Video
Introduction
This hot pot restaurant is designed in the elegant Chinese style. It offers all you can eat seafood hot pot with fresh ingredients and sets up a buffet area for you to select drinks freely. It serves steamed seafood hot pot too.
continue reading
Opening Hours
Mon - Sun
11:00 - 22:00
Public Holiday
11:00 - 22:00
Public Holiday Eve
11:00 - 22:00
Above information is for reference only. Please check details with the restaurant.
Recommended Dishes
之前食過幾次都可以，對上一次係大約半年或再之前，所以今次再去。先上小食，小食okay, 蝦多士good. 但小食小款過之前。之後上刺身，其實不嬲都係得最普通個啲帶子，細甜蝦，一隻鮑魚幾個人分，仲要無得reorder. 所以哩part不嬲無期望。再黎雞煲，一向無乜味. 今次多左蜆，叫有啲新意，但個醬汁真係無味。最後火鍋，個海鮮盤得返中蝦，鮑魚，蜆，青口個啲，以前有蟹，今次無左。牛唔掂。其他火鍋料只有生丸係okay. 食物總括黎講普通，但差過之前。侍應完全唔聽人講野，自我中心，唔理個客想點。好似佢先係比錢個個。1. 個阿姐想清骨碟，我食緊蝦用緊話轉頭先清，佢完全唔洗理你自己搶左，搞到啲汁滴曬係枱。2. 雞煲食到一半，佢話上火鍋。我話okay, 咁點湯底。我地揀緊，佢碌葛咁企係到，之後我地揀海鮮湯底，佢先話無，無唔識早講，企係到發夢？3. 揀左其他湯底後，同佢講咁你幫我上湯底之前加多碟一人份既雞加落雞煲，佢話你揀左湯底唔加得雞了。okay... fine.4. 個湯底上黎，佢放左我食到一半既雞煲上枱。放個火鍋上電磁爐。咁我食啲海鮮先。食食下佢問我個雞煲仲食唔食，我話食，佢話凍曬唔食得，我話我會食，有需要有爐可以整返熱。佢話凍曬唔得架啦，之後佢自己放曬啲垃圾落個雞煲到攞走左。咁你問我要唔要係廢話？你想無諗過比我揀。之後嘈左兩句，佢話咁上返個新雞煲比我。但已經無心情食。甜品都無叫。重點係，佢地自己按自己想點做就要做，唔係service個客。已經無乜特別要求，叫你唔好搞我比我食遮，好難咩？服務總括黎講，阿姐完全係 not fxxking care about you. 只活係自己既世界。無下次。價錢，十點前埋單走人。位位四舊左右，正常價，哩類餐廳哩個價錢有好多選擇。起碼唔洗食到一肚氣。
continue reading
有同事上年食過推介呢間所以就組8人團去試下點知食完因為服務態度太差一肚氣連我平時唔打食評都忍唔住要打首先講下食物一開始係前菜任添有蝦多士 有個有黑糖既甜點 炸茄子 我地覺得好食就添左一次之後到刺身船 唔可以添既 打卡用量就唔多既 不過影相開心既開頭都幾好服務 幫我地影相跟住就到雞煲叫左bb 辣 豬皮好吸收 所以都係太辣雞就都接受到個辣度最後就打邊爐我地當時覺得好抵呀好多野食我地1930坐到 2154 有個中間分界短髮呀姐黎同我地講 10點要收工我地話 得番6分鐘食唔切呀姐： 海鮮碌一碌就食得架啦我地10點收工呀 出面都係咁寫（但後尾發現出面同menu 都寫開到12點）而且係冇話要計時食既我地仲有成盤海鮮未落去滾我地雞煲仲有雞未食完 想問佢拎個盒裝唔好浪費佢就話 我地加左食物 （打邊爐時加左碟菜同餃子）所以唔可以帶走跟住問都冇問過我地食完未就拎左盤雞話要掉左佢又問都冇問拎埋一籠魚皮走 我地全部人呆曬眼都突埋跟住我地未食完佢就係咁執野收走曬d餐具 最後仲撈到d海鮮問我地食唔食但d餐具都收曬啦 其實真係好趕客唔怪得3百幾蚊位 都冇咩客其實10點關門就改左門口個板同menu 我地就唔會坐係度慢慢食就算計時既通常會開始食個時講用餐時間係幾多完之前半個鐘前問人有冇野加呀咁依家係全間餐廳冇寫+冇通知既情況下6分鐘前話 我地要收工啦同埋冇人講話加左野唔可以拎走如果知道我地就唔加個菜同幾粒餃子了我地唔係貪心只係覺得好浪費食物 最後係有壓力下逼住食食唔到既就掉左其實有d呀姐係好既但一粒老鼠屎壞了一窩粥幫襯就預左要受氣了
