宏 (Moved) New Location

係尖沙咀要搵間性價比高又唔洗點等位的餐廳,非宏莫屬!由於朋友已經好肚餓,所以叫左一大碟飯,而我就係佢個餐到加20蚊,食到我想食ge抹茶卷蛋!咖喱吉列豬扒滑蛋飯蛋有香味同滑溜,比我期望中好!咖哩正常發揮,小甜,係日式咖哩獨有的味道!豬扒有咬口但偏硬身至於個抹茶卷蛋,抹茶味濃,甘香,蛋糕質地綿綿,濕潤唔乾身,cream輕身唔膩,唔覺意就一個人食晒成個!!!仲有茶的餘香係口腔入面逗留!係落雨的天氣,算係一件賞心樂事!

這間是我同老公的第一次單獨約會餐廳，今日又黎回味下有2人餐及單點，老公想食咖哩，所以選了單點我的是牛肉壽喜燒牛肉顏色好靚好新鮮，份量唔少，肉質不錯牛味都香；還有好多配料：冬菇、椰菜、紅蘿蔔等，有菜有肉，豐富又有營養白飯及生雞蛋，雞蛋放入了鍋中變為蛋花，白飯拌了湯汁一齊食好正呀老公點的咖喱炸雞飯都幾大碟，熱熱的唔錯，炸雞的賣相幾靚日本咖喱這邊不會太甜，味道唔錯，老公全清雞肉口味幾好，唔乾身又嫩滑還有蔬菜沙律，老公食了少少奉送熱茶，消解油膩我們每個餐加了$食日本蛋捲（芝麻味）我的最愛，好香濃又唔會好甜，正呀（抹茶味）老公的，佢都愛的個口味，唔太甜又香茶味

行街行到差唔多7點，唔知食咩，就去咗the one頂頂嘅樓層搵食，就嚟到呢間餐廳...門口放左好多蛋卷同蛋糕，好吸引。order左個壽喜燒，好過癮，有個爐燒燒下，d肉唔錯，覺得$128（未計加一），好抵食！之後叫左個甜品同蛋卷。蛋卷重綠茶味，好邪惡。甜品個餅餅好普通，聽老公講，佢以前嚟食係大一倍，而家縮左水！雪糕同麻糬我就覺得好好味，食完就有層奶油...覺得好膩...唔好味，然後就啫喱同脆脆，整體嚟講，我麻麻地呢個甜品。btw等我幫侍應平反下，我由入餐廳到離開果刻，service我地嘅侍應都好殷勤，又好主動幫我地斟水，又笑容好足（帶口罩都見到佢地笑眼），又體貼（幫我放好個煲，驚我燙傷）；可能咁啱我遇著個好嘅女侍應，不過佢真係令我難忘嘅，要多謝佢！

黎the one 行到好攰，又有排未到dinner 時間，於是入黎食下甜品。環境坐得舒服，又有落地玻璃可以睇下景抹茶窩夫 $78窩夫做得唔錯，外脆內軟，仲有成三塊。可惜抹茶雪糕既抹茶味唔係好出。旁邊仲有粟子蓉托起個抹茶曲奇。曲奇好甜，加埋一齊甜到漏呢～黑芝麻蛋卷 咖啡套餐 $74 蛋卷既黑色蛋糕部分基本係同普通海綿蛋糕無咩分別，不過內裡既cream 就散發幾香既黑芝麻味不過有點不解加一服務費唔知用左係邊度，先岩岩食完就收碟，埋單又要顧客自己出去埋😳所有甜品都大致還原到餐牌既模樣～

係The One經過呢間餐廳，俾門口嘅甜品櫃深深吸引住咗，所以就試下你啦 😆🥢 日本野菜天婦羅冷海藻烏冬食物黎到首先將配料(wasabi、蔥) 倒入冷麵汁攪均，之後夾一小撮冷烏冬，浸落冷麵汁再食。烏冬口感彈牙，配上冷麵汁唔會好咸，仲有wasabi同蔥既香味，味道同口感都唔錯。而最驚喜既係野菜天婦羅，由蔬菜絲炸成，口感好香脆，入面有好甜既蕃薯條，又唔會炸到好乾，非常之唔錯。🍴 京都宇治抺茶軟雪糕芭菲雪糕上台時已經開始想溶，所以要儘快食。雪糕有香濃既抹茶味，配上絕配既紅豆，令味道更豐富。

平時好少去尖沙咀食野，因為朋友係附近返工，方便佢就㨂左呢個商場覓食！女仔都係特別愛食日本菜，平日晚上人流比較少，坐得特別舒適，唔洗等位，亦唔洗坐得逼，同朋友坐底傾計都傾得暢順主菜其實都係麵類或飯類，無乜特別..相反d甜品就好吸引..我地就揀左個包埋甜品既套餐，價錢都係$120左右，尚算抵食😆不過我就覺得個意粉麻麻好吃，但有兩隻蝦同粒帆立貝補返數🙈🙈最驚喜果然係個抺茶蛋卷，吃到抹茶味，個奶油係淡忌廉，吃落口唔甜，可以吃多幾舊😋

食べて良い😋今日收到朋友送嘅紅絲絨麻糬卷蛋，睇落去唔算好特別，但食落有驚喜🤩🍰紅絲絨麻薯蛋糕 ($150 預訂價)外層嘅紅絲絨蛋糕鬆軟，中間加上煙韌嘅麻薯，口感豐富😋最正係白色嘅Rum酒忌廉芝士，結實挺身嘅忌廉，味道豐厚，香滑之如又唔會甜，食唔停口！最估唔到係裏面有麻薯，令口感豐富，好鍾意嗰種煙煙韌韌嘅感覺，最後同屋企人share，唔使5分鐘就已經消滅左成個蛋糕😂下次要試埋其他口味先！期待！

