，大家去嘅時候小心隔離附近嘅菜館，會扮曬野話自己係興記，行前啲有空位就坐。同埋排隊等得唔算太耐，落單比較慢，因為客多侍應唔夠，態度都正常，唔會西～有機會encore 先#hkfoodie #興記煲仔飯 #興記菜館 #香港美食 #油麻地美食 #ckaypotrice

天氣凍冰冰，當然食個暖笠笠煲仔飯🥰 油麻地有幾間出名煲仔飯，今次試食興記。平日傍晚6點，已經大排長龍😳 餐廳分開室內同室外，室外枱枱凳凳放滿街道中央，好似圍村食盆菜一樣😂好熱鬧！為咗感受氣氛，我哋都選擇坐室外。煲仔飯咁出名，當然要試下！梅菜肉餅煲仔飯即叫即整，熱辣辣🔥 肉餅非常淋，加上梅菜同豉油，味道更上一層樓😛白飯粒粒分明，底下仲有我最鍾意既飯焦😍 （飯焦係精髓！）煎蠔餅🦪都係餐廳招牌菜！蠔餅有分大和細size，我哋叫咗細（都好大😅）蠔餅煎得好脆，蠔仔又大又多，好足料！椒鹽焗鮮魷係本人最愛😍炸皮好薄，入面既魷魚彈牙，好食😋💲梅菜肉餅煲仔飯：$62💲煎蠔餅（小）：$50💲椒鹽焗鮮魷：$75

旺角廟街應該無人不曉，入邊最出名一定係煲仔飯。當中四季同興記最出名，小篇兩間都食過，但都係比較鐘情於興記，飯焦同個質感稍優於興記，蠔餅亦大份啲，所以今次就去左會一會佢😍叫左油麥菜，排骨煲仔飯，大蠔餅價錢咁多年都係咁抵食，食到捧住兩個肚走蠔餅記得要問佢拎個醬汁，一試難忘小篇打打下字又好掛住個蠔餅了

When the temperature drops, you know that it’s time for Claypot rice!!!🥘Today I took one of my UK friend to explore the native taste of HK. So we decided to have food in here. They have 4-5 store in the same street so its quite easy to spot it. We ordered 2 claypot rice, 2 sides 🍲🍲and 1 veggie🥦The octopus chicken claypot rice and the Chinese sausage claypot rice are incredibly delicious. The chicken are tender and juicy. Moreover, the octopus and Chinese sausage increase the flavour of the rice

這間出名的興記煲仔飯出餐時間極長，我們在6:30分下單，但到7:00 還未出餐。我們曾幾次詢問店員確認出聲時間，但店員卻敷衍回應，叫我們「慢慢等」。店員所說的出餐時間是20-30分鐘，但我們等了30分鐘仍未有。後來我們決定離開此餐廳，大家以後都唔好食呢間！服務態度又差，垃圾！

今日天氣涼涼地決定約朋友敘舊，食番個暖笠笠，香噴噴嘅煲仔飯。煲仔飯即叫即做，我地等咗15分鐘，終於有得食。梅菜扣肉煲仔飯：打開個蓋淋上特製嘅豉油，等一陣就聞到香噴噴嘅梅菜和扣肉，扣肉肥瘦均勻。排骨雞煲仔飯：雞肉有肉汁又唔乾，好嫩滑，真係好食。其實食煲仔飯，最好食係超級脆口的飯焦。蠔餅：炸粉和蠔的比例做得幾好，唔會太多粉漿，都算足料，加埋佢個辣醬，好食👍椒絲腐乳通菜炒鮮魷：通菜炒得好爽口，鮮魷都唔會韌。一人一支可樂，認真爽呀。

近排天氣開始凍，食煲仔飯最啱，即刻諗起去廟街，上一次幫襯可能係6-7年前，興記菜館有四個舖位，夜晚10點去到都仲要排隊。揀咗臘腸滑雞煲仔飯，另外加咗小炒 - 避風塘炒蜆，同埋揀咗出面少見嘅煎蝦餅（有分大份同細份），嘢飲就要咗自家製嘅菊花茶。避風塘炒蜆一上枱已經覺得好香，蜆肉食落去冇沙，第一次食用避風塘去炒，香辣嘅蒜粒連埋蜆肉食非常有風味。煎蝦餅蝦肉沾左麵粉漿，炸至非常脆，平時煎蠔餅就食得多，大家想試新嘢都可以試吓呢度嘅煎蝦餅。臘腸滑雞煲仔飯等候時間比較耐，一揭開香噴噴，雞肉好滑，臘腸好香，有少少飯焦，整體嚟講唔錯。

冬天係屬於煲仔飯嘅季節❄️ 心癢癢左好耐～終於出開黎旺角附近食煲仔飯！五點半到過到黎，仲可以直入坐低😆點知過左十分鐘都無，六點都未到，竟然就開始排隊了，要嚟又唔想排隊可能就要預早少少🤏🍴蠔餅（小）$50新鮮整好個邊脆卜卜，而且炸粉唔厚～啲蠔仔都幾大粒幾鮮🦪🍴臘腸滑雞煲仔飯 $60呢個價錢一打開見到咁多肉都幾驚喜，臘腸又一啲都唔細條，啲雞偏肥，不過真係好滑～飯軟硬適中得黎粒粒分明，而且仲有大量飯焦，老字號真係老字號🥺

