滿記甜品 (Moved) New Location

話說今次我走訪咗一間飲品甜品店，心情期待又興奮 🌟。先講下呢個焗荔茸西米布甸，啊！舖面一層焦焦脆脆，輕咬一口就聽到啲焦糖嘅破裂聲，真係太過癮喇！底下嘅西米煙煙韌韌，每一粒都係滑溜溜，同埋夾雜埋荔茸嘅清甜，食落層次豐富，滋味百般！再來就係楊枝金露，果然係夏日消暑嘅必備啊！芒果嘅甜香撲鼻，加埋清新嘅西柚提升咗整體嘅清爽感。當中嘅西米好像小小珍珠，逐粒爽口，冰涼涼嘅芒果汁同豐富嘅口感真係百搭到不得了！當然唔可以錯過嘅，係經典熱芝麻糊同腰果花生露。芝麻糊香得嚟又滑，幾乎係勾魂攞命👻，綠豆沙既解膩又清新，夜晚嚟一碗，暖笠笠嘅真係心都暖晒。腰果花生露啱曬兩面派食客，花生香濃之餘，腰果嘅醇厚都喺後面默默支持緊，飲一口覺得啲愁都沖走晒！坐喺便利嘅地方，環境又清潔舒適，飲食過後嘅滿意，真係令人開心到想要即刻打嚟分享！大家如果行過黎附近，記得一定要試吓滿記嘅手藝。快快樂樂，又飽又滿，滿記真係做到心中好味道！🍮🥤🍵

到西貢點可以唔食滿記，今次我試左幾款甜品，每一款都令人驚喜重重呀🤤！先講下佢哋嘅招牌啦，楊枝甘露，真係甜而唔膩，西米脆卜卜咁，再配上啱啱好嘅芒果同西柚，酸酸甜甜，食嘅時候真係令人心情好好喎！白雪仙草芋圓都唔錯哈，椰汁冰底香滑，打得啱哂夏天嘅Feel。芋圓QQ嘅，中間個芋泥更加係冧爆，香滑得嚟又唔會太甜，食落去真係百吃不厭！榴槤控可以試下佢哋嘅榴槤甜品，雖然我冇親口試，但睇我屋企人食得咁開心，敢肯定榴槤嘅香濃夠晒標準。最後我勁推芋圓系列，加埋桂圓啲甜味剛剛好，搭埋特別嘅奶底同雲呢拿，清甜得來仲多咗啲層次，真係幾好食😋，下次再入西貢一定要再黎試其他款！

Honeymoon dessert is my go to dessert place whenever I want something sweet. There are many branches. I love their durian pancakes! However this time I ordered the 芒果雪山黑糯米thingy with taro balls. It was sweet, but the mango and black glutinous rice kinda balanced the sweetness.

喺西貢燒完野食, 朋友話要去滿記食碗甜品先叫完美喎雖然食到好飽, 但甜品系有第二個胃🤪椰汁紫米露+芋圓$37餐牌都有好多選擇, 不過近期鍾意食椰汁紫米而且又有我鍾意嘅芋圓😋芋圓煙韌有咬口, 唔錯。榴槤忘返$53 價錢真係有啲貴榴槤雪糕加黑糯米 其實又好match喎兩碗埋單$90 真係覺得有啲貴😖呢個價錢 可能有更多選擇呢

而家喺香港要搵到一間好食嘅糖水舖真係唔易☺️加上疫情關係所有舖頭去到10點都唔可以糖食今日難得嚟到西貢 所以就去咗食糖水其實滿記糖水不嬲都OK嘅 不過西貢就未試過😉今日就嚟試吓啦呢間滿記糖水好有街坊feel 全部都係坐係街邊位置比張枱仔你就可以佢哋嘅餐牌種類都幾多 有中式有西式 而且價錢都唔貴我就叫咗白雪仙草芋圓配綠茶雪糕 HK$42 熱芝麻糊配紅豆沙 加花生湯丸 HK $43 加埋食左HK$85 可能太耐冇食糖水覺得好好食白雪仙草芋圓配綠茶雪糕 入邊有芋圓 紅豆 薏米涼粉 仲有雪糕 加埋啲椰奶同埋冰好配合👍🏻👍🏻芝麻糊配紅豆沙 加花生湯丸 就一般般冇乜特別🥲

