漢和韓國料理

Open Now

Now Closed

黎漢和慶祝父親節好彩一早bk咗位！勁多人排隊！bk咗7點半，等10分鐘左右就入得5個人坐張大卡枱位，好舒服仲有2個爐位幾姊弟出去拎嘢食服侍兩老d三文魚刺身好肥美拎咗3輪，都好肥美，refill得都好快，唔怕你攞媽媽本來唔食生嘢，後尾攞黎燒，燒完仲好味，有魚油香，d肉又好嫩前菜有木耳有泡菜d泡菜連埋d肉食可以減低膩感偏辣，但正合我味道仲有幾款炸物熟食有得拎我就拎咗少少韓國粉絲，好香麻油味，又夠彈牙多春香燒完會脆皮，好食不過要小心燒，易痴爐拎到成枱都係呀媽密密燒另一推介係燒五花腩加菜加蒜頭，一啖過食好正！有媽的孩兒像個寶！之後甜品食埋燒菠蘿，食童年回憶啫喱糖雖然座無虛席，呀姐d服務都幾好見個塊板燒到燶都自覺幫我哋換又keep住收碟2個鐘都好夠食，食到好滿足就返屋企lu

係沙田石門返工,放咗工約咗朋友去漢和韓燒料理食燒烤 ,這間是新裝修又是最大最多座位最多食物 , 如坐馬鐵喺石門站落行一分鐘就見到, 這裏係一個新開發嘅商業區.三五知己最好圍埋一枱,食燒烤放題,任飲任食 ,價錢優惠.食燒烤之餘又可以食配菜同其他美食.睇下幾多燒烤嘅款式 ,鍾意嗰樣就夾嗰樣, 店員仲會隨時添加.漢和喺石門店呢間分店係最大間,最舒服最多,最多食物嘅款式.食物有沙律同熱葷等,食個痛快, 我最鍾意食佢個碗仔翅夠曬足料.種類又多,食物最緊要夠熱.漢和有好多分店 ,周圍都有.午餐放頭好抵食可由十二點坐到三點都係百零蚊,晚餐都唔貴.唔食放題又可以揀午餐或特選餐,總有一款啱心水.食飽飽後可以揀番啲生果同甜品,調和下啲腸胃.,跟住又再食過啦!

漢和除左食韓燒之外，其實都可以食set lunch嘅～今日就同班朋友黎食佢嘅set lunch整體就一般般啦，聽朋友講都覺得冇咩特別不過難就唔難食嘅。我叫左個牛骨湯飯 $50（加一後$55）啲牛都ok啦，份量都多嘅，不過就稍微太多筋，好難咬然後個湯我覺得佢落左太多胡椒粉，有啲chok喉。個湯裡面除左有牛，仲有西芹、蛋同粉絲，味道幾夾。講到最唔滿意都係個員工嘅態度，好似句句都唔妥人咁，未揀好要order啲咩個陣佢就話「唔通要我等你咩」，完全唔得囉啲service 不過我諗有得俾我揀嘅話我唔會再叫佢個set lunch，因為真係好一般⋯反而我會好想試下佢個韓燒，行過都聞到啲燒肉嘅香味，而且價錢都只係講緊$1xx，期待期待

之前係去過旺角分店，因地點交通問題今次去咗石門站，比起旺角服務更有效率，地方清潔度，已韓式燒烤店來講算幾乾淨，食物方面，熱湯有三款：韓式海鮮湯、人蔘湯、港式老火湯，另外還有港式碗仔翅，生菜沙律生果新時度都幾高，甜品方面，豆腐花在呢間店出名不能錯過，還有其他冷熱甜品，至於烤肉方面，不可能講是高級貨色，但要$198的價錢，已經交足功課有餘，難得嘅就係一家四口到贊👍🏻👍🏻👍🏻👍🏻已經準備好月尾搞生日會

一個10號波打過黎，黃昏落3號波，唔想煮飯，所以沖左出去最近我同男朋友既石門漢和開餐～去到比預期中多人，可能因為打風後既關係，我地最後等左10分鐘左右有位～算快了😄入到去個場都算大，不過因為見到太多人，有限時情況下應該好快要走，所以即刻去攞野食～（最後夠鐘無趕我地走）我地最先攞既係凱撒沙津加車厘茄，啲車厘茄唔太酸，沙津菜新鮮👍加上芝麻醬口味既沙津，加少少黑醋～同我出去食開既凱撒沙津一樣味😄😄😄之後係三文魚～好新鮮～😄😄😄生菜keep住都有供應，唔怕無生菜包肉食～不過啲菜靚既情度就一半一半…啲肉都醃得ok~最後係甜品～涼粉我最鐘意既七彩啫喱～西瓜唔夠甜～☹☹☹蜜瓜夠甜～而且唔係間間漢和會有提供的～😍😍😍其實仲有好多，無法一一列表～食物質素唔差，員工服務都幾好～客人主動提換爐都會盡快換～整體係👍😄

