荷蘭冰室 (葵盛東商場)

Open Now

Now Closed

真係第一次聽到丹麥多士係唔俾搽牛油。一擺低碟嘢，我就問個侍應，件丹麥多士係咪唔記得搽牛油。侍應第一次拎返入廚房，出返嚟話廚房師傅唔係唔記得搽，而係本身丹麥多士唔會搽牛油，聲稱丹麥多士本身有味，再搽牛油就會太咸。食過咁多間有丹麥多士嘅茶餐廳，真係第一次聽。咁第二次我就同侍應講，咁不如叫廚房俾牛油我，我自己搽啦。侍應問完之後竟然回覆話廚房師傅連牛油都唔肯俾。𠵱家香港飲食業咁嘅巿道，真係祝貴公司生意興隆。

黑衫經理態度奇差， 午市女同事食嘢慢D, 著黑色衫經理收碟時黑口黑面， 以後都唔會幫襯。淨係搵個waiter 寫單， 都等成2個字， 嘢食上的慢， 計埋order, 上菜時間， 都有4個字， 咁果個經理應該提升餐廳的管理和食物質素， 唔係俾面色客睇。以後都唔會幫襯此餐廳。

都不知道這是西芹炒雞球 還是xo醬爆雞球 太難吃 落左單 等左25分鐘才送來 問過服務員 這是西芹炒雞球 還是xo醬爆雞球 回答都是xo醬爆雞球 我是第一次見到xo醬爆雞球是這樣 佩服

堂食叫個芝士焗意粉配熱朱古力，熱朱古力幾分鐘就到咗，冇諗過咁簡單一杯朱古力都可以整到過甜，飲咗2啖已經唔想飲。至於個意粉就過咗20分鐘都未出餐，應該係漏咗單，等我催單後再過2至3分鐘先出返個意粉。唔知係咪呢個區多老人，個意粉都特別整比老人家食，啲意粉好似焗咗20分鐘咁淋曬，一夾就好易斷。最後食咗四分之一都冇就埋單走人。如果想體驗漏單可以食呢間，因為我次次去都100%漏單。講真個意粉$50幾但衰過大快活，食大快活更稱心。

今日(9-9-2023 Sat)朝,同老公返嚟葵盛攞檢查報告,我又想去YWCA (https://www.openrice.com/zh/hongkong/r-%E9%9D%92%E5%B9%B4%E6%9C%83%E6%96%B0%E7%95%8C%E6%9C%83%E6%89%80%E9%A4%90E5%BB%B3-%E8%91%B5%E6%B6%8C-%E6%B8%AF%E5%BC%8F-%E6%8B%89%E9%BA%B5-r47653)食嘢,不過都打個電話去問有冇開先,答案係星期六唔開.上次12-8-2023(Sat)去到時,個女仔唔係咁講,只話暑假嘅星期六唔開,真係好彩今次精咗,打去問.咁我問我老公,上次話荷蘭冰室可以encore(上次食評係2023年8月17日刊登嘅呢篇:https://www.openrice.com/zh/hongkong/review/%E9%83%BD%E5%8F%AF%E4%BB%A5-e4943795),今次去唔去?佢答去,咁我哋又嚟啦.我哋嚟到時,啱啱開始供應lunch,睇完menu,老公要是日精選$54.00嘅紅燒豆腐飯,要例湯.我要$60

12-8-2023 (Sat)朝嚟呢頭做檢查,我就同老公去YMCA(https://www.openrice.com/zh/hongkong/r-%E9%9D%92%E5%B9%B4%E6%9C%83%E6%96%B0%E7%95%8C%E6%9C%83%E6%89%80%E9%A4%90E5%BB%B3-%E8%91%B5%E6%B6%8C-%E6%B8%AF%E5%BC%8F-%E6%8B%89%E9%BA%B5-r47653)食早餐,點知嚟到冇開,於是走入商場搵嘢食,見到呢間被裝修吸引嘅港式茶餐廳,咁試呢間.入到去,見到有好多卡位,但全部枱都有人,行咗一圈,搵到一張枱想坐低時,就有一組客人食飽起身走人,咁我哋就坐呢張卡位喇.亞姐自動走嚟執嘢同俾兩杯水我哋,我哋睇完menu,老公要$37.00嘅傳統早餐A2,招牌沙嗲牛肉麵,配牛乳炒滑蛋同日式奶油多士,加$3.00要凍檸水走甜;我要$40.00嘅全餐同飲熱奶茶.首先嚟到嘅係老公嘅牛乳炒滑蛋同日式奶油多士,由於duplicate,所以我冇食,等我自己嗰份嚟.然後我嘅熱奶茶到嚟,都幾深色,呢個留到最後飲時,佢嘅茶味係濃,但未至於澀,不過

-吉列豬扒滑蛋大碗飯 $64冇乜蛋香，吉列豬扒炸粉唔會好厚，同埋都好大塊，的確係幾大碗！-蔥油雙蛋香煎雞扒飯+熱檸檬水 $57雞扒醃得幾好，煎得幾香，亦算嫩。-招牌咖喱吉列豬扒+凍檸檬茶走甜 $70同吉列豬扒滑蛋大碗飯一樣，塊豬扒都好大塊，唔韌，唔同嘅係呢個係原塊上，唔係幾鍾意佢浸住喺啲咖喱度，令到某部分嘅炸粉淋咗。咖喱雞飯+熱滑奶茶多奶 $52咖喱有好微嘅辣，夠香，薯仔焗得好香薯味，雞件大細不一。熱奶茶一入口係鹹的🤢。

