漢和韓國料理

Open Now

Now Closed

食物無問題...服務勁有問題..訂左6位..比張4人卡台..換爐叫左3次..用完D碟..無人收..大陪份我地自已拎去架收餐具車到...有次個侍應企左係架收餐具車旁..我拎住D碟..話唔該...個侍應叫我擺係架車到..不知所謂

與友人聚會，一時興起想吃韓燒，於是膽粗粗打電話去漢和訂位。因為是平日，幸運地可以吃第一輪！六點鐘準時到達，五點開始入座，此時已有零散顧客。限時個半鐘，七點半前結賬$128(未加一)，頗划算。入座後馬上去覓食。食物款式很多，有熟食、伴菜、生肉、蔬菜、甜品甜果、連魚生壽司也有！當中最出色的莫過於韓式冷伴菜，種類多之餘亦好吃。小白菜味道不會過咸，爽脆清甜。辣蘿蔔不算很辣，可惜不夠脆身。荳芽咸香足味，有點油。菠菜辣辣的，不會煮得過稔，可惜又是過油。泡菜真的有辣勁！香口過癮，encore了好幾回！豬耳不夠爽口，味道正常。小銀魚咸甜交雜，不夠香脆，吃完很口渴，應該下了很多調味。青瓜不爽脆，味道過甜，不推薦。甜酸菜只有甜味，毫無酸味，又是下太多糖，不推薦。見有三文魚馬上拿了點。作為韓燒餐廳的三文魚算不錯，雖然不是豐腴香甜，至少新鮮，可惜有點乾。加州卷和青瓜卷味道正常。全部肉類都有醃過，不會淡而無味。不過正因如此，很多肉類味道相似，吃不出肉味，只有咸味。當中牛舌味道有點像午餐肉，怪哉！豬肉和牛肉的味道幾乎沒有分別，肉質稔而不韌。雞肉肉質嫩滑，味道正常。雞翼味道偏甜，肉嫩離骨，很香口。羊肉肉味較出，至少

有人生日所以都book定枱架喇...book1930...2005先有得入去..都算,,,,見係星期6又係係mk都預會多人要等..但6個人佢俾張4人卡位我地...係其他都話算喇..食完即走...但韓燒真係好難叫我忍囉...6個人一坐都逼到唔郁得...點燒?你地燒俾我咩隔離果6個人同我地同一時間入去都係同一問題..要求調位...果個人竟然叫我地燒住先..有枱果陣先調俾我地...乜你認為燒左就會咩?佢地仲要話唔限我地時....個問題唔係你限唔限我時...問題係根本郁都郁唔到點燒....要發火佢地先話幫我地安排下...又要出返去等....等到2030先之有張6人既枱俾我地...book枱同唔book有咩分別???你唔係應該holding d枱俾book左既人架咩?不過一提係...多野可以燒囉....

食物一般，但坐就舒適，整潔。比起其他韓燒食物少款，不過夠味，我喜歡熟食嘅豬腳薑，泡菜太辣，豆腐花正，咸菜豬肚夠林，不過牙菜有青味。壽司新鮮，但只得2款，仲要材料得甘筍

價錢.只是130元.我唔會俾喊臉的.但應該不會回頭.首先.呢間店的員工.完全看不到,有什麼韓國色彩.全店的員工都講外省鄉下話的女人,也不緊要.最勁的出去拿東西.的員工也在食物枱前擋住.不會避的.食完的碟..放到高高才會有人收..呢個範圍係主打.牆上是貼住有什麼肉.食的時刻.覺得味道不錯.但返到屋企.相當口喝.我當晚至少飲了3杯水以上同2罐汽水..熟食.只是好普通的.咖哩魚旦.粟米.後面有些薯條.薯片.不過去食韓燒.食呢的..會俾人笑..食薯條邊駛百幾元食?壽司類同三文魚:有點好笑.呢間店要遮住師傅個樣.也俾我揭穿師傅係中年嬸嬸.因為佢係裏面罵我.叫我夾埋剩低的三文魚.正宗壽司師傅係無女性.什至普通超市的.切魚生的都沒有女性的..原因.我知道..留返評三文魚時先講..頭2回..都係食肉.醃肉.食到一半覺得顏色不自然.當時是好食.回家後十分口喝.而且一至二回合就會勁飽.同埋見到個鐵版黑色.就唔想食...順便一提.店內只有酸梅湯同豆漿任飲..我飲的酸梅湯比水淡...後來..我怕死..哈哈...要拿菜食...菜的選擇不多.我已拿了9成...三文魚:我聽講,一些酒店師傅講,我不知道有無俾人呃.哈

