北海道牛乳蛋糕 (莊士倫敦廣場)

Open Now

Now Closed

Indulging in the delightful treats at Hokkaido Milk cake in Mong Kok is was great. The egg tart is a standout, with its perfect balance of sweetness and egginess making it a truly tasty delight. The fluffy cream puff, paired with a cup of their aromatic coffee, is a match made in heaven. While prices may be slightly above average, but considering the prime location in Mong Kok. It offers a sweet escape for those craving delectable pastries and a comforting cup of coffee amidst the bustling city

今早，我見該餐廳全場得一人食撻。因為週圍的餐廳都多人，心諗拿拿聲食完嘢走。我哋兩人買左三個撻一杯大咖啡，盛惠110元。俾錢時，我指住三個紙杯問個收銀女職員邊個係大杯，個職員已經好悔氣咁答「中間果隻呀。」。根本佢想「趕客」，唔想返工咪辭職囉。作為咖啡店，枱同櫈都係好迷你。這個我完全理解。我地搵「二人位」坐低，但由於二人位無空間或籃子放背囊，我哋有兩個背囊，加一大袋物品。我哋就行過去四人枱。那位女職員立即喝停話你哋兩人唔可以坐四人位，態度好差，係駡客人。講真，我如果見到你有客，我都唔夠膽坐去四人枱，阻你做生意。但你全場得我哋同一位女士，眼見起碼八張空枱。你唔洗咁惡鬧我呀。而且收得咁貴，服務水平應該起碼「正常」。食物質素方面，奶撻、芝士撻好普通，26蚊一件明擋遊客。綠茶撻仲係一pat咁，同幅圖差好遠。杯咖啡$35根本係奶加水。

之前佢買過葡撻俾我食, 雖然價錢唔平, 但係 熱辣辣味道確係唔錯的~ ;)所以今次同朋友行到附近, 行到攰攰地, 唔想諗食乜嘢, 就直接決定入嚟坐嘞~ 近近地同朋友坐低, 食件蛋卷 + 飲杯橙汁 都唔錯呀~ 芒果白玉麻薯卷嗯, 以為揀大路嘢食穩陣啦…望落, 樣可以吖~ 一食, 估唔到佢個蛋糕底係偏乾嘅, 小小失望…由於乾身嘅關係,吞落去時, 喉嚨覺得有少少困難…所以真係唔能夠食晒了…玫瑰焙茶麻薯蛋糕卷反而呢件唔錯, 濕潤程度啱啱好, 軟綿綿得來有啲彈性, 淡淡茶香, 幾好味的~當日有 香橙特飲同埋檸檬特飲, 我哋都揀咗香橙特飲~

當天和男朋友經過這間店，之前見過社交平台 推介過就想試下佢地嘅泡芺。我地最終買左鮮忌廉吉士泡芺同酸乳酪芝士撻，同行有兩個人，所以想請店員多攞一套餐具，但是店員拒絕，表示一套餐具已經有匙羹同叉，所以唔可以俾多一套餐具。那請問如果要兩套餐具係唔係要分開買呢？我地亦不止買一個商品，多攞一套餐具要求理應不過分！惟少少要求都達不到，實在對佢地嘅服務非常失望！食物亦只是普通嘅水準，價錢亦不是便宜，加上服務差劣，性價比實在奇低，不推薦此店！

呢間鋪頭嘅蛋糕大多賣相精美，今次揀左兩款夏日比較適合嘅蛋糕及撻試一試～🍫🥧薄荷朱古力撻 ($26)上面嘅薄荷朱古力cream幾清新，不算太甜，但塊薄荷朱古力就一般啦，感覺又甜又假。個撻底尚算鬆脆，唔太重朱古力味，夏天食下都ok。🍰🍯熱情果蜂蜜蛋糕 ($34)呢個外表包裝得好靚架，切開又見到一層熱情果醬cream，本身期望好高，點知食落係香精同糖漿甜味，唔太覺有蜂蜜😵‍💫😵‍💫而且個餅底好硬同乾，切都難🥲以呢個價錢黎講都失望🤧 不推薦😖唔知係咪呢間店只係應該買牛乳類產品先好食，如果夜晚減價都可以試下🤧其他撻就吸引唔到我再回頭幫襯啦。

