浩林七串 (Closed)

星期日嘅下午，可能因為附近都係工廠區嘅關係，成條崇潔街都係冷清清咁，得幾間鋪頭有開，於是嚟咗呢度試吓叫咗個豚肉雜錦串燒午餐，係即叫即燒嘅，份量幾大一共有七串，賣$58包埋嘢飲真係平其中三串係蔬菜，分別係茄子、車厘茄同埋翠玉瓜，呢三串基本上就係燒熟就上枱，完全冇任何嘅調味，最少都應該加返少少汁或者味粉啦再黎墨魚腸，係切片燒，味道正常但燒得唔香仲有三串係豬豬肉韭菜卷：韭菜好老，基本上咬唔入，豬肉片亦比較瘦，所以有啲鞋豬頸肉：份量幾多有成六七片，可惜又係燒得唔夠香，亦都係冇乜調味豬腩肉：呢個燒嘅時間比較長，所以都燒得比較香，可惜豬腩肉質素一般，有一陣騷味，非常一般其實串燒黎講呢間野真心抵食，但係食材質素同埋廚師嘅燒烤功力實在有待改進

自家製雞肉腸好正啊！真係好鐘意呢間的燒蕃薯仔，甜得黎又唔濟！午市食過幾次，味道都ok，最推介沙薑雞飯！！不過個人更愛夜晚食幾串燒烤做宵夜，燒雞皮，雞肉都好愛！而且價錢唔算貴，可能因為住宅區，質素一d都唔輸蝕過銅鑼灣，街坊價好抵食不過唔係次次想食ge野都食到有時話冇貨，少少失望，有次食過燒白鱔覺得好正，皮脆肉嫩，一d腥味都冇，對於不是十分愛好白鱔的人黎講都幾驚喜，但係下次再去想試多次已經賣晒之後會再幫襯的～

因為住附近既關係，食過呢間幾次。開頭對呢種門面同呢個舖位既食店好冇好感（因呢間舖不停轉手）所以不下數十次過門而不入，後來朋友成日叫我試下終於我試完一次又一次，燒物真係可以用平靚正來形容，午餐既大碗飯配燒物正過晒其他碟頭飯選擇，菜類選擇多燒得好juicy, 雞肉豚肉脆卜卜真係停唔到口，食過其他出名既同類型食店一係太貴一係極重四川果d粉既味，呢間就岩岩好似港式燒烤味多d，不過唔知係冇宣傳或定位問題，午市都不太多人而大部分人都揀碟頭飯，反而最好味的燒烤就冇乜人食，希望間舖頂得住多d人去幫襯！

今晚同屋企人係樓下覓食 見到新開串燒鋪 就諗住試下價錢唔算貴 8個人埋單都係1000 d野都幾特別 墨魚腸同燒西瓜係第一次見 可惜今次未試到燒西瓜 希望下次再黎可以試到食物味道同出面食d串燒唔同 味道冇咁濃味 但反而覺得啱啱好 唔會太鹹 食完都唔會太口渴

$46連凍飲加外賣 同一條街價錢差吾多 可能仲平過幾間一兩蚊有津白墊底冇甘油 雞吾會鞋 飯量對我來講有d多 味道ok吾會太咸太淡 不過沙薑味可以再多d 奶茶奶味重 偏好茶味下次可以叫少奶外賣都吾使等太耐 去隔離街拎件順豐番來就拎得