慶樺海鮮菜館

Open Now

Now Closed

沒有故意來吃，只是路過，見到店舖有啲歷史痕跡，亦都有人幫襯，就入去試吓。餐廳裝修比較懷舊，餐具衛生程度一般，杯杯碟碟同埋水杯都要仔細用熱水洗乾淨先至放心使用。三個人，叫咗一隻乳鴿，三隻鮑魚，六隻扇貝，一碟菜，同埋煎蓮藕肉餅。乳鴿唔係太夠味，普普通通。香煎肉餅唔錯，幾香口，好適合送啤酒。唔記得呢個叫椒鹽鮑魚定係避風塘鮑魚，應該是大連鮑魚。大約$98 /隻，加一後呢碟三百幾，以佢嘅裝修服務同埋地點來說，又唔係太值。扇貝就唔貴，好似$48隻，蒸得比較乾。金銀蛋浸時蔬，呢碟最好食。結論：街坊小菜館，食小菜可以，海鮮之類可以去第二度食。以上食物埋單九百幾蚊，可以有更好選擇。

今日突然好想好想食小菜，喺慈雲山黃大仙左兜右兜搵到間海鮮菜館，不過我哋唔係食海鮮。小菜款式都好多，見到餐牌有砵仔焗魚腸，真係好多年無食過，回憶返晒嚟，另外仲有豬雜，同九肚魚都係我鐘意又喺屋企煮唔到嘅餸菜。點咗呢三款，我覺得味道一般，坐嘅地方都可以，唔會逼夾。椒鹽九肚魚，將魚開邊咁炸都係第一次見，都幾好。砵仔焗魚腸，胡椒粉味重但都蓋唔住腥味，唔算係好腥，不過都食得出。呢個賣相好吸引，豬雜份量都合理，不過味道太淡。

Apart from Hakka, they have Teochew dishes too. Anyway.The deep-fired eel cuts and sea-food pot were good. The steamed egg with fish livers was however lesser than expected. The ingredients were inferior. But I guessed those were the best they could source locally already.The restaurant was quite popular in comparison to its neighbors. Tables are as tight as other typical eating places in Hong Kong of the same price range. I won’t mind go eating again, just won’t order that egg-fish-liver dish.

波友聚會約到黎新蒲崗食小菜，睇吓餐牌都幾多選擇，今日就叫咗炸大腸，魚腸焗蛋，石窩炒芥蘭，蝦干魚肚浸勝瓜，拔絲咕嚕肉及上海粗炒炸大腸真係好邪惡，外表炸到好鬆脆！入邊帶少少肥！點埋酸汁食送啤酒就一流！魚腸焗蛋喺香港真係越嚟越少有，呢度個蛋厚身焗到好香.入邊有啲果皮嘅香味，魚腸亦唔腥，真係要趁熱！拔絲咕嚕肉個汁就幾好味，酸酸甜甜..不過略為厚粉！蝦干魚肚浸勝瓜，魚肚浸得夠透煮得夠淋入哂蝦干既鮮味、味道唔錯！石窩芥蘭食落清甜爽脆！朋友必點嘅上海粗炒，鑊氣十足，配埋點加嘅辣椒一齊食唔錯！

揸車來到新蒲崗，雖然有不少咪錶，但是比較難搵位，所以如果來這裏食晚飯就要早啲搵位泊車。我們叫了豆腐魚雲湯生炸乳鴿王拔絲咕嚕肉羅定雞件全部都很地道很有特色，份量也很多，值得要推介是那個湯和羅定雞件。四個人食晚飯$500有找。

親戚介紹話好食所以試牛仔骨味道唔錯，亦唔會有陣鬆肉粉味估佢唔到脆鱔認真唔錯，味道好食😋伊麵份量略顯唔夠多🙈🙈本人食龍蝦伊麵係覺得伊麵先係重點😂 味道幾好👍🏻不過隻龍蝦係自己買去加工的🙈蒸魚唔多講，條石頭魚都係自己買，相信蒸魚都係咁嘅味😂個大腸超脆，超多轉😋😋😋

大排檔形式，小炒，新鮮海鮮，不求絕頂服務，但求美味可口，大廚很有心，每次黎都係新想法嘅食物，招牌菜薯仔牛柳粒，拔絲咕嚕肉，非常好味，很有鑊氣！分量充足！為老闆娘平反，她只是說話比較大聲，心地原來很好的

今日是第二次到這間食店，首先不滿意枱與枱之間的空間實在太少，其次是杯和碗很污糟，最想講的這店價格不合理，想說的就是那道醬燒BB乳豬價錢是$168，餐牌上的圖片跟真實出來的有很大出入，令我想像很難叫海鮮食嗎？所以我決定不會再到這間食店😡

