慶記 (Closed)

大角嘴利奧坊開了數家新餐廳，但正值疫情嚴冬，旁邊既日菜同台式鷄飯店都先後不做午市，甚或搬遷。在OpenRice 見慶記口碑良好，便慕名前來一試。店內坐位寛敞光猛，見午市套餐有各位大讚既茶燻雞，便二話不說，立即點了一試。茶燻鷄非常脆，跟伴碟甜酸醬汁亦十分合拍。可惜，我始終味道上分不出茶燻鷄與普通炸鷄之別。正大呼失望之時，卻把鷄件聞一聞，燻香撲鼻，換個想法 - 茶葉燻鷄雖然吃不出味道，但卻可以聞得到香脆。一同上既滷肉菜飯非常豐盛，跟味道略淡既茶鷄不妨係好意思。總括： 脆口炸鷄，更推滷肉菜飯；下次可以試埋胡椒包

和朋友隨意行街見冇乜人就入去試吓！叫了炸雞湯麪，醉雞卷4件丶胡椒包和豆漿！先來凍吃的雞件，有酒香，肉質正常，好味！跟住吃雞麪，初見的慶麪以為是油麪，但入口即發現不是，麪爽好味！炸雞件入味香口！主角胡椒包新鮮熱辣辣，咪道濃烈！因我怕辣，和朋友分享一人一個最好！豆漿偏甜，我不太欣賞！值得下次再吃！😬

慶記跟上潮流係用電話掃QR Code落單，相比起傳統方法方便快捷得多。香酥排骨拼滷肉慶麵$66香酥排骨同湯面係分開上，咁就唔怕D湯會浸淋晒D排骨(其實係似豬扒比較多)茶燻煎軟雞拼滷肉慶麵$60茶燻煎雞比較似炸雞多過煎雞，肥嫩嘅肉質被炸得焦黃脆嫩，濃香嘅汁液包裹喺香脆可口嘅雞皮入面。兩個慶麵都有唔少嘅滷肉，咁樣食滷肉湯麵都幾特別。醉雞卷酒味幾濃，肉質細嫩卻略有嚼頭，酒味越吃越有味。豆漿係採用樽裝嘅豆漿，喺呢個疫症時期更加顯得乾淨衛生。

呢間慶記由佢店面細細開始就幫襯，知佢搬左去利奧坊大舖，即刻要試下口水雞絲冷麵 - 最鍾意佢青瓜絲切到勁幼，好爽脆新鮮，又夠多雞絲，撈左個口水汁辣得黎好惹味紅燒豬軟骨慶麵 - 佢啲湯麵其實都好值得試，湯底好濃味，豬軟骨鬆化，食完暖笠笠，冬天食最啱口水醉雞卷 - 個口水汁可以另上，原味辣味都試到，佢真係啖啖肉，又唔會嚡，最重要係$18蚊有4件！！超抵食XO醬蟹粉小籠包 - 食得出有有蟹香，個皮唔會過厚，一定要趁熱食先索哂佢啲湯汁～～搬左舖水準都keep到，而且性價比仍然咁高，好值得黎試

趁晚市前最後一晚跟朋友來這裡吃飯。餐廳裝潢挺有feel的，採用電話落單，點了生煎胡椒包、紅油百花抄手、香酥排骨拼滷肉慶麵、麻辣擔擔麵及飲品凍豆漿兩支。 先上麻辣擔擔麵，少辣的辣度剛好，麵條煮得軟硬適中；紅油百花抄手，有別於一般的菜肉餡料，是蝦膠跟魷魚餡包成的，口感較彈牙；而辣度亦有驚喜，是有點麻麻的辣！好彩點了凍豆漿解辣呢。香酥排骨拼滷肉慶麵排骨炸得酥脆，而且份量頗大的，滷肉慶麵是朋友點的，清湯麵上加上滷肉，不過不失。生煎胡椒包即叫即製，吃到中後段，才熱辣辣的呈上。生煎包果然名不虛傳，外皮煎得香脆，裡面滿滿的湯汁，胡椒味濃，是很好吃的生煎包啊！要等也是值得的。

