香港18餐廳 (Closed)

我來過好多次了。通常一個人食飯就會來。夜晚人好少！味道有點驚喜架！我又中意呢度的例湯，夠濃。有時係霸王花湯，有大大朵，啲鹽落手都好重。談翻小菜，個人推薦蒸鯇魚。咪睇呢度無乜人食，但啲魚好新鮮的，好厚身，我食一碗飯唔夠添！另外就是鮮魷西蘭花，有鍋氣架！68蚊，有一個小菜，一碗飯，一碗湯，一杯飲品，無加一！味道又好味！

在尖沙咀既香港18，門面唔太搶眼，可能個紅色太瘀色，完成唔夠隔離源記咁多閃燈搶...有點陰暗的樓梯，落到去係好多位，望清楚先見到有客人嘅！我們才夠膽行入去坐,老實講D食物就麻麻地

是日晚上想去LC專門店用返之前在MEGA SALE得到的回贈現金券，加上電話APPS STORELLET內的優惠券到期，所以跟好友在唔好浪費的情況下到尖沙咀的分店食小菜晚餐~~~ 青紅蘿蔔湯感覺OK~~~優惠券送的豬趴包夠鬆軟，好好食~~~班腩仔肥肉比較多，翠玉瓜不錯~~~呢個雞煲幾好食，最重要係小菜熱上~~~而我就帶咗環保餐盒，將一碗飯、翠玉瓜和雞打包第二日返工時=]平均每人六十幾蚊都算不錯，我又乘機儲會只分，有機會可以再光顧~~~

今日剪完頭髮肚餓 落左來食tea 一入到餐廳 無人招呼 直到我同侍應講一位 佢好冷淡同我講自己坐我坐到去 睇下午茶menu 等左一陣 先有人來落單叫左個下午茶餐 包熱飲有奶油脆豬 略嫌不夠熱 都幾脆口仲有個肉丁公仔麵 都幾熱 味道不過不失埋單$29 但服務態度就麻麻了 不會再來!!!

做完野一條友食晏，就順道去左公司附近的香港18食個飯今日午餐竟然有我最愛的肉餅唔駛諗，即叫！肉餅唔會太咸，肉質好夠腍雖然無咸魚，變左咸蛋。。。不過錯有錯著。。。咸蛋又幾香喎！份量都好大碟例湯就差左d。。。勁油！

叫扒餐等左40分鐘 問個侍應有冇留單佢話 有兩張大台好多客 要等架拉但當時成個場full一半都冇 都算 開頭問西冷牛扒係未有半成熟 佢答有點知黎到 塊扒熟到冇得再熟 以後都唔會再黎

也有遺憾金巴利道香港18的餐不貴多款式，杯茶也可以最差是梯級！真正嘆人間美中不足今方信。47套餐羅宋湯真好 腸仔朱排飯什菜夠數不過不失牛仔排湯通后者是涼瓜排骨 做得好好焗飯賣相一流但將貨就價配料用火腿雞絲汁佳美 肉粗糙部分茶 常餐都送這奄列用上蘑菇一讚清楚結算電腦化最大限制洗手間設在奇怪後梯行行重行行，行了再轉~~十分不討好18走大眾化路線貨真價實可惜入口大量梯級去洗手更加煩下次不會去--------其洗手間了！

本身想去食果間冇開到😭唯有係附近隨便搵間野食下見到呢間打著香港茶餐廳嘅名號～ 就入去拜訪下啦入到去d店員見到你當見唔到唔會指引你去座位重點係果時冇咩人客唔係忙-.-ok fine~我地自己搵位坐 實在唔想久留 隨便叫個常餐食算食物選擇算多 價錢普通先黎嘅係餐飲 凍朱古力 普普通通只係叫左少冰都一樣咁多冰😑 牛油多士凍的不過勝在牛油多忌廉炒蛋夠滑～再黎就係主菜雞排烏冬 雞排好香滑 不過烏冬個湯好淡 冇咩味咁服務認真要改善吓 叫餐叫左好耐先有人應明明係見到都當見唔到完全體驗被無視嘅感覺應該唔會再食

