海盛餐廳

Open Now

Now Closed

自三年前幾乎每星期都要入西貢工作，以前每次入去都會週圍行，睇吓有咩好食，有咩抵食，唔知幾時開始，呢間海盛餐廳成為咗我嘅首選，唔係咩頂級美食，而且只是午餐，最著重係性價比，呢間嘅午餐用料充足，唔會孤孤寒寒嘅感覺。麻婆豆腐炸雞肶飯係我嘅最愛，我唔知道係咪成日有，但我幾年間只食過兩次，真係抵到無朋友，你諗吓麻婆豆腐或雞肶本身已經獨立成餐，卻變超級兩餸飯，當然佢廚師有一定質素先會成為我首選，例湯都係老火湯，西貢嚟講唔係最平，但係最抵食。

Had a quick lunch before our show in the nearby town hall. The regular set was $50. I tried the lemongrass pork loin with rice noodles in soup. Very tender and tasty pork loin. The set came with a variety of fried egg/ omelette. I had the pan fried luncheon meat and egg. There’s also toasted crispy buns coated with butter and condensed milk- really delicious as well. Drink was included: they served good Hong Kong milk tea. Convenient location and the cha chaan teng has two floors.

話說一直有幫襯開呢間買早餐，先打電話去落單再去take away. 但係聽電話果位女士，即係個收銀（唔知係唔係老闆娘），態度真係好X差，佢有自己一套叫餐方法次序，一定要跟足，跟錯就俾佢x，脾氣好鬼臭，要d客人就晒佢。有一次落單買早餐，其中中杯野飲係熱o tea, 唔知係電話聽唔清楚定點，攞餐果陣佢俾左杯涷既我，咁我即時同佢講想換啦，個女人就勁串咁講，係電話覆過你家波。我就一定係叫熱飲，你自己聽錯，覆我果陣鬼死咁快講野，都唔知你講咩。無論邊個岩錯，一杯熱o茶成本先幾錢， 幫襯咗你咁耐，一杯熱o茶都唔肯換，幫要俾你x，真係俾錢買難受，一定唔會再叫。無下次。

每次搭小巴入去西貢，都會喺海盛附近落車🛺，既然經過咁多次，就比次機會佢哋，試吓早餐夠唔夠醒神先😜。.餐廳有兩層，大約9:30a.m.基本上果日已經都Full House，草根妹妹同朋友上咗上層。坐咗係冷氣機底下❄️，全程都比個冷氣狂吹🌬，想調低少少溫度或移開個風口都唔得🤏🏻，店員貼咗告示話唔好亂咁搞部冷氣😅，如果唔係就後果自負😕。連想轉位都唔得😶😯😐。.🐟炸魚柳、火腿、炒滑蛋（$35）食得早餐就一定唔少得草根妹妹最愛嘅炸魚柳🐟，魚柳份量唔少，由於新鮮炸出🔥，外脆內軟😍，又唔會油笠笠，合格👍🏻。呢個炸魚柳早餐仲有火腿、滑蛋、番茄、青瓜同餐包🍖🍳🍅🥒，夠滿足😋。.🍝蘑菇雞肉忌廉湯螺絲粉（$36）見到呢個忌廉湯螺絲粉咁得意😎，就比個機會試試佢。賣相一般，忌廉湯幾乎多到遮住曬個螺絲粉🍝，忌廉湯調味尚可👌🏻，螺絲粉煮得偏腍👉🏻👈🏻，配料有蘑菇同雞肉🍄🐥，味道上不過不失🤣。另外，仲有火腿奄列同餐包🍖🍳，雖然係奄列同餐包普通咗啲👅，不過係香港人嘅Comfort Food🤤。.🥤凍檸茶🥤凍奶茶.Menu

