開飯主義

Open Now

Now Closed

6 mar 2019 中午因為工作關係難得有機會到大埔吃午餐選了這間多好評的開飯主義中午時份有很多學生而且源源不絕有新食客到來未點餐已經滿心期待打開餐牌有很多選擇會令人出現選擇困難呢最後焗飯與常餐我選了常餐：酸辣肉燥米線+雞扒包+熱檸蜜 $48米線上台真的嚇一跳“酸辣”只是加了辣椒醬就是酸辣？！真的第一次見到之後到雞扒包包上台不夠熱雞扒仍然有雪味最後熱菊蜜味道偏淡整個餐真的不能接受那個米線太嚇人了$48一個常餐街坊小店來說都不是太便宜啊

放工後與朋友一起到了這間店食晚餐，點了一個溶岩拉絲麵包芝士炸雞，見它賣相十分吸引。食物是以一個盤子裝住的，十分有趣。炸雞的味道很美味，芝士是在一個圓麵包裡的，可沾在炸雞上吃，也可以最後與麵包一起吃。

小弟住係大埔區已經進入22個年頭 亦係第一次喺openrice到留下食評 絕對非打手 真心真係好鐘意佢焗既嘢食 呢間餐廳已經食過好幾次 佢焗既嘢食算係大埔區數一數二好食 我自己最鐘意佢既焗芝士肉醬意粉，由我落單到侍應拎岀黎擺上枱 碟嘢真係啱啱焗岀黎 摸落個碟係㷫到辣手 面頭啲芝士仲滾緊 論賣相已經贏咗一半 食落去意粉又唔會太乾身 茄醬嘅濃度 芝士嘅分佈 意粉嘅軟硬恰到好處 食過真係返唔到轉頭 價錢又唔太貴 非常值得一試另外不得不提既仲有佢杯凍咖啡 真心非常有誠意

裝修靚坐得舒服，係大埔市中心十分就腳。以為係普通港式茶餐廳，點知係芝士迷不可錯過嘅高質餐廳！價錢相宜之餘估唔到食物質素咁好！最緊要係好芝士啊！軟殼蟹芝士海鮮焗飯 $88完整一隻炸到脆一脆嘅軟殼蟹，加上芝士、青口、蝦、魷魚仔同龍利柳，整體都飽肚足料，加上d 飯唔會濕爛幾有口感，味道唔錯。所有主菜都可以加錢轉套餐，例如加餐湯飲品、或者有d 係加小食。我地加左紅湯同兩款小食，全部都幾唔錯～蜜糖雞翼 推介！！除左甜甜嘅蜜糖，雞翼真係炸得好香脆，而入面又真係好juicy！好味！唯一美中不足係上面撒左d炸蒜碎⋯骰仔牛（上圖左）其實係切成一口一粒size 嘅牛肉粒。口感似茶餐廳加左dd 鬆肉粉嘅牛扒味，但係加上炸蒜碎都幾香口。牛肉唔會柴，食到牛肉味～紅湯配牛角包，牛角包係溫熱鬆軟，加埋湯食好好味。青蘋果沙冰好大杯，好fresh，唔太甜，d 冰粒有d粗，呢杯沙冰好擺得，食左成個鐘到食完都未融曬！😂👏🏻呢間餐廳坐得舒服、環境唔錯、食物質素高，價錢合理，性價比真係好高，值得encore啊！

2019年2月12日又到左食飯時間，又係唔知食咩好。最後見佢人小小就又等呢間。等左一陣就有位入，去到花多眼亂。但重點都係佢個咖啡。唔知叫咩好，最後叫左個泡菜豚肉飯。話就話係泡菜炒，但佢又唔係辣，加上對於我呢啲食肉獸黎講，酸酸甜甜好好味。唯獨事，佢食食下會覺得太多汁。多到要整開啲先食得曬個飯。呢個係佢美中不足既一點，其他都好好～仲有係我個人麻麻地溫泉蛋，下次試下問佢可唔可以轉煎蛋先得！由於佢個汁太多，啲配菜唔係好用得著。不過個酸蘿蔔幾好味，唔會太香精。下次黎試下叫佢汁唔好淋上飯度先。如果再食再話比大家聽～

