荷蘭冰室 (明德商場)

Open Now

Now Closed

早幾日收工行經明德商場好攰唔想諗就揀左荷蘭冰室既下午茶外賣，賣左個五香肉丁公仔麵配奶油豬(半隻)加杯凍檸茶🤗個人覺得五香肉丁都幾香，肉粒咬落去都算諗，但可以再辣啲🫢麵質林左啲我唔係幾中意太林身，如果可以硬番少少就好🥲奶油豬可能外賣關係番到去已經冇咁脆口，但面層既奶油都唔算好甜還可以🤗

位於明德商場內的荷蘭冰室，一般的屋苑茶餐廳出品，沒有特色，總算食物選擇多元化，吃慣濃味的人可能覺得味道太淡，例湯雖然份量非常少，但味道尚可。總括来說，無論食物質素、味道和飲品也不過不失，價錢公道，服務不錯，坐得舒服，餐廳雖然唔算大，但餐枱都算闊落，服務員夠主動，環境都算乾淨，比一般茶餐廳坐得自在。

一個人去食晚飯，行衰運入左呢間，見有幾款飯歺揀，叫左個蒸排骨，到餸黎今日得12-3度，見到碟骨冇蒸發飄都知唔精神，摸一摸隻碟同d排骨，係冰嘅，唔係室温唔係凍，係冰，咪叫亞姐過黎講，佢摸一摸即刻收番話再番蒸，同埸有兩個亞叔都係叫排骨，無姐好醒目即去問埋佢地係咪唔夠熱，之後當然收哂去番蒸，約十分鐘後拎番，都係微温到暖之間，爬兩啖走人番屋企即食面，有仇人介紹佢去食啱哂

中午叫咗個乾炒牛河餐。例湯雖然份量非常少，但係味道尚可。除咗一舊骨之外並沒有多少湯渣。至於乾炒牛河，味道本身都算正常。最奇怪係一個炒河一半熱一半冰凍，真係唔知佢係點樣炒出嚟。牛肉爛蓉蓉好似俾人𡁻過咁。份量一般般，我食量偏少都食得晒一個餐，沒有覺得很飽。OpenRice上面一面倒嘅差評真係完全冇講錯。另外提一點，原來翠河餐廳集團嘅優惠券係不適用於荷蘭餐廳。覺得非常後悔過嚟食一餐。早知就問過先入座！

現在荷蘭冰室食午飯剛好想食魚香茄子飯😄個人覺得太多汁，食完也不太口渴，應該不算太多味精，食物的份量也大份包了湯和凍飲價錢$55♥️湯也算足料，有瓜有肉午飯時間不用等位，環境也10分舒適😋可以慢慢坐一下，不用急着走侍應的服務態度也很好奶茶也很好飲👍🏻😊

第一次去明德荷蘭冰室，見佢選擇多，叫外賣好快已經拎到，叫咗一碗火腿通粉、排骨炒河、同埋蔥油雙蛋豬扒飯，份量十足，個豬扒飯有兩塊豬扒，仲係好大塊，一個人食唔晒，但味道一般，豬扒有點乾，一試無妨。

下午打算去明德商場剪頭髮，見店內人多便打算先食飯後再剪，去到餐廳叫咗沙爹牛肉炒河和凍檸茶，炒河外表正正常常，但其實是非常難吃，整體來說這碟炒河是我人生中食過最難食的一碟，河粉微暖不熱，好似之前已炒好了，再用微波爐翻熱，而且河粉食落好硬應該不太新鮮，沙爹汁完全冇沙爹味，牛肉有大有細有片有絲有粒，形狀各有不同，食落完全冇牛肉味，菠蘿味道怪怪的，就是沒有菠蘿味，應該是室溫內放了太久，最後我只吃了半碟，凍檸茶茶味淡，檸檬冇味，侍應全場黑面而且第一次送來一碟炒飯，而且放下時不是慢慢放下而是拋下來，之後炒河送來時侍應卻說這碟是豉椒排骨飯，但我見名稱雖然錯了但食物沒有錯，所以也沒有跟他說，結論是這餐廳我不會再去