海盛餐廳 我中學個陣已經聽過喱個名由中學未搬鋪個陣已經食陣過左差唔多10年 都仲係到 都仲咁好食 價錢升幅唔算大可能係西貢本身物價都唔平😂今日請左假 想休息一日 同爸爸去左海盛食Lunch 好掛念常餐 所以去叫左火腿奄列 加沙爹牛肉米線 再飲熱檸水細個一定會飲凍華田 又熱 仲邊有人飲熱野大個左 要養生 又驚甜野怕肥😂味道同中學食個陣差唔多 冇回變 個餐包係我一直最愛🌞✌🏻d姨姨一如往常咁有人情味 喱到都一如往常要等位 長期爆棚😌希望之後仲可以食到👍🏻

出海前要食飽先夠力同西貢住的朋友相約運動前要食個大早餐西貢朋友強力推薦呢間海盛平日的早上八時多都要等位都等左一陣先有位原來餐廳有兩層我地坐樓上我點左一個豬扒通（加沙爹汁）配煎雙蛋同多士，加杯熱咖啡都係三十幾蚊！通粉勁大碗，等於mcd碗扭扭粉既double!豬扒炸得唔會太油或太咸，加埋個沙爹汁整體都幾夾！煎雙蛋同多士都係standard野，無乜特別運動前填肚之餘，食物味道都唔錯，可以安心食飽出海🏄🏻‍♀️

以前成日見到好多人喺呢度排隊食早餐， 完全唔明點解所以今日走入嚟試下。 佢好有趣早餐的餐牌唔貼出嚟嘅得個細細嘅餐牌， 都係港式茶餐嘅早餐係啲配搭擺位唔同。 我揀咗個牛扒餐配雙蛋餐包簡簡單單， 就係呢啲簡單嘅餐至睇到佢有冇心機。. 個餐包出嚟係 暖 嘅入面差好曬牛油， 杯凍奶茶都沖得好好好有奶味 唔會 好似溝水奶咁。 煎牛扒都幾大件， 一定唔係厚身嗰隻㗎喇 不過 份量算係ok。 煎出嚟都唔會太 靭， 屬可以接受水平。 如果連埋凍飲計34蚊係西貢嚟講算平。 因為兩邊都係卡位所以坐得都叫做舒服。

呢兩日難得唔使返去調景嶺，去到西貢運動會場返工，約埋兩個同事一齊去食咗一個豐富嘅早餐先返工。我叫咗一個omelette 同埋黑椒汁豬扒麵。Omelette 嘅份量就唔係好大不過冇overcook, 好味。同事就叫左一個雞扒面。雞扒同埋豬扒嘅份量都十分之多。裏面起碼有七至八舊雞扒。非常之抵食，奶茶就普通冇乜特別

係西貢返左工接近一年，食得最多既餐廳就係海盛，早餐，午餐，下午茶，一日食三次都試過，你都咪話唔誇張。平時中午時段超多人，好難有位，今次我就選擇同埋大隻仔同事3點3過黎食個靚tea. 我既例牌係炸批薯條餐，薯條轉薯格，再加杯茶走，真係百食都唔會厭啊 um...

尼間海盛一到食飯時間就好多人排隊。每次去食，我8成都會叫佢個焗肉醬意粉，而我老公必點焗咖哩牛腩飯。今日我我一條友，所以淨係叫左焗肉醬意粉。無論係焗飯或焗意粉，佢都係整叫整焗。出到黎熱騰騰的。肉醬意粉上面既肉醬真係好豐富，份量好多。如實圖甘鋪滿晒成個意粉既表面。你絕對唔會覺得d肉醬太少唔夠喉。仲有，佢既芝士都唔少。海盛用料絕對好似佢既店名甘，豐盛。熱騰騰，多肉醬芝士，個味道仲好得。極力推薦：焗肉醬意粉。總之，黎海盛，一定要叫佢個焗野。因為佢既焗野真係好出色。

Busy place,  decor is pretty poor.  not comfortable.  Food surprising GOOD ! Reasonable price. the fried noodles is up to standard. Cook with heart ! no wonder always busy. authentic  hong kung style milk tea.Hidden Gem in Hong kong 