農曆新年大埔墟好多舖頭都休息，但到了午餐時間，個個出街搵食，大埔墟依舊熱鬧。開飯主義在新春都繼續營業，實在太好了。放假當然要食好啲。新春有新春餐牌，價錢較平日貴一點，但仍算合理，食物選擇也不少。套餐送熱奶茶/熱檸水。芝士咖喱牛肋焗意粉 $60焗到半溶的溶岩芝士鋪滿意粉，用叉輕輕一拉，柔軟芝士拉絲包裹著意粉，非常美味。咖喱汁味道濃郁。牛肋條非常稔滑，用叉輕輕一堆已經可以分開，而且好入味。意粉係即叫即焗，上枱時是熱辣辣的。香煎雞扒魯肉飯 $62好大塊雞扒啊。雞扒煎得好香，配富肉汁的魯肉飯，絕配。份量合理。

之前嚟呢度食過晚飯，覺得質素非常之好，今次襯有時間就試下佢個下午茶，睇下質素係咪一樣咁好今次叫左個番茄湯螺絲粉+吞拿魚配三文魚子熱狗雖然係下午茶，但係個螺絲粉唔係嗰D細細碗食唔飽嘅而且湯嘅味道似羅宋湯，番茄味濃，好正呢個熱狗又係不得了成個熱狗都係吞拿魚醬，配埋D三文魚子同生菜，真係好好食不過食個陣要小心，因為D醬太多，好易一咬就跌哂出嚟成個套餐連飲品都只係40幾蚊，真係好抵食下次想食下午茶第一時間都會諗到呢度

2019年1月30今日lunch 一路行就一路諗到底食咩好，行行下就行到開飯煮意門口。見門口唔係好多人，就決定食佢。開飯煮意既咖啡比普通茶餐廳既好飲～如果大家黎食既話，一定要試下佢個咖啡佢個奶油豬都係好出名，好多人會入黎叫個奶油豬加杯野飲～不過我覺得佢份量有啲多，不過男士既話應該會好滿足！個米線就普通米線，冇咩特別。雖然佢鋪頭唔算細，但我覺得啲台有啲太迫，坐得唔係太舒服。如果佢可以改下啲台既位置就好。值得一讚既係佢地服務態度良好～

呢日黎開呢頭做野，晚飯時間行過見到餐廳門面幾特別有特色，就停低左望兩眼。咁見到餐牌都幾吸引既，價錢就偏中高，所以都考慮左一陣。但做完野真係非常肚餓同攰，都費事再搵來搵去，一於入去試下！最後當然叫左樣聽落都豐富大件的野食。燒汁骨腸雞扒炒烏冬（7.5/10）雞扒size都ok 算中等size 唔會太細塊，味道唔錯。我幾喜歡呢兩條骨腸，唔係骨場，係骨腸。其實味道都係正常咸咸地，不過餐廳用到呢款腸，我覺得幾有特色，平時比較少食到，味道方面可能有人鍾意食廚師腸，司華力腸，但我覺得係用呢款腸係加左佢的「特別」分數。烏冬都ok 放係鐵板上熱辣辣，口感又唔會太淋或太軔。另一樣我覺得好既係都有唔少菜，有椰菜，西蘭花，豆角等等，雖然好肚餓但可以調劑下唔洗一味食成盤肉嘛。唯獨是醬汁我就嫌太多太濃太重口味，好在我係叫左杯淡淡的熱檸水，可以中和一下。個餐仲有餐湯同包的，整體黎講70$晚餐加埋野飲，又唔算太貴，只係啲食物唔知點解比人的感覺就唔太值咁的價錢。不過，我都要講番，整體黎講我都食到好飽，食物味道都唔錯的。

這店鋪是我入大埔晚餐 必定選擇的其中一間 整體表現不錯 咖哩羊架焗麵包好味, 可惜 咖哩汁太少 出嚟冇耐便被麵包吸收了, 令到羊架, 可點的汁份量超少, 這是我覺得最可惜的, 而炸薯角是配咖哩羊架焗麵包的, 這個也好味 鐵板牛仔骨肉仔飯 也好味 但緊記他是日式的 所以甜甜地 不是黑椒汁 因他的外貌似黑椒汁 所以來時吃落我覺得怪怪哋, 但看清楚 餐牌 他是日式的 有點像小丸子的醬料味, 其他都沒有問題 順帶一提,一般只是牛油餐包 跟湯,而他是用牛角包的 ,是一間有心的店

