滿記甜品 (Closed)

放工食完晚餐好想食個甜品就去左老字號滿記！打開佢地既menu我好多都想食！可惜我個胃同銀包都唔夠位！最後，叫左份榴連配綠茶雪糕！榴連啖啖肉，濃香既榴連好正！再配上綠茶雪糕好清新！綠茶味中等，唔會苦澀！仲有底既椰汁冰，好爽

與友人飽飯後，當然不少得的是甜品時刻，吃完甜品才算是劃上一個完美的句號這次沒有去到''糖水街''之稱的路德圍，選擇了荃新天地的滿記甜品。店內的裝修沒有花巧的佈置，座位也算是寬闊，給予一個寧靜的空間讓人享受休閒。我們點了數款甜品，分別有椰皇荔茸蛋白西米露、雲呢拿雪糕配紫米露、椰果椰汁西米露、芒果配雲呢拿雪糕西米露和香蕉雲呢拿雪糕配黑珍珠。首先，椰皇荔茸蛋白西米露，它是原盅椰皇奉上的，賣相不俗，讓人感到十分足料，椰皇內裡裝著荔茸、蛋白和西米露，一次過可以品嚐到多種不同口感的食物荔茸，富有清甜的荔枝味，好像吃著一口口的荔枝般，用匙子'不'起的時候，也能看見一絲絲的荔茸，更有咬口，可見是用荔枝肉切成的蛋白，口感幼滑而且'挺身'不會容易'化開'，剛剛放在口裡，下一秒便滑在喉嚨了西米露雖然細小，卻能夠咬嚼，深受大人小朋友的歡迎。甜品評分:7/10其次，雲呢拿雪糕配紫米露，雪糕的味道不過不失，略嫌雲呢拿味不夠濃郁，而且雖然雪糕的外形十分之圓，可是份量卻少了一點。紫米露顏色呈現深紫色，賣相不俗，紫米有咬感，'煙韌'非常，而且有濃濃的椰汁味，椰汁紫米露的配合恰到好處，香甜的紫米和濃郁的椰汁味停留在口腔裡

去完附近荃灣汀汀烤活魚食麻辣雞煲，個口有啲乾，於是同朋友去左附近荃新既滿記甜品。芒果豆腐花有啲太甜，芒果汁有太搶，豆腐花雖然滑，但系味道被芒果汁蓋過左。什果椰汁涼粉幾fresh，甜甜地而且涼粉爽口清涼，岩曬岩岩打完邊爐食。楊支甘露唔夠濃，有啲稀，放系面頭既綠茶雪糕幾好食，但系只著重系甜味方面，而冇咩綠茶既苦澀香味，當系糖水甜品甘食都還可以。

和大人食完個brunch都未夠喉，想有啲甜野落肚，對腳自自然然行咗去最近嘅滿記食甜品（笑）。我哋想食豆腐花，所以叫咗綠茶口味同士多啤梨味。綠茶味雪糕配原味豆腐花，雪糕都幾好食。士多啤梨味豆腐花，豆腐花係士多啤梨味，都ok滑，雪糕出奇好食。

落住毛毛細雨⋯三四點最好食個甜品填填肚，叫咗個雪山楊枝甘露配雪糕⋯可惜入邊啲柚子好鬼苦，可能唔啱季節啲芒果肉又好鬼酸⋯好彩有個綠茶雪糕甜甜地中和一下。另外朋友叫咗個海底椰白雪黑糯米，不過因為唔係我食所以唔知味道⋯不過我朋友話唔錯幾好味，我見賣相都OK！！。

今次又嚟到滿記甜品, 但今次就想試下比較補身嘅炖品--熱南北杏雪耳炖木瓜, 二十八蚊, 價格相宜本來都驚會中伏, 因為滿記較為出名嘅都係芒果榴槤一類嘅凍甜品, 點知原來佢嘅炖品都係一流之選熱南北杏雪耳炖木瓜一上檯就有好濃嘅木瓜味 用料亦好足夠熬辣辣嘅湯水甜甜地, 雪耳混埋淡淡嘅木瓜味, 滑得嚟又有咬囗二十八蚊嘅價錢有真材實料嘅炖品, 值得推介!