**慶記**今日唔想去屋企太遠嘅地方,發掘下一個新地區大角咀。去到新開嘅利奧坊，見到有上海野細細碟，就一於入去試吓。地方好光鮮，乾淨企理，相信衛生情況都唔會太差。呢度係用電話落單嘅，一掃個QR code就有相。蟹粉小籠包 兩件計，皮薄多汁，略嫌覺得有啲唔夠喉雞扒肉燥飯，雞扒好脆，但又唔會過火乾柴👍🏻而我就一於試吓湯飯，不嬲鍾情湯飯嘅我就覺得個味道有點失真。生煎包 都係兩件起計，包皮如果能薄d就會比較好

📍慶記大角咀利得街11號利奧坊地下G501-503號舖-🥘 香酥排骨拼滷肉湯飯 $68🍲 茶燻煎軟雞拼滷肉菜飯 $62😍 XO醬蟹肉小籠包 $35👑生煎胡椒包 $26香酥排骨超讚～而茶燻雞是第一次食好香茶味又有脆脆外皮朋友說不多地方有湯飯非常推薦來這間食😂😂本來想就這樣點單才發現胡椒包是得獎小食胡椒包裡面有很香胡椒味跟很多肉汁而小籠包除了很多肉汁之外更是外皮超薄另外茗茶也不錯喜歡台灣菜式的值得去試試!-#慶記 #大角嘴 #利奧坊 #滷肉飯 #菜飯 #香酥排骨 #茶燻雞 #小籠包 #胡椒包 #台灣 #香港 #foodie #hkfoodie #旅行

未搬過來大角咀時試過慶記，印象中撈麵同生煎包味道都唔錯。最近行經利奧坊，先留意到慶記搬咗新鋪，地方比以前更為闊落寬趟，就一於入去食個晚飯。餐廳採用QR Code下單，疫情下減少接觸，都係一件好事。點菜前，店員送上一壺桂花烏龍茶，最近天氣轉涼，有杯暖茶暖暖胃真好。茶燻煎軟雞拼滷肉慶麵($66)茶燻煎雞茶燻後比較深色，另上確保雞皮依然保留香脆可口。雞肉食落有淡淡茶燻香，頗為入味，不過就略嫌比較乾身。開頭以為滷肉慶麵即係之前食過嘅撈麵，點知上桌後先發現自己揀錯咗湯麵！第一次食滷肉湯麵都幾特別，份量好足，滷肉肥瘦均勻，不過我都係鍾意食撈麵多D，比較有嚼勁！巴東牛肋條菜飯($52)估唔到主打上海菜嘅慶麵都有巴東牛肋條菜飯食！牛肋條份量慷慨，肉質軟腍鬆化，醬汁惹味帶濃濃香料味之餘，調味又唔會好鹹，我特別鍾意食薯仔，炆得好淋又吸收醬汁嘅惹味，好容易送飯！如果菜飯多D菜就更好啦！紅油百花抄手($52)呢個值得一試！一客有4件，每粒紅油抄手都大大粒，毫不欺場！抄手皮做得好薄。入面餡料飽滿，百花抄手用魷魚同蝦肉打成餡，彈牙爽口，而且鮮味十足，配上香辣嘅紅油，食唔停口！醉雞件($30)雞肉好嫩滑入味，食到陣

一直都覺得大角咀多野食，今日經過附近想食中式嘢，見到依間食上海野幾靚又平，所以就入左去試！食物款式都幾多，小食、點心、雲呑、飯、撈麵、湯麵等等都有。食上海野梗係唔少得生煎包($24)，即叫即整要等得耐少少，但就熱辣辣好正。皮薄但煎得脆，湯汁好濃郁，正！口水醉雞卷（$34），依到個口水汁夠哂香同麻，配涼拌嘅醉雞卷食好夾，個雞都好嫩滑！麻辣擔擔撈麵($38)，一上菜已經好香麻醬香味，都係偏麻但唔算好辣！另外個麵唔會太多汁，岩岩好所以麵條唔會好淋，正！依間平平地，但味道都幾好，抵食！