光是三个字就够了特浓芝士挞🥧层层叠叠的酥皮在口中咬开的瞬间就炸开了花，但是酥皮有点厚，馅儿的部分也没有很湿润，吃的有点干🪵白汁錦爽蘑菇芝士雞批🍄有一种吃烤包子的感觉，外面一层厚实的酥皮包裹着坨坨软嫩的肌肉，适合爱吃咸口的人💵没想到他们家还有团购套餐，需要的话也可以考虑一下

早幾個月經常去佐敦覆診，見呢間門口玻璃櫃放咗好多芝士蛋糕、蛋撻，勁吸引咁😍有日終於走咗去食tea坐一坐😋熱撻有牛乳焦糖蛋撻、鮮奶撻、乳酪芝士撻、雞批等凍食嘅有檸檬撻、新推出嘅黑芝麻撻、京都忌廉紅豆撻、特濃朱古力撻、玫瑰伯爵撻、蜜柑忌廉撻等最signature又最想食嘅一定係佢門口大大個新鮮焗起漲卜卜嘅芝士蛋糕😍😍好多個味😍😍🧀特濃芝士蛋糕💰$120蛋糕勁鬆軟軟綿，面有芝士，入面又有芝士，仲要係半溶😍食落口超正，一啲都唔膩🉐下次要試埋其他味😚🥧北海道3.6牛乳焦糖蛋撻💰$16勁勁勁好食，一啲都唔誇，酥皮層好酥脆😋可能係用日本材料關係，蛋漿特別香又滑，下次一次要買埋返屋企🉐🥛3.6牛乳鮮奶撻💰$22今次呢個新鮮熱辣出爐，鮮奶勁滑，唔算好固體，所以好滑溜嘅口感💛鮮忌廉吉士泡芙💰$30勁大個，入面有吉士有忌廉，口感超滑，泡芙唔乾，食晒好飽不過係我覺得最好食嘅一間puff😋🚩北海道牛乳蛋糕 (莊士倫敦廣場) (佐敦) 📍佐敦彌敦道219號莊士倫敦廣場地下G03號舖

踩入來這家店尋味，個個甜品都好似藝術品咁琳琅滿目。先跟大家嗌聲，呢間店嘅甜品，簡直係層次感十足！第一炮嚟咗個檸檬撻，啖啖檸檬香，餅底鬆脆，吉士軟滑得嚟唔膩口，實在正！🍋紫薯撻就係個色彩搶眼嘅小可愛，紫色植蓆得滑嫩嫩，中間層嘅蛋糕底帶啲彈牙，咬落去就有層層紫薯同蛋糕嘅交曲，賞心悅目得黎又美味。芝士撻流心得嚟溫柔，每啖都含有輕盈嘅芝士味，闊別咗嘅芝士粉絲快啲嚟試下啦！🧀最後那個北海道牛乳蛋糕，輕柔似雲朵，啖啖都係香濃牛乳味，每一口都令人好滿足，響舌尖上褪去嘅時候，就留低咗心頭好滋味。呢個簡直係甜品中嘅清新小生，令人一試難忘！😍間店嘅氣氛都令人覺得好chill，坐住慢慢欣賞每一件甜點，感受食物帶來嘅驚喜，實在係個寫意嘅下午時光。記得，要食得其樂融融，就一定要試下呢間嘅甜品！

今次就嚟咗佐敦嘅北海道牛乳蛋糕，平時行過已經聞到好香嘅蛋糕味，今次終於行入去食！-入面環境唔錯，就嚟聖誕，亦都有唔少裝飾，好有氣氛‼️🎄今次就叫左一個芒果卷蛋同埋藍莓撻水果就比較酸，麻薯蛋糕都無咩味，但賣相好靚，打卡一流！位於佐敦地鐵站對面，過馬路就到，好方便！

係喇，今日一於嚟咗呢間話題度滿分嘅蛋糕店一試。首先我嘅目光被呢個3.6牛乳蛋糕吸引住，啖啖蛋香，輕輕咬落去，感覺得到佢哋嘅心機，舒服得好似抱住一個軟萌萌嘅小熊公仔咁🧸！真係好過癮！跟住，我試吓伯爵茶芝士撻同青蘋果撻，個撻皮做到金黃酥脆，撻心就滑溜溜嘅，微甜中帶有清新嘅伯爵茶同蘋果果香，層次感滿分，食落一啖，就好似坐雲霄飛車咁，一路驚喜連連😲！兩款咸既批都唔係蓋的！牛肉批嗰個酥脆嘅外皮同濃郁嘅牛肉惹味，令人不禁一次過咬兩大口。而雞批就平平地一批，但係味道好實在，菠蘿包咁嘅外形，別有一番風味。話唔多講，嚟呢間店，就算唔係大食會，都會想一試再試。有啲野真係要慢慢嗌，慢慢享受，好似哩啲蛋糕撻一樣，每一啖都係享受🍰！咁嘅滋味，真係唔使飛到外國都試到正宗嘅味道，記得帶埋班friend一齊嚟食，分甘份甜啦！👫🍽️

