豪園小食 - 炸一字雞翼專門店 (Closed)

之前見到Facebook 大肆宣傳新開嘅tko gateway 小食街，今日終於得閒前黎試食！今日係星期日，小食街好多人，呢間小食店相對其他食店黎講算係人流較多嘅食店！永遠都有條隊喺度排緊！我前面就有四五個人等落單，可惜嘅係只可以用現金結帳，如果可以用八達通俾埋錢就好啦。之前已諗定試呢間嘅炸一字骨雞翼，有咩揀咗車打芝士味，＄25有6隻單骨雞翼，即係總共三隻，平均每隻雞翼都要8個幾，其實唔算平。不過試新野嘅心態作祟，都係幾蚊嘅貨仔，一次半次就冇所謂啦。雞翼嘅賣相都幾靚，芝士醬落得都頗多，味道不錯👍，芝士味濃郁，有機會嘅話可以encore。唯一美中不足嘅地方係，因為嗰陣好多人排隊，明顯睇得出人手不夠，取食物嘅時候有啲混亂，希望可以改善一下。

在facebook見到推介, 所以特意去一試!每份6隻，原味（$18）以外，亦有蒜醬豉油（$22）、車打芝士（$25）、鹹蛋黃金（$28）口味。今次試了原味和鹹蛋黃金脆脆原味雞翅做得不錯, 炸得脆口, 但仍保持有肉汁!至於鹹蛋黃金脆脆, 我買的是最後一份!雖然有鹹香的鹹蛋香味, 但不夠濃, 而且炸得不夠乾身, 所以不夠脆口! 算是敗北之作!(可能師傅水準未穩定或趕收工)