開飯主義

Open Now

Now Closed

晚市先有咖哩麵包！充滿咖哩風味嘅羊仔扒配埋芝士同麵包一齊，啖啖滿足感，仲有salad同薯條，都係百零蚊，性價比超高焗飯底夠乾爽，吉列包住烏賊同黑豚肉，酥脆又超級彈牙，加埋番茄一齊食，特別鎹飯！

一日收工同朋友經過，裏面環境唔算逼，都坐得幾舒服，我地叫左一個焗雞扒意粉同石鍋飯，，佢晚餐仲會有野飲同牛角包跟埋，份量唔算好大，如果唔大食的女仔是非常合適，味道都可以，唔算好突出

今 次 要 介 紹 一 間 新 開 餐 廳 位 於 大 埔✨✨✨✨✨✨✨✨✨✨✨先 講 下 間 餐 廳..........繁 忙 時 間 都 吾 太 多 人 等 位可 能 因 為 價 錢 有 點 偏 貴。餐 湯 同 其 他 西 餐 廳 一 樣。紅 白 自 選不 過 餐 包 有 驚 喜 「牛 角 包」好 少 見 餐 廳 用 呢 種而 且 食 落 香 脆 可 口 好 正。💛芝 士 野 菌 雞 皇 焗 麵 包 首 先 呢 個 農 夫 包 夠 哂 大仲 茶 左 牛 油 蒜 蓉。變 成 蒜 蓉 包即 使 就 咁 食 都 吾 會 好 寡而 野 菌 雞 皇 同 平 時 食 嘅 一 樣吾 太 濃 吾 太 淡。感 覺 岩 岩 好但 芝 士 冇 佢 介 紹 咁 可 以 拉 到 好 長可 以 落 多 少 少 就 好 拿配 菜 方 面 有 薯 條。夠 哂 熱。💙燒 汁 雞 骨 腸 雞 扒 炒 烏 冬鐵 板 上 碟 夠 哂 熱 而 且 好 juicy第 一 次 食 雞 骨 腸 令 我 諗 起 🐶雞 扒 外 脆 內 軟 吾 會 變 到 乾 身烏 冬 加 埋 燒 汁 食 吾 停 口。飲 品 想 試 特 飲 但 係

當日約了朋友去行山，大埔係起點。但因為我事前有野做就早到了😂🙈而且未食早餐嘅我，已經到了下午當然即刻去搵野食邪惡芝士豬扒撈麵一直好想增肥嘅我好吾知醜嘅我向店員申請加芝士店員都好抱歉冇得比熱溶芝士，比咗芝士粉我好啦，芝士粉都好😂豬扒煎得好香脆，外脆內軟咬落去肉汁彈出嚟🤤😂沙律 相對好咸菜嘅新鮮程度尚算ok

🤍 咖哩牛坑腩飯咖哩有少少辣，但對於唔食得辣嘅我都接受到，牛坑腩都有好多舊，啖啖肉又炆得好腍，配埋個咖哩汁同白飯真係好惹味，好夾🤤😋👍🏻🤍 焗芝士豬扒意粉我同朋友另外叫咗呢個焗芝士豬扒意粉，上面嗰層厚厚嘅芝士蓋住塊豬扒，陣陣香濃嘅芝士味，豬扒都好大塊，食落去肉質都好嫩滑，但醬汁味道就偏淡，番茄味唔係幾夠濃🤭🤭跟餐送一個奶油豬仔包，好食到有啲驚喜，個豬仔包又熱又脆，夾埋牛油同煉奶真心好正！

呢一間餐廳嘅款式種類真係非常之多，我今次就叫咗一個鮮牛肉羅宋湯通粉，仲配埋呢一個香脆奶油豬火腿暗烈甜，兩份野加埋都只係$52 ，非常之抵食啦！我好鍾意食呢一度嘅鮮牛肉羅宋湯，羅宋湯嘅湯底好好飲，而且連埋啲通粉一齊食真係非常之滋味！

