豪園小食 - 炸一字雞翼專門店 (Closed)

之前經過見到郵局翻新成美食廣場，已決定有空要過來一試。新年期間進來逛過一次，可惜9成店鋪都沒有營業。這次機緣巧合下終於能一試美食﹗聞說這間店鋪是由營運美食車開始，得到好評後再進攻店鋪。口碑好像不錯，店鋪亦見到張貼了很多與明星的合照。支持小店，儘管平時很少在小食店單點雞翼，這次就試一次吧﹗店鋪有數款雞翼，有原隻雞翼亦有一字骨雞翼。這次點了蒜醬鼓油一字雞翼，$22/6隻，價錢尚算可以。由於小店只有約6個座位，所以叫了外賣在旁站著吃。等了約5分鐘雞翼便好了，熱辣辣很香。一咬下去很惹味，醬料足夠，雞翼亦炸得恰到好處。會再光顧，下次可以試另外口味的雞翼。

最近周圍都看到廣告的將軍澳招牌炸一字雞翼，我住在將軍澳當然要去試一試其招牌雞翼。店舖在東港城的一個美食廣場入面，都算易找，豪園是一入門口看到的第一間店鋪，提供五至六個座位供客人，每次去看到都坐滿了人，這次竟然有兩個座位，就決定與朋友試一試。沙嗲撈麵沙嗲撈麵的醬料並不是一般稀稀的沙嗲汁，裏面還有一些類似花生碎等等富有咬口的一粒粒，味道甜甜的，並不是太辣，我很愛這樣的沙嗲醬。沙嗲撈麵份量都幾大，而且醬料毫不吝嗇。豬扒包之後就是豬扒包，豬扒包的麵包和豬扒都是熱辣辣的，麵包非常鬆軟，豬扒是用吉列炸過，裏面再淋茄汁，雖然簡單但是其新鮮的賣點已經足夠令人吞下一個。黃金脆脆炸一字雞翼我一向愛吃鹹蛋味的東西，這個黃金脆脆雞翼當然不能放過，一字雞翼炸得很透，非常香脆，而且油瀝得乾淨，完全沒有油膩感，更添香口，上面再放上炸過的鹹蛋黃碎，鹹蛋黃鹹香，亦是給得毫不吝嗇，配上雞翼非常滿足。車打芝士味雞翼車打芝士味雞翼也是炸過的一字雞翼再淋上車打芝士醬，十分特別，不過鹹，值得一讚的是就算雞翼淋上了醬料都沒有變得軟淋，反而還保留一點點脆口，軟中帶脆十分好吃。最後我們還點了一杯檸茶一杯檸水，兩杯可不是普通的凍檸茶凍檸

厚德街市裝修過後，原本郵局的位置變成了美食廣場，果然喺領展呢啲吸血鬼下，呢個咁當眼嘅位置無可能畀公營機構蝕錢。新開嘅美食廣場畀我想像中大好多，以前做郵局果陣都唔覺有咁大，你話佢係僭建我都信，政府嘅嘢…郵局咁大當然要分拆上市以求賺到盡，最當眼果間舖就係呢間豪園小食，雖然畀財爺昆咗去搞美食車，但佢撐得住仲成功做到上舖頭，咁犀利梗係值得支持嘅。呢度最出名嘅係食雞，咁梗係要叫雞，睇下係咪they do chicken right. 呢度算係專做外賣生意，始終九成客源都會係將軍澳街坊，好在都仲有幾個位畀我同朋友坐低吹水，男人嘢唔通返屋企講畀媽咪聽咩。睇宣傳品好似幾受TVB歡迎，可能因為上過電視劇啦，雖然我已經無睇好耐。 呢度有slow cook嘅雞翼，一講起slow cook雞就諗起日本食過slow cook雞肉叉燒，的確係極品。Slow cook雞翼有個幸福住家雞味，唔知食完係咪會開心好幸福。幸福住家雞即係蒜頭洋蔥口味，而其實我屋企從來無試過咁煮，可能我屋企唔夠住家啦。Anyway，啲雞翼夠大隻就加分嘅，真係唔知點解兩大美式連鎖店啲雞隻隻都營養不良咁怪雞，你知啦，保持低質其實比保持高質更難。隻

