海記合桃坊甜品 (Closed)

而家去邊度食飯都好，一係就限你時，一係就見你食完就用各種方法迫你走。想同朋友坐多陣，吹多陣水都唔得😟。而食糖水變左朋友聚會相聚多陣嘅好選擇😉。///天氣咁凍就最啱食d 暖粒粒嘅野做飯後甜品暖下胃😃。平時去海記都係食芋圓多，但今日真係太飽，再食芋圓會死😰。///合桃露 + 紅豆沙1. 又想食合桃露，又想食紅豆沙，可以點好？不如兩溝？2. 落左單之後一直諗佢會點溝法🤔。每邊一樣？原來佢將紅豆沙放底，合桃露放面😯。3. 合桃露好香滑，甜度適中👍，好味道！4. 意想不到地紅豆沙同合桃露撈埋一齊食係夾到😌。5. 紅豆沙食到陳皮味。6.整體黎講都幾好味，$23都幾抵食😉。///不過又係你一食完就要走，想坐多陣都唔得😫。

同朋友食完晚飯之後，行左一陣想坐低食碗糖水，經過呢間海記見到咁多人排隊，應該唔錯就決定食呢間～佢主打食芋圓，同朋友一人嗌一碗唔同黎試下。糖水質素尚可、足料，但啲芋圓似小丸子多啲，面粉過多，比較淋身唔夠煙韌，試一次就夠了。

前排見到有朋友post左張海記芋圓既相,覺得好吸引,一直都想搵機會黎試下咁岩當晚晚餐唔係食得太飽,決定去試下!本身以為要去太子,但原來尖沙咀都有分店九點幾入到去人唔算多,坐低諗好食咩就要去收銀處落單比錢呢間感覺係無咩服務可言 見到有其他人不斷嗌呀姐,呀姐都係各有各傾計本來我係為左試芋圓而黎,但最後竟然敵唔過一碗合桃糊,因為睇圖好吸引,面頭有一層合桃碎 一碗沙沙合桃糊$30 最後無令我失望,面頭好多合桃碎增加口感下次有機會既話會試下紫薯芋圓

今晚同朋友係尖沙咀食完晚飯，天氣轉凍，見又唔係好飽，即刻想食番碗熱辣辣嘅甜品暖下身先返屋企。之前我記得附近有一間中式甜品舖頭， 去到門口又發現冇人等位 ， 正呀！即刻嗱嗱臨入去搵個位坐好先 ，我就叫咗碗補身嘅蓮桑寄生蓮子蛋茶，一粒粒蓮子好足料 ，食落去好軟綿綿， 將雞蛋壓碎混入糖水中， 就係我細個時候最鍾意嘅食法，朋友就2叫了一碗杏仁露，佢話杏仁有美白肌膚作用，果然識食，但唔係間間甜品鋪都有同整得好味，呢間就比較甜，又唔夠熱，仲有一舊舊嘅口感，實在麻麻地。

係尖沙咀行街行到累累地想搵個地方坐經過iSquare側邊有間海記合桃坊之前又食過幾次覺得都幾好味咁就入左去食碗糖水坐一坐黎親唎到都只係會叫合桃糊同埋芋圓今次一樣, 嗌左碗沙沙合桃糊同埋芋圓紫薯雪樂冰平時合桃糊一定唔會係我食糖水既第一選擇但唎到既沙沙合桃糊有好多合桃碎, 將d合桃碎連埋合桃糊一齊食都唔會浸到淋唒合桃糊稀稠度適中, 都唔會太過甜芋圓紫薯雪樂冰紫薯雪糕普通紫薯味唔濃芋圓口感煙韌味道都係唔特別唔濃不過天氣咁熱食冰係爽既, 埋冇合桃糊咁甜有樣野不得不提, 就係今次係尖沙咀唎間分店食,可能因為時間仲早,大概4,5點左右樓面姐姐坐左係近廚房果張枱除左鞋, 棟高隻腳, 冇著襪, 係到摔腳趾.....

食過第二次，其實味道都ok ge，但唔可以同佳佳，合成果d比，無得比～但天氣酷熱關係， 有糖水e.g.雪耳變酸左，佢地好好肯換既。（冬天食係完全無問題）都要提醒大家無論去邊食生冷野，奶類，生蛋類都要注意lar～有時冷藏唔夠凍，褒得唔夠熱好易出事～

叫左個合桃糊。個圖就鬼甘多合桃粒，中式糖水都得嗰少少，相片與實物不相符。叫阿姐加返少少合桃，阿姐仲要話係甘嫁，實係咁㗎啦，實物同張相係不相符！☕️即係違反商品說明條例！🤔🤔🤔

夜媽媽本來想食個甜品就滿足返屋企，朋友就介紹我去尖沙咀呢間甜品舖試下，見門口都有人排隊，都諗住OK啦，點知埋去問阿姐攞位，阿姐十問九唔應，淨係掛住收錢，門口果啲又唔知係等外賣定堂食，諗住排隊混亂都算，叫杏仁糊，阿姐拎到嚟係咁叫「杏汁」邊位，聽咗幾次先知佢噏乜，唔知幾時杏仁糊個名叫咗做「杏汁」，而個杏仁糊明顯好杰又超甜，一啲都無「汁」嘅質感。之後重點嚟喇，簡單叫一碗腐竹白果薏米糖水，竟然成碗大半白果都係爛嘅，朋友一食落口，又酸又臭，極度失望，以後都唔幫襯。朋友話上次去食合桃露係好食，無諗過今次咁差，可能「海記合桃坊甜品」只可以食合桃露，其他都唔駛諗。