朋友介紹黎到大角咀食一間隱世極具中國特色既 慶記。環境：位置坐落於大角咀中心，附近有工程，不過入到店內完全係另一個世界。樓底非常高，食得好舒適，完全唔會有壓迫感，坐既位亦好闊落。店內點餐係用手機掃QR code點菜，非常方便，你可以慢慢諗慢慢揀，如果有選擇困難症既朋友就岩哂。食物：必食推薦 小龍包（4隻）＄38世界各地唔同既小龍包都會有少少分別，包括用料 時間控制 人工 ，本人好鐘意呢一間既小龍包，特別係個皮，我刻意放一陣先食，令個皮有彈性d，再點少少黑醋，成粒放入口，佢既湯充滿住油香，令人回味無窮。口水醉雞卷 8件 ＄34性價比超高，此店招牌菜之一，加上口水汁既香辣，令人好開胃。店家既雞卷即使凍食，亦可以食到雞香，同時見到有好多透明晶體骨膠原係雞卷內，證明非常新鮮，同埋處理得好好。茶燻煎軟雞 拼滷肉撈麵 ＄60煎軟雞外脆內軟，調味恰到好處，配搭酸甜汁，好開胃。 滷肉撈麵用料十足，大大燈肉燈冇偷懶，好好味。百花雲吞慶麵 3粒 ＄54健康亦相對清淡，古早味十足，飲一啖湯彷彿置身故鄉一樣，令人十分感動。大大粒雲吞用料亦冇偷懶，好好食。

放工再次去咗大角咀覓食，呢晚揀咗食「慶記」，餐廳位於新樓盤地下商場。經過一定會見到，因為係地舖之餘，仲有好耀眼嘅燈箱👀。餐廳環境唔錯，面積幾大，整體光光猛猛，幾乾淨。當到咗夜晚7點左右，餐廳就開始多人👏。餐廳現時採用QR Code落單，但枱面亦放有實體餐牌。食物選擇頗多的，而且定價唔貴👍。我哋兩個人嗌咗兩個麵同兩份小食，已經飽晒🤰，因為份量好多。香酥排骨慶麵($52)，🐷香酥排骨另上，豬扒好大件，不過炸皮有少少厚。慶麵本身附有肉燥，感覺都幾得意😎，因為多數係肉燥飯而唔係麵。另外，碗麵亦搭多幾嚿蘿蔔同豆卜。麻醬雞絲冷麵($40)，一上枱嘅時候麵同雞絲都被滿滿嘅青瓜絲遮蓋🥒，頗為震撼。麻醬主要放喺底，所以一定要撈勻食。冷麵麵條比起湯麵麵條更有質感。口水醉雞卷($34/8件)，而家都幾流行雞卷呢樣小食🐔。餐廳提供四件或者八件嘅選項，咁即係一個人嚟食都可以嗌。醉雞卷同口水醬係分開上的，所以可以自行調節辣度🌶。口水醬幾惹味，而且偏麻；雞卷本身嘅酒味就唔算太濃🍶。沙嗲牛肉鍋貼($28/2隻)，嘩食完上面啲嘢已經飽晒，點知最後嚟嘅鍋貼超大隻🥟。鍋貼底煎到脆脆的，而入面就係爆曬汁嘅餡料。雖然話係沙嗲牛

專情搭車去大角咀整野，點知人地無問😅唯有係附近搵下有咩食，原來呢頭都幾多選擇😏揀左間平平地既上海野食。間餐廳係自助下單，甘就唔怕漏單，又方便😊枱面仲提供左紙巾，好貼心一入座就有壺茶俾我地，係桂花烏龍，我同女友一直都好喜歡呢種茶。淡淡既桂花香，飲完個人都舒服啲。同女朋友一人叫左一個面，再加左兩個小食，好彩無貪心，淨啲食唔哂🤭醉雞卷唔算太濃酒味，因為我同女友都唔好酒，所以淡淡地酒香仲適合我地口味😛啖啖肉，一啲骨都無，正👍🏻XO醬蟹肉小籠包估唔到又幾夾，一啲都唔辣，仲好惹味，又食到好香蟹肉味😋香酥排骨拼滷肉撈麵排骨同樣炸得香口，但又唔會過火喉。好怕啲野炸到濃哂，入口又苦又油。但叫左兩款炸哂都無呢個情況，炸物做得幾好。 撈麵配左滷肉一齊，令個麵無甘乾，入口個口感又豐富啲🥰茶燻煎軟雞慶麵女友覺得茶燻好特別，就叫左呢個。果然唔錯，一入口已經有陣好香煙燻味，個皮煎得脆口，但入口唔覺油膩，份量仲頗多，淨係叫個麵食都夠哂飽🙈而且同湯麵分開上，唔會俾啲湯浸到淋哂，讚👍🏻湯麵仲配左啲蘿蔔，豆卜甘，望落無甘齋，好豐富。其實仲有其他野食不過兩個人比較難叫咁多

