Homeland (東昌街) (Closed)

朋友話大埔有間特色西餐廳手工意粉好好食今日喺附近 特登去搵食😋門口見到好colorful 🤪入到去燈光柔和配上色彩繽紛嘅裝修🌈感覺小溫馨😳店面細細間，估唔到有兩層，我哋兩個人坐咗上去2樓嘅吧枱😙第一個點了既餐係 松露啡菇雞胸闊條麵手工意粉係必點嘅，係店舖自家製～☺️上菜賣相好吸引，擺碟都放得好精緻～手工意粉果然係比較煙韌有咬口，松露同啡菇嘅味一直係最佳配搭🤩整體都好濃郁，啲汁啱啱好包住意粉～第二個點左 招牌明太子海鮮薄餅薄餅底好香好脆，😋餡料好豐富一啲都唔孤寒!!👏食到有大大隻蝦😈我地仲share左小食拼盤🍿好豐富好吸引嘅特色小食～有炸魚手指、柚子蜜雞翼、炸蠔、芝士薯條🍟新鮮炸起熱辣辣仲有煙😂柚子蜜雞翼好特別，酸酸甜甜的～野飲就叫左 熱情果梳打多多叫咗杯開胃特飲去中和返主食嘅濃郁味道～有熱情果籽🙈酸甜程度剛剛好，見到仲有好多特色嘢飲好吸引，下次試～整體嚟講，staff服務態度友善，食物有質素，feel到誠意去keep食物水準🥳少少偏僻都值得去試呀♥️

今日踩單車經過大埔，見到有一間色彩繽紛塗鴉牆嘅西餐廳！原來呢間西餐廳有兩層，被色彩繽紛嘅顏色吸引咗我入去試食👍🏻秘製伊比利亞卡邦尼意粉賣相好吸引，中間有隻溫泉蛋，當然連蛋撈上creamy意粉，而且仲有好多塊火腿及火腿粒，色香味俱全,因為我見到廚師都好俾心機擺盤，忌廉意粉真係好濃郁🥰招牌明太子海鮮薄餅Pizza底好薄，個餅底做到勁脆，好似食薯片，再配埋明太子醬，海鮮，粒粒口感好好食!當然要趁熱食啦😗爆爆珠荔枝紅茶本人非常鍾意爆爆珠嘅口感放喺凍飲上，竟然甜度適中！不錯嘅飲品之前見佢有兩間分店而家剩下一間喺大埔，應該啲食物質素集中好食啲😂😂

餐廳o既座椅用上鮮明o既五顏六色，地磚、牆磚滲出滿滿o既異國風情，同時掛上多幅帶點搞笑風格o既marvel 主題掛畫；然後某個角落，又會不經意地發現一d 懷舊o既電話同汽水機咁，個氣氛幾特別，自成一派。朋友一入到o黎已經話聞到好香o既松露氣息，唔叫唔得咁，於是寫o左份脆炸粗直薯條配松露蛋黃醬($58 未加一)。d 薯條本身已經瀋o左味粉調味，附上茄汁同埋o個隻松露醬，識食一定點白色o個隻，超香勁好食～o係焗田螺同青口兩者之間掙扎o左好耐，最後決定要呢個香辣蕃茄白酒煮藍青口($88)。佢可以揀辣度，同埋俾定個兜你裝殼，是貼心的。因為唔係個個都食得辣，我地只係揀o左小辣，不過turn out 食落都幾辣……德國腸拼盤($98) 係特色小吃，當然唔可以錯過。regensburger 帶住煙燻o既氣息、nurnberger 肥美juicy，仲有一款芝士豬肉腸，釀入半熔芝士，睇見都想食！佢下面襯托住o既薯蓉，一樣係加o左芝士去整，好濃郁o既味道。剛剛才得知朋友係all day breakfast 控，去到邊都要叫，佢要獨食晒成個！個Homeland all day breakfast 睇落好大份

嘢飲味道唔錯，唔會太甜pizza同寬條麵都好重松露味，但份量比想像中少寬條麵個醬汁唔錯，但雞肉一般，擺盤好靚，打卡一流😂餐廳樓面好細，得幾張檯，容納唔到好多人，唔想等位嘅就要早啲去店員服務態度唔錯，見我哋唸咗好耐都決定唔到，就推薦我哋食佢哋主打嘅手工意粉～

唔知幾時第六波疫情殺到，有得食就好食...！幾個同事話約放工後食好d，本來都諗住或者出番市區食，點知之後俾我發現原來大埔都有間唔錯既cafe，而且仲係黃店黎添呀！咪睇佢鋪頭細細，都煮到多國菜式！先去轉日本，來一客甲羅燒。佢擺盤好靚，靚到唔捨得食... 蟹蓋上放上蟹肉、蟹膏同蟹籽，輕輕一撈，再同飯一齊食，味道濃郁令人回味，同出面食過既有過之而無不及。跟住飛遠d，去轉歐洲，著陸意大利。品嚐一片parma ham pizza，薄批脆口，上面瀋滿火箭菜，滿載意式風情。甜甜既芝士更加係整道菜既靈魂所在，menu 提到用上車打同mozzarella 兩種芝士去整，芝士控必試～再搭火車去一去隔離德國，今次試佢既德國腸，有住一式三款，有牛有豬，香濃結實，不可多得，佐酒一流呀... 佢仲搭上少許德國酸菜，酸酸的刺激人流口水，唔知係咪因為咁，d 腸腸都特別好食d 呢...？食埋北歐既blue mussel 仲有美國既薯條，行程來到我的家——香港，試左一枝本地既手作啤酒："be water"。語重深長既名字，有股淡淡既麥芽同果香，飲落苦中一點甜。

