北海道牧場 (Closed)

今早我們一行二人去了一間我哋經常光顧嘅一個食肆吃早餐。它就是沙田中心內的北海道牧場。這間鋪頭面積比較細，但它的食物又受到一般食客的垂青，所以經常滿座，侍應生應接不暇。我們一早也要搭枱呢！我今早就點左一個較健康的雪菜肉絲米粉配煎蛋，意想不到的是我將餐牌上的牛乳炒蛋改成煎蛋之後，居然有兩個煎蛋。這$26的早餐還配了一杯飲品，真是便宜呢！至於我嘅屋企人就叫咗另一款早餐，包括午餐肉公仔麵、一份牛乳炒蛋和多士。其實這間北海道牧場食品嘅特色就是它的豐富香濃雞湯底。還有那厚切午餐肉差唔多有四分之三個cm咁厚，所以咬落去嘅時候的口感係相當之唔錯架！而那個麵軟硬程度適中，所以食落都係好爽嘅！那滑滑的牛乳炒蛋是一層一層的，夾有3.6牛乳的香味，可放在多士上吃。這裡的早餐是一律配了餐飲的，我們最欣賞的就是熱朱古力，入口香濃、味道相當之好，所以我們經常來光顧早餐！價錢絕對公道！

今日係附近shopping 完，行到有D肚餓要食下下午茶，見都有一段時間無食，咁就一於過黎依度食啦。見左脆炸雞中翼特餐，入面有火腿通粉，炒蛋三隻炸雞中翼，再加7蚊多士轉牛角包，加杯熱檸檬水。唔知係咪好耐無食，食食下係覺得失望既。首先係野食方面，個牛角包，都有小小伏，一黎要加成7蚊，二黎成個包都唔係好夠熱，而且又淋左，唔夠脆，唔值得加錢轉。雞翼就中中等等通粉湯底就咸左小小。第二係個餐既價錢其實都偏貴，成個餐轉埋牛角包要成61蚊，其實都只不過係一個茶餐廳常餐，但質素就一般了。

服務一般環境一般衛生一般 啲嘢食 好耐先送到 和牛鐵板燒唔係和牛係鐵板 和 牛， 食扒餐係送甜品送野飲之後送鐵板最後先至送餐湯同埋多士 仲要十分至誠意推薦大家嚟食 講真唔係肚餓都係唔會嚟食

今日中午時間出去食lunch，可能因為遲左少少出去，在沙田四周圍的餐廳都爆滿，我唔想等唯有一路行睇下邊度有餐廳冇咁多人，終於比我見到間餐廳有位，但在門口睇睇個餐牌時 其實覺得有點貴，就同自己講貴少少無所謂啦！又唔洗企係度等，於是入去叫左個午餐 盛惠$71，都唔緊要 諗住如果夠食同好食的都無所謂啦！等左20分鐘，一來已經覺得中伏，依飯又少，又硬（好似飯焦咁）塊豬扒又鞋恰恰，得隻蛋最正常，叫杯凍飲 凍檸茶得個甜字 又無茶味

今日喺沙田中心工作，唔知食咩好，見到呢間北海道牧場，就入去試下啦，叫左個鮮茄牛肉炒意粉，配熱檸檬水，埋單只係$52，超底食呀味道屬中上，下次會再嚟試其他野食😋😋

之前曾經見過其他食客食公司三文治，覺得三文治的樣子好似很好食，所以今日下午時段特意想試一試。門口見不到任何一個職員，要特意走進去自己搵位置，佢有一個小角落，最入面的卡位見到四五位員工都在休息，而我挑選在較近的一個卡位坐下。等了5分鐘也沒有人幫我們執位，只聽見休息中的員工不斷大笑，甚至有人攤在卡位中，外面也不見得有一位職員經過。後來終於落到單，但等了半個鐘只來了一杯咖啡，心心念念的公司三文治始終都未到。兩次叫了員工跟單後，終於見到碟公司三文治。但瞬間是非常失望的——與餐牌的相片和上次食客見過的樣子完全不同，麵包沒有烘底，就像是求其交貨的，完全不值得等了半個鐘。雖然食物的味道是OK的，但是服務態度令我不會再光顧這間餐廳。

服務員人手不足 廚房又缺人 等了25-30 分鐘 食物都未到 原來隔離枱又係咁，看到openrice其他人對食物的評價後 最後決定不等了 付了飲品錢就離開。。所以如非必要 真的不要浪費金錢在這間餐廳 。😩

本身見到間餐廳入面得一枱人食緊飯已經好不安膽粗粗咁照入去食嗌左個咖哩漢堡排同咖哩雞肶飯轉過頭同我地講冇漢堡 本身已經即刻想走但佢落左單我都唔好意思走 就轉左吉列豬排個飯嚟到 嘩 隻雞肶仲細過我係出面10蚊買嘅一隻炸肶 食落去淡而無味 我真係懷疑人生件吉豬 一睇 嘩 面頭仲燶到黑過煎Pan煎完幾餐之後啲黑色焦 咬落仲硬過我係KfC食嘅萬年炸雞80一位嘅價錢我唔好去食K記食兩餐？！服務又唔係好 又滴水 員工係隔離自己hea企大家寧願食茶記都唔好食呢間