自己係煙韌控，又鍾意食紫薯🍠，因為海記合桃坊只有九龍區先有，我係港島人遲遲都未去試。終於去開尖沙嘴，即刻plan左去食飯後甜點。當然一定試紫薯芋圓豆腐花，其實芋圓味道好似種種一樣，無咩味，只係煙韌。紫薯味道普通。另外叫咗芒果腸粉，同其他甜品店質素差不多，芒果好甜。又係嗰句，去開一試無妨😃

好多人都知海記合桃坊出名芝麻糊同合桃糊大概1年前推出左紫薯芋圓甜品 吸引唔少人去試食款式多 可以配蕃薯糖水 涼粉 西米露 豆腐花等等剛推出個時我食過一兩次 記得係好大碗好多芋圓食落煙韌 而且味道幾夾😋 仲有大大球紫薯係面時過境遷 今時今日再食番 發現質素已經下降左我同朋友叫左一碗紫薯芋圓紫米露同一碗西米露記得以前食個時紫薯球係真紫薯蓉依家變左係雪糕質地既野 入口即溶 冇咩紫薯味🙈而個芋頭球都係同樣質地 但食落幾有芋頭味芋圓就好似同之前口感差唔多至於紫米露既味道就太甜 係有d死甜個隻冇咩椰香味 朋友個碗都係差唔多不過價錢都算抵食😀 $30左右一大碗 仲食唔晒

海記 的芋圓的確十分吸引，之前不嬲食開太子，今次去到尖沙咀睇戲，就去了尖沙咀分店吃 ..入到去座位比太子細咗少少，而且要付錢先，最後等左十幾分鐘先有得食，仲要問先追，偏耐。每人叫了一款甜品：芋圓香芋雪樂冰豆腐花 芒果雪樂冰豆腐花 當消夜甜品。見到芋頭 粒都不少已十分吸引，而且芋頭味濃又香，原汁原味吾會好假的味道不錯，芋圓口感彈牙，而且三種味道都十分特出加分， 豆腐花 味就偏弱，食完講真幾飽肚，芒果意外甜又好食，芒果冰就普通。

夏天熱辣辣 經過尖沙咀 好想食凍甜品 醒起之前朋友話海記芋圓好食 就走過去食紫薯芋圓豆腐花我係嗌凍嘅 但上到黎無論係上面嘅紫薯定係芋圓或者係豆腐花都唔覺得好冰涼 有少少失望 好嘅係 上邊嗰啲紫薯係好有天然嘅紫薯味 唔會好甜同好假 👍🏻唔好嘅係 芋圓唔係我中意嘅好q彈嘅感覺 芋圓嘅心係實實地 一啲都唔煙um 呢樣嘢真係令人超級失望！ 可能佢煮得唔夠耐 所以仲未夠淋。。豆腐花就普通 冇特別好/唔好總括而言 好難會再黎食芋圓 因為佢啲芋圓真係唔好食

每次來到海記基本上都會被紫薯系列吸引, 今次就例外試試燉品系列。而原來這個蓮子燉奶也非常吸睛👍 甜甜的蓮子與燉奶味道竟然可以咁配合。啖啖蓮子甜味與淡淡的鮮奶味撞上剛剛好。趁機會講講蓮子的功效，蓮子有補脾止瀉，清心養神益腎的作用，且蓮子價位實在， 可以說是一般平民能負擔起的高價值養生藥材。蓮子常用來治療心悸失眠, 男子遺精，滑精，婦女月經過多，白帶過多及脾胃虛弱的泄瀉等症。食完感覺真係份外健康左。 另外，內子每次也會選的紫薯芋圓紅豆沙也是推介之一，雖然芋圓不及之前提過深水埗康瑞的那樣Q彈口感，但芋圓系列也有多款不同的選擇。

與朋友一行數人在尖沙咀食晚飯, 飯後當然要搵問糖水舖食甜品食完飯之後大約9點幾經過海記見人唔係太多唔洗等位就入去. 果日各人點了香芋雪樂冰芋圓西米露, 紫薯芋圓紅豆冰, 芒果雪榚豆腐花.我點的香芋雪樂冰芋圓西米露味道是不錯的, 份量亦不少, 芋圓很煙韌,很重的香芋味道, 但汞米露縑不夠凍, 令到雪榚溶得太快,影響了整碗的味道. 朋友的紫薯芋圓紅豆冰和芒果雪榚豆腐花都偷食了一啖, 整體都是不錯的, 紅豆很綿,芒果帶點酸酸的跟豆腐花撞在一起出奇地好味. 

香港比較少有的中式甜品店，甜品的款式唔太多，主打係紫薯同香芋的甜品，坐位都比較少，叫左芋圓綠豆西米露，的芋圓味道都唔錯，但綠豆西米露的味道就普普通通，個甜品唔凍唔熱甘，西米露凍，但綠豆沙熱，好奇怪。