平日Lunch buffet加埋一都係＄１３０算抵食。可以坐足４個鐘。好難揾。我最鐘意那豬腳薑。平時去超市買一細盒仔，都成３０蚊。呢到既豬腳薑既豬手煲到好軟身同入味。有好多肉可以燒。但我要留肚食其他野，所以食左少少肉。前菜我大愛韓式粗粉絲＆木耳。甜品我食左綠豆沙，因為佢出晒沙所以我食左３碗。有脆麻花，雖然硬左少少，但加上蜜糖都好好味。

每日最煩惱的是一日三餐，唔知食乜?晚上，記起女兒說與同學去過石門的漢和食午餐，心諗，連亞女都試過，我都未試過，唔制!今晚專程過去試試。晚上8點半入到門口，看到今日每位188，價錢ok, 問Reception:限食到幾點?他回應最遲12點。吓....咁又唔駛食咁耐，有個半鐘比我，唔駛急住食，已經夠喇😂。這兒有熟食，如薑醋，炒飯，薯條，蝦片，韓式粉絲，南瓜餅，煎堆仔，人蔘雞湯，三文魚骨，酥炸三文魚球，炒菜，也有小太卷，三文魚刺身，幾款水果，甜品方面也有桂花糕，椰汁西米卷，牛奶布甸，啫喱等等。生肉方面，都是大路既雞翼，牛仔骨，雞，牛，豬，魚肉，紅腸，豬腸，芝士腸......等等。飲品也是自助形式。雖然食物選擇不少，但很多我都冇試，已試的食物，沒有一樣食完想再攞的衝動。感覺上，食物很多，但不精而已。但價錢與食物選擇種類成正比的。

位於石門站旁的京瑞廣場，餐廳林立，最受歡迎的其中一間應該是漢和韓式燒烤自助餐專門店。午市自助餐時段是上午11:30至下午03:30。如果真的來吃，建議不要太晚來，因為遲來不會補回時間，但若十一時多便來到，有機會可吃足4小時。食物有些是預先煮好，可以即食的，味道正常。有炒飯、炒粉絲、壽司、雞翼和炸三文魚骨。可能韓燒食物太濃味，所以感覺上會覺得味道略淡。如果有興趣可試試把壽司放在燒爐上煎煎，另有一翻風味。除了吃各種各樣的肉類，個人推介鮮冬菇，冬菇的size頗大粒，入口很juicy，燒過後的金菇也不錯。若果想再經濟一點，餐廳也提供午市特價套裝。

今日lunch同同事們齊娃娃即興去食韓燒😍😍😍😍服務員安排我地坐卡位，座位好寬敞，而且環境乾淨👏🏼👏🏼食物種類都算多 e.g.牛雞豬羊飲品任飲，另外有沙律，生果，甜品，湯等等肉類中最好食既係牛有牛味而且好嫩滑，加埋生菜同泡菜夾埋一齊食👍🏼👍🏼豬腸都係必食😍好香好彈牙整體黎講，食物質素可以接受種類多，味道，環境都唔差😋平日lunch任食連加1大約$130雖然對lunch黎講有d貴，不過唔係日日食既都可以接受既

好耐無食過韓燒，以前食親都要出九龍，去旺角，尖沙咀呀咁先有得食，大大減低想食既興致🙈而家漢和係石門有分店la! 佢既位置係正馬鐵石門站隔離，出閘行幾步到商場，上兩條電梯，唔使五分鐘就到午市韓燒每位$118加一，比起夜晚黎食平好多，但食物選擇一d都唔輸蝕!熟食區:有4-5款熱食選擇，今日有炒時蔬，韓式年糕，烤秋刀魚，炒飯等等~ 望落都幾靚仔，一路熱住，唔會凍左~沙律，前菜，水果甜品區:泡菜，菠菜等等經典韓式前菜都有，沙律就有車厘茄同幾款沙律菜，連醬汁都有4款，算幾多選擇!至於水果，可以話完全食唔停口!樣樣都好新鮮，西瓜又甜又多汁，橙係黃肉橙，酸甜岩岩好😍如果自己買黎食，分分鐘未必買到個個都咁靚，黎呢度一定要食多幾碟!燒肉區: 有各種口味既豬，雞，牛同羊肉，辣同唔辣，任君選擇，仲有魚同幾款蔬菜揀~我就真係好鐘意食佢個辣豬肉! 呢個醃料係咁多款之中最惹味!一放落去燒，d香味即刻出晒黎😝😝😝😝除左香辣醃料好味，另一個吸引我既地方就係佢肉質非常捻~因為佢塊塊都切得薄身，加上醃左一段時間，燒完咬落口都仲有肉汁出黎😆豬腳薑醋👍👍👍又係黎漢和必食之選，畢竟出面唔係咁多地方有得食，呢度一大煲一路滾住滾住