🔺農場雞扒蘿宋濃湯通粉先講吓個羅宋湯！個湯真係好好飲😋味道好濃，茄味好足，但又唔至於係好酸嗰隻，好易入口。個湯亦好足料，有蕃茄、西芹、椰菜、紅蘿蔔、薯仔、瘦肉，每一啖湯都會連埋啲蔬菜一齊食到！我覺得，呢個湯係連啲唔係特別喜歡茄湯嘅朋友都會鍾意，食到我舔舔脷😙😙😙個雞排都有驚喜！肉質好嫩滑，大小亦適中。不過，因為我叫外賣嘅，個雞扒浸咗喺個湯一陣，所以就唔知個皮脆唔脆啦。雖然，呢個早餐冇餐包或者雞蛋腸仔嗰啲配料，但我覺得佢嘅味道係值得呢個價錢($38)，跟餐嘅凍奶茶亦有一定水準，所以我一定會再嚟多次！

是咁的喺大埔附近返工其實都好多嘢食但久唔久就會黎開飯主義下個lunch可能係因為佢多款式肚餓嘅就有焗飯唔係太餓嘅就有啲常餐快餐咁樣———我今日晏晝我哋就嚟咗開飯主義食lunch 好彩依家啲中學未復晒課如果唔係之前成日都要排隊咁我哋等咗一陣就有有入我見未係太肚餓就叫咗個雞扒芝士撈丁份量都唔細我都好夠食雞扒都滑既如果芝士撈丁亦都有芝士味嘅同埋亦都唔會好快就凍咗變做一舊舊硬左咁樣然後佢喺面仲有啲蟹子裝飾下添都加返少少分另外呢度嘅凍咖啡都幾好飲但佢要加$5建議鍾意飲咖啡嘅都可以嚟試下佢既凍咖啡

有次嚟大埔食嘢，大埔其實都好多嘢食不過始終地方太大有時想去嘅餐廳例如地鐵站或者附近車站都好遠今次試呢間餐廳同大埔墟地鐵站好近非常方便位置上食物質素都好有驚喜價錢唔貴員工服務又好好態度軟殼蟹芝士焗飯軟殼蟹好大隻咋得都好香脆味道都唔錯 芝士焗飯裏面仲有唔少海鮮 無論餸菜的味道都好豐富 一齊share嘅話都好足夠豬軟骨飯大部份豬軟骨都做得幾淋 唯獨有啲啲就唔係做得咁淋身 但呢個價錢同份量都絕對收貨一口芝士一口芝士都係嗰啲味道㗎啦不過不失不過熱辣辣食嘅話真係好好食次次去餐廳都必點嘅小食

今日放假，係咪大埔墟，見到下午茶咁抵食，一於去試下！叫做港泰式咖哩雞肉意粉，配熱鸳鴦多奶，只係$36，呢口價冇得輸！個意粉嚟到，仲有啲芝士碎喺面，又有少少菜點綴，賣相幾好。先食過意粉，咖哩味道極之淡，完全冇咖哩味，雞肉同樣好淡，好似冇醃過咁。全國語文最好味就係面頭啲芝士碎😂熱鴛鴦中規中矩，去過咖啡底味是偏向酸，不夠濃。以往都有來食過晚餐，質素係唔錯。唔知係咪轉咗廚房，質數明顯下降咗。還有睇個餐牌，搵唔到以前飲過的特飲，唔通水吧換咗師傅🤔

We had breakfast here before our hike. And my hubby said the 沙嗲牛肉公仔麵was good as they didn’t add much water so the taste was quite condensed. The toast was good as the bread itself was not too rough but the scramble egg (+$4) was not fluffy at all. For my chicken fillet in a bun, the chicken fillet was well marinated but just there was no dressing inside at all so it was a bit dry.