樓下開咗間Holland 冰室 心諗試一試喇三人去叫左 星洲炒米 洋蔥豬扒拼腸仔飯 香煎紅酒牛脷意粉總括嚟講 好差 好差 好差1）星洲炒米 算係比較好既一個味ok 色水唔夠同差啲韮黃2）洋蔥豬扒拼腸仔飯 咸 好咸 個師傅應該冇味覺或者係做到冇哂知覺 咸到一個點👎3）香煎紅酒牛脷意粉 咸 好咸 好鬼咸 同埋個牛脷係唔冧 好似咬樹皮 失敗 👎👎👎👎所以 無下次 等佢執笠🙏🙏

買個午餐都可以咁，拎杯奶茶出黎見到有黃色，再望下原來係檸檬，好彩冇飲到，唔係都唔知痾成點第一次飲奶茶入面有三片檸檬😅收銀呀姐仲問我點解有，我點知？叫佢換個杯拎上黎，仲好意思cut線

第一次在这里吃，被这里的牛乳炒蛋惊艳了，因为味道非常好日式奶酱多士也很香甜。猪扒味够正，一碗拉面🍜下肚早上无比幸福😄以后有机会一定再去吃午市晚市，相信正餐也做得很好吃👍

從將軍澳醫院出嚟，諗住在就近食個快早餐，入去這個明德商場的荷蘭什麼，剛剛向位女服務員落單唔夠15秒，想改餐飲由咖啡轉為阿華田，服務員話已經做咗，改唔到！（其實覺得佢怕同水吧哥哥講改單）我真的想改，黑色衫服務員阿姐加上收銀阿姐立即大反應，！我焗住另外單叫一杯熱阿華田！另外收費$20！（講真，改杯嘢飲有咁難咩！其他茶餐廳話都冇咁易就換左杯嘢啦！）今時今日咁嘅服務態度真係搞唔掂！

為了”醫肚”, 都不會用味道先決的思考模式行經附近就決定, 是但求其找間冰室叫個常餐但我還是有去看看這間的食評,發現好評就一個都沒有, 反而負評有兩三個心想叫一個沙嗲牛公仔, 怎樣差也應該不會呑不下去吧！沒關係! 就叫了一個沙嗲牛公仔+炒滑蛋+奶油多+茶走除了沙嗲牛肉份量小跟太韌外, 沙嗲牛還是沙嗲牛, 公仔還是公仔味道就是走不在一起有可能因為沙嗲牛份量小很小沙嗲醬,因為餓, 又沒想過自己有沒有中伏畢竟其他都是正正常常為飽肚是可以的

呢度嘅早餐供應去到12點，啱晒瞓得晏嘅人！今次食咗佢哋嘅美式早餐（$38），有吉列魚柳、腸仔、多士同埋雜果沙律，但係吉列魚柳偏乾同埋硬，冇乜肉汁，正正常常嘅一個早餐。

正所謂一日之計在於晨，我今朝真係特別醒神啦！ 由於工作關係我呢就要到呢間餐廳附近，做野前就諗住食返個醒神早餐。人生路不熟，經過呢間餐廳坐滿人，我諗應該都唔會差就入去坐低。茶餐廳早餐不外乎個幾樣，沙爹牛肉麵算係我常食既就叫左一份啦。來到個樣都正正常常，杯檸茶尚算ok，之後開始食個牛肉麵，一食落口，沒味既😵，我初初都懷疑係咪太早起身味蕾都未醒，拎杯檸茶沖沖口，再食多啖，「咦，真係沒味架喎」，雞有雞味 魚有魚味 ，沙爹牛肉係沒味😵 連埋個麵都係沒味呢下先出色，食下d牛肉，食落就似牛根咁，你以為係牛根？錯啦，牛橡根咁，哨到口爛條根都未爛。其實沙爹牛肉麵可以整到咁真心難過自己煮，成個餐唯一可取既都係得杯檸茶叫正常。係咪附近屋苑居民多數食得咁清淡，定係沒其他選擇？早餐時間竟然可以都坐滿人？我真心求教，各位平時係呢間餐廳食咩野，可以坐咁多人食？定係我叫錯左食物，其實其他野食係好好食？

早餐差到一個點，麵硬，湯變水，蛋亂煎，沙爹牛肉冇沙爹，漢堡扒冇煮過，如可以時光倒流，我希望冇食過......我的天，美好一天就始結束，南無阿彌陀佛，感謝主，阿呢lu耶，阿們，謝謝