又嚟到屋企不遠處嘅大角咀開餐啦！呢區都算幾多野食的，而且價錢又夠親民！今次就嚟到慶記食上海野啦！店面都好大下的，裝修帶點中式懷舊風格，都坐得幾舒服的！呢度係採用QR Code 點餐的，落單後約幾分鐘就有野食啦，非常之方便！我哋點咗口水醉雞卷、紅油百花抄手、香酥排骨慶麵、巴東牛肋條菜飯及兩杯熱桂圓蜜！我個人就非常之推介口水醉雞卷，佢嘅味道真係難以用文字表達出嚟，而且口感特別，真係勁好食的！紅油百花抄手肉質結實，用料十足，非常之飽肚的！排骨份量雖然唔多，但勝在夠厚身又唔太油膩！而巴東牛肋條食落辣辣地，肉質夠冧，不錯不錯！冬天嘆返杯暖笠笠又滋潤嘅桂圓蜜就更一流！食飽歸家！ 😆😆😆

同男友係奧海城行完街就落左去大角咀搵野食，經過呢間上海菜，見到裝修幾“骨子”，價格親民又多選擇就入去試下～上海菜都係我幾喜歡既菜式之一😁我地叫左茶燻煎雞滷肉湯飯，紅油抄手，生煎胡椒包，玫瑰花蜜同埋一支豆漿～個茶燻煎雞一嚟到望落好似好燶，不過諗諗下應該係因為茶燻所以先咁深色😂 咬落去有淡淡嘅茶香味，好特別👍 外層非常脆但唔乾身，裡面好滑，雞皮有適當油脂但又唔會太肥膩，唔錯呀！😋滷肉飯成日都食，但係滷肉湯飯都真係比較少見😯 佢嘅滷肉肥瘦適中亦都好淋，幾好食，不過個湯底我就覺得調味稍為重左啲～紅油抄手新鮮煮起，黎到仲出緊煙😅 皮唔會煮到太淋岩岩好，皮薄餡多，我地叫左辣汁另上，而佢本身既汁係甜甜地，辣汁同平時食既紅油抄手有啲唔同，呢度偏辣偏惹味但就好似欠缺左少少蒜同辣既香味～最後壓軸出場嘅係生煎胡椒包😋😋 包底煎到非常脆但又唔會太多油👍👍 裡面勁多汁，鹹味適中，胡椒味愈食愈出，食到個人都暖粒粒😚今日突然之間凍咗好多所以我都叫咗杯玫瑰花蜜暖一暖身，蜜糖味幾出而且中和左玫瑰既苦澀味，好飲👏埋單唔駛加一好抵食👍 呢度既包咁出色，期待下次試埋生煎流心叉燒包同埋小籠包🤤🤤

大角咀都真係好多小店/餐廳，今日去開就試下呢間上海野，平平地都唔錯～.🥟XO醬蟹肉小籠包$35//🐷香酥排骨慶麵$52//🐔醉雞卷$30//🥢麻醬雞絲冷麵$40.我好貼地系列😂兩個人食到飽唔洗兩舊😂最滿意係小籠包，皮夠薄得黎內餡多juicy👌🏻真係食到蟹味，而加XO醬原來又幾夾，更惹味～排骨啱啱炸起熱辣辣又香脆，而且分量好足啊🐷醉雞卷去晒骨就咁食好方便，啱晒懶人🤣雞肉質素普通不過唔鞋口，同埋酒味幾出補救返～.📍慶記 (Nov 2020)