漢和韓國料理

Open Now

Now Closed

我未去過e間野,訂左位不過都等左一鎮,今次第一次去食,咦？又 OK 喎 我一開頭以經食左好多三文魚啦人蔘雞湯入邊都有ok多ge蔘仔d肉都ok好食之前上網有人話選擇勁少,其實好多野食wor我自己就覺得5錯,下次都會再去

此店之前都嚟過一次，印象都幾好，所以當友人話食韓燒之後便即時想起此店喇。是夜星期五，上到去時都已經八點，原本諗住會有好多人等緊位，但結果又唔係喎！見等嘅人唔多，諗住仲會好快有檯添。點知... 越晏就越多人，有啲人數多嘅，反而仲快過我地有檯。等咗成九個字，終於有檯喇，快步入去放低啲物品之後就即刻去攞嘢食。即食嘅就攞咗三文魚刺身，同埋一啲即食冷盆。(((其實想食熱食，但熱食冇蔬菜類供應。)))燒物方面就攞咗啲牛肉類同埋魷魚墨魚果啲。之後友人就攞咗啲茄子，雞肉，冬菇同埋多春魚。整體嚟講，比起對上一次光顧時感覺差咗。上次嚟果陣食完個身都冇一陣味，但今次就有少少。希望此店響冬天時，可以多出幾款熱食以供選擇，尤其係蔬菜類嘅熱食。

以前都有TRY過漢和, but it's first time to try this new shop1點幾去到都有位, 冷氣夠涼, 通風幾好！食完個身都冇無咩味!!好多唔同既肉可以CHOOSE, 雞翼幾好味！ 但係"魚"就唔係幾得, 完全無味!但係小食就比較少D款式...... 仲無我想飲既＂tung yum gond＂西瓜好清甜...無咩核

之前已經去過銅鑼灣果間食左2次，甘岩行旺角見到又有， 心血來潮又想食我覺得呢間唔錯 ，去到就有位有得食冷氣夠涼！同埋好多唔同既肉可以簡。好鐘意佢啲雞翼！真係好好味！服務態度唔會好似其他人講到甘差而且我覺得幾抵食，因為依家出面食野好多都$40幾，食左呢餐真係可以唔洗再食晚餐有機會再黎食

聚會日。原本諗住去樓上食，點知爆滿，但呢度就可以直入。一坐低就有人告知只得個半鐘，好彩個姐姐好人，我地要求食多半個鐘佢都俾。不過衛生就麻麻，見到杯茶面頭都係油。唔知係d茶有事，定個杯有事。出去夾食物，好多碟都有污積。燒烤材料總類算多，質素一般熟食薯條、炸薯波係稔既炒蜆就無肉得殼炒白菜仔幾嫩甜品朱力雪糕有朱力粒粒，係唯一值得再食既野西瓜幾清甜豆沙窩餅no good，好油糯米滋勁甜，不過就暖暖地幾好味jelly夠硬身，一食就食左十幾粒芒果布甸唔掂 飲品酸梅湯甜到死，似食緊成包糖

事原： 慶祝生日 已預先book 枱，係reception 講完姓咩之後，果位阿姐好似借左聾耳陳咁，冇應又冇表示，再問第3次先有回覆！ 但仍然要等15分鐘才可入座 當時7:00 冇乜人添 失敗 入座後，我話6位，佢話我2歲幾未足3歲既小朋友要比小童價，除非我比ID佢check，喂，邊有2歲小朋友帶ID出街家，生得大隻都有罪？當時因為有老人家係度，我費事曹，算喇，不過覺得受騙，明明3-10歲先要比小童价 算了，開始食， 熟食 - 極少選擇，D所謂蝦就好似虾米咁細，煮到霉哂見到都唔想食，炒飯似狗飯，D豬肚D油勁到爆浮晒上面冇人理，湯又冇味 ... ... 失敗 Salad Bar - 我從來未食過林既 炸虾餅同薯條囉，同阿姐反映，佢話係咩 我睇睇先，又冇跟進 ... ... 失敗 寿司 - 只有三文魚同青瓜，Ｄ三文魚一睇就知唔惦，暗沉無光 ... ... 失敗 生盤 - D人好粗魯 1人揸2-3 個碟係咁夾，又唔排隊，最慘重係連D加肉既阿姐都爭位爭埋一份，重彈左D汁落我件恤衫度 ... ... 失敗 選擇方面，基本冇特別，可能雪櫃唔夠凍D竹枝宿既 ... ...失敗 甜品一般，想食

