甜之密語 (Closed)

早前友人素素豬,率領眾朋友揮軍大西北,期間在"甜之密語"作為結尾,其中有一系列"有機南瓜",更惹來議論紛紛,究竟這個南瓜,到底有沒有機?在帶點雨粉的晚上,與女友一起來看看,見到餐牌上的"有機南瓜"系列,其中的銀杏已經被刪去,咦?無須吃白果,莫非在這一張甜品餐牌,已經道破了一點天機?還是不吃南瓜露,老老實實來個杏仁皇,雖然杏汁味不太霸道,許一早感受過陸羽的濃厚杏汁,所以當一吃有關杏仁的食物,總會要求很濃的杏味.但是入口夠香滑.總算不錯.天氣帶點微冷,最好便吃個湯丸,綠茶朱古力湯丸頗有特色,湯丸外表是綠茶味,包著朱古力心.感覺如日系文化,又一次滲進在大眾的骨子裏.綠茶的麵團煙煙齦齦,內裏的朱古力味香濃.論味道是稱職.外面的打冷檔人頭擁擁,反而這間小店只得我和妳,彼此都清楚今晚想一起,碰上了即使片刻不能離....果然越夜越有機.

隔了一陣予,沒有行過e邊經過門口,多左好多甜品,鋪面亦多了很多poster見到有湯丸,當然要一試啦...外賣!!!!綠茶皮配朱古力餡.....亦係薑水作底($15/5粒)薑水:不過不失啦綠茶皮:幾"依un",又唔痴牙餡料:好似dark朱古力,唔係好甜都幾好味小本家庭生意....越做越有心機....唔知下次過黎又會有咩新傑作呢

個事頭婆好好傾....呢碗什果涼粉個賣相係唔靚事實又足料,又唔太甜.....好多種水果.......只係賣１６元又唔貴....我成日都買架....好過食x仔啦

有一日同班朋友去左元朗食飯,,食完飯諗住行下但見周圍冇乜野行諗住食下糖水傾下計...我地諗緊選B仔定甜之密語好..我地見之前食過B仔今次就試下甜之密語..一入到去雖然間野唔大,,但入面既伙計好鬼熱情又好笑容喎,,,我地一行6人叫左兩碟芒果腸,一個朱古力沙冰, 一個綠茶沙冰,一個榴槤班CAKE..因為我唔鍾意食甜野所以我就冇叫喇..我D朋友既甜品到左,我試左啖發覺呢間既甜品唔太甜..唔同其他舖頭咁甜到死..好似榴槤班CAKE咁,,榴槤多過CREAM,,其他果D CREAM多過乜咁..芒果腸粉好特別呀,,我之前都未食過呢款甜品GA,,最後我地都係忍唔住叫多兩個榴槤班CAKE..一碟芒果腸粉,,一路食同位老闆娘傾計...幾好傾GA個老闆娘都!!!~總括黎講"試左甜之密語之後真係覺得B仔可以行埋一邊..D款又多又特別過B仔...等我都話比D朋友知下次再入過黎食過...又正又抵食..埋單每人都係$23咋

早兩日喺元朗做完野，食完飯想食甜品，諗住試吓啲新野，唔想又食B仔，食到好鬼悶，見到有間新鋪未試過，一於試一試，入到見到好家庭式經營，唔緊要，食野冇所謂，我叫咗個杏仁皇、一個楊枝金露，同事叫咗個四式魔豆配芒果，彩虹天地雪花冰；杏仁皇好香好夠杏仁味，唔太甜，楊枝金露芒果好新鮮，汁好香鮮芒果味，咬落芒果肉好口感，軟硬適中，拍得住滿記，同事個四式魔豆配芒果，佢話成杯芒果茸，好香好味，加埋魔豆，好鬼過癮又好鬼抵，個彩虹天地雪花冰，賣相ok，冇張相咁靚，有唔同生果配搭，唔太甜，幾好！美中不足有好多野想叫冇，門口個櫃甜品賣相唔吸引，好似擺咗好耐，但肥事頭婆夠親切！