雖然將軍澳越來越多人 越來越迫不過好處係越來越多好野食可以揀 唔使再入寶琳先有野食~見到網媒報道坑口有美食廊新開 當然要試試可能因為有報道 個美食廊得幾間店開 但已經好多人入去行 當中最多客既莫過於呢間一字雞翼專門店 認真 其實48蚊12隻單邊雞翼唔可以話平 不過當打開個盒 見到啲雞翼炸到金黄色 然後啲酸甜醬同芝士醬又俾得好大方 頓時覺得係值既單邊雞翼輕鬆用叉食 炸得相當酥脆 雞肉嫩滑有調味 唔使靠個醬 一盒兩個人食 lamlam脷

坑口最近真係愈開愈多新食店～竟然開左個food lane ，係咪又要變身小葵廣🤣🤣今次終於食到想食好耐既豪園小食！係雞翼呀😍👉🏿✨黃金脆脆炸一字雞翼 Hkd 28/6件💸💸第一啖入口係勁有驚喜！充滿住咸蛋黃既咸香😆好正！不過食多兩舊就好似咸左啲啲，同朋友仔share岩岩好～👉🏿✨車打芝士一字雞翼 Hkd 25/6件💸📌佢俾啲芝士醬絕對唔小氣，俾勁多，係勁濃既芝士雞翼👍🏿😳👉🏿✨慢煮-冬陰公雞翼 Hkd 38/4件 💸📌一向都好中意食慢煮既野～果然係唔同啲，啲雞肉勁林身又嫩滑，仲好入味tim!👉🏿✨沙嗲牛肉包 Hkd 25 💸📌好有驚喜，雖然個沙嗲醬濃左啲，不過牛肉份量唔惹小！個包皮好好食，勁夾～👉🏿✨蔡芯咖哩魚蛋 Hkd 15 💸📌朋友大推！佢話呢個勁好食，魚蛋有炸過，外脆內軟🤤

阿林：憑藉一字骨雞翼由美食車進駐商場，確實不容易。為了盡試不同味道，我點了包含原味、蒜醬豉油及車打芝士的三色拼盤 ($48/12件)，以及限量發售的咸蛋黃味 ($28/6件)。雞翼即點即製，下單後15分鐘， 熱辣辣上桌。香脆外皮下，保留了肉汁。味道還好，車打芝士醬汁重手，惟蒜醬豉油蒜味不夠。咸蛋則稍欠鹹香，如同那些越洋到港的咸蛋魚皮一樣。顆粒較粗，黏不住雞翼。這些口味均由原味衍生，吃下覺得味道都差不多。或許每隔一段時間會想翻吃過過口癮，只是平均$8-9一件全翼實屬索價過高。

今日去將軍澳單車館公園嗰邊玩元宵活動，又提早到達，見有時間又順路，就去foodlane嗰邊試呢個雞翼，睇睇佢係唔係廣告講到咁好食。我地叫咗個兩人餐（三色拼盤），有原味、車打芝士味同埋蒜蓉豉油味各四隻。聞到都香噴噴。俾完錢佢強調話係即叫即整，但唔知點解我30秒後就收到。。。老老實實，就一定唔抵食嘅，48蚊12隻單骨雞翼，講到底咪即係6隻雞中翼！48蚊我去佳寶買雞翼食到嘔都得。不過算數，旨在試下新口味。整體味道唔錯啦，原味都幾香脆，炸粉唔會太厚。蒜蓉豉油味就稍遜，感覺有d甜，同埋唔睇翻menu我都唔知呢個係蒜蓉豉油味，另外我唔鍾意炸物加d濕濕地嘅醬料上去，搞到有脆又淋咁，所以個人覺得一般般。車打芝士味唔錯，芝士同炸雞不嬲都夾，呢個算係三者中最好食嘅。

