學利魚蛋 (Closed)

自選配料的酸辣紅薯粉 ﹣ 其中雞中翼配料，送來時晴天霹靂。兩隻雞翼，一隻勉強叫做「正常」，另一隻比我隻都已經唔係大嘅手指公仲要細 （窄小小，仲短好多），要 chow 一陣先至 chow 到，簡真係飲食界嘅「奇聞」，周星馳嘅戲裏面嘅情節，可惜我一D都笑唔出！！！ 食完都唔知自已食咗乜之餘，好老實講，我從來未試過俾錢幫襯人之餘要受人咁嘅侮辱。我係俾錢架，你當我係乜！！ 我走嘅時候好想同個老闆講，好想俾個機會佢解釋一下。但唔知邊個係老闆，收銀又啱啱接電話。唯有以後用對脚黎投票 （vote with my feet)，即係以後都唔幫襯。唔係因為小器，係因為佢咁樣對待客人我仲幫襯嘅話，實在對唔住自已。唔係唔體諒你地而家成本上升 （老實講你地嘅價錢都唔平），但係 cut cost 都唔係咁 cut 法。食雞翼嘅人都係想食得開心，任何一個客人就算點樣冇要求，都絕對唔會接受D咁嘅唔知自已食咗乜嘅「雞翼」，更加唔會接受被侮辱。你地實在好短視，以為成本貴就將材料縮到咁樣就可以賺番，忘記咗客人係人，係有自已嘅感覺，亦會不甘受辱 !！點解為咗隻雞翼會失去咗個客，你自己稔吓啦。

食左咁耐，今次係第６次。入去叫外賣，其實班人態度唔掂，黑口黑面！之後order完等待約５分鐘可以取食物，我覺得講野多過做野。返到屋企以為湯底味道不錯，因為似ｘ牌豬骨湯味，顏色似奶白色。結果湯底係無味道同埋河粉挾唔起，失望！

買5碗野 加埋小食買單百幾蚊. 差蘆多2百......佢俾一小杯仔辣椒油 (重係得一半). 唔好誤會係奶茶咖啡杯.係一個茶匙咁上下既份量.....問佢. 麻煩你俾多幾個我.....佢話. 我俾多一杯仔你......入滿佢.....好老實講. 如果只係一次. 我真係唔會上黎寫衰你.但係一年內買左十幾廿次外賣. 次次都係咁. 就真係再忍唔到落去.我真係好想知道呢間野有冇投訴電話如果係個伙計自發咁搞既.....就話俾個老闆知.如果係個老闆要求員工咁做既. 我就打去教精佢.唔會以為自己個湯好好味.....唔落辣椒油.....點食呀!?

在上水區，沒有太多選擇，食魚蛋粉之類的東西通常會到學利，這次我寫其中兩種推介豬手河，$28 套餐，河+野飲，豬手有四舊，調味的汁味道不錯，像茶樓個d 豬手味道，唯豬手有些毛，有待改善，份量不太夠一個人炸墨丸河是分開上的，墨丸很有墨魚味，外脆內軟，再配合糖漿，實在非常好味‧來到上水又想吃魚蛋粉，可以到該店嘗嘗‧

上水一日遊的晚餐選在學利魚蛋，貪其輕便快捷，也不用等位！簡單的，就來一碗魚蛋雲吞河加碟炸魚皮。魚蛋雲吞河魚蛋彈牙，經調味後雖然魚味已去除了大部份，但總算和湯底味道配合。雲吞則是普通的，蝦算幾爽，難得。河粉也稍有米香，份量亦很多！炸魚皮脆是頗脆，但入口總覺得沒有甚麼味，好像是稍為平凡了一點，下次大可不叫也罷。埋單不貴，地方也乾淨企理！(聞得到清潔水的味道)但不會專登去Encore了，吃過就算。

北區近年多了一批粉麵檔開業,而且主打自家製魚蛋,雖然並不是每一檔都咁出色,但總算百家爭鳴,好過一家獨大. 老實說價錢並不實惠,二十圓一碗,北區大把選擇,就旁邊新康街就已經有另一檔"水上人聯發餐廳",又是主打魚蛋.亦不過十六蚊一碗,而且仲有生滾粥出售,不過學利另有法寶,就是有單人火鍋. 學利面向大街,有點地利,但人流依然不多,魚蛋河除了三片魚片之外,還有四粒魚蛋,先呷一口魚湯,魚味鮮甜,魚湯是對辦落足料,撥開河粉,讓河粉充分吸取魚湯,入口滑溜,在北區可以算是水準以上,與同類麵檔比好得多了.奇怪地,上水好多粉麵檔麵無人提供地址,等我睇睇先. 魚蛋雖然魚味濃郁,然而有點死實,雖然都有點彈牙,但並非柔韌性,而是硬梆梆的,魚片炸得不夠香,香味未能充分揮發.

