Video
3-min walk from Exit D, City One MTR Station
continue reading
Telephone
61449506 (WhatsApp)
Opening Hours
Today
09:00 - 19:30
Mon - Sun
09:00 - 19:30
Above information is for reference only. Please check details with the restaurant.
沙田區貴為素食沙漠，發現素食店必須立即收藏。這間小店隱身於沙田第一城站愉翠街市，每日不同三餸飯可以whatsapp預訂，想晚餐加餸店可以預留。除此之外，還有各式飯糰炒粉麵和糕餅甜品，仲有素食食材產品，一站式幫你搞掂素食三餐。愉翠街市近沙田第一城站，街市入口在商揚和巴士站後面。這個街市入面原來蠻多食店，其中一間做素食。店內有雪櫃售賣各種雪藏素食產品，方便素食者儲糧。亦有醬料和素料等等。素食餐單每日不同，可以加店家whatsapp收每日廣播和預訂。櫃內還有更多中式齋食，方便醫肚。珍珠雞用梗米不是糯米。炒銀針粉炒米炒都係二十零蚊。中式糕餅甜品應有盡有。已經有年糕可以預訂。素食三餸飯 HK$45菜式都是非常傳統中式的類型，多菜多汁多麵筋，好食又唔算特別好食，簡簡單單又一餐。飯盒可以揀熱飯或任揀飯糰，貪得意揀個飯糰食下，入面都幾足料㗎！素芝士勁多，不過我覺得這個配搭略太乾身。沙田的素食者可以自己bookmark一下。
continue reading
呢個月短暫調職到石門，沙田區餐廳係多，不過都出名係素食沙漠，石門第一城一帶又同沙田市中心隔好遠，素食嘅我表示呢區本身已經出名冇野食，素食=食得屎？石門嗰幾間太厭，唯有行遠啲到第一城附近覓食，偶然睇到街市有素食素三餸飯 HKD 45 / 淨餸3款 HKD 38🍱每日款式唔同，提供五款素菜款式任揀三款，飯底以藜麥飯做基底，亦可以轉配藜麥飯團🍙份量好大份，對一個女仔嚟講，其實唔食飯都夠飽。當日我嘅餐單如下，全部都係純素，同朋友share食晒當日個menu1. 素玉骨茶耙齒蘿蔔東坡玉你想像佢係雲耳冬菇蘿蔔薯仔炆素腩肉會比較容易理解。冇肉骨茶味，主要味道都係來自醬油同冬菇。咁啱呢份就唔多油，芡汁唔多，味道亦唔係好油膩濃味。蘿蔔冬菇都煮得淋身，略嫌煮得比較乾身，唔夠汁送飯😂比較得意係素五花腩係用大豆纖維製作，而中間晶瑩剔透嘅「肥膏」就用上蒟蒻，當然唔可以用真肉肥膏比較口感，呢種蒟蒻比較似關東煮嗰種硬實蒟蒻，食落幾爽口，配埋大豆纖維嘅素肉，口感幾特別，聽講係佢自己整omg😦2. 家鄉炒荷蘭豆蓮藕片素鹵腸素炸大腸我都係第一次食🤭因為成世人都唔食內臟冇食過真炸大腸，似唔似就冇得講。素鹵腸嘅特色係真係有一層層，腸衣同腸內壁嘅口感都模仿埋😦似係腐皮、蒟蒻製成，口感有啲似脆皮包住層魚蛋。不過始終我覺得豬大腸好嘔心，就算素食都係唔太鍾意🥴食慣素嘅朋友可能都會覺得太像真而擺唔落口嘅感覺😶荷蘭豆蓮藕都係啱啱好，唔會有大鑊飯煮太淋太黃嘅弊病，就係普通家常菜。3. 蕃茄煮薯仔蔬菜百頁番茄薯仔今次特別在於加入海帶芽、百頁豆腐乾一齊炒，海帶同番茄好似唔太夾，擺埋一齊又出乎意外地好食👍🏻🍅海帶芽煮到好滑，唔會有海水味，撈番茄有一種食茄蛋滑溜嘅感覺又唔腥🤤薯仔似係西班牙蛋餅嗰種爽口薯仔，不過我都係prefer燜淋啲嘅可以索汁，爽薯仔食唔太慣😕至於百頁都唔錯，帶煙韌又索晒啲精華，唔油膩，份量多啲就好啦🙃4. 薑炒芥蘭 同普通茶記炒嘅薑汁芥蘭有啲唔同，呢個真係淨係得菜冇薑蓉，取而代之用薑片炒。薑味比較溫和唔辣，連我呢啲唔鍾意薑嘅人都接受到。以出街炒菜嚟講算唔油，清清地屋企炒菜🥦5. 香煎自家製七彩腐皮卷呢個好驚喜呢個腐皮卷真係煎而非油炸，煎得少少脆口，表面冇咩油光。裏面擺滿椰菜、蘿蔔、木耳、冬菇等等，令成件事一啲都唔罪惡之餘，仲保留到腐皮本身嘅豆味坊間冇乜腐皮卷係真係食到豆味只有油味…每條都蔬菜多過腐皮，仲可以單買當小食都唔錯。當日買左兩個素飯盒，老闆娘就送左個杞子紅棗糕俾我‼️紅棗糕大概砵仔糕size, 口感煙韌唔係最滑溜嗰種，會食到棗泥夥粒，唔算好甜。小店除咗賣飯盒，仲有自製糕點、壽司、飯團，加埋一啲素醬料、素食材等俾大家返去煮，行過都可以試下。
continue reading
愉翠商場附近本來無乜素食選擇，以前至多係買八方雲集嘅素水餃，又或者去到石門食入素。自從素回家開店後，我幾乎每日中午都幫襯。呢間小店每樣嘢都好有心思，例如白飯入面會加藜麥，蔬菜會切到bite size啱啱好一啖食得晒，每日五餸入面都會集齊到唔同顏色嘅蔬菜，仲有甚至唔同味道嘅蔬菜(例如酸(蕃茄)同埋苦(苦瓜))。而且你會食到好多未試過嘅配搭，例如蕃茄加海帶好好味，仲有未食過嘅蔬菜，例如大紫腰豆、紫菜芯、豬乸菜等等。仲有仲有最緊要嘅係可以控制飯量！工程男士可以叫多多飯、文職女仔可以走飯/食紫菜飯團。
continue reading