今天早上跟着阿媽去銀行處理一些事情，之前先去食午飯。我媽平日如果上班不在舖頭食飯，又不選擇飲茶的話，現在在西貢午飯的選擇不外乎三個：舊墟內的西X餐室、海傍的龍X餐廳、或者普通道旁邊的海盛餐廳。她以前曾經去過威X斯餐廳，可惜近年她已很少去幫襯，原因無人得知。西貢墟茶餐廳選擇其實不多，西貢墟你不要因為最近晚上有大戲棚有粵劇表演有夜市攤位，就誤會以為西貢很多餐廳選擇，其實西貢沒有商場，食肆選擇亦有限，在西貢揾食其實很艱難的。如果我一個人在西貢午飯的話，我的選擇是咁的：先到街市旁邊的威X斯餐廳看看當日午飯餐牌款式，不合心意的話先轉往頂X，仍不合意的話就轉到海盛，仍然不合的話我寧願去小巴站吃陳X記或越X，如果不是阿媽堅持要去的話，儘可能不選龍X餐廳，除非你想減肥。海盛餐廳是近年西貢小巴站或海傍以外地區生意較穩定的餐廳之一。海盛當年跟華威餐廳一同在褔民路營業，後來日本城來了逼走了他們，同人唔同命，結果華威搬到海傍龍船旁邊，最後被迫結業；反而海盛搬到普通道以後生意竟然比較穩定，午飯時間都是座無虛席，坐滿大量食客。昨日比較倒楣（這樣其實很小兒科，相對香港跟美國近日的亂象，第三次世界大戰還未到，我的其實

剛踏入羊年既人日,祝大家生日快樂,健健康康,食得是福!!恭喜恭喜送馬迎羊之前 約左幾位全男班既好友 走入深涌重遊..入到西貢天氣超好 係附近找上這間茶記食早餐 店子已FULL爆 老闆娘叫我們稍等 好快已安排入座 六個人點了六份早餐 約$30-35不等一SET 當然凍飲另加$來到份量很足 味道都不錯 雖然是普通既通粉但不會煮得爛或淋 碗內也放有雜豆 美味我選配既餐肉煎蛋 前者都有兩片 仲熱辣辣煎上 不會整定放涼夾比客 餐包不熱但軟熟 OK心水餐飲熱奶茶也不賴 茶夠熱 合口味 食飽晒 大滿足 飛快趕坐小巴入白沙澳進發向深涌走!!

《海盛餐廳》，是一個很熟而又陌生的名字。為什麼我會這樣說，因為這是其中一間我從來未有拜訪過的西貢茶餐廳，亦是一間曾經結業，之後另覓新舖再營的小店。從前，就在巴士出出入入的那一條福民路，同《華威餐廳》並肩作戰。現在《華威餐廳》搬了到海邊的萬年街，而《海盛餐廳》就搬到了車水馬龍的普通道。這一天的早上，時間鬆動，也就來《海盛餐廳》，簡簡單單的食一個早餐吧。一落單，店員就立即遞上一隻鵝蛋型的小麵包。這一個小麵包，感覺是自家製的，小小的，雖不太熱，但入口質感煙韌而帶香。不用加牛油，甜甜香香暖暖的麵包，就咁食最是好。我如常地點選了豬扒湯公仔麵，這兒沒有用鬆肉粉去處理豬扒，所以肉感比較好，加了蔥花，加了點蠔油，感覺惹味多了，完美地提升了普通大光麵湯底的味道。豬扒香，湯也香，不錯的一碗平凡型公仔麵。套餐中有一個火腿奄列，這是令人感覺特別抵食的主要原因。這奄列，蛋味香而且是呈半熟的狀態，流心的蛋汁混了同樣香口的火腿絲，味道很美妙，也很美滿。奶茶，很香濃，奶味又足，是一杯提神佳物。早餐，既抵食又好食，這《海盛餐廳》於每天的早上的坐滿人，是好味道同抵食的原因吧。