大埔咁多好嘢食🤤作為大埔返工嘅朋友仔一定食過開飯主意，如果返工只可以揀三間餐廳，一定有佢份。餐廳款式選擇多，由焗野、越式、常餐，咩類型都有，緊有一款啱你。我最鍾意食佢嘅焗野，因為佢哋係即叫即焗。今次叫咗芝士焗牛腩意粉，配奶油豬，超好食！意粉熱辣辣放上枱面已經好吸引，牛腩份量好多，每件都大大件，好大機會食唔晒呀🙈醬汁份量多，所以每一條意粉都有醬汁，好好食。自己本身比較鍾意食林嘅面，所以會好鍾意佢嘅焗意粉！

今日黎到大埔工作，一路都係去開呢間，因為都係卡位多！食物首先黎到嘅係葱油豬扒蛋飯，用珍珠米啦~個煎蛋有流心啦~個豬扒都煎得好香口，唔會太乾，好juicy，好嫩！但個敗筆係個葱油，冇油抑味嘅，但冇葱油香味跟住老公嗌左個咖喱炸蝦芝士雞皇飯，了一下飯，芝士拉絲拉得好長食咗一啖雞肉，同老公同一表情😱好滑呀！下一秒即刻睇下係咪生肉🤔又冇喎，真係岩岩好熟透個種！個炸蝦又係不得了超香脆！勁好食！但得2條，我食左1啖咋雖然我唔識飲咖啡，但聞到好香咖啡味，飲落都果酸回喉，值得一試仲有泡芙唉！失望到極點…原來應該係軟冧冧好creamy,但佢冇，係一粒凍冰冰、硬國國嘅雪糕粒環境多卡位！不過地方比較窄，食完好快啲走嘅感覺。午餐時間好多人，有啲嘈。乾淨又唔係話好乾淨，但唔污糟先囉。有廁所囉，可能太多人，唔係好想去。服務啲姐姐好有禮貌，送餐個陣有提個焗盤熱，要小心。因為張枱細，所以佢哋都好快執走碗碟！食完飯見到姐姐送完餐就即刻問佢要杯水，佢都好快俾我哋

沙嗲牛麵冇沙嗲味本來想去食豬扒麵，但可惜兩間同時都冇開，就走去公園仔睇吓有咩好食，經過開飯主義見好耐都冇黎試過，就走入嚟試吓個早餐啦。早餐$34沙嗲牛肉公仔麵，火腿煎蛋，牛角酥，凍即磨咖啡+$5先講沙嗲牛肉麵，沙嗲味唔夠，食唔出有沙嗲味😅 湯底亦冇花生嗰粒；牛肉就冇乜牛肉味，亦比較薄；麵質都係一般。火腿煎蛋就冇乜特別，都好難會整得難食😂牛角酥都好食嘅😋😋凍咖啡係幾好嘅，飲到帶少少酸味，所以要加$5。沙嗲牛肉麵就麻麻哋，但凍咖啡我覺得係幾好飲嘅，都可以一試嘅😊

來吃下午茶，店員很好地給我們一張卡位。我們叫了：T3 阿差咖哩牛坑腩焗意粉（$42）T14 煎牛扒火腿奄列、沙律、香脆奶油豬（$45）看見餐牌上推介+$5轉配16Oz招牌凍啡，就加配了兩杯。咖哩牛坑腩焗意粉幾香，牛坑腩很嫩（但唔明點解要叫「阿差咖喱」）。另一份幾驚喜，一上枱是一個大盤，有齊煎牛扒、火腿奄列、沙律、香脆奶油豬，牛扒比想像中高質，不是很薄、醃到沒有牛味的牛扒，有少少厚度，煎至七分熟，牛扒的燒汁也很好吃；火腿奄列煎得有點熟，但是雞蛋很有蛋香味，蛋煎至微焦也很香口，吃完這份是非常滿足的。16Oz招牌凍啡比平日的凍飲大杯少少，咖啡味幾香濃，可以一試的。