前晚(1-5-2015 FrI)請o左朋友們食飯後,男友LKH因要照顧太太而走先,剩返我o地7人,佢大女同女友人DC話要講返我o地食糖水,於是諗地方,但因要走佢o地幾位回程地點唔同,所以都唔可以坎路德圍,佢o地search到呢o度有滿記,於是就走o黎食,由於呢個時段要等齊人至俾入,而且我o地都唔係要等好多No.,所以攞o左飛後都唔行開,成班一齊等.等o左幾分鐘就有枱,我o地各自諗喇,男友要$30.00o既花生湯丸配芝麻糊紅豆沙(熱),我要$25.00o既黑芝麻湯丸配腐竹意米糖水(熱),其他o既我冇乜考究喇.落完單,我同男友o個兩碗好快到o黎,我唔等佢o地,影好食先,我同男友各有三粒湯丸,我同佢交換一粒湯丸,我食佢o既花生湯丸,花生餡好甜,花生味道唔太濃,正當我想影餡時,其他人o既甜品都到齊,佢o地話一張過影.哈,咁我推埋出去啦.拼埋顏色好靚,好吸引.影好後又繼續食, 黑芝麻湯丸餡同樣係甜,味道亦都OK o既,而腐竹糖水暖暖地,質地唔會太稀,味道就唔太甜, 意米就唔係好多.然後都試男友o既芝麻糊紅豆沙, 芝麻糊明顯杰啲同熱啲,味道亦同樣唔太甜同唔算好濃.其他人o既我冇問,只見到LBC o

一直都好中意食榴槤，西貢滿記食完榴槤忘返就直對榴槤忘返流連忘返 ，但佢係沙田店令我失望完又一次失望睇落以為好食?啲紫米唔熟咁硬，而且太多冰，榴槤係就係好味好甜好榴槤，但如果要食點解我唔淨食榴槤。紫米既甜品好應該要做到軟身，呢點都做唔到好失敗。

食左幾次滿記甜品,最鐘意既都係楊枝甘露,滿記既楊枝甘露一直都好足料,比起普通糖水鋪既楊枝甘露好食好多,佢地D生果通常都好新鮮好甜,所以大約30蚊既價都幾抵食,另外,好滿意佢地既服務態度,要加料落糖水度就算係後加都會俾,而且滿記一直都會出新既甜品,食糖水必選!!

今天與朋友去了荃彎分店的滿記甜品吃港式甜品。在店外可看見，店內不算很大，但光線充足，環境還算衛生，而且還有很多人在光顧。一踏進店內，門前有位女店員，她問：「多少位？」我告知她：「兩位。」。她望向門旁的兩個座位，然後帶半命令的語氣說：「坐在那兒！」我和朋友坐下，沒多久，又是同一位女店員，她扔下一份餐牌。餐牌是曲折式的，不像別的店用冊子式的，很特別。我和朋友想好點什麼便不單，我舉起一隻手，等了一會兒也沒有人來替我們下單，我只好走道門前，向剛才替我們送餐牌的女店員下單。我向她下單時，她全程對著她的手機，我沒有留意她對著她的手機做甚麼，不過看她的樣子，並不像在替我下單，可能在玩手機吧。我下完單後，她小聲地唔了一聲，單也沒有複便走去。我也回到我的座位。不用兩分鐘，我和朋友點的甜品送到了。我點了一碗楊支甘露。我邊吃，邊看餐牌, 想看看要不要再點什麼時, 替我下單的那一位女店員甚麼也沒有說便走過來搶走我手上的餐牌。她拿走我的餐牌去拿別的客人, 我也可理解, 你要做生意。但她並不是拿我手上的餐牌去給別的客人, 只是掉回裝餐牌的盒子內, 我真不明白她為何要搶走我手上的餐牌, 她可等有客人來到時才拿回餐牌

吃過晚飯，見時間仍充裕，就到滿記吃甜品，店子裝修成圖書館的格調。點評食物前，要說說那外型獨特，但並不實用的匙，那除了體積過大過厚外，方型設計在使用上甚覺笨拙。個人覺得甜品匙還是小巧的、薄身的最實用，也最得我心。甜品不是應該"賣精緻"的嗎？點了甘露豆腐花，甘露不帶酸，稠度合適，有相當份量的芒果肉，豆腐花有黃豆香，質地細滑，讚！金黃蕃薯糖水熱騰騰的，薑味十分濃郁！糖水的甜度掌握得宜，蕃薯新鮮、軟腍且入味，超讚！已經好一陣子沒光顧滿記，想不到中西糖水都有如此高的水準，猶記得多年前市區沒分店時要專程駕車到西貢吃，奈何山長水遠也不覺糖水的質素有驚喜。今回晚上要加班，心情麻麻仍覺得好吃，那就真是糖水本身有超班的水準啊！