這是我的第一篇食評 這間甜品店令人感覺非常溫暖! 晚上九時多去買外賣, 已經受夠了B仔的不潔糖水和惱人服務 便來了這間在正記隔離的甜品店店內只有老闆和老闆娘二人, 老闆見我站在門外並無任何舉動, 但在裡面的老闆娘看見我便立刻出來招呼點了一個甜心湯丸($13 - 5粒) 和一個 薑汁XX燉旦白 (名字太長, 忘記了 ) ($17)老闆娘見天氣寒冷便邀我入店內坐, 我見店來冷清便問生意如何呀~ 原來他們都有自己的熟客 生意不像想像中差之後談了幾句後, 令人驚喜的事來了!!! 因為我坐近入口, 老闆娘想我吃點東西保暖, 所以送了兩粒湯丸給我吃! 真是受寵若驚! 哈! 這就是小店的好處, 服務良好又warm~ <3老闆娘很好客又好傾, 知我快將考試便不斷叫我不用緊張, 不要給自己太大壓力! 等了約十五分鐘便有外賣了! 最後, 走的時候, 老闆和老闆娘都一起跟我say goodbye, 老闆娘最後還叫我加油! 這家小店真的令人很溫暖, 我一定會推介給朋友!

從OR得知這間甜品店,各位食家都覺好味,就決定拜訪一下!食過晚飯就出發,眼見整條街都係大排檔的食,顯得這間小店分外冷清,店內簡潔乾淨! 站在門口就得女店員既熱情招待,坐下看看餐牌,真係花多眼亂,抬頭一看,更加心大心細,因為除了餐牌上不同款式的甜品名之外,店舖的牆上都上了各式各樣製成品的相片!當我們對餐牌上的名字和食材不了解時,女店員都仔細地講解和介紹!最後選擇了雪花冰系列---彩虹天地即係芒果味冰加兩款生果作配搭,今次因為叫得太快,冇自選生果,所以佢地就俾左火龍果+西瓜,睇落冇佢地既相片咁大,不過味道尚可,不會太甜,啱我! 價錢貴左D~女員店員仲送上一大枝即食朱古力,俾我地任意添加~但一齊食我覺得味道總係怪怪的~ 另外仲要點了一碗雪山,因為見賣相好靚~但黎到有少少失望,比較稀,但加埋雪糕幾好食!可是那球雪糕不是全芋頭味,否則會更好食!進食既同時都有人買外賣,應該都係熟客仔!而有幾個年青人入來其中一個叫左榴槤水晶絲,香味撲鼻,下次一定試!!!!!總括服務同食物都是令我會再次來臨既原因!!

由嘉城廣場步至金輝徑, 已是六時半, 四周的大排檔都開始營業, 唯獨這間小店還未有客人。 只見店內有一家人在看舖, 場面相當溫韾。始終認為客人多與少和食物質素未必有必然的關係, 所以不會因人少而卻步。 一進門已受到老闆娘熱情的招待, 坐下即介紹榴槤、湯丸、雪花冰等甜品,唯對此興趣不大。糖水選擇都比較大路, 都是常見的涼粉、鮮果撈、西米露等, 還有一些特色系列如hello、雪山。望著貼滿甜品相片的牆身, 心大心細, 很難才選擇到。 雪凍楊枝甘露$23: 即是楊枝甘露再加球雪糕。芒果味的雪糕太多冰粒, 咬落是嗦嗦聲呢! 至於糖水不夠凍, 質感和吃開的不同, 稠身一點, 非常足料, 有沙田柚(多汁無澀味)、芒果粒(幾甜)、芒果汁、西米。並非說料多不好, 只是給我的感覺像芒果撈之類, 每匙都是滿滿的西米和芒果, 我還是喜歡正常版的楊枝金露。 熱杏仁皇$14: 記得看過食評杏仁皇是即磨的, 是糊的質地, 可是今次這碗有點稀, 杏仁味似曾相識, 像杏仁霜的味道, 但隱約有些粒粒口感, 所以應該不是用粉開的, 只是味道稍嫌薄弱。 雖然這次吃到的不算十分滿意, 但的確看到店主的用心, 所以不會給太

好痛心呢店糖水店的客俾x仔吸走左...都可惜自己不是名家計服務女店主好好禮貌出品限於家庭小店..會少的...但真係好食..芝麻胡好滑...又不太甜...我末食過呢種品....我食個的一係好希,一係好傑.芒果布甸.食到我好開心..每一口都係芒果....好食的店...竟然一個人客都無...都係個句...同人生相似.人只會覺名牌好.