曾經嚟過幾次，質素只屬平平。但今次經驗非常不快。周六午餐時段，只是貪佢應該有位且茶餐廳快手格局。到達時正好有兩至三張枱空置，但等候數分鐘期間，4位職員只迴避招呼，甚或叫我哋等等。終於有一位職員一臉不情願的到來帶位，又並非安排入座（仲要等啲咩呢？）而只給等位紙。好不容易被帶入座，卻被要求與另一對食客迫在卡位。本人拒絕，呢位職員又再一臉不滿意，下單時又態度差劣，牆上電視明明放映出幾個餐，並沒有寫明是早餐；客叫錯了，唔係提醒個客，呢個職員竟然冷笑一聲走開！最終午餐時段唯有忍耐。叫咗蕃茄湯叉燒蛋烏冬，及牛奶炒蛋湯粉加多士。叉燒肉質乾，蕃茄湯得個酸字，蛋放喺酸湯內破壞晒，烏冬不夠冧，份量亦少得可憐。整個餐質素不佳，服務可說是奇差。餐廳地下處處見垃圾，幾枱望正污糟廚房，衛生令人失望。不會再幫襯。

焗飯一向需時，我可以理解。但係冇可能要等成差唔多45分鐘。催足咗第二次，侍應先慢慢行入廚房再跟進，等多額外六分鐘先到。講廚房嗰焗爐有小小問題，如果有問題唔係一時三刻會知，更加應該早啲同我講，我唔介意即刻轉另一個餐。今日想食咩冇咩，要雞翼冇，魚湯飯冇，全部嘅解釋唔係售罄，而係做唔切，如果做唔切，可以收起餐牌，我唔係第一個中伏，其他在場嘅客都中伏。星期六唔係飲食業要好好準備下？

以前係灣仔返工，放lunch都會去後面莊士敦道既北海道牧場餐廳買野食，買得多同間野個經理都熟左有講有笑但後黎間野執左都無再見到個經理lu.... 事隔半年有次行過沙田見到呢間野，又係賣點北海道牛乳炒蛋，咁就入去試。。 驚喜就來了！ 原來之前執左個間牧場餐廳個經理黎左呢度開鋪。 熟識的感覺返晒黎。食物水準依舊好高。美味既感覺返晒黎！

可能有腐皮，員工態度有些改進！食嘢不嬲都覺得幾好，只是第一次去佢哋唔夠人做嘢，我叫極都無人應，覺得有啲炆。食物方面今次叫咗蕃茄鮮魚湯雞扒湯飯，魚湯味道濃郁，不錯不錯。快餐方面，通粉正正常常啦，個炒蛋就做得幾好。整體食物滿意，態度有多啲笑容，呢間餐廳會好忙！

成間店Lunch hour得3個員工係食堂，岀面有10幾個人等緊手腳都仲咁慢，斯斯然咁執枱。。。員工做野冇效率之餘，仲要態度極差😡等左20分鐘入到去，安排左個風口位比我同我媽坐，個風口位好大風，我媽年紀大唔想佢吹親，叫個員工調位，點知佢話唔得！咁叫佢較細d個冷氣啦，坐隔離個姨都話凍，條友話: "較細左其他食客就會好熱！" 有冇搞錯，位又唔比調，又唔比較細個冷氣🙄咁嗌野食啦，我指住個餐牌話要呢個餐，佢話: "你讀岀黎啦！" 大佬，你盲架？咁大個字寫住係度唔好同我講你睇唔到🙄咁我媽用coupon啦，落單果陣先知原來+$3有熱飲，我地諗左唔夠5秒飲咩佢即刻走左，洗唔洗咁？果幾秒好阻住你？佢走左我地叫過另一個員工問佢有冇得調位，佢又話唔得，最後嬲得滯我同媽未落單就走左🤡不講呢間野既食物質素，但d員工根本係垃圾黎。。。

雖然我加入openrice 已幾年，但今次係我第一次寫食評，、仲要係差評!今早黎呢間沙田中心北海道牧埸吃早餐，点知原來只可用兩个字，形容佢地服務態度係 (極差)!因為舉手d職員，,完全5理客人，當睇唔到!  我唯有繼續舉手，终於有个職員行埋黎，對住我黑口黑面，用晦晦氣氣嘅熊度問我要乜？甘之後我係巳食哂个早餐，但係杯飲品仲未黎，所以今次叫另外一个職員,幫我check吓，點知佢只系拋以下不知所謂嘅答覆!職員答覆係  (你地d客成日追單，我地幫你追，會比水吧嗰個鬧㗎!所以無得追亦都5會幫你追，繼續等啦你，杯飲品實會黎架! )   我聽完火都黎，究竟呢間餐廳，負責人係點樣請人及点,樣培訓出這些職员!

今日星期日放假開開心心一家人一齊行下街，去到沙田中心食個午餐見到好多食肆都派緊飛，係得番呢間北海道牧場餐廳等既人最少又未食過咪試下，點知等左十分鐘入到去舉手完全冇人理既，舉到手都酸埋先有人過黎，叫左幾個餐等咗半個鐘連一樣食物都冇，把鬼火單都唔埋就走人，最睇唔過眼著藍色恤衫啲服務態度連著T-shirt既普通侍應都不如，以後都唔會再黎呢間餐廳幫襯，各位想去食既諗清諗楚，份份鐘冇野食落肚仲要受氣！