近排天氣冷冰冰，剛剛路經尖沙咀，e有間新茶記。試一試先先黎個香脆奶油豬仔包，諗住有排等，估唔到好快就到，又脆又熱又好味。可能好肚餓，所以覺得好好味。再叫多個蓮藕煎肉餅小食，蝦醬豆卜火腩，杞子浸菜芯，+個例燙(合掌瓜)，諗住一個人just good enough.點知碟碟勁大碟，藕餅好好味，食到蝦醬豆卜火腩，咸到呢 !!!!!食多兩啖飯都xxx值得一讚杞子浸菜芯 -- 好特別，又清甜仲有個老火燙，好似媽媽燙作戰到最後，都係大碟到食唔晒!!!!打包返屋企今晚盛為$170，尖沙咀晚餐，抵!! 抵到爛 !!!

我在 佢地香港18 在深水埗分店食佐過 下午茶餐 炒飯, 最後我食左2啖 起身就走， 我投訴比經理d飯有臭油益味，又勁多油，又完全唔熱，勁差， 不過經理有講話換第二樣野俾我， 我沒有接受就轉去另一間餐廳吃過吧了

參觀完尖東的3D館後有點餓，走著走著，到達金巴利道，看見這裡連著三間港式茶記，比較完價錢後，我們決定選夾在中間較便宜的香港18！香港18的門面不太吸引，但落樓梯後發覺原來餐廳的面積很大，當天食客不多，我們倆選了較隱蔽的四人卡位坐，意外地舒適。對比旁邊兩間茶記，這裡的下午茶餐便宜得多。我點了一客果占厚多士（＄１９）。都怪我沒有看清楚餐牌，原想點一客果占多，而非厚多士，但送到時才發現是份量十足的果占厚多士。以前很喜歡到茶記吃果占多或奶油多，較喜歡那種正常厚度、烘得恰到好處的多士，而這裡的厚多士十分厚實，上面塗滿金黃的果醬，已斜切成兩件。果醬味道酸甜，但略嫌厚多士烘得不夠鬆脆。baka則點了一份常餐：牛油厚多士、忌廉炒滑蛋、沙嗲牛肉通粉（＄４２），及加了半個香脆奶油豬仔包（＄６）。炒滑蛋質地幼滑，蛋汁多，而沙嗲牛肉通粉加入了雜豆，豐富味道。加配的奶油豬塗滿牛油和煉奶，香脆，如果焗久一點應更佳。飲品方面選了熱奶茶及凍奶茶，還是喜歡熱奶茶那偏重茶的味道！整體來說不過不失，正常茶記水準，但環境比預期舒適，是當天小驚喜。

從冰室走進茶餐廳，從麵包走進乜都有得吃的茶記，見證了香港地道飯食文化，甚至不少外國遊客慕名而來，證明了港式茶記的吸引力。尖沙嘴裡的茶記，不少由連鎖茶餐廳進駐，對於個體戶的茶餐廳，實在賣少見少了。香港18茶餐廳是最近發現的，也曾經在去年的十一月入內吃過午餐，可惜的是沒有把食物拍照，因而錯過了為它寫下文章。從樓梯走下去，就發現幾大的空間，地方也頗整潔的，而且也貼滿了一些熟識的街景照片，特別有一種的親切感。一如既往，食物款式多，當中從餐牌中也有馬來咖哩，這是或許少見的，但是這不是在下的目標。一直以來都會點一些有湯有飯有飲品的套餐。其實午餐只供應到二時，到達後已經過了時段，幸好侍者說是到二時半才沒有呢！點來羅宋湯其中一個原因，是因為貪其有多蔬菜，彌補碟頭飯的蔬菜的不足，其酸甜度足夠，但亦有辛辣味道，雖然如此，但卻又未至於嗆喉那麼嚴重。洋蒽蟹爪棒豬扒飯有點特別，甚麼是蟹爪呢？就是日式蟹柳了，味道就是如蟹柳般的味道，豬扒卻有點硬，不過不太嚴重，反而芡汁方面則有點濃稠，近乎黑色，是極少見到的。凍奶茶卻多了淡奶，奶味極重，影響了茶原本的味道，只是散發出微微的茶味，雖然順滑，但卻欠了茶味，始終有點遺憾，

