漢和韓國料理

Open Now

Now Closed

呢個中午，我喺漢和燒肉搵到咗純粹嘅美味。嗱，先嚟講嗰碟西冷，真係腍滑middle，啱啱煎到閒閒哋嘅焦香啦，肉味濃郁得滯。牛肋肉都cut得好，燒烤後外層微危危稍帶嚼勁，但入口即溶，咸香之餘仲保持咗原汁原味。🤤豬頸肉嘅話，脆口得嚟唔肥膩，跟埋啲自家醬料，真係惹味到不得了。雞肉嘅味道都幾正，燒到啱啱好，唔會過乾，雞皮嘅脆感加上嫩滑嘅肉質，正！至於雞腎啊，嗰種獨特嘅滋味夠曬彈牙，又唔會太韌，食得出鮮味。再嚟講講嗰啲菜、菇，洋葱同金菇燒到香脆彈牙，炒飯粒粒分明，兩款湯頭各有特色，碗仔翅Q彈而得意，人蔘雞湯濃郁暖笠笠，簡直就係口口都係滿足😌。食完一輪，我居然仲有位食啲豆腐花，佢哋個豆腐花真係滑到出汁，軟綿溫潤，完美收場！總结落嚟，你話呢間漢和燒肉點，我會講佢真係有得食得開心，服務又貼心，嘅嘢食滿足晒我嘅五官六感！👍下次我仲會搵多幾個鐵胃朋友，再嚟迎戰呢個食界嘅小宇宙。

朋友叫我去呢間燒肉店，食完真係要拍手叫好👏！三文魚生片鮮到彈牙，每一片都肥美得滴油，搞到我一轉眼就攞咗三輪刷刷，完全停唔到口。燒肉部分，辣豬肉就真係辣得嚟味道正，食落去微辣又惹味，重點係豬腳薑，夠曬薑香夠曬暖胃，真係肥而不膩，得意到不得了！而家講下小食，我就略為有啲嘥氣，因為小食凍咗啲就唔夠晒那麼爽口。好彩，有啲韓國粉絲救番場，麻油香氣撲鼻，彈牙程度一流，再配埋幾片熟咗嘅多春魚，脆口得黎又唔會過火，真係太正喇👍！係咁嘅環境下，姐姐哋服務嘅態度好得嚟又周到，一見到板燒得有啲乾就即刻幫手換，真係好窩心。雖然今次無拍到食物嘅靚相，但食得開心就最緊要，下次一定會再嚟，食得開心，心情都靚哂！🥳🍽️

漢和石門分店相對其他分店較整潔，地面唔會「癡立立」，取食物範圍定時有員工整理及簡單清潔，食得比較放心&舒適。食物都係大同小異，燒烤區有豬、牛、雞、羊，基本上都係一樣，仲有飲品櫃、沙津吧、甜品區、炸物區、日式壽司及熱食區，本人最喜愛烤雞翼、豬頸肉及牛仔骨，另喜愛魚生刺身，熱食方面種類多，照顧到不同客人的喜好及需要，較常食豬腳薑，但今次食個味已經跟之前唔同，醋嘅香味唔真實，略為帶合成味道。沙津菜份外新鮮，用作伴烤肉食口感上冇咁油膩，甜品/生果供應都唔錯，有菠羅、哈密瓜、西瓜、啫喱糖、其他小杯裝甜品、紅豆西米露、豆腐花等。服務態度有禮親切，會主動詢問需要更換烤板，又唔刻意趕人走，讚讚讚!!!

呢個brand我諗香港人都唔會陌生，屹立不倒咁多年，應該有佢可取嘅地方。週未中午去到京瑞廣場一期，午市buffet可以由11點食到3點，時間長得離譜!而家好多食肆都對入座時間有限制，有時會食得好趕...餐廳採取自助餐 self-serve 形式，大量不同肉類提供，牛、豬、羊及蔬菜等等...除左肉外，仲有豬腳薑、生果、甜品 (私心推椰汁西米露)，選擇種類之多拍得住酒店 buffet。最重要係價錢連埋加一，人均不用$200，我都唔知佢點維持收支XD食燒肉好多時燒燒下，都會唔小心有D 焦痴左係個鑊到，食落口對身體唔好，叫侍應更換都快手及有禮，值得一讚 👍