一行三大三少去到，等一陣有位。order 時，朋友叫一個number 60，女待應回應：咩嚟。於是乎，我好心讀埋個甜品名出嚟比女待應聽，點知未讀完，女待應話：得嘞。重有叫咗一客芒果布甸，一客芒果糯米糍，一客雜果西米露芒果汁底。後加order一客熱杏仁鮮奶樂（原味）。首先，嚟咗芒果布甸及芒果糯米糍，我可以形容係 ""pat ""係檯面，冇同客人講係咩。跟住嚟嗰個甜品，係一碗類似紅豆沙加綠豆沙嘅嘢。但我地叫嘅係，熱湯丸配芝麻糊紅豆沙。當然，我地舉手未意，咁啱，都係落單嗰位女待應，我地話我地係叫咗熱湯丸配，，，，我地都未講完，女待應已經從檯面憤怒地拎起碗紅豆沙綠豆沙嗰碗嘢，而呢位女待應嘅面，由本來已經黑口黑面，變成包公咁黑。全個過程，女待應冇講任何一句說話，冇任何抱歉嘅意思，甚至乎，女待應覺得係客人嘅問題。我想請問吓呢d 係咪 service ? 食到咁上下，我地問另外一個，係收銀機嘅女待應，幫我地追追個order，佢望一望張單，問係咪熱杏仁鮮奶樂，我話係。 不久，熱杏仁鮮奶樂到，小朋友先食，冇留意是否凍定熱。當我老公試嘅時候，發現係凍的。於是同企收銀嗰位女待應講。佢問：係咪唔夠熱。我答：

滿記周圍都有，但著實唔係間間都好食。我吃過旺角朗豪坊分店，坐得迫不在講，仲要好難食，雪山楊枝甘露好似飲水咁，特許經營太多，不是間間有水準。吃過數家，暫時覺得最好的還是荃灣這一家。這晚與好友看子夜場，時間是十一點，要找個地方坐坐等等。夜媽媽，要平平地，又坐得舒適的，最近的就只有荃新天地一期的滿記，佢地星期五晚收十一點半。雖然之前的晚飯吃得很飽，但怎樣也要幫襯一下。朋友點了個芒果西米露額外加涼粉，是分開上的，乾淨。我最愛這裡的雪山榴槤配綠茶雪糕，入面有一球的榴槤，榴槤肉又多又香，汁底是椰汁加刨冰，冰刨很很薄，不會有太冰冷的亦不會太快溶成水，綠茶雪糕的綠茶味雖然不太濃，但微微的茶澀味配上濃濃的榴槤味，其實出奇意外的夾，加上本人不外太甜的東西，這道甜品就甜度適中，最合我心意。雖然天氣很冷，但這正好令椰汁冰底不會這麼快融掉，我覺得這甜品是最出色的榴槤甜品。

滿記糖水出名就是人所共知, 但最近我就迷上了這個綠茶雪糕楊枝甘露, 它已經變成了我最愛的甜品了!!!!最滿意的是那一球的綠茶雪糕, 實在不知道滿記是從那裡找來的綠茶雪糕, 感覺就像品嚐來自日本的牛奶雪糕一樣, 綠茶的味道非常濃郁,忍不住一匙一匙不停的吃下去, 偶然才會想起底下的楊枝甘露,hehehe~楊枝甘露也不錯吃, 畢竟滿記的楊枝甘露也是不錯的, 新鮮的芒果,加上一些柚子和爽口的西米露, 這個一直都是我喜愛的甜品之一, 現在再加上綠茶雪糕, 簡直是錦上添花!!!!

今晚突然間不想回家吃飯，女友又未收工，只好食自己，但又不想去很太遠，最好就是在荃灣一帶覓食，不過吃飯以前，先來一個甜品，透透心涼一下。滿記，是在下第二次吃的甜甜店，上次在創紀之城，今次來到荃新天地，雖然是同一連鎖店，但是上次卻是在 Food Court裡，今次卻是店舖。入到店鋪，感覺上有點優雅和書卷味道，裝飾上有點像古代的書齌，也有點日式味道，牆上也有仿書櫃的裝潢，令人有點書卷氣息。在下坐在的是卡座，面向商場的室外休憩處，店內除了卡座，還有方形餐桌和圓形的座位。看看餐牌，總是離不開傳統的糖水，雪山冰系列，以及雪糕和生果做的甜品。但是有一餐牌，其設計上卻是曲摺式的，蠻有新意。然而在下不想這麼簡單的只吃一碗糖水，也希望有點新義思，當在下看到涼粉系列的時候，也想吃一個涼粉，便點了一個來吃。楊枝甘露涼粉。楊枝甘露是一個很普通的糖水，涼粉也是很普通的，當兩者結合，也許讓在下吃一個來試試。楊枝甘露有的是芒果西米和柚子肉，加上黑色的涼粉。芒果味夠甜，西米也頗大粒，而且夠甜，連帶涼粉也不覺得苦澀，口怠蠻不錯，有點嚼勁，而且甜味適中。在下入座的時候，只是六時多七時，人客不多，店員也較清閒，坐了一會人客才