因為想燒烤 ， 但天氣太熱所以選擇韓燒 ，既有冷氣 ，又唔洗大汗疊細汗咁辛苦。搜尋完一輪OPENRICE ， 見到呢個分店食評唔錯 ，所以一試 。真係貼錢買難受 ，我地一行7個人 ， 佢話只限2小時 ， 雖然覺得時間太短 ，但都已經齊人 ， 所以不改地方了 。 BOOK左位7點 ，但我地7:05 先到 ， 一坐低已經燒燒燒 ，食食食 !因為怕2小時唔夠 ， 所以食左先傾計 !食物種類不多 ， 肉類較多 ，丸類較少 ， 不過佢既生菜夠新鮮 ，可以夾住肉類食 。不過食多幾件肉開始會覺得過鹹 ，提議漢和更換碗 同 碟 ， 因為拎佢既碗裝糖水時發覺幾個都有手指模印 ， 碟又有送積 ，好嘔心 ~~一個小時過後 ，爐燒既食物已經開始停 ， 跟住食甜品同熟食 ，8.15 分倒 就有人過黎叫我地埋單 ， 我就話 ：我地未夠2小時喎，咁快埋單 ?待應 ： 你地早過隔離張木台到 。我話： 我地7點到咋喎 !待應 ： 唔緊要 ，你地埋左張單先好冇 ? 你地可以坐多陣 。我地再望下門口位 ，原來有人等位 ，所以我地佔既大木台會緊張D? 但都唔需要趕我地埋單走架? 我地冇埋 ，要求佢遲少少先埋 ， 跟住有

同一班朋友一齊係旺角附近行街行到晚上七點幾, 肚餓了, 一齊去搵食。本身冇諗過要食d咩野, 就係見到附近有間漢和, 大家都冇咩異議, 就一齊上去韓燒一番。其實我之前都去過其他分店既漢和, 覺得整體都ok的。同埋有時又睇下其他食家既食評, 老老實實, 我唔會話有d咩好高既期望, 都係平常心, 至在去燒下燒下過下韓燒癮。上到去, 原本以為好多人等位 (因為話曬都係星期日ma~), 原本唔使等, 哈哈, 一去到就有得食, 正!! 呢間漢和比我既感覺好好, 環境舒適, 乾淨, 人都幾多, 但油煙味唔重, 桌面餐具都好乾淨。同其他分店比較, 我會比呢間高分d, 唔錯唔錯~~食物方面, 同其他其實店差唔多。種類多, 要燒既果d生料都係豬, 牛, 羊, 雞, 魚。但我就特別讚一讚咖哩雞脾肉, 真係好入味, 燒出黎好香, 食落去好味, 食左唔少。而羊肉唔會羶, 仲好香好好味。除左肉, 都有一定份量既菜 & 菇類, 當中以燒茄子 & 鮮冬菇最合我&班friend 既心水。而食物都refill 得好快, 好多時都見到有人refill, 一盤盤滿滿既食物, 呵呵~~ 感覺良好~~熟食方面都唔錯。呵呵~ 見到

朋友剛從美國回來, 知她很愛韓燒, 一直知銅鑼灣分店很好, 從廣告中得知旺角開了分店, 便立即致電BOOK 位, 平日午餐不太多食BUFFET, 多叫午餐, 皆因我和朋友都不趕時間, 故由12:30-3:30食足3小時, 我愛漢和因他種類多, 熱食也很多坎選擇, 又乾淨衛生, 坐位不太迫, 只記下一小食物吧雞翼必食, 牛肉必食, 魷魚, 著條, 韓式前菜, 最好是有人蔘雞湯很足料, 朋友飲了2大碗酸梅湯, 豆奴任飲我最愛的雪糕有2種味, 朱古力及雲呢嗱...我一共吃了4球很滿足, 朋友也食得很開心, 因有多款選擇又好味又不太貴, 是最好的地方, 今次朋友回來探望, 每位加一$75用$150有BUFFET 的感覺是值的, 還有海鮮, 壽司, 很好呢~

本身驚多人所以book左8點 但7點9已經去到已經可以入座 我地4個人佢話可以任食任飲1個半鐘咁我地梗係要把扼時間啦一坐底d員工即刻幫我地開爐 效率快首先就揀左d熟食好似sushi 餃子 薯條咁跟住原來仲有蜆食呢個真係好surprise估唔到韓燒有蜆食 都幾好食但d肉就細粒左小小囉之後梗係拎肉啦 佢d肉頖選擇都幾多 我推介牛仔骨同雞亦! 呢2個都好好食!反而我覺得牛肉切得太細條 有點散 成日好驚d牛肉會跌左落去豬肉雞肉都唔錯 但係d味就好似差唔多 食得肉多梗係要食下菜中和下啦拎左d西蘭花 估唔到都幾好食同幾爽口埸內仲有飯 沙津 湯 碗仔翅咁 但我就無咩點食野飲就有豆漿同酸梅湯 呢個就不過不失啦到左最後食甜品同生果 甜品拎左涼粉 雪糕 jelly 好後悔無食到佢d豆花雪糕 jelly都幾好食生果真係要讚下 橙同西瓜都好甜好好食到最後我地坐左成2個鐘員工都無催我地同叫我地埋單總括黎講呢餐飯都食得幾開心