近排睇到有page 介紹佢地嘅黃金咸蛋雞翼就心思思想食一睇原來係將軍澳心諗有d遠。。。不過吃貨黎講，為咗美食去遠d又點話呢！所以對呢間野超大期望！講起佢嘅地點大家唔好以為係將軍澳站落車會近d ,其實最近係坑口站！終於都去到了店員會不時叫賣一下就話佢地嘅雞翼係即叫即烤咁樣，我單點咗個黃金咸蛋雞翼。（6件單骨）其實佢有餐可以叫例如加5蚊有薯條咁，唔知加多幾多有汽水，但我冇叫到 因為要要想試佢個黃金蛋黃雞翼佢外面會有張長枱同幾張凳比人坐係果到食 但我去到已經full 哂只好外賣拎去其他地方食了。一打開試一下好彩仲熱辣辣，仲係好脆同埋好有咸蛋味而且叉起上黎食會見到咸蛋嘅泡泡可以話真係好正好夠味，但我唯一扣咗少少分嘅係佢上而果d一粒粒大家係咪以為係蛋黃，其實係炸蒜！但佢炸到太硬了搞到好食落個口感唔好，但味道係唔錯因為唔會搶過咸蛋嘅味！不過如果上面換咗做咸蛋碎可以會仲正

睇到呢間舖頭貼出嚟啲相，原來係之前美食車嘅小店，變咗做依家美食街入面嘅舖頭見到咁多明星都同佢影過相，我當然都唔執輸睇下佢咩來歷另咗張menu睇，發現佢都幾仔細寫咗每樣嘢食嘅資料叫咗兩個餐同買咗啲小食，餐飲叫咗檸茶BB同紅棗桂圓茶凍檸茶估唔到都有驚喜！佢個茶係唔使自己督檸檬嘅，因為係用咗預先榨好嘅檸檬蓉，方面得嚟又夠味，飲得出小店嘅用心茶味濃郁，又唔會太甜，呢個檸茶真係要叫佢做BB桂圓茶嘅底部有好多紅棗片，飲落好舒服唔會太甜，而且紅棗桂圓好有養生嘅感覺單叫咗芝士撈麵同埋咖哩魚蛋個咖哩魚蛋好正，一定要推介呢度嘅魚蛋並唔係用粉做嘅，而係用大大粒嘅潮洲魚蛋炸好，再沾上香濃惹味嘅咖哩汁粒魚蛋炸完外皮好Q，入面嘅魚肉彈牙，完勝平時係街邊督嘅魚蛋芝士撈麵有好濃郁嘅芝士醬，撈完之後碗麵較黏稠，但好彩公仔麵唔會太軟同埋易斷蒜香醬油一字雞翼有好香蒜蓉味，又有醬汁可以點，味道較重，啱哂重口味嘅我慢煮雞翼揀咗住家雞味，果然慢煮嘅賣相唔靚上面啲洋蔥同埋啲雞翼一齊煮所以好入味，食落肉質疑都幾滑，調味好似係屋企食嘅咁黃金脆脆炸一字雞翼好似係舖頭嘅招牌依家到處都好hit 黃金魚皮，黃金薯片等，睇嚟好多人同我一樣都鐘意