就快要離開西貢，我見到竟然有芋圓，再抬頭望，竟然係滿記甜品，其實至疫情開好始就少左食，因為9龍灣分店都冇左，但我覺得西貢款式比較多，可能全線都係掛。我地一共四個人，所以叫左五碗，總括利講好好食，重點係有芋圓，呢樣係加左好多好多分！芋圓既味道都好香，口感好有彈性！估唔到配上龍眼肉干（桂圓）又幾好，因為桂圓偏甜，但最想講既係個甜品既奶底，好似有鮮奶味，再加雲呢拿，有一種清清既甜味，所以呢個係加好多分！！

上一站食完菠蘿油就行到過嚟滿記呢邊諗住食個甜品啦因為我早幾日睇到幅廣告圖係咁樣然後我就叫咗個凍椰皇燉蛋白配紫米露紫薯湯圓實物嚟到係咁嘅樣好啦 可能你會話 其實都唔係爭好遠姐但食落真係同幅圖比我嘅感覺係好唔同本身係紫薯fans逢親見到紫薯嘅嘢都想試一試椰皇燉蛋白嘅部份係正常嘅但加埋紫米露同呢個冇紫薯味嘅自稱紫薯湯圓其實都幾唔夾粒湯圓入面淨係有pat紫色嘅嘢但真係真係真係冇紫薯味不過唔知係咪因為我叫咗凍嘅關係喺凍嘅糖水入面有粒微暖嘅自稱紫薯湯圓真係好奇怪

以前黎西貢一定要食過滿記先叫做完滿，時隔咗好多年再黎西貢，咁當然一定都要食返碗滿記糖水啦。糖水既款式已轉換了不少，但最出名既榴連糖水同榴槤班戟一定會有，我地叫咗2個糖水一個係「白雪仙草芋圓」、「海底椰白雪涼粉（雲呢拿味）」仙草芋圓好味配料有2種口味既芋圓、意仁、仙草同好好味既芋泥而海底椰個味就清清地，都唔算差，但同芋圓比就較為遜色少少啦因為疫情既關係我無選擇堂食而叫咗外賣🥡，但我入去鋪頭佢無幫我探熱，呢樣野就要做足番啦，咁樣大家都可以安心食野！

在西貢晚飯後，忽然想食甜品，特別是中式的，便來這裡的滿記。想一想，已有好幾年無來幫襯西貢老店。在市區商場內的店舖，幫襯過幾次，只覺每況越下，便很少再來。我們叫了芝麻腰果花生露（$33）及薑汁桃膠芋圓（$33）。由於是芝蔴糊控，一見到便即刻叫這個。它上枱已聞到花生香，食落有濃濃的芝蔴及花生味，甜度啱啱好。糊最重要是濃稠度，它不過稠亦不過稀，是出乎意料之外的好味。😋😋😋薑汁桃膠芋圓也是水準之作，微微的薑味，醒胃。有很多桃膠，彈牙兼有咬口。糖水不太甜，好！👍🏻👍🏻👍🏻

而家滿記開到成行成市，點解重要來西貢食？因為咁啱來西貢食完晚飯，所以來緬懷一番嗟。想當年同屋企人專登揸車入來西貢，食全香港都無得食、重要有三四個舖位都重要等十幾分鐘先有位坐嘅滿記甜品，而家啲位多到可以任坐，真係不勝唏噓。食物評價請睇相。我唔係話滿記差，而係經過咁多年嘅磨練，滿記嘅水準係最穩陣。當然你想有啲驚喜嘅話，而家有更多特色嘅糖水舖任君選擇。所以話，香港食糖水，唔使最好味嘅話，你即時諗到嘅，一定係滿記。