Service and food are excellent. people there serve us with warm smile and prompt response. Best Main of the day is pork shoulders. Elastic and juicy texture with tasty potato mash is wonderful!! However, the dessert is a bit disappointing. We ordered lemon tart and the tart is a bit soggy… But the lemon above taste ok.Would definitely give it a second visit next time.

之前都去過佢地嘅大角咀分店 不過而家執左 得番大埔呢一間✨門面好靚 餐廳入面嘅裝修都好有特別🥳.📌松露啡菇雞胸闊條麵 $98闊條麵比平時嘅煙韌好多 係佢地手工製嘅 好有咬口😝每一條麵都掛滿左松露醬 非常creamy🖤🤍不過有少少偏鹹 如果淡少少就perfect🤏🏻旁邊仲有幾塊薄薄嘅雞胸 唔乾亦都唔鞋 不過又未到嫩滑🐔啡菇好入味🍄.📌白松露雜菌芝士薄餅 $98呢個pizza個邊脆卜卜 入面就軟綿綿🍕面頭有好多菇 仲有芝士同mozzarella🤩白松露味都好出 好味道😚.📌自選醬料酥炸雞翼3隻 $30揀左松露忌廉芝士味 味道好濃郁😍雞翼炸到外脆內juicy 好好食🤤.📌香濃芝士焗西蘭花 $68因為用左好多芝士去焗 所以每一舊西蘭花都痴住芝士🧀西蘭花唔會焗得太乾或者太濕🥦加埋面頭少少煙肉碎 食落好有口感 好惹味🥓.📌檸檬茶Lunch set跟餐送 正常發揮🍋.📌橙汁都係跟餐送嘅 佢唔係鮮榨 但都唔係好假嘅橙汁味 亦都唔會太甜🍊

上個weekend去咗大埔海濱公園行吓，順便去埋附近一間幾出名嘅Cafe試吓🦦裝修好有特色，環境舒服，食物好味，職員仲要好有禮貌，係一次唔錯嘅體驗🔥～-甲羅燒蟹膏燉飯 $158呢個真係超好味！！Risotoo勁多汁，質地偏濃稠，好creamy所以食一啖已經滿足感爆棚。蟹蓋上裝住滿滿嘅蟹膏蟹籽同埋蟹肉，非常igable之餘仲好鮮甜，連埋飯一齊食真係人間美味～～推薦🫶🏻-香煎澳洲西冷牛扒 $198作為牛魔王嘅我基本上一見到牛扒就會叫😋今次叫嘅係七成熟，牛扒都幾大塊下，而且好有牛味，肉質鮮嫩多汁，呢個價錢仲有薯蓉車厘茄等蔬果，真係抵到爛🦦-Lunch set 仲包埋飲，我同我friend今次叫咗橙汁同埋咖啡，飲品質素都相當唔錯💜

📌 Homeland 📍 大埔墟 Tai Po Market 今日難得入大埔墟行下, 路過一間壁畫風超靚嘅西餐廳🍴🌊 裡面有特色嘅英雄繪畫, 同埋色彩繽紛嘅檯凳🤓💛佢地嘅菜色好似fusion菜✨ 擺盤好精緻🤍 令人好有食慾🥀 最出色嘅係佢地嘅蟹膏燉飯🦀️🧡 -(👑爲推薦) 松露啡菇雞胸闊條麵 $98甲羅燒蟹膏燉飯 $158 👑海鹽奶蓋抹茶 $48熱情果梳打多多 $36 👑-❥ ❥ 松露啡菇雞胸闊條麵黑松露味道濃郁👍🏻 都幾多配料例如雞胸,蘑菇, 荀等等💛闊條麵真係要趁熱食, 好容易變硬原來佢地係手工意粉 好有誠意💛我最欣賞嘅係擺碟✨ 真係超級美觀😍不過下面嘅甲羅燒蟹膏燉飯更加好食😋❥ ❥ 甲羅燒蟹膏燉飯呢個真係好！好！食😍 大推呢個❤️ 首先甲羅蟹入面係滿滿蟹膏, 蟹肉, 魚子😍將佢地同Risotto燉飯撈埋一齊食真係超滿足🤓 啖啖都係蟹膏蟹肉🦀️燉飯好creamy, 又唔會太膩👍🏻一個字正👍🏻❥ ❥ 海鹽奶蓋抹茶上面有兩個超可愛嘅熊仔餅🤓抹茶牛奶上面係奶蓋🤍奶蓋味濃, 不過海鹽味唔重如果少冰會比較好 抹茶牛奶唔會太淡❥ ❥ 熱情果梳打多多呢個益力多好好飲😋熱情果味好fresh, 本身超鍾意

