Read full review
2014-12-28
244 views
26號晚同太太喺旺角行完街,經過呢間茶餐廳,見好多人幫趁,又想食煲仔飯,就入去幫趁,雖然門口有個呀伯大大聲話唔好食唔收錢,但呢d嘢搵鬼信咩,但求有一定水準就收貨啦!先唔講環境差、地方迫、服務差,呢d係香港茶餐廳特色(但其實我真係希望業界改善下,話晒茶餐廳係香港特色,點解唔做好d?)我哋點左鹽焗雞飯、咸魚肉片煲仔飯,先講鹽焗雞飯,雞冇雞味,飯又一pat pat,都算喇!最精彩係個煲仔飯,d肉片居然唔熟,初時以為嗰舊太大舊,再試另一舊細d嘅都係唔熟,就同個伙計講,佢竟然話我食左一半,所以只肯幫我再煲熟d,其實我哋只係用碗仔分嚟食,只係食左兩啖,真係即時火都嚟,好,又忍你!如果返煲ok就算!點知...返煲後嘅結果,大家睇相都見到,成煲飯只有大約一半可以食得!最好笑係個伙計,見我影相就走埋嚟,話返煲係老闆意思,仲話送杯飲品比我,真係多謝晒!我當然唔會接受,費事佢話我老屈佢,況且,大佬呀,我係食唔飽,比杯飲品我做乜义嘢啫?最終谷住一肚氣埋單走人,返屋企食杯麵好過!都係嗰句,做生意可唔可以用心做好d,有個朋友講得好有道理,既然攞左成本出嚟買材料,點解唔用心做?成本又會唔多左,但人客食得開心,生意自
先唔講環境差、地方迫、服務差,呢d係香港茶餐廳特色(但其實我真係希望業界改善下,話晒茶餐廳係香港特色,點解唔做好d?)我哋點左鹽焗雞飯、咸魚肉片煲仔飯,先講鹽焗雞飯,雞冇雞味,飯又一pat pat,都算喇!最精彩係個煲仔飯,d肉片居然唔熟,初時以為嗰舊太大舊,再試另一舊細d嘅都係唔熟,就同個伙計講,佢竟然話我食左一半,所以只肯幫我再煲熟d,其實我哋只係用碗仔分嚟食,只係食左兩啖,真係即時火都嚟,好,又忍你!如果返煲ok就算!點知...返煲後嘅結果,大家睇相都見到,成煲飯只有大約一半可以食得!
最好笑係個伙計,見我影相就走埋嚟,話返煲係老闆意思,仲話送杯飲品比我,真係多謝晒!我當然唔會接受,費事佢話我老屈佢,況且,大佬呀,我係食唔飽,比杯飲品我做乜义嘢啫?最終谷住一肚氣埋單走人,返屋企食杯麵好過!
都係嗰句,做生意可唔可以用心做好d,有個朋友講得好有道理,既然攞左成本出嚟買材料,點解唔用心做?成本又會唔多左,但人客食得開心,生意自然會好!馬馬虎虎,不單客人不滿,更加浪費食材!
真心希望香港飲食行業用心改善,否則美食天堂好快落地獄!
Post