海濱冰室

Open Now

Now Closed

人生第一次返工日既早上黎到觀塘，因為係黎上堂，無得買個包返公司咬，所以一落巴士見到呢間冰室就衝左入去，當時9點正，都有好多位，好快坐低望一望就有人黎問食咩，好快揀好就等食啦。等左幾分鐘，黎喇！📍雪菜肉絲米粉 配多士 餐肉腸仔 熱檸茶完全無諗過係咁豐富，首先個米粉超大碗，從未見過咁大碗，多到食唔晒，米粉係好味啲嗰隻米粉，雪菜肉絲都係想像中既味道，不錯。厚多士烘底外脆內軟，隻包好好味😋杯檸茶都好味，唔係間間檸茶都好味，有啲勁苦入唔到叫，呢杯個檸檬靚所以好ok最後因為要上堂，我食到0915就埋單，咁好味嘅野如果我早少少黎就可以慢慢嘆，太趕真係對佢唔住。如果有機會早上時段再黎，我一定食呢間。不過見有評語話午餐唔係咁好，我就唔知了，總之早餐真心大件抵食，性價比高。餐牌：

冰室的炒粉麵好夠鑊氣，且份量十足，價錢合理！ 餐牌十分豐富應有盡有！姐姐態度好友善，當然如係係皇子公主，就煩麻您返返您自已宮殿唔好成日走喇！值得特别一提係泡飯湯飯系列，胡椒豬肚湯泡飯，潮式蠔仔泡飯，啲蠔仔大粒過潮州酒家出品！

見新開行過冇乜人第一次試下就遇到咁叫個午餐set快餐都可以漏單 搵左三個人催都冇黎最後要疑似老細出馬先有飯食漏單遲左半個鐘已經好鬼火 本身食野好快十分鐘食完飲緊野剩小小一個人食完野飲埋就走嫁啦佢啲人仲要過黎趕我走叫我讓枱….係咪痴線永遠唔會再食叫左個紅酒牛脷飯加凍檸茶個牛脷都ok但整體量少 男仔會食唔飽

食新野，仲試業緊。安排我地有位但又無人執枱😑。諗住叫常餐..竟然話最少要等15-20分鐘🤯。最後點左午餐。餐湯揀左中湯，一般。唔知點解要有膠碗😅，唔夠環保♻️叫左乾蔥豆豉爆雞配白飯我expect會係一道惹味既餸..但唔係😅。試業都咁一般🥲，點要D客返轉頭。