海景海鮮酒家

Open Now

Now Closed

以前大部份的節日晚餐，家人都會選擇到鯉魚門買海鮮然後會拎去此酒家。此酒家經常都會免費送贈油菜及炒飯及我們(可能是熟客的關係)，海鮮烹調的味道也比其他鯉魚門酒家出色。以前我們幫襯買海鮮的店舖裏，那裏的老闆娘被稱為"鯉魚門之花"，不知她是否還在那裏呢？她經常會送我們一些石頭魚，家人會叫酒家用石頭魚來滾湯，好懷念石頭魚湯的鮮甜滋味啊！

年廿八與朋友往鯉魚門吃海鮮, 爸媽介紹這間, 說很老實. 位置比較入, 差不多行到尾, 揀了很多海鮮, 如蛽, 瀨尿蝦, 蝦, 鮑魚仔, 扇貝, 檉子, 魷魚..吃得很飽...海鮮很新鮮和美味

叔仔入伙，話去鯉魚門食飯，一行10人(其中1個是小童)，揾咗呢間，可能早去6點左右，坐二樓近窗有海景，不過唔知食乜，老闆娘話不如試吓198餐啦段人頭計唔計油水錢，但我奶奶蝦同蟹都唔食得，老闆娘話唔計我奶奶及小童淨計8個大人，老闆娘話8個人的份量夠食架啦，真係食到個個抱住個肚，8個人可揀7款餸：我地揀左芝士龍蝦(約2斤半左右)，白灼蝦(足有兩斤多)不過圍蝦嚟，椒鹽賴尿蝦，粉絲蒜蓉蒸帶子，豉椒炒聖子(我個人最喜歡)，蒸星班，薑葱炒肉蟹。味道唔錯丫，送灼油菜，重有海鮮湯同埋果盤，我地另外再叫左揚州炒飯，兩飯三粥，两支大啤一罐雪碧，連茶介埋單都係一仟柒佰幾，仟捌都唔駛，平均9個人計都係200蚊，咁嘅價錢食到咁嘅質數同份量，抵過西貢多多聲。食飽之後重買埋鯉魚門手信才滿足地回家！

星期一老豆生日食飯，選擇左去海景食海鮮，我地7個人叫左6款海鮮，蒜蓉炒豆苗加多一打壽包，最好味係清蒸東星班，其他分別係蒜蓉蒸中蝦、椒鹽賴尿蝦、粉絲蒜蓉蒸貴妃蚌、豉汁蒸帶子和芝士焗本地龍蝦，個帶子同貴妃蚌只係普通，龍蝦都算中上，d海鮮都算新鮮，但無乜邊樣特別出色囉﹗今次7 個人食左$2,100 左右，因我地都開酒，價錢都算合理......

上次同弟弟餞行,同屋企人係到食海鮮,o係d鋪頭揀左海鮮再係到食…….有豉椒炒蟶子,上湯龍蝦,黃油蟹,鮑魚,豉油皇大蝦仲有魚炒球炆骨……蟶子好味,有d d辣,好爽口….龍蝦ok……d 伊麵好好味…..黃油蟹勁多膏,但d膏無想像中咁油潤….鮑魚好大隻同厚肉….豉油皇大蝦好香口,好野味,d魚都好滑好味d炆骨都好香口,好好味….食左大既4千幾連買海鮮錢同酒水......