年頭與朋友來過一次 經驗不好，怕怕了不打算再來，但緣份真奇怪！哈哈！新蒲崗開會後，hubby 接我，順道吃晚飯，車位不好找，找了兩圈，咪表位有車剛開走，快、快、快泊好，下車一看，就是慶樺！哈哈！就隨緣啦！進門口直接快步轉左，看不到收銀處，嘻嘻！當晚不算滿座，馬上有位！其實伙記不錯的，招呼也有禮貌！點了 2 個小菜，咕嚕肉 $108、芥蘭炒魚鬆 $88，侍應先生好好人提醒說：“叫住先，唔夠先再叫啦！因為都幾大碟架！”先來芥蘭炒魚鬆，真係好大碟，賣相不錯，芥蘭翠綠，真係炒，而且不孤寒，切掉硬的芥蘭外皮，每條爽脆可口，不咸，味道剛好！要贊👍魚鬆稍微咸了一點，咕嚕肉絕對有驚喜！每件肉被甜酸汁剛好裹著，醬汁不多不少，肉質也新鮮，還有新鮮菠蘿塊，但菠蘿塊很冷，個人覺得落鍋應該兜一兜，讓菠蘿熱一點，這一兜也可以釋放菠蘿果酸，結帳時看不到上次收銀姐姐，哈哈！太棒啦！飯$12 x 2，咕嚕肉 $108, 芥蘭炒魚鬆 $88, 茶芥 $8 x 2 =$236，非常實惠！吃飯是開心事，客人是來吃飯的，不是受氣的，不要求笑臉相迎，但起碼不要給客人看臉色！侍應先生非常好，又有禮貌, 贊👍做生意，很公平，是嗎？誰

今天中午約了好幾個朋友去喝茶，來到這間酒樓，雖然地方不大但是空間還可以，我們點了幾個點心和一些主食，點心有鳳爪，腐皮卷，味道很好不鹹也不甜，還有蔥油雞，這倜非常非常多蔥油味而且雞味十足亦非常之軟滑，還有一個肉絲炸麵，肉絲非常之多而且炸麵都非常之脆，真的很不錯

以小菜館來講，食物款色尚可，但臨近新年只有特定餐牌，款色少仲加幅勁，都算，到處食店都係咁。味道尚算好味，但超鹹，不過中菜館食物都預左濃味。服務態度上，伙計叔叔係好好，但收銀那個肥婆(相信係老闆娘)認真趕客，由我地等位至入座，都見佢不分老嫩見人就串，當然對我們也不例外！我們明明book左位都仲要等，又有老人家心急，當然問多兩句得咪都好正常嘛，但佢沒有半點唔好意思，還好無禮貌地責難我們唔該用眼睇清楚佢全場都爆，講真我覺得這是他們安排欠缺妥善囉。我地唔係要求上賓的待遇，但唔好當人來乞食咁，講到唔俾位你係正常，俾位你仲要多謝佢咁款。一直聽街坊講來就預受氣，估唔到係真，食物幾好都無用(更何況食物也很一般)，真心唔會有下次。

話說今日中午約咗朋友，朋友公司係新蒲崗，所以順理成章就係附近先食飯，一邊食一邊聊！經過呢間慶樺，就呢度啦！都算滿座，無選擇，坐咗收銀台旁邊張枱！要自己填點心紙，我地見有 4人商務套餐既餐單紙，咁就填啦！個名係商務套餐，應該唔會好差掛 ！明明寫住 11:00 am 開始供應，點知俾單一位比較年長既侍應，好晦氣就話：無呀！然後俾個收銀阿姐，呢位仲無禮貌，瞄一瞄張單，然後眼角向上，唔知係咪同我地講嫁！一路行一路話：無呀！無套餐呀。。。哇！咁搞笑，哈！正想起身走人！有位男侍應走過來，話：有呀！我幫你落！唉！咁就算啦！落單後，個位男侍應，馬上俾幾碗 “例湯”！例牌味精湯，無所謂，反正都係送既！我飲一啖，無再飲！其他人飲咗半碗！先來一碟牛河，味道唔錯！夠鑊氣！仲好大碟添 ！再來上湯時菜，係白菜仔，又係好大鍋，菜都算新鮮，已經預咗上湯係味精,因為例湯味精超濃！但只要菜新鮮都無問題！到點心，三碟一齊到，蝦餃合格！排骨都可以！但鳳爪就不敢恭維，又係超濃味精！無食嗮！跟住個位男侍應態度友善既，送碟桂花糕你地食吖 ！唔錯！好多桂花同杞籽！小菜都算 OK 既，唔錯既，價錢都唔貴，街坊生意！點心就麻麻地！但見到

這食店食物水準很好，好食。不過，收銀這位女士態度及語氣就強差人意，跟客人對話跟趕客沒分別，每次問她問題時，她回覆時都相當悔氣，應好好注意一下。面口也不好看，非常討厭。

又係夜麻麻唔知食乜好既時候😂，最後同男友揸車去左新浦崗食，個人真係好中意呢間小菜館，賣既野有d似大排檔既野食，唔好睇佢環境算乾淨冇乜大排檔feel，煮出黎既野食，火喉同鑊氣絶對唔會比大排檔差，甚至比好多大排檔更好😍自己最中意佢地既黑椒牛柳粒同啫啫通菜煲👍👍👍所以今晚都叫左佢地食😋個通菜好香好夠味，而且一d都唔會老，上枱果陣仲有d啫啫聲，真係色、香、味俱全，連聽覺都滿足埋😝黑椒薯仔牛柳粒，d肉好嫩冇筋，唔會難咬，薯仔外脆內粉，真係好好味呀！❤️❤️打打下食評又開始流口水🤤

一行四人新嘗試，叫了一個三人餐再加個銀芽肉絲炒麵一嚟就大大碗老火湯，有紅蘿蔔同老黃瓜，夠哂下火我唔食涼瓜，試咗少少飯同牛肉，都好好食炒米粉夠乾身，又有鑊氣銀芽肉絲炒麵夠哂鑊氣，麵脆卜卜最正蒸排骨大大碟釀茄子，賣外都好靚鮮蝦菜苗餃好大隻，略嫌皮厚咗啲。四人合共$208，價錢尚算ok