Video
6-min walk from Exit B2, Wan Chai MTR Station
continue reading
Opening Hours
Mon - Sun
09:30 - 22:00
Above information is for reference only. Please check details with the restaurant.
滋心(中伏客)好食懶打, 所以近年沒有食評。這一次, 實在不能不打, 原因只有一個: 「好野係要同人分享嘅。」經過嘗試, 再嘗試, 翻兜, (到現在)打躉, 滋心認為有需要讓更多人認識"好串"。論餐廳可以好簡單 - 一為食物, 二為服務。如果評分以 10分為滿, 作為港式串燒小店嘅"好串" 平均分會係長期9.x。誇張? 一點也不誇張。每次一到, 滋心與另一半拿起點餐紙, 例叫"貴妃蚌", "羊架", "雞腎", "蔬菜", "金菇" "蒜蓉包"; 間中亦會叫"和牛漢堡扒", "肉醬意粉", "燒燒賣"。以上食物本來並不特別, 但"好串"食材新鮮, 加上烹調者的技術和用心, 往往令人有加單嘅衝動。(想看到細緻的味道描述嘛 ...滋心才不會說「羊有羊味, 肉汁好豐富」、「蒜蓉包外脆內軟」那些話)"和牛漢堡扒"可以算係"好串"嘅皇牌。之所以"間中"叫, 係因為"和牛漢堡扒"太好賣, 售罄機會居多。塊漢堡扒本身就有質素, 加上烹調者配以焦糖化嘅紅洋蔥, 令味道更豐富。還記得有一次跟烹調者的對話, 烹調者強調要讓客人食到原汁原味的好味道。佢哋講得出做得到。烹調者其實係兩公婆。呢兩公婆, 一鬼佬配一華矞女子。(滋心認為)鬼佬同碧咸有幾分相似, 女子正過Victoria。更重要嘅係, 鬼佬燒肉類, 女子燒海鮮、蔬菜特別出色。 兩公婆同樣對食有份執著, 對客人至上從無妥協。兩公婆好客、貼心、好傾、好玩, 滋心評"好串"嘅服務質素為上佳。覺得意見偏頗嘛? 且看看貼滿小店牆上的客人照片 - 無一不笑, 無不滿足, 就連滋心出名黑口黑面, 都有笑容照貼於牆上。或者, 滋心鍾意"好串"兩公婆嘅食物、服務, 更鍾意佢哋嘅「人味」。
continue reading