continue reading
今次黎到大埔準備食大餐，上址餐廳係小食，刺身，雞煲，集於一身既家嫂。之前一直聽同事推介呢間餐廳，今次終於可以一嚐。店舖位於大埔中心附近，如果要黎太和站比較近。餐廳環境都寬落舒適，有12人枱亦有4人卡位。當入座時候，待應就將6款小食放上枱面，其中蝦多士我特別欣賞，夠曬香口又唔覺得油膩。食完小食就叫佢上刺身，海膽夠曬香甜，帶子夠大隻夠新鮮，其他都好好味。刺身過後就係食雞煲，雞煲就無比較普通無咩特別。最後再打邊爐，又有新海鮮可以打邊爐，特別係魚蝦蟹夠新鮮，打邊爐一流。可惜既係去到最尾都己經飽飽，唔係再叫多輪海鮮。餐廳刺身只會上一輪，唔可以再叫就比較可惜。
continue reading
【大埔•家嫂】————————————————————————8號波一落 就衝去搵朋友食飯 美好假期係要岀店員話平時坐滿人㗎 不過個8號波冇哂客有朋友話呢間好好食一直未有機會試🍯｜環遊海鮮火鍋放題｜HKD348（再加一）我哋詢問店員點樣落單 原來係佢哋預備 OMAKASE🤣1️⃣精選叮𠹌小食酸薑皮蛋。紅糖糍粑。蝦多士。清酒煮蜆。菜脯花生每樣都心機製作 鍾意酸薑皮蛋。紅糖糍粑朋友鍾意煮蜆🤣 Encore四次 叫到店員話冇2️⃣季節當造刺身（唯獨刺身不能encore）甜蝦。海膽。帶子。八爪魚。油甘魚。北寄貝啲刺身都尚算新鮮 大家好疑惑點解冇三文魚🙈帶子都相當大粒😍 勁少食海膽 呢度唔臭3️⃣惹味雞煲揀咗BB辣 雞煲入面加咗豬皮同蜆 雞煲汁好濃郁🐣食完有少少唔夠喉 想encore但冇 驚飽得滯4️⃣環遊海鮮船火鍋湯底有五個選擇 花膠。椰子。酸菜揀了「家嫂花膠老火湯鍋」大量冬瓜同花膠店員先叫大家飲湯再做火鍋 湯底充滿精華😍｜海鮮｜有鮑魚。蝦。蟹。蟶子。脆肉鯇等等｜肥牛｜好普通 真係肥多過肉😅｜餃子｜蝦肉餃子。韭菜餃子｜三色丸｜手打丸正正常常‼️最後要介紹家嫂醬料區 有10多款選擇好多都係平時火鍋少見 所以試咗好多款海南島黃椒醬。麻辣雞蟹醬。麻辣紅油。剁椒。炸蒜麻辣紅油勁正 好多嘢食都用 味道好似某某米線炸蒜係醬汁來的 都推介 仲有雞蟹醬。食物質素可Encore再來餐廳 不過價錢都唔算平另外要講店員服務😑😑😑係OpenRice見唔少人提初時感覺良好 6點去到 話可食到10點慢慢坐點知9點到店員不停想收我哋啲食物 未食哂‼️問咗無數次 不停係我哋附近徘徊 想encore嘢食樣樣都話冇 態度都開始180度轉雖然得返兩枱客 但又係你話可以去到10點未夠鐘就不停係咁用「行動」趕人走 餐廳係值得試 但要有心理準備「受氣」餐廳環境：📸📸📸📸服務質素：😊😊食物味道：👅👅👅👅👅性價比：💰💰💰消費 HKD348（再加一）。✨✨✨✨✨✨✨✨✨✨✨✨✨🏠 家嫂 📮 大埔安慈路1號海寶花園地下11號舖
continue reading
之前係60幾蚊可以揀3個餸，但是近排定唔知佢轉咗好耐餐牌變咗四個餐，簡單啲講就係你冇得好似之前感揀自己鍾意嘅選擇，梗有一至兩樣你唔鍾意嘅，就連本身我最鍾意嘅蝦湯同埋鴨血質素都大降，本身蝦湯配米線會好入味，但係而家米線會斷同埋冇味，鴨血就感覺有層膜喺度，怪怪地，反正而家嘅就唔推薦去食。有第二個經歷就係明明佢有一啲午市料理係有飯嘅，但係有次我喺嗰度叫番茄雙蛋豬扒飯，佢竟然話冇飯，咁其實都ok嘅，食米線。但係我哋問佢有冇提供紙巾買，佢竟然叫我哋行出去自己買，都明白唔係間間都有紙巾提供買，但係畀人感覺態度唔好。
continue reading