新開張 去過2次午市 地方大有空間泊車自己處理 樓下有優點：冇限時 食到3點 唔駛趕頭趕命韓燒怕大煙 呢間抽氣算好 冷氣夠凍服務好嘅 換燒盤快 收碟快燒物肉類好一般 味道大路 間間一樣 超油任飲飲品好多選擇 冇豆漿酸梅湯午市：冇三文魚 冇牛仔骨 冇虾青口冇三文魚壽司 有手卷 但飯硬似未熟有新鮮靚生菜 蒜片天椒 包燒肉食 健康啲冇咁油膩熱葷少 凍嘅 冇乜選擇楊洲炒飯冇虾嗰種 炒生菜 過火亁身冇油炒韓式粉絲 大油 好味但成口油 凍嘅炸肉丸 炸多春魚 薯條都有人參雞湯 ~材料熔晒 有雞絲有參味老火靚湯~ 唔知咩湯 因見唔倒材料齋湯水韓式海鮮湯~ 重腥味 虾仔肉梅梅地碗仔翅~ 冬菇肉絲粉絲 多料唔咸甜品涼粉 沙律靚生菜都正熱辣辣 嘅 豆腐花 嫩滑豬腳薑疍~ 最吸引 疍唔硬豬手淋入晒味

今日中午在石門行街見到有間漢和韓國料理剛剛有d肚餓，見到除左燒烤自助餐外還有套餐選擇，於是入去試吓，入面環境幾大幾舒服，空氣幾流通冇焗住d油煙味經過見到自助餐食品都幾多款式供應，坐低見套餐都廿款以上，我就選左個韓式羊肉飯套餐，套餐有前菜兩碟和湯，份量都好足夠首先講前菜就有少少芽菜和幾片泡菜，份量就少d，芽菜味道都可以，而泡菜就好普通，唔夠辣之於個湯幾好味道幾清，而個羊肉飯，羊肉和飯分開上幾好飯係珍珠米幾好味軟滑，羊肉就係薄片，個汁幾好味，唔太羶，好似食緊肥牛如要飲嘢跟餐加$5，唔叫嘢飲每枱都有瓶熱茶供應，今餐都可以叫做過得去。而且對一個工業區冇乜食市可選擇,提供多一個平價選擇

石門一向少似樣食肆，漢和地方夠大，但食物質素同員工態度急跌！今天去吃午餐，點了煎牛仔骨飯，來到的４件牛仔骨有3件燶了！嚐試咬掉黑部份，吃剩下卻所剩不多。最諷刺係叫人地不要浪費食物否則每位$30，但他們自己就浪費牛仔骨！！！！同一個員工投訴，無反應，再同另一個講，先講唔好意思。算，不會再去。

好耐無食過韓燒了，今次晚餐揀咗任食。每我消費約$212（連加一服務費）。7:30左右去到，等咗一陣先有位，用餐時間係1小時30分，呢間都幾full下。可以任飲啤酒、汽水。燒烤種類都幾多，精選為牛舌、豬大腸、洋蔥、牛肉、雞肉腸等等較為好食。飲品基本汽水都齊晒，可樂、雪碧、芬達、忌廉、冰糖雪梨、啤酒。甜品有3款雀巢雪糕杯，芝麻、呍呢拿、朱古力。另外有中式糖水、涼粉、荳腐花、啫喱、椰汁糕、芒果布甸、杞子桂花糕等等。湯水有中湯、人蔘雞湯。我揀咗人蔘雞湯飲，人蔘味好重，個湯唔錯。壽司主要係三文魚刺身、三文魚壽司同紫菜卷等等。三文魚refill得好快，但感覺一般。沙律、配菜沙律主要以蔬菜為主，配菜就有一d韓食為主的小食如泡菜、青瓜、芽菜、木耳等。呢part感覺可以，泡菜好開胃。生果有西瓜、橙、蜜瓜等，都好鮮甜。整體而言好多選擇，但只有部份係屬於好食，其他你試完一次就唔會再拎。值得一讚係，佢keep住都有侍應refill d 食物，所以你一定會食得好飽。

星期五和朋友去食午餐，我提早十五分鐘到去令位，那時大約是11時45分，同女帶位員說可否坐入小小，她沒有理會，直接帶了我去中間的位子，當是後場沒有人，我再詢問多次，她說：你朋友幾時來，我說12點，她這是還有成半個鐘wo,我說：3個字ja wo, 她的面已經黑哂，再很惡地說：你是食lunch 不是韓燒，佢仲妙埋咀，我之後就話算啦 感我坐呢到！到我朋友來食野時，佢係隔離汁台仲好她大力放低d杯，其實我自問態度亦很好，只是詢問了兩次可否坐入面的位子！但我非常不高興，不是坐不到較後的位置，是店員態度太差，她的答覆好像我食個午市套餐會阻住佢做生意感！雖然食物質數ok,其他的店員也正常，我追單時，其中一位男店員都有幫忙跟，但是食餐飯無啦啦要受氣，這之是我第一次光臨本店，亦是最後一次！