午餐必選地方，抵食，多選擇奶油豬仔包非常推薦大家食，好好食，即叫即整，熱辣辣，入口即溶另外叫咗個手打豬肉丸黑豚肉河粉，手打豬肉丸好彈口，有咬口，唔太咸，好大碗會有下次，好抵食，星期六日唔難等位

今晚一條友開餐，落咗車行咗個圈就入咗呢度，喺度假期食早餐成日要等位架。餐排都好多選擇，但呢排食到滯滯地又一個人想快食，所以都係揀個晚餐啦。哥哥仔問我要乜湯，我想要紅湯但我唔食牛，所以問吓佢紅湯有無牛啦，佢話應該無，咁我再講多句，你係肯定無我就要紅湯啦，跟住佢走咗去廚房，返嚟話你都係要白湯啦 🤣🤣🤣🤣 雖然有啲唔 pro，我都感謝你幫我 confirm 架。跟湯個牛角飽好正，熱架 😍😍個焗飯熱辣辣上檯，雞排好大件連 2 隻炸蝦，我實在無辦法食得晒，再加杯餐飲咖啡，佢個咖啡似白咖啡啲味，都好飲架，又要捧住個肚離開 🤣🤣🤣

之前已經食過呢間開飯主義唔錯,今日係返去encall午餐呢到既羅宋湯螺絲粉味道好濃,而我個人好鍾意食濃蕃茄味,所以我又係唔洗諗一定係簡呢一款:$48 L4羅宋湯螺絲粉+ 配LB蟹子吞拿魚碎蛋熱狗 佢螺絲粉既份量唔算係好多, 但味道真係絕頂重會有好多配菜我係部都鐘意食:西芹﹑紅羅白﹑椰菜等等~蟹子吞拿魚碎蛋熱狗真係大大份,d吞拿魚碎蛋多到每咬一啖都瀉出黎,超大方食呢個餐配埋杯奶茶真係享受~我食到差唔多食完, 先生點既 $46Lunch Set D 泰式咖哩脆炸雞球飯,重未黎(但其他檯好多遲好多入既都齊晒,應該係漏左單) 好肚餓既佢更加心急飯一到,佢覺得所有野都係整好既,點解要等咁耐。我試左佢既咖哩汁,又真係幾似泰國菜既風味,惟係全部野都係唔熱的雞球方面,肉每一舊都好細,似雞塊多D,但整體口味唔差。總結:呢一間係我心目中大埔數一數二既平民餐廳,menu次次見都咁吸引,食物款式選擇好多。題外話: 當日食我地係搭檯,對面個人食Lunch Set B 好吸引 (下次要食)

服務：先取號，然後自己看門口的餐單，一般都係固定的，除了每日有個特別的套餐外，原本想吃雞排的，但當天是豬扒，然後沒有點，差不多到的時候，門口啊姨會提醒你，準備到你，齊人未，可以先睇下吃咩，然後再幫你落單，落單後可以直接埋位，用餐後再前台付款，香港茶餐廳一般都係收現金或者八達通滑蛋蝦仁叉燒雙拼飯：絕對有驚喜哦，醬油一定是特調的，味道很好，重點來了，叉燒很好吃哦，而且是自家製的，甜甜的，而且一點也不肥膩，蛋很滑，一點也不腥，但蝦仁明顯就是急凍蝦仁餐肉番茄湯通粉：這個很一般，我很好奇哦，為什麼香港的茶餐廳都是番茄湯通粉，華x也是，新x也是，大x樂也是，真的對番茄湯喜歡不上來，但餐肉確實是我的最愛

Lunch諗唔到食咩，喺大明里附近兜咗一陣，就入咗嚟開飯主義坐得食個常餐。🔹非一般常餐 $42望住個餐牌有啲亂，睇清楚啲先知原來分咗有配搭餐。咁我就揀咗鮑片腿絲通粉 配 香脆奶油豬3.6牛奶火腿奄烈。鮑片腿絲通粉不過不失，火腿奄烈就炒得比較熟，但欣賞佢嘅奶油豬！好鬆脆，而且落咗好多牛油同煉奶，絕不孤寒。📍開飯主義大埔大埔墟大明里9號寶華樓C座地舖．．環境分數：7/10食物分數：6.8/10Encore分數：7/10