除左打邊爐，講到天氣凍必食之選煲仔飯真係當之無愧！呢日咁凍，心思思去油麻地湊下熱鬧！ 一到廟街已經見到勁長龍，但興記共有4個鋪位，排左30分鐘左右已經入座，除左煲仔飯，呢度重有煲仔粥同海量既海鮮小菜，梗有一款岩你！啫啫通菜煲+蠔餅+豉汁炒蜆基本上枱枱都有叫，我地都唔例外，小菜好快就到左，一上枱又香又夠熱，凍冰冰黎真係好正！ 不過地道嘢嘛，坐位比較迫，唔好expect係打卡餐廳靚靚咁lol蠔餅啖啖蠔肉，甘香鬆脆；炒辣蜆足料相當惹味；啫啫通菜配少量蝦醬上枱熱辣辣！最後老字號煲仔飯又點會令人失望，幾十款任你揀同配搭，最後揀左滑蛋牛飯+排骨滑雞飯，聞到都已經唔想俾相機先食！ 梗係要加埋懷舊枝裝汽水先夠正！⚠️呢日為例，約晚上9點重有30人左右排緊，想去既朋友仔要留意返 @leetaitai_foodie

等咗好耐嘅冬天，終於吹嚟幾陣涼風，係時候食吓煲仔飯。廟街夜晚亮起一個個小燈泡，有少少似夜市，但啲枱枱櫈櫈都係由餐廳延伸出馬路。平時冇咩機會坐喺馬路食飯，衛生情況唔怕講真係一般般，地下仲可能有酒樽同煙頭，不過同時又覺得咁樣食都幾地道。溫馨提示，晚餐時段就預多少少時間排隊了，星期六夜晚排到轉彎～💡 窩蛋牛肉加鵝肝潤腸煲仔飯 $77第一次見到鵝肝潤腸，瞬間覺得食緊fusion菜咁～簡單解釋一下啦，平時嘅潤腸多數用鴨肝加調味料，塞入腸衣再風乾而成。將鴨肝換成鵝肝，味道就更濃了，本身都有嘅咸香，再加鵝肝嘅油香，咬落去就係豐腴軟滑嘅口感，但我反而鍾意原味有返少少咬口同甘香。 窩蛋牛肉呢個組合真係always true，牛肉唔嚡又有肉味，伴住生蛋食都幾香，返去都冇因為隻蛋肚痛。💡 田雞雞煲仔飯 $79有冇人同我一樣都幾鍾意食田雞👉🏻👈🏻？田雞雖然細細隻，但肉質鮮嫩，唔係度度都有得掞田雞～平時又鍾意食滑雞，所以就整返個雙雞組合。唔知係咪預咗你落甜豉油，本身雙雞調味就啖咗少少，不過又真係好滑，撈傻一流！仲要真係炭燒直上，手柄都仲好熱。不得不提，底底係有飯焦㗎😻完全中晒我想要嘅程度，因為又唔會焦到黑同太多

呢間餐廳我係睇左食評而去嘅,啲食評寫到好好食,啲相又好似幾吸引,我今日去到,叫咗四樣嘢 啫啫通菜煲 $60豉椒炒蜆 $70椒鹽九肚魚 $80臘腸滑雞煲仔飯 $65豉椒炒蜆唔係熱辣辣,溫度只係暖偏凍,應該係炒定嘅,啲蜆肉太細粒,但個豉椒汁ok嘅👌 啫啫通菜煲,賣相熱騰騰非常吸引,但食落有啲鹹,我男朋友食得鹹,佢都覺得個通菜煲鹹咗少少 臘腸滑雞煲仔飯👍好好食,最好食係煲仔飯,不過臘腸得兩塊少咗啲

之前一直都好想食煲仔飯，前排終於有機會可以食啦，聽同事講呢間嘅煲仔飯好好食，所以就嚟朝聖一下。首先我哋叫咗「臘味煲仔飯 」$65臘味啲味滲入咗啲飯度好好食，仲有少少飯焦，啲臘腸同臘肉都唔會太鹹或者太油跟住我哋叫咗「辣酒炒蜆 」$80用酒煮過嘅蜆冇晒啲腥味，辣辣地幾好食送酒一流仲有「啫啫通菜煲」$65熱辣辣，天氣凍食完暖笠笠「椒鹽吊桶」$75香脆外皮，啲肉唔會太韌價錢ok，味道唔錯，值得一試，希望下次再多啲朋友一齊食就可以再試多啲唔同嘅小菜

突然好想食大排檔🤩，諗咗好耐究竟去邊度好呢🤔？ 最後決定到興記菜館，位於油麻地廟街12, 14, 15, 17, 19號地舖。 一次過點了我喜歡的小炒🤟🏻， 椒鹽九肚魚、椒鹽焗鮮魷、椒鹽瀨尿蝦、 通菜煲、鴨血煲、三色椒炒豬大腸、豉椒炒蜆、中式牛柳、薑蔥焗蠔和田雞煲仔飯。 個人感覺特別喜歡港式風味， 今次多款小菜裏面我推介🥢椒鹽九肚魚，外脆內軟， 蘸上喼汁，食到停唔到口。 🥢薑蔥焗蠔都相當肥美，口感厚肉飽滿。🥢三色椒炒豬大腸做得幾惹味， 適合重口味人士。(沒有提及的菜式都係味道正常，但不算出色。) 整體份量偏小🤏🏻， 幸好我們四個人食，所以都算足夠，如果人多每一款都要叫兩碟了。🏷️溫馨提示～ 整個用餐體驗均屬個人分享意見， 只作參考😊。