厚德商場自從翻新後，都未黎過。一早已經耳聞有條食街開左好多新舖，好吸引呢!!! 豪園小食店好紅，由美食車紅到開店了，當然要試試喇。豪園小食喺食街入口，位置好顯眼，而且仲有少量座位提供，可以坐低趁熱慢慢食。我同朋友當然要堂食，品嘗最新鮮的美味!!!豪園小食除左當紅嘅咸蛋黃一字骨雞翼外，仲有好多唔同口味，而且仲有慢煮雞翼添!!! 賣相都好吸引!!!一於黎個雞翼party!!!! 同朋友心多多試三款雞翼先!!招牌黃金脆脆雞翼，金黃色嘅外皮，有好多咸蛋黃碎碎，蛋黃味好香濃，而且雞翼即炸即食，皮脆肉嫩，但溫馨提示小心燙口呀!!! 值得一試。車打芝士口味，喺炸得香脆嘅雞翼上淋上芝士醬，芝士醬好好味，好濃車打芝士味，如果有多士，可以點芝士醬食!!! 芝士迷應該會鍾意!!!慢煮雞翼點左非常冬蔭功口味，雞翼好嫩滑，唔鞋口，香茅味道足夠好香，辣味比較少，怕辣嘅朋友唔洗驚。叫左甘多雞翼，當然要叫返啲麵襯托下喇。沙嗲汁撈麵，花生味香，醬汁比較甜，如果咸啲會更好!! 加左啲蛋黃脆脆口感都唔錯。豪園豬扒飽呢個好好味，豬扒無骨啖啖肉，皮脆，肉唔鞋口，自家製醬汁好好味，有啲似蜂蜜芥末醬，而且個飽好軟熟，好味!!!凍檸

自從有美食車推出之後，對好多美食車既小食都一試難忘。特別係呢間豪園小食，知道美食車入舖，仲要咁近家姐屋企，就食呢間啦蜂蜜紅棗茶， 呢個我唔太甜而且飲落去好潤黃金脆脆炸一字雞翼: 呢款雞翼令我諗起黃金蝦， 同樣選擇用咸蛋黃包住雞翼，食落口好香， 個碟都有好多鹹蛋黃， 分量多到好誇張, 必食蒜醬豉油味炸一字雞翼: 呢款雞翼既是醬油有少少甜， 而且都有蒜蓉味, 小朋友應該好鍾意幸福住家雞: 呢款係一種慢煮嘅雞翼， 雞翼大隻，而且底下有煮過既洋蔥吸味蔡芯咖哩魚蛋: 魚蛋好彈牙， 咖哩味好香，成個配搭好好芝士醬撈公仔麵: 芝士分量多到我以為自己叫左碗南瓜湯，哈哈一撈個底，原來係芝士公仔麵。 芝士味好香而唔漏， 麵條滾到啱啱好， 食完回味無窮

每年新年我都會去坑口探探我啲舊同事，返去拜年行個新年大運。坑口呢邊變化大咗好多，成個厚德商場改到靚咗好多，連個名都HIGH CLASS咗叫TKO Gateway 以前郵局既位置宜家變開咗個新嘅FOOD COURT ，成個場好多特色小食店。一入門口就會見到豪園小食，見到佢主打賣雞翼，都幾有趣咁款。同朋友坐低咗食，不過佢哋呢度啲舖好細，得五至六個位置坐，　我估佢哋呢個FOOD COURT都係主打外賣生意。我哋叫咗幾款一字雞翼食：車打芝士，黃金脆脆，住家雞車打芝士炸一字雞翼呢款面頭有一層厚厚既芝士汁，聞落好勁芝士味，食落無聞落咁強勁，普普通通黃金脆脆炸一字雞翼OMG呢個好正，因為呢排迷上咗食新加坡的咸蛋黃魚皮，兩款口味好似，重口味者極推住家雞翼唔好食，佢入面的洋蔥同蒜頭好怪，有啲似變咗味咁，呢個唔推薦大家試檸茶BB呢個見到個名就一大個問號，點解呢個叫檸茶BB？原來檸茶BB係唔洗篤檸檬杯入面有檸檬茸，一黎就可以直接飲，又幾過癮喎！

