花之手作 (Closed)

因為之前嘅晚餐,食到汗流浹背......所以比咗我1個好好嘅理由sep 13, 09嚟食雪糕 ,涼快1下(其實我好早就想嚟試吓,不過礙於內疚感,所以1直都無嚟........hehe) : 1) 雙球 (hk$24)-我最終揀咗蘋果花同抺茶-試過朱古力味同薇甘菊味-個蘋果花喺正如店員所講,唔會有蘋果味,因為喺花味系列,所以只有花味。但呢個花味又幾清香..........調以甜味同奶味,都唔錯,而且外邊嘅雪糕店好少有呢種花味-抺茶就正如其他食家所講,濃但唔苦/"劫",不過質地比較鬆散咗少少,有微微碎開嘅現象,但整體也不錯,2球賣$24,也食得過-佢嗰日推介有紅酒味同白酒味,但sorry無得試..........咁我緊喺唔會揀啦.........點知好唔好味"押"。其實宜家嘅雪糕店都唔會介意比客試過晒先............已成為行家1種指定嘅服務範圍之1-唔同味嘅雙球配搭收唔同價錢..........佢分花味系列,果味系列等,所以要問清楚

其實呢間鋪個位置係商場既橫行內，有心人可能要先搵搵呢。我試了綠茶味，但見對方係從雪櫃入面再拎出雪糕來，所以不要俾你眼前的所騙，其實有好多隻味在賣，可以先看menu再試吃一下。這綠茶味濃但唔會太甜，感覺不人工，好味。

行元朗廣場, 路過扭蛋舖, 發現咗呢間電糕店呢間雪糕標榜有花味, 啲味道又好特別, 有苿莉花, 桂花, 薰衣草等等, 試咗桂花味, 好香, 不過味太濃, 所以揀咗肉桂蘋果, 好好味呢佢仲有得送貨, 第一次聽到買雪糕都會送貨的

上 Open Rice 才知, 元朗廣場有間賣呢 d 特別味道嘅雪糕呢 d 新鮮嘢, 我點會錯過呢~齋睇賣相, 就冇乜特別, Sales小姐叫我試味試左玫瑰花味, 好大陣玫瑰花茶味, 超甜... 新登場有紅酒櫻桃, 想試, 但佢話係限量的, 所以冇得試 紅酒櫻桃=車厘子+紅酒呢款好似特別 d, 就要紅酒櫻桃啦~ 味道唔係好甜, 少少紅酒味, feel 唔到車厘子味, 有少少沙冰, 感覺好清新, 好light整體味道好合我口味 價錢 show 得唔清澈, 不是明碼實價, 明明寫單球$15, 佢就憑口講要收$19

唔知幾時從雜誌,把此雪糕店放入my memory,講到話用花茶去造雪糕。難得o黎元朗,無意中經過。試味:蘋果茶,店員先聲明,無蘋果味既。果然係無乜味,不過很奶香~玉桂蘋果,勁玉桂味!店員說,加了蘋果粒,我只係試食,就only玉桂味喇。薫衣草,好好好薫衣草~本身怕怕薫衣草食物,但呢個令我讚嘆!主要因為夠滑,如搽了薫衣草油,好relax!買了玫瑰花茶味雪糕,玫瑰花味未至於濃烈,但有玫瑰花香,又幼滑,食落有點唔知咩黎既煙韌粒粒,口感得意。「花茶雪糕」咁特別既意念,老公也大為喜歡&讚賞!p.s.店員說$17,我說,睇牌單球是$15喎….佢無理會我law!

好想推介呢間雪糕店好耐,估唔到有知音人哈哈!佢地全部都係自己做,我自己好鐘意食雪糕!之前係元朗試完菲律賓雪糕太甜,重有芒果無芒果味返而好重棷子味,呢間佢甜味適中!(加上可以試味,可以試左先買)我每次入元朗都會去買黎食我試過幾種味:玫瑰淡淡玫瑰花香萍果花(我最愛)有特別香味,唔鐘意太甜味可以試下甜橙(第2最愛)好似食緊甜橙一樣楊枝金露同楊枝金露糖水一樣,不過變左ice cream,重有粒粒果肉重有其他花味,睇你自己愛好基本上都係淡淡花香味,唔過濃甜味適中而家重有一公升可以買走,不過要之前order

食完飯同屋企人去左試呢度D雪糕係自己整望入間舖~會見到佢部雪糕機 ;P我叫左柑桔檸檬 (果味$14)姐叫左蘋果木 (花味$17)媽叫左玫瑰先講服務個老闆娘(?)幾好人我想試d味冇show出黎佢都特登拎出黎比我試不過我都唔好意思試咁多味道方面我個柑桔檸檬食落好似瑞士糖酸酸甜甜 幾好食~蘋果木我試左一啖清清地幾好味玫瑰就玫瑰花咪不過我不嬲都唔係咁鐘意玫瑰花d味..所以唔多講另外我媽有雞蛋敏感食完佢話佢喉嚨有D痕痕地可見係真材實料大家有感趣都去試下支持下呢D用心o既小店~

前幾日行元朗廣場, 人有三急走到2/F廁所, 出黎時見到有間幾日本feel 0既簡約雪糕店~~見幾靚, 又口痕痕就買左杯雪糕試下~雖然老細話花味出名, 但我最後都係揀左賣飛佛0既綠茶味~~同老細吹左2句水, 佢俾左之前metro pop介紹佢間舖0既報導我睇.....原本佢d雪糕係佢0地自己每天親手造的, 唔怪得食落去咁唔同啦!!由於只試了綠茶味, 所以今次只能評評它~~兩個字: 極濃! 喜歡綠茶味的人我寫包單一定鍾意...但expect 食雪糕要食超甜的, 就未必0岩口味了!下次我會試下其他味的雪糕..........不過可能食雙球, 因為太~~想返啃綠茶味了!!哈哈哈!

平時冇行開元朗,年三十晚走左出去元朗行花市,諗住去買雪糕食,就緊係去平時買開果間手作啦..人地話係元朗既MALL度,點知淨係見到E間花之手作,見佢賣得又OK平,我就試左個薰衣草味,我個FD就食綠茶味,第一次食雪糕食花既味...佢果度好似仲有其他花既味,不過我就唔係好記得,因為去到佢都差唔多賣晒LU//..我個FD果杯都OK好食...不過大家去度不訪試下花味果D...因為平時好少見到...值得一試!