宏 (Moved) New Location

#甜點 #甜品 #dessert #吸血鬼蛋卷 #芝士蛋糕 入面的忌廉是芝士～超多cream好濟😂 #抹茶蛋卷 這個比較好吃～蛋糕軟熟，濃濃的抹茶忌廉，建議放入急凍，就會變成雪糕🍦口感😋多吃會有點濟ᶘ ᵒᴥᵒᶅ個人口味評分：6/10#零食 #snack #snacks #food #hkfood #hkfoodstagram #hkfoodpic #hkfoods #hkigfood #foodiehk #yummy #delicious #foodie #hkfoodie #hkfoodieblogger #hkfoodies #黑貓食好西

呢間餐廳幫襯過好多次，主要係因為坐得舒服，可以慢慢食，唔使趕時間，職員又會間中黎fill茶套餐賣相吸引， 一般都包嘢飲及甜品。今次試佢個饅魚壽司飯，食物質素ok ,鰻魚好食，份量略少，壽司飯開胃。 配普通紅茶。 仲有湯，小菜， 配合起黎都幾滿足最吸引係包嘅甜品。 每次都最令我期待。朋友第一次食， 佢本身對甜品無咩期望，點知一試都大讚。 蛋糕甜度適中， 啲忌廉一點都不滯， 蛋糕口感很軟。 非常好食。 我地食左超過3小時， 職員完全無黑面

星期五去尖沙咀食晚飯，見到呢間餐廳嘅餐牌唔錯，就入咗去食。點咗三個餐，總共四百幾蚊，CP值算唔錯，而且每個餐都有一杯斯里蘭卡紅茶，質素ok吉列豬扒咖喱蛋包飯 $128CP值較低，跟餐冇甜品，需要另加$20 ，但係整體質素唔錯，算係幾好食野菜天婦羅烏冬 + 大抹茶蛋捲 $98呢個餐CP值最高，可惜天婦羅炸得太硬身，但係烏冬嘅質感就唔錯，都幾煙韌。不過，甜品就有啲失望，蛋糕嘅質感唔夠鬆軟，勝在抹茶味足温野菜唐揚炸雞栗子飯定食 + 小抹茶蛋捲 $138炸雞味道只屬一般，整體質素合理，但cp值偏低

終於試齊三款口味！分別係雲呢拿/原味、抺茶、竹炭黑芝麻。宏嘅roll cake其實仲有好多不同款色同口味，不過呢三款應該係classic。三款嘅蛋糕都好濕潤，忌廉濃厚。三款之中，我比較喜歡原味同埋抺茶口味。原味蛋糕充滿蛋味，日本忌廉又香又滑。抹茶口味都好食，食起嚟唔會有茶嘅苦澀味，仲清新啲。竹炭黑芝麻有好濃嘅黑芝麻味，但係就好似蓋過咗其他嘢嘅味道。我哋買大嘅$30。另外呢三款口味有細嘅$15。一個人都可以一次過試曬三款口味

好朋友👭不用經常見，但偶爾間都要聚聚☺️每年一次食飯，是但搵間餐廳舒服好座唔太貴就ok，然後見呢間‘宏’都幾多好評，本身對正餐期望唔大，不過都試下😂因為大家唔想諗食咩～我同佢大家不約而同揀了這個餐，迷你3彩丼定食，貪佢樣樣都有可以試～$168佢有3個迷你丼，小碗饅魚飯，小碗吞拿魚碎（魚生飯），小碗海藻烏冬。烏冬清清地冇乜野正常，饅魚飯比想像中好，甜而好食，魚也不少。魚碎飯都好食唔腥😋配菜有沙律可以啦，揀了熱紅茶飲，還有綠茶蛋糕做甜品，不會太甜為這餐畫上完美的句號。

——宏——日式/甜品整體評價：⭐️⭐️⭐️⭐️⭐️食物質素：👍🏻👍🏻👍🏻👍🏻👍🏻環境：👍🏻👍🏻👍🏻👍🏻服務：👍🏻👍🏻Tea time嘅時間肚餓想食嘢就去左The One嘅宏。大概4點幾去食唔算太多人，等左一陣就入座。可能坐嘅位置比較入，服務員又比較少，㩒左台上嘅鐘仔都冇人理，有少少失望。至於食物方面，見餐牌有好多唔同嘅Set，仲係全日供應，價錢介乎99-168左右，選擇都幾多吓。如果本身冇食嘢嘅，可以叫Set。包左定食嘅飯、烏冬、沙律、甜品蛋卷😍同埋一杯紅茶。本身可能想小食/食甜品，餐廳仲有另外嘅甜品Set可以選擇，有芭菲、蛋卷......當日叫左 醬油海藻烏冬麵$99蚊（需另加一）湯底係濃嘅醬油味，都偏鹹DD上面有2-3塊嘅豚肉，幾薄，味道唔錯。麵嘅話都幾有驚喜原本以為係平時食果類烏冬，但佢係似蕎麥麵果種嘅色，扁身，咬落幾有口感！本身鍾意食硬麵嘅人會覺得口感好正😍😍😍食完主菜之後就食甜品終於到最期待嘅抹茶蛋卷。Set入面包左1件大嘅蛋卷。可以選擇香草口味/抹茶口味/黑芝麻口味。個人比較鍾意抹茶就揀左抹茶味蛋糕係軟嘅海綿蛋糕，Cream嘅部分好合理，唔會太多。雖然係抹茶味，但蛋糕嘅味道冇想像中好