元朗唔係道道都有得食水晶涼粉~但我就勁鍾意呢間honey magic因為佢地個芒果水晶涼粉真係好好食個涼粉係芒果汁底, 加埋d 好似cream 0既奶真係好滑我老竇試過杏仁霖佢都話好好味~有時間會再去過~

前幾日同朋友食完霸王雞飯後,口痕痕就去左甜之密語就係正記旁邊,相比正記的人流,甜之密語顯得相當可憐,當時晚上8時,一個客人也沒有我與友人就擔當當頭炮,食左先講店內有2名男士當廚,2名女士當侍者,還有一個小女孩在填顏色明顯是家庭式陣勢,一D都吾拘緊,我喜歡好,開始睇下有咩食,餐牌有兩面,小店來說,選擇是相當豐富我見餐牌沒有原味木槺布丁,就膽粗粗去問,可惜阿姐話未雪好阿姐見我好SAD咁就開始向我介紹一些甜品,又指一指牆上甜品相片我一時決定不了,就先叩了黑牛$12尼味嘛嘛,因為可樂完全無氣,反而個朱古力雪糕有花生,棉花糖,都吾錯既吾夠喉就叫多個四式魔豆配芒果$20,尼個不得了,成杯芒果茸,香到不得了.加上過癮既魔豆,抵!!跟手個HD叫左芒果透明涼粉$20,超多芒果,不過佢話冇咩特別最後我叫左雪山$16,係椰子西米撈底+椰汁大菜糕+香芋雪糕個香芋雪糕咬到有芋肉,椰汁大菜糕夠味,真正美味足料可惜這裡坐位少,大概15左右,加上人流都被B仔吸去了我都好熟那邊的租金,再這樣下去,小店再不能支持下去可惜..

自己一人吃過米線後順路來這裡買些甜點回家, 甜品種類很多, 多到毫無頭緒, 幸好老闆娘很好人, 非常有心機介紹她們的糖水甜品, 最後就要了她推介的鮮什果世界。 外面天氣很熱, 老闆娘熱情地邀請我入店內邊坐邊等, 窩心得很。在等候的時候, 看見凍櫃有木糠布甸, 立即點一個原味的回家慢慢品嚐。老闆娘很細心, 問我回家路途是否有段距離, 特意在店內選一個雪凍比較硬身的木糠布甸給我帶回家。老闆娘一家人好得沒話說, 是一家溫情甜品小店, 她們優質的服務態度, 在服務那項評分實在不可不給滿分。食物方面, 我認為一好一不好, 因為那天回到家裡, 未打開蓋, 已看見鮮什果世界面層的忌廉奶凝結很多細小塊像奶粉一粒粒,起初以為回家路上天氣太熱, 奶變壞了, 但却嗅不出有奶酸味, 吃時更一點問題也沒有, 我猜此種奶不適合做外帶甜品, 又或許某些帶酸性的水果與忌廉奶接觸過後產生凝固沉澱物, 其實鮮什果世界與松記的幻彩明珠類似, 但松記却沒有這方面問題, 而且整體味道亦比松記遜色, 因此選材和份量方面仍需注意,但內裡的脆珠和透明涼粉, 我還是蠻喜歡的。另一款甜品木糠布甸却很好吃, 木糠很幼細, 忌廉很細滑, 奶

同成班fd 行元朗，行到熱辣辣，入左d間糖水店hea下~平時都唔係成日食糖水既人，所以見到好多名我都唔知係咩黎.....最後叫左個應該最有保障既楊枝金露d汁整得好好味可惜d芒果酸左少少，西柚味都麻麻anyway，之後見到個fd既雪山，當堂嘩左，勁吸引呀~>v<!!!!試左啖，真係好好味啊!夠清甜涼快!!!!!!!個雪糕真係引死人，最後膽粗粗咁問老闆娘可唔可以剩係叫多個雪糕單球~批准左啊! 果然好味!!!為左d個香芋($4)叫我入多黎幾次都值得!!

之前去左食河粉係白色但今次食ge河粉係黃色半透明原來係用有機南瓜做ge河粉食唔到係南瓜味...冇白色果隻咁爽口但依然有口感....有咬口配埋生果同汁底一齊食都算係有創意一樣order我至愛ge芒果今次d芒果好大片....同之前一樣咁甜一樣要返芒果汁做底....真係滿足晒我依個芒果痴

據聞黑色食物對身體有莫大益處中醫師認為紅色入心，青色入肝、黃色入脾，白色入肺，黑色入腎黑色食物一般含有豐富的微量元素和維生素黑芝麻就是其中一個代表。我決定外賣一碗由黑芝麻磨制而成的芝麻糊回家某blog友曾經說過, 甜品店可能會加入麻油來提升芝麻糊的質素吃後咀巴會令令的,像塗了lip gloss一樣但我絕對相信這裡的芝麻糊沒有用上了麻油 , 因為我吃完咀巴很乾淨!大家可以放心呢!不過凍吃風味始終稍遜建議大家買熱的來吃。