HMV Dog (Closed)

之前已經聽過朋友話好抵，今次去到銅鑼灣當然要試啦，$12熱狗一個仲可以任落野添， 大約等左5分鐘就黎到啦，但心目中細喎（大約手掌咁大），而出面有4種配料同4種醬汁選擇，可以任落醬勁開心……熱狗腸有辣肉腸同蜜糖腸選擇，我選擇左辣味（但食左吾覺辣，但份量大條味道吾錯），面包冇整過所以冇味同凍，每款都加左少少，整體味道一般正常，份量吾叫好大舊但以這價錢已十分抵食。而且啤酒都好平喎，$15就有一杯，下次黎果陣再黎試下先！～

我的筆名是 Dog Gor , 除了喜歡狗狗之外 , 任何有個 " 狗 " 字的東西 , 或多或少都有興趣 .... Hot Dog , 我當然不會錯過 ~某日 , 到 銅鑼灣 HMV 買 CD , 見店內有 Hot Dog 賣 , 就一枝箭的衝去買來吃 ....Menu ~ Hot Dog $ 5 : 熱狗包烘得夠熱 , 質感鬆軟 ; 條熱狗腸的皮亦是脆卜卜 , 在自助醬料區加上適量的茄汁、mustard & pickles, 味道簡單得來卻是極級美味 ~ 這個簡單又美味的 Hot Dog, 只賣 $ 5 , 以現時的物價來說 , 真是便宜到一個點 , 但實際上而言 Hot Dog 應該就是這個價 ~ 本篇完 ~

前排睇到網上介紹HMV 有$12任加料熱狗，當然要黎試試😍😍😍有$5 同$12兩種熱狗選擇兩者最大的分別就係可加的配料吾同，$5熱狗只可以加醬無料加 ，就係以下4種： 既然都咁平，當然試下$12的加拿大熱狗啦，有兩款腸揀：芝士腸同辣肉腸其實味道差不多，辣肉腸較好食麵包有先烤熱，但只係嘉頓麵包，無咩特別啦 加拿大熱狗除左有4種醬加，仲有4種配料任加！必加之選是肉醬同粟米！😋👍🏻真係可以加到爆哂架！✌🏻😆 買完仲可以係旁邊一路聽音樂一路坐係高枱同高椅到慢慢嘆！😌🤤係銅鑼灣行街行到攰，買個黎當tea 過下口癮都幾正架，當然糧尾買2個當一餐都好抵啦！ 以$12呢個價錢，味道絕對係對得住呢個價既，以CP值取勝！✌🏻😋

見網上講HMV內有平熱狗食，加上今日又過開海。所以黎試一試。舖內有2個唔同價錢既熱狗，$5普通款及另一款$12加拿大熱狗可選擇辣肉腸或芝士腸。今日我試下食芝士腸$12果隻，因為$12果款熱狗先可以加肉醬、洋蔥、粟米及紅黃波椒，所以勁抵。熱狗包焗得幾脆口，不錯。但我太貪心落得太多肉醬同粟米，好快腸、肉醬及包分體晒，好不容易地先食晒。如果$5熱狗只可選擇酸瓜醬、芥末醬、蕃茄醬及千島醬。今次食後感不錯，如果個價KEEP到一段時間唔加，黎開銅鑼灣又可以多個選擇，唔洗只食宜家熱狗。

係網上都見到一段時間，今日終於走咗去食佢每日晚上8點半會截人龍，要食就早啲去啦，上次中過伏今日一點幾上到去無咩人排隊，佢有分五蚊一隻無得選擇腸仔口味同埋就咁用一張牛油紙包住同埋另一隻12蚊有辣味同唔辣啲腸仔口味，會有個盒，除此之外仲有六種唔同嘅配料俾你任加有粟米，肉醬，酸瓜，紅椒醬，千島醬同洋蔥，加到睇唔到個包整體嚟講唔錯，係個包有啲乾乾地，同埋上面得啤酒賣無其他飲品，要飲嘢就要買定上去或者食完去買嘢飲啦

大家喜歡音樂嗎？車媽媽最愛一人時帶著耳機聽著心愛的曲目(當然是皇上的妙曲吧！)喜歡聽著他那令人毛管躍動的歌聲，沉醉於曲詞中的世界亦可令我暫卻忘憂！ 這天相約麵包超人及Candy同到HMV Kafé晚餐，飯前被近期火紅的HMV Dog ＄5熱狗吸引著，忍不住買了一隻來一探虛實！ 除了超抵的五蚊雞熱狗外還有另一款Canadian Hot Dog＄12，和超抵飲的Asahi生啤講緊一Pint都係＄30／Half Pint＄15，唔係講笑來這兒Happy Hour真係抵過酒吧好多囉haha~ 好喇睇睇隻熱狗究竟有幾抵食先！流程十分之快比完錢後即時遞到您手上，所以你唔好諗住隻熱狗會熱辣辣呀！ Hot Dog在左右兩邊分別放了普通及加拿大熱狗的醬料配料，收銀處左手邊會擺放蕃茄醬，芥辣醬，千島醬以及酸瓜醬給客人無限添上熱狗中，開心C我因為我最鍾意就係食酸瓜醬㗎！ 而右手面就係另一款加拿大熱狗的配料，這兒包括有以上四款醬汁外還另外有洋蔥，肉醬，粟米及紅黃波椒，同樣是無限添加都真係好鬼爽㗎！ 講返呢隻五蚊熱狗其實包身面層都幾脆口，但包底有少少水氣所以有點淋淋的，熱狗腸唔會將價就貨大大條脆皮到不得了，

熱狗最正嘅地方 就係將普通嘅材料擺埋一齊 都可以食得好開心😝 hmv竟然$5賣一隻可以任加料嘅熱狗 貴啲嘅都只係$12 唔介意每日都「捱麵包🌭」😙----------加拿大熱狗 CanadianHotdog $12熱狗用左芝麻包 香腸有分辣嘅辣肉腸 或者唔辣嘅芝士腸 味道濃啲 外層都脆😌 而熱狗醬有茄醬 芥末 千島醬 😋 仲可以無限任加4款toppings 包括洋蔥 肉醬 粟米 紅黃波椒 簡簡單單又一餐☺️ btw辣肉腸都幾辣😂-港🐷去到嘅時候已經冇曬$5熱狗😵又係勁唔好彩冇肉醬🙃 其實加料嘅時候好唔方便 多人嘅時候就急 一急就倒得多又唔勻 冇時間慢慢擺靚啲 一路食一路跌😅 但整體性價比都係超高嘅😂 仲平過IKEA🤗-另外仲有Asahi 細杯$15 大杯$30🍻