岩岩去完美麗華果邊Staycation完，見有少少肚餓就去左隔離The one睇下有咩食，行過見到呢間D蛋卷好似幾正，就入左去🤣🤣😋😋😋😋😋😋😋😋😋😋入到去叫左個日式叉燒蛋包飯同埋一個黑芝麻蛋卷嘅Tea Set，另外再加左蘋果汁同埋抹茶小卷🤤🤤🤤🤤🤤🤤🤤🤤🤤🤤首先黎左個日式叉燒蛋包飯先，一黎到就覺得好靚，有4塊日式叉燒，塊塊都好大塊，食落去唔會好難咬，好淋，女朋友箍緊牙好痛都咬到，同埋蛋包飯個蛋好滑好好味😋.跟住黎左個黑芝麻蛋卷同埋抹茶小蛋卷，出奇地好好味，個黑芝麻蛋卷好重黑芝麻味，好多cream好正，I like it。而個抹茶小蛋卷相對無預期咁重抹茶味，可能因為岩岩食完個黑芝麻蛋卷啦，但其實都係好好食。.最後茶就唔洗講啦，正常紅茶，幾好飲，仲可以加熱水。蘋果汁感覺好似鮮榨咁，好香蘋果味，又唔會死甜，好岩我💕.總結係一個字，好味，而且唔太貴，值得推介👍🏻👍🏻👍🏻

今日約左朋友去尖沙嘴食野，本身諗住食間cafe但最後因為太多人等位而放棄左，黎左附近The ONE 搵間餐廳食！專登揀左間大餐廳，而且又唔full, 希望可以俾我地坐好耐既鋪頭！今次我同個朋友就各叫左個套餐，分別係溫野菜唐揚雞栗子飯（$138）同埋鰻魚壽司飯（$148），隨餐仲會附送一杯鍚蘭紅茶同埋一件細蛋卷，可以揀芝麻/抹茶/雲呢拿味道，而我地2個都揀左抹茶味！鰻魚壽司飯，面頭唔係一件大既鰻魚，而係切好左既鰻魚，數量都唔少！而飯入面就有蛋絲同埋青瓜絲俾我地撈埋個飯一齊食，味道甜甜地，唔錯！溫野菜唐揚雞栗子飯，唐揚雞方面係即叫即炸，上到枱個陣都仲係好熱同埋好脆，而且就算食到最尾有d凍左都好，舊雞都唔會話林啤啤，而且舊炸雞都尚算鮮嫩多汁，唔會話炸到乾晒，至於個栗子飯，就令我略感失望，栗子只有面頭2個半粒，夾埋都只係一粒栗子，下面既飯同栗子完全冇關係，只係白飯，而栗子偏乾，好彩有個鰹魚湯，令到成個餐冇咁乾！隨餐附送既小菜，入面有蒟蒻粒、紅蘿蔔、秋葵......既蔬菜，味道甜甜地，好開胃！鰹魚湯就偏鹹，但因為飯、雞都唔算鹹，所以配合一齊既時候都唔錯！跟餐跟左杯錫蘭紅茶，飲完之後，個職員好好咁

之前同朋黎晚上黎過食甜品, 一試難忘今次一個人平日黎到食lunch食客唔多, 6, 7 檯客, 靜靜地, 食得舒服!疫症期間, 每檯都有一支消毒噴霧, 好細心👍🏻lunch 有套餐, 套餐包沙律, 主食, 錫蘭紅茶, 小卷蛋叫左一個咖哩吉列豬扒蛋包飯沙律味道正常, 紅茶夠熱, 茶包夠香,但正值中午時份, 室外陽光猛烈, 陽光由窗透入, 餐廳氣溫都幾高幾熱! 飲熱茶真係太挑戰!咖哩係日式甜咖哩, 而蛋有忌廉味, 好香好滑!豬扒都唔錯, 唔會唔熟同咬唔開, 又夠晒厚👍🏻食飽叫waiter 上甜品, 卷蛋set 定左綠茶味, 我問佢有無得轉, 佢話轉俾我, 仲問我想要咩味, 最後轉左芝麻味,忌廉好多好凍, 蛋卷又軟身👍🏻👍🏻正呀!埋單140蚊, 推介👍🏻😀