約左朋友黎食飯gathering,本來對呢間冇乜期望,因為好多任食都係任食垃圾 一早book左位,但去到好多人,所以都要等,等左十五分鐘到去到拎野食,d生肉有好多種,亦有好多貨,唔駛爭,會經常refill最重要係放肉果度好乾淨衛生,d肉當然唔會係a1和牛,黑豚果d,但亦唔會係走私爛肉或大陸豬扮牛/越煮越紅不死肥牛 果d質素, 總之幾靚,幾好食d肉醃得幾好食,唔會死咸死甜,亦唔會淡而無味. 推介羊肉,雖然有d散,但好好食,羊有羊味! 多春魚亦好多春!熟食方面,當然有一埋九唔搭八既選擇,如果你黎呢d地方既目的係食熟野既話,只會被整條西洋菜街既人恥笑所以我只係食左泡菜,幾好食. 有韓國人教過我燒豬肉果陣,趁就黎熟既時候放塊泡菜係塊豬肉上面一齊燒,之後夾住一齊食. 今次試左,真係好得!!!飲野方面,冇飲佢果d免費野,係咁叫啤酒,28-30蚊一支大啤.有三文魚刺身,但附近經常駐紮大批飢民,一出就搶. 朋友拎到幾塊,唔錯,質素應該好過西九龍名店,食完亦唔駛入廁所.8點幾食左11點幾,最後食左兩個炸曼頭埋齋,個曼頭用黎訓練排牙係幾好既.因為識人,仲有9折,所以4個人,飲左5支大啤,一支清酒,每人20

好耐無食過韓國燒烤，今日心血來潮上網搜尋旺角區的韓燒食肆，最後揀左呢間，食完覺得吾錯！我差不多6點半去到，由於有時限所以我吾入座住，等左3個字朋友重未到，但門口位姐姐已叫我入去坐住先7點朋友到步開始攞野食，一般韓國燒烤嘅肉都有，擺放整齊而且份量充足。其他有寿司、三文鱼刺身、火鍋配料、沙律、蝦、炒飯、炸三文鱼頭、韓國冷盆蔬菜、碗仔翅、糖水、荳腐花、人蔘雞湯、胡椒豬肚、豬耳、甜品、雪糕、水果、飲品等等。真係比我想像中多嘢食，而且添得快，味道都OK。服務都吾錯，我地塊板燒到黑曬佢都幫我換過第二塊，跌左對筷子落地，吾洗叫就即刻攞過第二對比我。終於，食到9點3好鬼飽先埋單走人，門口有人等位，可能係等9點半入座嘅宵夜時段。整體來講係吾錯，坐位又吾太逼。下次會再同朋友去！

今晚同bf 2個人去左呢間食韓燒, 之前去過果d 韓陽苑, 東大門, 質素好一般, 所以今次既期望都唔會好高, 見openrice d comment都ok, 不妨試一試, 因為好耐冇食韓燒了~~打電話book位7:00pm, 個waitress話到時入到黎就得架喇, 我話…唔駛留電話?佢話唔駛。。。怪怪的？？為左唔想等位起見，我地６：１５ｐｍ已到，見樓面都幾乾淨，可能呢間開左唔係好耐，ｄ裝修都幾好，裡面都有好多ｄ人燒緊，大部份都係一家大細，好在尚早，之後比左張４人卡位我地，算係咁, 坐得舒服!冷盤推介: 菠蘿, 粟米, 白菜仔, 芽菜仔肉類推介：牛仔骨，咖哩雞排, 雞亦熟食推介:　白灼蝦，西蘭花，煎堆仔甜品推介:：豆腐花, 雪糕 (維記-得2種味), 啫喱粒 唔好食: 1. 三文魚 (唔係好新鮮) – 唔知係鼓油有酒味或D三文魚本身有酒味, 怪怪的~2. 馬豆糕, 質地好怪 3. 韓式餃子? 響熟食果邊, 好難食飲品只得2款:　豆漿／酸梅湯　－　唔吸引，冇飲！Soft drink: $15／ 3支總結黎講呢間野都算多野食, 不過唔好食果d有待改善.因為假日, 每位多收$10, 加埋一

晨早出去辦事，攪妥差不多已是午飯時間，撥電話 call 齊家人，一起去旺角吃午餐，想坐得舒舒服服，又要各有各精彩，最後決定去漢和。一家四口上到去，被分到1張6個都坐得嘅卡位，坐得非常鬆動舒服，檯上有2個爐，毋需迫在一起，燒得好爽下。檯上豉油碟及食具，有明顯食物殘跡，水杯亦非常油膩。幾個侍應在旁，用鄉下話高聲談話，非常滋擾。1坐底，就係要抹好塊燒板，諗極唔明，點解抹極都係黑盲盲。呢間食過幾次，發覺食物水平，不及銀城分店；銀城味道取勝，可惜清潔做到非常差，令人卻步。