次次打電話都話廚房收咗，明明寫11:00-16:00，試過15:03打過去又話廚房收爐，之後再試過14:47打過去又話廚房收爐，咁你就唔好寫去到16:00啦，原來2:30已經last Oder😑唔優做

雖然漢和相比起其他燒肉舖係比較平，但係每種肉嘅醃料都應該係一樣，食嘅時候全程都係嗰隻味，會令到人味覺疲勞。餐廳攞嘢食嗰個位嘅地板可以話油到可以溜冰，就算真係要食漢都唔好揀石門呢間😂

話說朋友去過石門 試咗一間叫做 漢和燒肉 昨日佢搵我一齊去再食過 我第一次去 因為我住屯門稍為遠咗啲咁我就去到 都要個幾鐘 去到嗰陣時約莫等咗廿分鐘因為佢開十一點 開門入到去感覺上地方好大佢大部分都係卡位兩個人坐地方寬敞我哋每人帶咗部14.5吋嘅平板放咗喺度睇電影都仲有位擺嘢食 佢啲招呼服務好好我哋個鐵板用咗一段時間佈滿咗燒燶咗嘅嘢佢就即刻主動嚟同我哋換碟我哋 個半鐘頭換咗三次貼板 服務員服務態度好好 嘢食都好多 一般嘅韓燒嘅食物佢都有同埋有好多小食但係最重要嘅就係話佢啲湯 嘅款會比其他韓燒多啲嘅我最記得就佢有一個要辣湯啦碗仔翅啦中式老火湯啦 糖水啦佢後好多即係一般嘅自助放題係冇咁多嘅值得一讚嘅呢個係咁我都真係試咗好幾款一流 去除咗韓國食品之外佢仲有壽司 估唔到喺石門雖然係山卡啦嘅地方都可以搵到咁好食嘅韓燒 大家不妨可以去試下 我哋話十一點可以食到三點四個鐘頭我哋食咗個半鐘頭都飽喇已經食唔到落去啦

因為太肚餓所以食左自助餐，跟住見到間韓燒價錢合理，二百零蚊一個，又有位就入左去了。入到去見到好似泰國 bts 站，可以見到火車係外面經過。出去拿野食發現都有不少選擇。燒烤有牛、豬、雞、羊選擇。最吸引反而是新鮮出爐的三文魚刺身，放在眼前閃閃發亮。另外，熟食方面薑醋蛋也很出色，很入味。但整體上熱葷水準比較一般，不建議浪費 quota 去試

以往嚟都係食韓燒，驚朋友介紹先知原來呢度都有午餐套餐。網絡見到有一杯選擇，例如石頭鍋飯、豬腳薑飯、嗰日想食啲惹味嘢，就揀咗個韓式炒飯。等咗都唔使10分鐘就上咗台啦，小食嘅話包括左，有啲炒芽菜，同埋一啲完全冇辣味嘅泡菜、好簡單咁講講個炒飯。其實真係完全睇唔出有咩成份係韓式，同一般嘅中式炒飯差唔多。用了都係集豆即係青豆、粟米、蔥、雞蛋、同埋蝦。呢一個飯係完全冇任何味道連鹽味都冇非常誇張⋯如果唔係親眼望住自己食緊咩，我都唔敢相信自己食緊炒飯，仲要原來係韓式嘅……所以絕對唔推薦再食，雖然價錢非常平民，但係我相信呢個價錢其實喺出面都可以食得更加好，至少係大家都係炒飯，但係可以惹味啲。或者食得好健康少油少鹽嘅朋友係會接受到。最神奇嘅係，佢隔離仲有一碗野係冚左蓋，我去到就嚟食完嘅時候就打開望吓係咩啦。點知竟然仲有一碗白飯當成碟都係滿滿嘅所謂韓式炒飯之外，竟然仲比多碗白飯你係咩玩法？我仲以為嗰個係個湯，點知……所以食到一半都忍唔住要影低呢個奇觀