今日係同學聚會既日子,一心諗住o係旺角區食韓燒,見倒openrice食評唔錯就揀左呢間喇!因為今次有七個人,所以訂左位,不過去到都未滿座 (當時七點九)比起其他旺角區既韓燒,冇油煙味又唔痴立立,未食已經感覺良好!雖然待應冇乜笑容,但係都好主動問要唔要換爐同埋影相食品選擇算豐富亦都別開生面,較特別既有豬腳薑,豆沙窩餅,豆腐花, 涼粉燒烤既食品都同平時差唔多,加十八蚊仲可以打邊爐,我地今次冇加,但係d野食都幾好味!就算唔打邊爐都有好多菜食,仲有沙律湯方面有一個例湯(我地冇試但係好似係粟米蘿蔔),碗仔翅,人蔘雞湯人蔘雞湯比想像中好味!雖然d蔘係細條,但係同平時o係街飲既差唔多味甜品除左上面提過既,仲有生果,雪糕,糕點,算好好!唯一不足係飲品選擇得豆漿同酸梅湯,不過一檯都有一壺茶,樂就要加錢我地總共坐左三個鐘,待應一早講左如果唔滿座可以坐幾耐都得,而且呢度都好好座呢!埋單係118+10(星期六日附加費)+10%,環境同食物質素呢個價錢都算抵總括黎講,今餐好滿意!

本來是訂昨天的檯，因太衝忙出門口，所以改為今天。新漢和韓國料理位於旺角地鐵站奶路臣街西面出口，委實對食家非常方便。來到的時候差10分鐘便到12點，服務員好像只有1~2個，還要兼顧食物檔、訂檯、帶位等工作。除了我們3個小傢伙，餐廳尚有一班年青人在光顧。頭盆：韓式各類泡菜、西式沙律、炸銀魚、炸三文魚骨、韓式煎蔥餅、韓式炒粉絲、炸蝦片、炸薯條、炸饅頭、炸麻花。前湯：例湯、碗仔翅、人參雞湯。日式：加州卷及太卷。熱葷：炒飯、灼菜、炸三文魚骨腩、沙薑雞中翼、雞蛋豬腳薑、鹹酸菜豬肚。生料：龍蝦丸、鮮菇、蜜糖腸、火腿、墨魚仔、辣魷魚、牛脷、鱈魚柳、鮮牛肉、牛扒、肥牛、豬扒、豬柳片、雞翼、雞扒、雞肉腸、大紅腸。甜品：橙、西瓜、火龍果、雪糕、布甸、黑糯米糕、啫喱糖、馬豆糕、豆腐花、涼粉、西米露、糯米糕、煎年糕、炸饅頭。自助飲品：酸梅湯、豆槳。沙薑雞中翼很嫩滑，豬腳夠腍，豬肚更是難忘，三文魚骨腩好味，炒飯也不錯，人參湯參味濃郁。小朋友來吃韓燒，卻集中火力對付薯條蝦片，真令人噴飯。韓燒生料之中以辣魷魚、牛脷、鱈魚柳、肥牛、豬扒較新鮮出色。甜品中西瓜、火龍果是合時生果，布甸、黑糯米糕、馬豆糕等亦很好食，豆腐花滑

一行5人夜晚去食韓燒,因為有book位, 準時去到即刻有位坐!先坐6人檯,有2個爐, 後來人客多, 食食下侍應要求轉張細d既檯,不過侍應都好有禮貌, 又每位送可樂, 又俾我地唔限時,所以我地都好合作。講番環境, 新開既店正常都好乾淨, 店內有電視,坐得幾舒服. 我覺得冇其他韓燒咁迫。食物方面都好多款, 正常既豬牛雞肉, 銀雪魚, 三文魚都有~最正係有好多熱盤, e.g. 豆沙窩餅, 年糕, 茄汁蝦, 薯波....,仲有三文魚刺身同sushi, 刺身正常厚度, 一冇哂就好快有人refill, 另外仲有生果, 糖水,雪糕(得vanila同朱古力味),人參雞湯全部既味道都好好味~~~我食熱盤小食仲多過d韓燒XD唯一唔好係任飲既飲品只有酸梅湯+豆漿, 選擇太少, 不過每檯有茶壺,都好快有人refill服務值得一讚, waite都幾有禮貌,全場都算多waiter, 最好既係waiter見到個爐有d焦, 我地未出聲,waiter已經主動話幫我地換過個爐,細心的服務, good!一定會再幫襯~~

經過銀行中心見到對面馬路知道係新開既韓國燒自助餐, 就約埋D朋友一齊去試下~我地選左7:00~9:00時段, 侍應話如果唔滿座就不限時間.評價如下:環境: 滿意, 絕對舒適服務: ok, 燒爐燒一陣可要求換新一個. good~食物: 種類ok多, 如加$18可有火鍋. 配料都齊全~唯一缺點: 飲品只有酸梅湯&豆漿. 太少了!!!以往覺得韓國燒食物一般, 去完呢度令我改觀.我會再去幫襯呢~haha