以前有帶媽媽來過這間位於尖沙咀的日式餐廳吃過，這裡的其中一樣甜品讓她念念不忘，最近又突然提起，剛好我出門又會經過就去外賣回家囉本來是打算買一整條的，但星期六下午去到說已經賣光，只有散件。抹茶卷蛋 ($30/件) - 暫時是在香港吃過最喜歡的。主要是因為整體的抹茶味道十分濃郁，再加上鬆軟的蛋糕和香滑的忌廉，吃一件也不會覺得膩。不過事隔一段時間沒買～這次買的跟以前吃過的比較，明顯蛋糕沒以前那麼濕潤和抹茶的回甘味也少了呢印象中價錢倒是好像差不多!?

喺尖沙咀好多餐廳都好好食, 但係要有一間坐得舒服有境質素唔差, 呢間餐廳 都係我個list裏面, 之前睇過有人話服務唔好, 我相信佢哋已經改善緊, 今次我去到仲由廚師親自招呼，其他嘅 waitress 就真係粗魯咗啲, 只係斟杯暖水，杯水都會嘭一聲放落檯, 仲成個杯出面都係水濕立立 ， （的確需要再培訓 ）， 尤其是作為一間日式餐廳絕不能影響日本人的景象啊！！！！不過食物質素ok.

今天中午行過the one，就入去搵下有咩食啦，行到5樓，見到呢間餐廳人小小唔使等位，於是便入去啦。叫左個lunch，套餐包咖啡/錫蘭紅茶，當時我只係問了一句茶係咪熱的，職員很無禮貌說‘茶梗係熱架啦！‘然後走左去。當時我也呆了來不切反應！茶係有凍有熱，我只係問一句但換來無禮貌對待？我記得個位職員係一個身穿黑色衫，無帶眼鏡，黑頭髮紮馬尾的肥姨姨！請餐廳更進一下！只係這位肥姨姨態度欠佳，其他穿藍色裇衫製服的職員係良好的。

一位戴眼鏡、allback長頭髮扎馬尾嘅員工服務態度好差，一開始向店員清楚表明要買馬卡龍並告知想買嘅款式口味，而且我嘅態度好好，每次都有先講唔該，重覆咗3次，店員一臉不滿咁答覆一句：聽唔到啊，我俾個夾你入黎自己夾好冇啊，大聲啲啦，然後將裝馬卡龍嘅袋掉係枱上。最後收錢嘅時候態度差，將收據直接掉係枱面。已經食過呢間店馬卡龍好多次，前幾次服態都好好，但今次遇到嘅服務態度確實係不能接受，希望呢位員工注意下自己態度

有時經開尖沙咀想靜靜地一個嘅時候就會黎幫襯「宏」～位置係the one 5樓，唔多人比較清靜～坐得比較舒服，適合坐低食件蛋糕寫作一下～今次就食左lunch set 「冷海藻烏冬」超多冰舖底，包食到尾都一定keep到凍～至於個海藻烏冬非常彈牙，有麵味～麵汁都夠味👍🏻👍🏻另外set lunch會有小卷蛋蛋糕一件～是次係佢地皇牌綠茶口味～認真佢地嘅卷蛋keep到水準，次次食都覺得好食～料足，忌廉夠厚實，卷蛋鬆軟，綠茶味又香～就算唔坐底食，都值得上黎外賣卷蛋～

I love the environment here! A very nice place for afternoon tea, chit chating and taking photos 🤣The desserts in here were quite nice. Most of them were not too sweet for me. I love the variety of egg rolls including matcha and coffee flavours! Ice cream waffles were also yummy!

好耐之前食過抹茶味已經好正，最近出咗焙茶味梗係要試!! 首先$180 6吋勁抵，個樣仲要靚。因為個蛋糕都高身，4-5個人一定夠食，當日我打電話即日都訂到，只係留電話唔使比錢住都ok😳 不過店員提醒8吋$360要早一日訂。其實入面好簡單，一切開入面得蛋糕。但係個蛋糕係做到濕潤有彈性仲有陣陣茶味😍 而且明明出面啲cream係白色但都有焙茶味!! 整體簡單但真係好滿足到鐘意茶味既我😍下次會想試埋其他蛋糕🤤

喺尖沙咀食糖水有好多選擇，今次揀左宏😌 最初揀佢係因為見店外嘅蛋糕櫃都幾吸引，望落CP值仲幾高！$15就可以食到個小忌廉蛋卷😍 但入到店又比變心了🙈🙈🍵 抹茶甜品set ($160)抹茶雪糕拿破崙：雪糕茶味濃，微甜，拿破崙質感有d似蝴蝶酥，脆中帶點牛油香抹茶Macaron：唔會好甜，但抹茶味唔突出抹茶蛋卷：抹茶忌廉厚實，有回甘，配上軟熟蛋糕感覺輕盈唔膩😋😋 好食👍🏼北海道3.7牛乳布甸：牛乳味重，唔會被密紅豆遮蓋京都宇治抹茶奶配丸子：食完甜品飲返杯抹茶奶，偏甜，飲唔出奶香，反而似抹茶糖水😂 但內有3大粒丸子，夠煙靭有口感，不錯😆以尖沙咀黎講，宏嘅格值算係實惠，品質都算對得住日本蛋糕專門店嘅稱呼🤣 不過唔算坐得舒服😅 雖然地方大，但同時都放置好多張枱，枱與枱距離都好近，而且設有時限！