原本與好友因有事情要處理，打算在附近吃飯，於是選擇了這間日式餐廳。.我們點了一個日式定食及一份甜品pancake，日式定食很快便上菜了，我們事前知道pancake 需要即叫即做，需時約二十分鐘左右。當我們吃完定食後，已經過了大半小時以上，甜品仍未製作好。😑.最後，差不多一小時後，職員才告知原來剛才師傅看不見張單，要現在才開始製作，我們選擇取消不等了。😤整個過程都很無奈，因為每張檯上都有按鈕，讓你按下通知職員，但發覺是沒有用的，要多次舉手示意才有職員理會。🤷🏻‍♀️.「迷你三彩丼定食」$168小碗鰻魚飯、小碗吞拿魚碎魚生飯、小碗海藻烏冬，附送沙律、小抹茶卷及錫蘭紅茶。🍽：這款定食很適合有選擇困難症的朋友，當中有三款食物，份量不多，一次過可滿足三個願望。味道最好的是鰻魚飯，厚肉及有充足的照燒汁，而海藻烏冬很普通，味道清淡。.如果不是服務差，其實環境都頗適合與朋友聚會聊天的。

係星期六既下午 大部分既餐廳都排晒隊 好多間都要等好耐 之前行過The One見到呢兩層都好多野食 好多間都好吸引 好想試下 咁岩見到呢間冇乜人等位 應該等一陣就有位 同埋見佢係食日本野幾正咁 咁就諗住試下 不過價錢都唔平 都算係中上價等左5至10分鐘左右就有位 環境都唔錯 坐得幾舒服 大部分都係一個個Set咁 有前菜 主菜 再有野飲同甜品 都係丼飯 烏冬個啲 仲有蛋包飯同埋其他甜品 有窩夫 梳乎厘同拿破侖我同朋友每人叫左一個set 一個係醬油烏冬另一個係味噌烏冬 等左15分鐘左右 野食就到 佢隻烏冬唔係普通白色粗粗地個隻 係好似啡色蕎麥麵咁 扁身既 食落都幾好味 口感唔錯 湯底好濃 好夠味 仲有兩塊豬肉都好好味 不過麵既份量算係細既 女仔食應該岩岩好夠飽 另外個餐仲包埋杯熱既紅茶 係普通茶包黎 冇乜特別 就係一杯茶咁 最後仲跟埋甜品 係卷蛋 有三隻味揀 有香草 抹菜同黑芝麻 我同朋友都揀左香草 都覺得幾好味 兩個人一人一個set 加埋一埋單$218蚊 價錢都算ok 味道唔錯

對上一次食已是2年前，由於疫情關係，要先量體溫才可進入，一入門口，多左部大大空氣清新機，時間尚早，只有1枱人客，可以在安全距離下堂食。我點左海鮮意粉set ，個set有沙律+意粉+甜品+餐茶。海藻意粉，較普通意粉好食，可能用橄欖油炒過，好香，配2隻蝦和1隻帶子，海鮮冇雪味，吾錯。甜品我揀綠茶瑞士卷，綠茶cream夠茶味又夠滑，仲要係大大件😍想吾肥都幾難🤣🤣朋友點左冷麵set，個set有沙律+冷麵+甜品+餐茶，賣相幾靚，用冰座住d麵，keep 住凍，睇見都涼快，不過件瑞士卷就細左d。整體都算ok。

抗疫期間居然無每張抬1.5米距離。張sofa 破了貼上膠紙但膠紙邊已披，黏住我的牛仔褲。冷氣大得很，已麻煩侍應幫忙關掉，竟然無關掉還要騙我們已關，個風吹到茶都冷了。雖然食物質數不是太差，但湯麵一放低就倒掉些在盤上，侍應還理所當然的模樣。。。10年前光顧佐敦的宏，雖然只有甜品，但服務非常好。現在的宏真令人失望。

讚1. 夥計好快手2. 芝麻卷蛋好味，蛋糕鬆軟，芝麻味濃，忌廉好滑溜彈1. 環境係鬆動，但啲檯櫈係有少少殘破2. 碗麵係伏，叫左麵豉湯，零麵豉味，麵既質感似蕎麥麵，叉燒實在係鞋得過份

今日係限聚令放寬既第一日,於是同fd 一齊去左尖沙咀the one 搵野食。 可能係星期五同疫情冇咁嚴重關係,多左好多人食飯,我地於是搵左間相對冇咁多人排隊既餐廳食。我叫左一個炸豬排餐,包豬排飯同海藻烏冬,一杯紅茶同一個迷你蛋卷, 豬排炸得好鬆軟同厚身,紅茶採用斯里蘭卡紅茶,所以相當回甘。之後最出色係抹茶蛋卷,茶味清香,同好濃郁,但可惜有d細。