就在美麗華高場隔離的舊大廈, 想當年讀書時候, 常常到樓上的志源日本書店, 轉眼已經十數載, 現有三間茶餐廳連在一線, 第一間名為”輕鬆一下”, 之前已經去過, 真真絕不太輕鬆, 食得唔太自在, 另一間是”源記”, 聲名了得, 多年前曾被發現其中一分店有兩份唔同價錢既餐牌招呼旅客, 而今天去的就是這間開了不太耐的HK18, 在OPENRICE搜索一下, 沒有分店, 只有此間, 但依據店內觀察, 其運作的老練程度, 直覺告訴我, 這極大可能是連鎖式公司開設的不同店名既分店.下午茶由兩點開始, 我們2:10分坐下, 仍未有牌, 問一問, 得到不友善回答: “派緊囉!!!” 嘩..問吓唶... 唔使咁惡呀?! 自問都問得十分客氣. 跟隨我們落單, 繼續以不友善的態度招呼, 十足係十年前去”澳洲茶餐廳”一樣(現在已經完全不同了, 唔好以為生意好咗, 服務水準相應下降, 相比十年前, “澳洲茶餐廳”的趕客態度, 現在"澳洲員工"反而友善了很多, 可能係發了財立品), 向其落單講要炒飯和炒意粉, 店員係完全無反應, 我唔知你係未聽到麻, 於是等了兩、三秒, 誰知反被她寸: “講啦! 飲咩呀??!”

靜靜的在嘆早餐, 第一次光顧這店, 感覺良好一份早餐的炒蛋很重要, 這裡的不錯, 半生熟, 夠滑漏, 出奇地加上洋蔥汁珍寶腸, 很新穎的配撘, 再加一個牛油餐包, 微暖, 內裡有牛油沙嗲牛肉通, 不少片牛肉, 味道像一般茶餐廰般, 未能突出, 不過通粉很大碗, 令人吃得很飽的喔!

19.2.2013陪了友人去揀婚紗和晚裝之後, 我們一行三人就去了這間新開的茶餐廳吃晚飯. 時為晚上九時, 茶餐廳內食客不多. 這裡餐牌上的選擇甚多, 價格中等, 精選晚餐就附送例湯. 於是我們三人就吃了兩個晚餐, 散叫一個煲及兩碗白飯.例湯是中湯, 是晚是豬骨湯. 味道有很濃的豬肉味, 也十分油膩, 不過就應該沒有落味精的. 其中一個晚餐是腰果西芹雞柳 ($65). 各種材料的份量也很多. 西芹爽口, 味道清新. 腰果香脆, 但比較油膩. 雞柳切成條狀, 味道不咸的, 但帶點雪藏味. 另一道晚餐是鮮茄炒滑蛋 ($58). 蕃茄, 滑蛋和洋蔥都浸淫在蕃茄汁之中, 如果是喜歡吃蕃茄滑蛋的人一定愛死它. 這個多到似湯的蕃茄汁份量甚多, 甜酸度適中, 亦帶有蛋香味, 送飯一流. 蕃茄切到大大件的, 味道也不酸, 令人十分開胃. 滑蛋的份量也不少的, 蛋味香, 但卻不夠滑溜了. 而散叫的香港18一品煲 ($68) 裡面有冬菇, 燒肉, 魚塊, 魷魚片, 西蘭花等, 陣容鼎盛, 勝在材料豐富, 味道也不太咸. 魷魚片爽口彈牙, 燒肉也夠淋, 魚塊啖啖肉沒有骨, 可是西蘭花卻很硬, 比較難咬開.