餐廳座位闊落，唔係著綠色衫嘅職員態度差！招牌沙嗲牛肉麵 配牛乳炒滑蛋+日式奶油方包$35沙嗲牛肉係正常味道，但啲麵真心唔得，腍到一個點，我諗一般人喺屋企煮都好食過佢。炒滑蛋唔錯，幾香幾滑。方包就不予置評！沙薑雞飯 $50雞肉都算嫩滑，但天氣咁凍，如果想食返啲熱野暖下嘅話，建議唔好叫沙薑雞，因為啲雞係凍嘅。都明嘅，雞一定係整定先，上菜前再整返熱又驚佢鞋。味道方面，沙薑味還可以。個湯一般般！熱奶茶叫左多奶都仲係好澀！食完就會知道點解差評比率咁高(其他分店都係)!

本人到這個餐廳食早餐，唔係第一次黎，上次經驗都係比較差，好似呢度服務員是大嗮，叫了3個人落單都無人落，到第四個先來落單，講左又聽唔到，我大聲d, 我無說任何話，落單個馬尾阿姐，大大聲話唔該，我無回應，他還要用責罵語氣話我講得細聲，話我帶住個耳機。我說話唔細聲，但我明白呢度四圍裝修好難聽，所以我講多次。無想到還要受氣比個阿姐話我，我以後無飯食都唔會到呢間垃圾餐廳食物唔係出色，又唔係免費，還要客人受氣，離譜。 我需要說起8清楚，服務我係一星都唔想比，只是唔比過唔到。

今晚夜收工，返屋企前就走咗去試下呢間冰室！見到佢有個抗疫外賣餐 $38 連野飲.响呢個時間都算平，就叫咗個應該冇乜機會瀨野嘅涼瓜排骨飯啦！跟著响門口等，諗住做得外賣家餐，應該唔駛等好耐掛。等咗差唔多4個字先有得拎，諗住莫非係即叫即煮咁有誠意？所以以為等係值嘅！就滿心歡喜咁拎咗返屋企。返到屋企，一打開個盒，即時想講“X”唔“L”係排，點解啲涼瓜顏色咁青綠架，完全冇同啲排骨有任何交流過嘅，純粹白灼！算，咁開始食啦，WTF！凍嘅，凍嘅？仲有啲汁係似豉汁味嘅寒天！點食呀！結果人生第一次食唔晒盒飯！

今晚同屋企人諗住去樓下叫個外賣自取，叫咗沙拉蝦球、椒鹽鮮魷、蜜椒翠玉瓜牛仔柳。牛仔柳係入面最好食嘅一個，但份量少到不得了。椒鹽鮮魷一啲都唔脆，似係整咗好耐再熱返佢，配菜嘅花生又梅晒。最過分嘅係沙拉蝦球，無啦啦加啲朱古力豆落去做乜嘢啊，啲朱古力溶咗之後有浸嘔吐物味，成家人食呢碟嘢食到想嘔，份量都係果句，好少。

第一次同家姐嚟呢間餐廳食嘢，叫咗個五香肉丁麵配豬仔包，炸雞髀配薯條，雪菜肉絲炆米，本來食物評價都唔錯，唯獨雪菜肉絲炆米真係咸到阿媽都唔認得，本來諗住勉強食埋佢，但係真係頂唔順佢咁咸，同侍應講好咸，點知佢和應一下就行開，以為佢處理完手頭上嘅嘢就會過嚟，點知就一去不返，算數，唔食啦！我驚會有腎病😏

-叉燒煎蛋飯，太陽蛋唔該阿姐「我照幫你寫，煎唔煎太陽蛋，我就唔知啦」我「好野！食左誠實豆沙包？」-姐，有無紙巾？比3蚊買包我都ok!姐（不加思索）「無，我地無依啲野！」荒謬既態度，不服來試💪🏻

今日好大雨，諗住近近地食就試下呢間餐廳。中午時段去食，點了干炒牛河，以為茶餐廳食炒野應該都無伏。。。。點知，碟炒河一上枱，我見到都呆左。。咁核突嘅。。河粉散，無一條完整，唔多熱，連條葱都唔係綠色的。擺到明系一早炒好之後整返熱。咁我都算，以為間野系咁食完就算。但當我去買單嘅時候，路過見到人地食緊個碟干炒牛河咁靚，先系一碟正常應該系茶餐廳出現嘅干炒牛河之後。。。我只能說系我唔好彩定系我太樣衰佢俾碟咁嘅野我😡😡😡

🤰🏻冰室嘅數目真係就快多過便利店，總有一間喺左近。咁啱工作地方附近開咗間荷蘭冰室，就去睇吓有幾荷蘭🇳🇱。最後，當然只係得個名係荷蘭，食物同室內裝潢都沒有半點荷蘭風味。室內環境開揚，落地玻璃食客可以享受自然光🌞，坐得都幾舒服。食物選擇多，連泰🇹🇭式都有。我同同事都點咗常餐—沙嗲牛肉麵，配牛油多士、炒滑蛋同一杯飲品(凍飲加$3)，盛惠$53，諗返都有少少🤏🏽貴🤑。食物質素還可，不過不失。但特別欣賞塊多士除咗牛油🧈之外，佢仲加咗煉奶，唔使額外加錢。蛋都炒得幾滑同有蛋香，不過略嫌熟咗少少🤏🏽，個人比較鍾意水汪汪的炒蛋。