我哋一行四人，去食韓燒自助餐，位於沙田石門站出閘口行30秒就到京瑞廣場，位置超方便，不過成日都好多人等位，如果要去食真係要提早拎位，餐廳裏面都好大，座位係舒適寬躺，整體潔淨，店員都有禮貌亦友善，動作也很快收碟，食物方面肉類燒烤，熱菜，熱湯，冷盤，糖水，甜品，水果，飲品及雪糕，食物品質幾好，唔係求其俾你啲嘢係幾好食，肉類都好多款選擇牛肉都有三、四款、雞、豬肉款式選擇很多，以這個價格來說很不錯。值得食完再食的餐廳。

提起漢和，就會聯想起佢地嘅燒肉放題好抵食！今日同爸媽中午過嚟漢和搵食，但今次唔想食燒肉，因為最近有啲熱氣，唔想再火上加油了！我地就試吓免燒自助餐，價錢再平幾十蚊，真係Very抵食呀！呢度嘅回本之選，登登燈凳～～就係豬腳薑喇！平時想食豬腳薑的話，幫襯鴻Ｘ堂買包返去加熱食都要60蚊左右。呢度可以俾你任食喎，食兩碗已經回本啦！而且呢度嘅豬腳薑嘅豬腳炆得又腍又入味，薑醋蛋又好好食。想食豬腳薑嘅話就去漢和食就得啦！另外，我地仲攞咗啲雞翼、多春魚、炸物、椰仔西米糕、韓式壽司、碗仔翅咁，都食到好飽呀！最後仲筆咗兩碗熱辣辣嘅豆腐花做飯後甜品。又平又抵食，仲可以坐足3個幾鐘，真係好呀！

星期日想食午餐定食，上星期walk in，職員話只有外賣沒有堂食要是堂食的話就要打電話預約。今日再致電book 位，竟然說只做定食外賣！全店做午餐自助餐！可惡！！！

其實已經食過很多次了，今日再次光顧😋所以我都應該向大家介紹下！呢間漢和燒烤（石門）是很值得「幫襯」，地方大，卡位多！當然最重要係食物，燒烤種類算多，飲品選擇還好（以前多啲），甜品、水果、雪糕、糖水都有，值得一讚是熟食選擇很豐富及味道不錯👍🏻收費成人133+10% / 長者113+10%（超合理）時間由早上11點至下午3點45（真係好長）所以吸引很多長者🧓「幫襯」，當然都有好多中學生同一家大細（仲有兩張枱帶埋工人姐姐），生意唔錯！講到衞生，除咗啲杯好油之外，其他都算👌🏻至於員工態度，有位做咗較耐的男職員就好好，帶位女職員就一般，執枱員都還可以😌加油💪🏻

疫情下算是做足，食物選擇也多，有三文魚生同壽司，又有牛扒燒，d醃肉全部都好食最鐘意辣豬肉，雞扒同牛扒熟食都還好，最鐘意豬腳薑一出d蛋好快無哂但係豬腳都夠，而且好味夠淋，無哂都會refill 。係d小食無野蓋住，好快放到凍哂，熱食應該會更好食，不過都唔係第一次食呢間，都有心理準備其實整體還好，呢間分店闊落d，坐得舒服又有間板。旁邊仲有位睇倒火車，有小朋友都唔怕悶員工都有禮貌，有主動幫手調節爐溫同換爐碟兩個鐘時間岩岩好，食埋d糖水同雪糕完美滿足既一餐只係一張相都無影低有d可惜有機會會再去

今日14:15到達，張單要求離開時間為15:45，雖然我們遲了兩分鐘離開，但店員態度非常惡劣，黑臉之餘，還故意在收拾枱面時做出很多險舉動，例如故意鉗起裝滿油嘅鑊，係我放滿手袋和物件的椅子上來回來回的擺動，又在食客面前倒熱水在枱面上清潔，令人不安。我明白你要急住收工，但我唔係賴死唔走，就算你們急於清潔都唔急在兩分鐘。本人因為帶著小孩同行，就算離開都要時間整理一下，如果因為遲了兩分鐘離開而令到貴公司員工加重了工作負擔，本人心感抱歉! 但作為顧客，要受到這不禮貌對待，本人更加遺憾。