海景海鮮酒家

Open Now

Now Closed

叔仔入伙，話去鯉魚門食飯，一行10人(其中1個是小童)，揾咗呢間，可能早去6點左右，坐二樓近窗有海景，不過唔知食乜，老闆娘話不如試吓198餐啦段人頭計唔計油水錢，但我奶奶蝦同蟹都唔食得，老闆娘話唔計我奶奶及小童淨計8個大人，老闆娘話8個人的份量夠食架啦，真係食到個個抱住個肚，8個人可揀7款餸：我地揀左芝士龍蝦(約2斤半左右)，白灼蝦(足有兩斤多)不過圍蝦嚟，椒鹽賴尿蝦，粉絲蒜蓉蒸帶子，豉椒炒聖子(我個人最喜歡)，蒸星班，薑葱炒肉蟹。味道唔錯丫，送灼油菜，重有海鮮湯同埋果盤，我地另外再叫左揚州炒飯，兩飯三粥，两支大啤一罐雪碧，連茶介埋單都係一仟柒佰幾，仟捌都唔駛，平均9個人計都係200蚊，咁嘅價錢食到咁嘅質數同份量，抵過西貢多多聲。食飽之後重買埋鯉魚門手信才滿足地回家！