附近做完運動經過彌敦道，見到呢間舖有人排隊，原來係夜晚有限時五折優惠。第一日試呢間餐廳，有咁嘅機會就買左兩個tarts一試。酸忌廉芝士撻，足料嘅酸忌廉芝士係入面，食頭四分一份覺得好濃郁，之後就覺得漏漏地啦，如果唔係螞蟻人，兩人分享一人一半分量會啱啲。另一個係檸檬撻🍋，檸檬味係細個瑞士糖檸檬味果款香精味，但我本身最鐘意食果隻味，所以即使香精都唔抗拒

星期六行得攰揾個地方坐低抖抖，順便飲杯嘢，之前朋友推介過呢間北海道牛乳蛋糕，但當日我唔太肚餓，只想坐低飲杯嘢，所以入去order 咗杯細美式咖啡，$25，價錢ok，但杯美式咖啡完全不能稱之為咖啡，頂盡只能叫做有咖啡味嘅熱水，超級難飲🥴🥴

-🚩 北海道牛乳蛋糕 (佐敦)佐敦彌敦道219號莊士倫敦廣場地下G03號舖—————————————————————🤍餐廳推薦度：🤍🤍🤍🤍（4/5）❇️每人平均消費：$30 (Takeaway）⭐️打卡指數：🦖🦖🦖🦖（4/5）🤡服務：🦖🦖🦖🦖（4/5）🍭味道：🦖🦖🦖🦖🦖（5/5）甜品對於我來說是每日必須的🤍成日路過佐敦都被呢間蛋糕專門店嘅味道吸引，但每次都要追巴士，就冇專登入去睇蛋糕款式😭今日終於可以喺佐敦慢活，入去舖頭，睇吓佢哋嘅芝士撻🤍原來係有好多款唔同嘅芝士撻。今次我就試咗青森蘋果芝士撻同埋芒果芝士撻，開頭都以為淨係上面有cream下邊一個蛋撻皮，點知驚喜來了🤣蛋撻皮內仲有滿滿既水果，青森蘋果同埋芒果再撈埋cheese竟然好match🤤大家喺附近搭開巴士，不妨留意吓🫶🏻今次推薦菜式：🤍青森蘋果芝士撻🤍🦖以上食評只代表本人意見🐷

9:00後，就會係佐敦既一間舖傳出鈴鈴聲，因為特價時間到喇，店入面既蛋糕或者撻，會做買一送一同埋半價！我就係俾佢既鈴鈴聲吸引左過去🤣咁平就梗係要試下既！-✧ 特濃朱古力蛋糕 折後$55 （原價$110）我冇望清個Size就買，原來真係好大個🙀至少一磅！$55買到咁大個蛋糕已經係好抵！食落去質感係好綿滑，唔會鞋烚烚果種，中間仲夾左少少半溶既朱古力粒，朱古力味都算濃，間舖好似仲用北海道原材料製造蛋糕同撻，真係完全冇投訴！

OMG…..九點後呢度既蛋糕同tart類全部都做半價實在係甜品控嘅一大喜訊😍😍😍買咗一大個3.6牛乳蛋糕+伯爵茶芝士撻+青蘋果撻+牛肉批同雞批=$100 蛋糕裝盒攞上手嘅時候仲感覺到個蛋糕係有微暖嘅溫度（好新鮮）呢個海棉蛋糕，無論係凍食熱食都好正口感鬆軟有蛋香😋另外兩款甜味嘅tart,分別上面都係唔會太死甜既cream 狀內裏再有相應嘅餡料佢嘅芝士底感覺有啲似紐約芝士蛋糕另外兩款咸嘅Tart都有啲驚喜佢嘅外皮係好厚實鬆脆餡料好多個人較喜歡牛肉有啲五香味惹味啲呢個價錢真係平過我自己喺屋企焗冇得輸