興隆茶餐廳

Open Now

Now Closed

本來懷着興高采烈的心情入長洲，突然之間有一大群學生入嚟茶餐廳食嘢，本人打算讓枱給那些學生，那個茶餐廳阿姐，明知地方已經淺窄，準備收拾枱面的時候，那個阿姐明知茶餐廳本身地方淺窄，夾硬用單手收拾枱面，結果一下子將成碗麵還有湯倒落本人身上，而且只是普通的道歉，將本人的衣服，和書包全部淋濕了，去到最後，只是簡單的普通道歉，正常的，都會免單，或者打折，那個阿姐還好意思收錢，我走的時候道歉也沒有講一聲，總之服務態度非常差，這間餐廳已經在我心目中入咗黑名單，永遠不會再去食。

佛誕假期與家人入長洲行吓，等船時發覺好多人😱於是落船後行去比較少人的地方覓食，見到這間茶餐廳不用等位，裡面也有D人，於是入去醫肚再買平安包，叫了三個常餐，常餐包火腿奄列、湯麵的餸可選沙爹牛或叉燒，選了兩個叉燒同一個沙爹牛，叉燒偏瘦，細細塊，味道不過不失，沙爹牛煮得入味，牛肉不韌，奄列就幾好味，有蛋汁，也厚身味道也不錯，但牛油方包D牛油搽得好求其🤣唔均勻，有好多地方無牛油🤣總體之言，也算ok．不過不失

1) 揚州抄飯: 熱辣辣，足料，有好多叉燒同火煺，夠鑊氣但又唔會太干，大大碟，夠我一家三口 (兩大一細) 分享，正!2) 常餐: 奄列厚滑，牛肉淋，多士都幾熱同脆，檬檸茶茶味濃，正! 3) 第一次嚟，見喺普通裝修，無諗過啲嘢幾好食，喜出望外 4) 但目測佢啲 "滑蛋叉燒飯" 喺濕抄，個人覺得賣相不太好，唔知好唔好味道。5) 服務員姐姐很有禮貌。下次再到長洲會再來!!!!!!!!!!!!!!!!!!!!!!!!!!!!!!6)

渡假兩日，都係到食兩日早餐。蒜蓉多士，沙嗲牛面，餐肉炒蛋，凍檸走甜。32蚊，我覺得好抵食。多士係蒜蓉唔係齋牛油，烘過又唔洗加錢，有兩塊又夠脆。炒蛋好滑。食完會飽，滿足。想食埋吉列豬，不過個餐冇粉面。最尾都冇試到。希望下次有機會。應該係做慣街坊生意，唔好意思影相了。

長洲餐廳的早餐選擇不少，不過價錢、質素就參半。興隆茶餐廳還是比較有質素的一間之一呢。茶餐廳來說，興隆的還算是乾淨、企理，不過早餐繁忙時間，一定會很逼，甚至要等位呢。今日選擇吉列豬扒餐、配腸仔、煎蛋。腸仔普通吧，煎蛋幸好有「燶底」。即炸吉列豬扒倒不錯，豬扒很鬆軟，不過還欠一點肉汁呢！炸粉包着豬扒，每一口都是又熱又脆又啖啖肉的，不過炸得不算厚，不然口感就更豐富了。 蒜蓉多士是興隆早餐的特色吧。今日的多士較遜色，沒有很濃郁的味道，麵包硬了點。好奇怪的是在這裏點凍飲，「少甜」的話會真的幾乎只有25%的甜度，很淡！但若果再加甜，那麼甜度會變成150%！凍檸茶茶味一般吧，惟獨檸檬還算甜。吉列豬扒還是讓人滿足的。