由細到大去開既厚德商場而家已經唔再叫厚德商場, 而家叫TKO GATEWAY!!舖頭都日新悅異, 裝修都變得靚左同埋清潔左, 而家仲多左呢個FOOD LANE, 入面有勁多小食舖, 岩曬中意掃街既我!!呢間豪園一字雞翼係正FOOD LANE既入口, 所以今日一黎到就左呢間黎試!!!佢地最主打既就係炸一字雞翼，炸一字雞翼係將一隻雞翼1開為2, 咁食起上黎就方便好多, 女仔係街食雞翼都變得可以斯文啲!!佢有原味，蒜醬豉油，車打芝士同黃金脆脆四個味可以揀。我地揀左比較特別既黃金脆脆同埋車打芝士。叫雞翼可以追加撈麵，撈麵有3個味沙爹, 咖喱同埋車打芝士, 因為已經揀左車打芝士雞翼, 所以就揀沙爹撈麵!!(追加$10)黃金脆脆炸一字雞翼6件套餐跟飲品 $38一定一定要點呢個!如果中意食新加坡好出名既黃金魚皮片既老友一定都會好意食呢個味既雞翼!!勁多蛋黃脆係上面, 味道一流!!車打芝士炸一字雞翼6件套餐跟飲品 $35 芝士熱騰騰!!溶溶地咁係炸雞翼面度, 芝士勁多!!記得一定要趁熱食!!潮流係咪興慢煮?我見好多舖頭都加入慢煮既菜式, 慢煮豚肉, 慢煮叉燒咁, 今次呢間慢煮雞都要試下，佢有非常冬陰公

相信好多香港人都知道前一排旅遊發展局搞咗<美食車先導計畫>，計畫成不成功各人有各人嘅睇法，但在我來講，起碼我認識到一檔好好食的一字骨專門店。<豪園小食>就係我今次想介紹嘅主角，由美食車轉戰實體店，地點選擇了在將軍澳的平民商場內。翻新後的商場叫<TKO Gateway>，而美食街就取名<FoodLane>，位於商場的最底層，感覺so fresh！🍀🍀🍀店鋪細細所以餐牌都要抬頭看看燈箱，但是沒關係，因為清楚易明。👌👌👌當中有慢煮雞翼，可惜沒有推出拼盤不能一次過試曬三款，唯有下次再來吧。二人三色拼盤當中有原味，蒜醬豉油味和車打芝士味。原雞翼外皮好香脆，內裏雞肉嫩滑。加上蒜醬香豉油後鹹香並重。而配上芝士汁則芝味無窮，三款也很好吃喔豬扒包可說是一字骨以外另一出色之作，豬扒大過包呢。鬆軟的麵包內夾住炸得酥脆的厚豬扒，而且還加上芥末醬和茄醬，惹味得來又不會乾爭爭咖喱魚蛋看似普通但是絕對比街外普通的魚蛋質素高。魚蛋爽口彈牙而且口感實在不會輕飄飄的，配上微辣惹味的咖喱汁，令人欲罷不能。飲品方面還有比較特別的<檸茶bb>和&

自從厚德街市翻新後，便多了這個專賣熟食的Foodlane, 每次經過都會被炸雞翼的香味吸引著，今晚就一於和家人買外賣作晚餐黃金脆脆炸一字雞翼咸蛋黃最近十分火熱，這雞翼面佈滿咸蛋黃粉，但絕不會過咸，而且雖然是炸的，一點也沒有油淋淋的感覺。一字雞翼其實就是把雞中翼一開二了，吃起上來輕鬆方便得多蒜醬豉油味炸一字雞翼這份沒有了黃金脆脆，換上的是帶蒜香的甜豉油汁，份量剛好，沒有因太多汁而蓋過雞翼的鮮味幸福住家雞我就是被名字吸引著的，慢煮雞翼帶著清新的香蒜洋葱味，感覺健康，確實帶有家常菜的感覺蔡芯咖哩魚蛋超大粒！配上特製的咖哩汁，十分惹味。檸茶bb原本以為就是平常的凍檸茶，但原來是沒有原塊檸檬的，而是本身加了檸檬溶，省卻篤檸檬的繁複步驟，但卻沒有減淡檸檬味，且不會太甜，十分解渴