近年在香港大熱流行，或者曾經流行過的日韓台系甜品，包括日本牛乳刨冰、日本梳乎厘班㦸、可麗餅、韓國雪奶冰、鯛魚燒，還有窩夫餅，偏偏它們很少在西貢市中心的甜品店裡面出現。通常在我居住的西貢市中心，西貢市中心大部分甜品店裡面出現的甜品，大部分都會是中式或者港式蒸燉焗甜品，例如「蛋白燉鮮奶」、「芝麻糊豆腐花」、「芒果布甸」、「西米露」等等。例如在西貢墟裡面歷史最長的甜品店「滿記甜品」，「滿記甜品」恰巧也是主打中式跟港式甜品，跟台灣熱門食品「芋圓」。可惜我一向都對加入「芋圓」的甜品完全不感興趣，即使我住西貢，現在也很少食「滿記甜品」甜品。所以我今次在「滿記甜品」，只是選擇冰凍版本的中式糖水「芝麻糊配紅豆沙」，另外加花生口味的湯丸就已經足夠。「芝麻糊配紅豆沙」賣港幣廿八元，加三粒花生湯丸另外收港幣十四元。「芝麻糊」本身味道的最大好處，就是作為「芝麻糊」原材料的「芝麻」味道，未加工前的味道都已經是非常濃厚，將芝麻磨到非常碎後再加工，再在芝麻碎裡面好入糖分，花時間去煮就會成為甜而滑的「芝麻糊」。「滿記甜品」「芝麻糊」裡面的味道雖然都算是很甜，但是「芝麻糊」裡面的芝麻口感，還未算是被磨到非常之滑，我在「

黃昏時段有啲肚餓，天氣冰涼，諗住返屋企前嘆個甜品再啟程見到滿記無乜人就走左入去坐低食下野，見餐單好多選擇，但中式甜品有其迷人之處，我又好鐘意食堅果味既甜品，所以好快就決定左腰果花生露湯圓好味道由於超鐘意花生，就直接嗌左黎試，暖笠笠暖下身子一黎到就好香堅果味，濃稠既質感令人滿意，再加軟糯湯丸，嗌左芝麻餡流哂心又幾香濃芝麻味超正！花生露甜度幾高，食完要飲啖水，如果唔太接受到甜味既人未必岩一個人食岩岩好，食完充滿力量又可以再面對生活

同朋友遊車河入咗西貢， 又到食糖水時間， 糖水嚟講呢近近地就去咗滿記（因為對面有位泊車）。 望一望餐牌， 有好多選擇嘅， 但近排對椰汁紫米露上咗癮，又有我鍾意食芋圓， 就決定要呢個再加多一球雲呢拿雪糕。等左唔使30秒就送上枱，夠雪糕就有少少細， 椰汁紫米露嘅椰汁都好香， 紫米就唔夠多，芋圓非常之有咬口， 好食。 朋友就叫咗楊枝甘露涼粉，佢話味道普通喎！埋單92蚊， 個人來講呢就覺得有少少貴。用呢個價錢，其實有好多好高質素嘅糖水可以選擇。

同friend去西貢玩完夜晚再一齊食糖水。西貢嘅滿記點品係佢嘅第一間分店，啲嘢特別好食。芒果班戟同芒果白雪黑糯米嘅芒果都好甜。仙草芋圓好足料，但係芋頭雪糕食得出係維記。芝麻糊好細滑，配嘅花生湯圓有啲普通。最特別最好食係杏仁腰果燉奶，果仁好香好有口感，燉奶好細滑，正！

星期六早食完飯，於是到西貢走走，經過滿記仍然排晒隊。可能時間尚早，加上西貢滿記有兩間鋪，只係等左十分鐘就可以入去。久不久先黎滿記食糖水，印像中餐牌變化不大，不過糖水味道唔錯，係飯後甜品既好選擇。楊枝甘露涼粉鮮雜果涼粉椰汁底友人叫左楊枝甘露涼粉，而我就叫左雜果涼粉椰汁底。雜果涼粉入面有幾種生果，包括西瓜，火龍果，芒果，奇異果，同椰果。火龍果不過不失，因驚火龍果既汁會搞wor個白色椰汁底，所以係第一種要食哂既生果。西瓜則偏淡，無乜味道，又唔甜。而芒果唔酸，入得口。奇異果就平平無奇。結論成碗涼粉係正常，唔算好食又唔叫難食。