天氣熱, 一個人, Lunch 無胃口食飯所以去食麵, 上水可選擇的麵店真係好有限 ! 去到學利, 細枱無晒, 安排座大枱, 無夾硬要你搭枱, 唔錯! 叫左吞腩麵走根 + 凍 OT 雲吞 OK,湯低 OK, 牛腩本來唔錯 , 但7件細腩 (D 腩有D 碎) 居然有3件根 !! 有無攪錯 ! 張單明明寫住 (正腩走根) !! 即刻食慾大減 !!!

今次o係第一次去學利食lunch, 之前想去好耐了..一行二人中午食左牛腩魚旦米線, 雲吞河 + 2杯凍檸茶.1) 牛腩魚旦米線牛腩不會大"鞋", 好林, 肥瘦適中. 魚旦都不錯很彈牙, 且不會有腥味...(我很怕有腥味)湯底係腩汁底, 不會太咸及太油.2) 雲吞河雲吞都算大隻, 有原隻鮮蝦o係入面, 肥豬肉也不多, 食得出雲吞入面加了一些香料...所以味道不會淡淡的.河粉浸久了也不會林了, 仍很彈牙.3) 凍檸茶茶餐廳水準, 不太甜, 不會太多冰或太細杯.值得一讚的是, 惠顧粉面加兩元就可以有野飲(凍熱同價), 樂園都要加五至六蚊先可以.環境舒適, 清潔, 空氣清新(不會有一種霉霉臭臭或油煙味), 冷氣溫度適中(不會凍到要著長衫先得). 可能係樓底高, 所以不會有很局促的感覺. 燈光照明適中, 最喜歡木地版(應該係膠地版但係木地版紋..),配合室內裝修親搭得不錯, 給人很舒適的感覺.餐枱, 坐位及走廊寛度適中, 不會太窄像傳統的茶餐廳格式.以後o係上水搵野食, 又可以多個選擇了.

2009年06月26日，18:50同事一個錯誤的決定，我便要中午從深圳回小西灣，取貨到上水交收。完事後已黃昏日落，肚餓找醫生。本想吃粥，中年痴呆病發，遍尋不果。便先到這店江湖救急，來碗蛋河。湯底：湯底清鮮，師父少。河粉：夠滑魚蛋：彈牙，不夠滑，魚味足。(吃魚蛋還是夏銘記好)店夠陽，整潔，伙計反應快。店內巨型照片，是石湖墟舊貌。

食完壽司，係上水行商場，行行行，差不多5點幾，又想揾野食，岩岩經過學利魚蛋，之前想食好多次，但次次都食唔成，今次侍應出黎話有下午茶餐食，又入去試下先。先講學利魚蛋，平時係元朗街市買學利魚蛋，己經買慣買熟，打親邊爐都非佢莫熟。魚蛋牛丸各樣各樣質素係比一般魚蛋檔好，價錢相比較貴，價錢和質素是成正比的，值得。今次坐係鋪頭食粉都係第一次，坐低睇下有咩下午茶餐，但好似茶餐又冇粉麵，所以都係散叫左:牛丸河: 河粉好滑，份量適中，牛丸有6粒，牛味重，彈牙。湯底幾重味，當時覺得味精湯，但回家又唔見有口渴感覺。墨魚丸河: 墨丸又係有6粒，一上枱，心諗，都OK抵喎，平時係街市買$10都係得8,9粒到，粉同湯底同上邊一樣評價。墨丸彈牙，唔係淋”patpat”個D。2樣都係$20碗，如果是餐，可加$5有熱飲。不過我冇加。$20碗，價錢就比一般略高，但有6粒丸，是可以接受的。講下環境，有幾幅香港懷舊相掛係牆，幾特式，但唔知係香港邊度呢?

星期六既下午一點幾.....打完波路過此地......學利魚蛋? 唔通就係大埔好出名果間魚蛋粉麵? 睇佢門口既介紹....真係果間粉麵既分店!見入面有位....我同友人就決定今餐起學利魚蛋解決啦我地叫左:魚蛋河: 聽講係招牌粉麵黎架.....果然無令人失望~! 魚蛋好彈牙!炸墨丸河: 雖然炸墨丸細細粒.....但勝在好味~ 不過一定要趁熱食....凍左味道差好遠...唔飲野既話...廿幾蚊就一餐啦~ 以後食lunch又一選擇