試左3文魚刺身先...ok接受到..肉就幾好有咩名牌...呢個point好梗要..周不時唔知咩肉打咩肉夾個陣..d肉整體有點兒偏向 韌身...無豬頸肉友人好失望...只可以以豬肉頂替..但都去唔到個LEVEL..食左有羊肉..西冷牛(名就吸引..咪同其他韓燒一樣姐)...墨魚..到後期先有魚塊...當時都飽左la..食左漢羊x, 梨xx,呢間..暫時都覺大同小異..優勝點變左取決於有咩熟勝la..呢度有雪糕種類多過就近個間好景...但就少減雞翼同蟹肉食..而呢度沙津吸引d..湯都多款d..但野飲就少d..得好似水咁既豆漿..再者其次要講服務同環境...服務生衣著企理d..環境令d應該係最大遠勝過好景個間既主因呱(好景唔洗等..呢間周不時要)

首先，我地預先訂左位，點知一等再等，佢地一拖再拖，等左好耐先有位！之後，佢地嘅態度極之差！！對我地食客呼呼喝喝！不瞅不睬。令我好無奈.....訂左枱等於得同得到如此嘅回報？呢間鋪頭嘅經營之道好有問題！唔通七個八個細路就唔係客人？俾嘅價錢會唔一樣？ that really made me angry!!

我係因為miss係付近結婚觀完禮之後就由朋友介紹黎呢間漢和到韓燒由於係7:00前埋單,所以平少少 每人連加一係130$真係勁抵食唔係講笑講環境,大塊玻璃,景觀開揚d座位又大又舒適講服務唔算太差呀~反正你又唔係食佢d 服務ga la 講食物5點入座個陣冇乜小食,但係肉類就好足!d牛肉雞肉唔洗點sauce 都勁有味,係我人生少有ge唔洗點豉油ge漢燒必食推介有 牛肉(唔係美國肥牛),同雞扒六點之後開始有更多熟食推出必食ge有泡菜,糯米chi , 人滲雞湯(<--超有人參味)總括來講! 正!

前一日懶醒打去ＢＯＯＫ位，原來呢度只接受４人以上先ＢＯＯＫ到。我問佢「咁我即係ＷＡＬＫＩＮ？」佢又話「咁又未必，幫你ＢＯＯＫ位囉」到個日，我地食９：３０－１１：３０，我第一次食特價場（每位１０８）一心諗住特價場無乜野食，連三文魚都無啦……點知，全部都有喎！唔怪得咁晏仲人山人海啦三文魚不停供應，呢個我要讚好！不過食食下，有條骨出玩，即刻ＵＮＬＩＫＥ……不過呢度抽氣真係麻麻地…

友人生日有人提議試下呢間韓燒原本上OPENRICE睇到有D食評話人唔多WALKIN都有位但見星期五晚 都係BOOK左位穩陣D結果7:30去到WAWAWAWAD人多到....好彩BOOK左JA同埋得兩個鐘我地食我好急呀佢地既食物好新鮮REFILL得好快但由於太多人'所以拎野食要排隊熟食同湯既款式都多仲有三文魚刺身TIM呀甜品以豆腐花最OK 超滑 !!不過可惜太少時間侍應9:20就嚟同我地埋單9:30一定要交檯是為美中不足既地方

本身以為會好多人. 所以就打電話去打算book定位..打去book 5點半. 亞姐話walk in 就有位.. 唔洗book wor.5點20分左右就到左..坐左係門口d登到等夠鐘..點知亞姐出黎同我地講.. 可以入去嫁啦=)唔錯bor. 入面真係好少人.. 2-3枱客..環境方面:我覺得可以! 空氣流通. 冷氣又夠地方夠大. 2個人坐4人卡位.不過被編排係離食物枱靠遠位置..拎野食係要行遠d. 但係走動下消化快d都未常係壞事=]餐廳入面既廁所直頭可以比5星...因為真係好乾淨!食物方面:其實我對d燒物反而麻麻.5點幾果時見到d食物就覺得好少款式..仲有好多都係火鍋料..點知到左6點幾. 就發現有好多熟食!比燒物更吸引^^推介燒物: 牛舌.. 牛仔骨.. 雞翼.. 咖哩雞肉..其實好多食物都醃得好入味不過豬肉就偏甜!**多春魚就因為我向來都不吃. 味道如果就不知道了~~-炸饅頭 超讚的xd 加埋煉奶.. 10級享受!!-糯米滋 細細粒 好可愛.. 好煙un. 但係表面太多糖啦! 好甜xd-煎堆 超愛這個! 好有茶樓的水準 唔知係咪新年先有呢??-豆腐花 自己畢ge..見到前面果位女