最近發現左大埔墟街市買野都幾平，買海鮮又多選擇又靚😂次次去親都買勁多野走~買餸前都要醫飽左自己先有氣力，今次揀間西餐廳主打手工意粉，仲要係貼地價錢🫶🏻.📍Homeland.🍝秘製伊比利亞卡邦尼意粉 ($118) - 賣相幾得!中間有隻溫泉蛋，食之前連蛋撈一撈，creamy口感配上幾有咬口嘅意粉，幾好食😌🍝松露啡菇雞胸闊條麵 ($98) - 闊條麵比意粉更加有咬口，煙韌感up!配埋松露醬汁好match~雞胸片又唔會好乾好鞋👍🏻☕️齋啡 (跟餐奉送) - 咖啡唔酸，幾正~

呢間位於大埔嘅西餐有兩層， 裝修幾有格調，座位闊落，環境舒服😝 Lunch set幾抵食， 有好多唔同選擇，仲包埋飲品😙 而且仲有手工意粉，堅持香港製造、用健康食材，喺香港良心小店😌【香煎澳洲西冷牛扒】$198牛扒煎得好香，係比較有咬口嘅牛扒，但一啲都唔韌😙 而且仲配有好creamy嘅薯蓉同冇煮到林晒嘅蔬菜，唔錯😆【松露啡菇雞胸闊條麵】$98佢哋嘅手工意粉每日新鮮製造，意粉食落口感煙韌，而且掛滿白汁，好creamy😆 仲有用食用花裝飾碟意粉，望落好靚好有心思🤩 而且都有幾多啡菇同雞胸， 雞胸又唔乾，好味🤤【白松露忌廉雞翼】$30雞翼有得揀唔同醬料，有柚子蜜，白松露忌廉同明太子🤩 白松露忌廉好濃郁， 比較適合鍾意忌廉芝士味嘅人🤤下次會想試佢嘅柚子蜜，感覺會清新啲😆

冬蔭工闊條麵麵上到檯上完全唔熱。估計煮好後，放左好耐先上菜。味道正常，但完全不值此價格。燒大蜆意大利粉蜆肉完全無味（真係什麼味都無， 估計是最下等食材），食材用料較差。cp值低明太子醬雞翼好普通的炸雞翼上加上明太子醬唯一只有店員態度有禮，食物味道和價格不成正比。cp值非常低。不會再有下次。跌錢。價格與食物質素完全不成正比，偏差很大。看完食評才去試的，結果非常失望，食物質素差，性價比極低。唯一只有可樂質素係正常。

非常好吃 食了美味的燉飯配上蟹膏及魚子 味道好夾明太子 pizza不會太乾 餅底幾好食三個人食都份量好夠焗法國蝸牛熟得剛好 薯蓉都好好食飲了蜂蜜啤酒甜甜地 女士都啱飲整體表現及服務都好到位

Homeland 最出名嘅應該係佢哋嘅手工意粉，據聞係每日以三種日本麵粉自家製作。一場嚟到，當然要試下。先上枱嘅係田園沙律，份量唔少，沙律菜伴以意大利黑醋，清新開胃。主角松露啡菇雞胸闊條麵未食先興奮：打直插住嘅露筍，面頭鋪滿嘅芝士幼絲，仲有唔同顏色嘅食用花，賣相勁靚仔😍。味道方面，手工闊條麵果然與別不同，口感煙韌，比起現成貨色實在好食太多。醬汁好稠好 creamy，松露味同芝士味濃郁，同手工麵條好夾。唯一要扣分嘅係雞胸肉，又薄又嚡口又唔太有雞味，賣相同味道有啲似 759 售賣嘅盒裝急凍雞胸肉🙈，呢方面要改善。

知道這間餐廳是有手工意粉，加上店舖環境特別，與朋友一試。服務一流，餐具都比較獨特。芝士西蘭花：濃濃的芝士配試爽口的西蘭花，停不了手工啤：（左1，右2）單眼佬有話梅味，容易入口，開胃左2:honeymoon 有蜂蜜味，甜甜地右1:玫瑰洛神花蜂蜜味，有少量玫瑰味，味道酸酸甜甜松露雞胸闊條麵：麵質感煙靭，滲著濃濃的松露，雞胸好軟身，必食，停唔到口。未來肉漢堡包：真的像真牛肉一樣，入口軟化，包皮鬆軟配上粗薯條松露雜菌芝士薄餅，松露和芝士好濃郁，餅底夠脆口松露醬粗薯條🍟松露醬比較cramy,外脆入軟，停不了松露味不大手工啤：左1桂花味，味道比較清左2:洋甘菊味道較清，容易入口右1，2唔記得左海鹽芝士蛋糕，加入海鹽感覺無咁膩，芝士濃，入口即溶會繼續支持小店