滿記甜品 (Closed)

十一月下旬番薯糖水渣加湯圓，為的是一口暖身薑湯，不溫亦不夠熱的薑湯，喝後只有「很一點」的暖身感覺，砂糖反而下得不少，喝起來也甜甜的，至於番薯是聊勝於無之物，純粹過口癮，因為吃完飯後也真的半飽了，再吃不下大番薯．．．湯圓是黑芝麻味，皮厚了一點，但吃起來煙韌的，餡就不夠香了，當滿記成了連鎖時，中央工場製作，就是這樣子的味道了。機械式的服務、機械式的味道，不好亦不差，也是大都市下連鎖化後產生的機械式現象。

禽日收工朋友請食糖水, 近近地去荃新天地吃10點幾人數不多不用等位但位子就真係細左d....坐得不舒服可能旺場時不想客人坐太耐吧點餐時沒侍應發現, 要由鄰座的客人提點侍應過黎先落單吃了兩個甜品: 雪山楊枝甘露才第二次食滿記都係食d安全野好...見佢有大大個綠茶雪糕就決定嗌依款雪糕好好吃, 不會過甜....建議食完雪糕先 (或者雪糕另上)不過雪糕同楊枝金露似乎唔係朋友, 味道唔多夾= =而楊枝金露亦酸了點, 應該係芒果太酸了 芒果黑糯米甜甜朋友點的, 沒有說芒果酸...可能兩舊分開唔同芒果很快就吃完, 沒有什麼評價可言咁= ="

盈話想食番d甜品, 佢就推薦話一定要食"滿記甜品"...佢食左個"白雲芒果黑糯米", 最初我以為同出面食開的冇咩分別, 但係食落先知真係唔同ga...我最buy佢ge係個黑糯米, 因為呢度係將d黑糯米整到一個球狀, 放係中間, 而且除左黑糯米之外, 仲加左d類似芋頭的野, 食落的口感更加豐富, d芒果就好甜, 可惜個份量都OK細, 一碗$29蚊, 唔係話太抵食lor, 不過個味道真係唔錯, 實有下次我就要左個$21蚊的凍"芝麻糊黑糯米", 個黑糯米都係一樣放係中間, 味道一樣咁好啦, 而個芝麻糊就係普通的質素, 不過我林食熱會好食d lor..見到佢枱面推介食"果仁糯米池"同"綠茶紅豆糯米池", 今次我要左"果仁糯米池", $19蚊4粒, 唔...個皮都ok煙um, 可惜個涵真係少得可憐lor, 比例大約得8比2...另外盈買多個"白雲芒果黑糯米", 外賣比阿媽食...我林下次我地可以一齊黎citywalk行下...大食一餐...

是夜..朋友既老闆開車送我地去食糖水多謝哂wor...老闆我點左芒果白雪涼粉個白雪係類似椰汁+小小奶咁...有小小冰屑...涷涷地咁芒果係甜既...加埋涼粉幾好味朋友既白雪黑珍珠好豐富..有芒果,香蕉粒,黑珍珠,亞答子,龍眼朋友話ok呀...d龍眼仲好濃味timP.S. 之後先知道白雪係 = 冰凍雲呢嗱味汁底好驚訝...因為完全食唔出雲呢嗱味囉

星期日晚同o左女友去o左呢間店度食糖水,叫o左個雪耳燉木瓜,一個湯圓.老實講,d糖水o既質素只係一般,唔明點解d人講到好好食,而且價錢偏貴,有得簡,未必會簡佢.

13/2/2009 (星期五)平時很少到荃新天地，因為唔就腳，但係今日要辦d事，先會去呢個商場。商場地面那一層有很多食店，包括有： 壽司活、上海婆婆、KFC、Miso Burger、大家樂、滿記甜品.......食飯的選擇好多，不過我今日趕時間，只可以食一碗糖水，所以去咗滿記，滿記的楊枝甘露和杏仁茶加湯丸都係我的心頭好。環境唔錯，都幾好坐，地方寬敞而且清潔，我去的時間約晚上七時，所以沒有太多人，侍應可以比我坐係窗口位，靜看路過的行人，享受悠閒的一刻。我叫咗杏仁茶加湯丸，湯丸係即叫即做，所以要等幾分鐘，一咬落去，湯丸皮好煙煙韌韌，幾有咬口，中間係花生加芝麻，好食，正，杏仁茶有杏仁的香味，做得有水準。至於價錢，要$25一碗，都幾貴！！！

星期日....我突然想食糖水......所以12:25p.m來到這兒吃!我order了一碗熱芝麻糊合桃露!好香芝麻味!但合桃味....我卻吃不出!不過也很好味!而老公仔....order的是.......椰汁涼粉西米露..........我沒試到.............不過整體也很好!

行完CityWalk見仲有d 時間，同bf 去左食糖水見近近地就去左滿記，食過3 次其實一向都覺得滿記d糖水得個甜字...不過見就腳就........ 去左食啦！：)叫左兩樣野 : -榴槤班戟 : 鐘意食榴槤既我當然唔放過，細細舊榴槤蓉都有榴槤香，聞到巳經吸引食落口都幾滑既，不過如果可以多d榴槤蓉就好啦! haha ：P-楊枝甘露加雪糕 : bf 話都夠凍，普普通通冇咩特別不過佢夜晚返到屋企肚痛 ~*滿記一向都好乾淨，WAITER 一叫即應，而且都好好禮貌不過其實俾我有其他選擇 , 我唔會揀滿記第一先*

因為在美心吃得不夠，就來吃糖水。在荃灣想到比較有保證的就是滿記，即使吃了多次還是要再來了。看到這分店有雪糕的甜品，立即著男友點了一個雪糕紅豆沙涼粉，我就點了最穩陣的白雪黑糯米。雪糕紅豆沙涼粉︰雪糕選了綠茶味，我滿心期待是自家製的，但感覺上只是來貨。雪糕的品質也不是特別好，雪得太硬了，而且很重奶味，綠茶味反而比較少，一般而已。而紅豆沙涼粉男友不太喜歡，他說紅豆沙沒有煲到起沙，不算好吃。白雪黑糯米就是平時的水準，下次都是不要雪糕的甜品了。

愛這裡的環境,所以一來再來西瓜豆腐花好多西瓜粒,又清又甜,有西瓜汁底...好fresh~ 豆腐花好滑,凍冰冰,消暑佳品~不能說這裡的糖水好出色好特別,但卻有一定水準,總比冒險試其他街邊糖水鋪穩陣,價錢也相宜,連鎖也有連鎖的好處

吃完和樂，心思思仍想吃雪糕。出店行了幾步，就見到這間滿記不但環境舒適，而且有雪山系列(即是雪糕甜品)供應，還不飛撲進來?　媽咪真的很飽，只剩我一個人獨戰，不過既是甜品當然也沒問題。雪山系列原來只在西貢總店與部份分店發售，暫時款式不算太多，是晚我揀了雪山紅豆涼粉($24)。　這款甜品與紅豆沙撈雪糕差不多，特點是加入涼粉，由於紅豆沙本身頗甜，拉勻味道幾平衡；雪糕雲尼拿味不香，而且雪得較硬，吃完絕對cool哂。整體來說味道不特別出色，不過平平地可以過下雪糕癮，都不錯。同場還有榴槤雪山系列選擇，如果同阿龍來可再試試!　最後打包一份榴槤班戟給龍，開心死他了~

於8月29日與3個朋友吃飯後到新天地滿記甜品.我地叫左幾個甜品一齊分享,椰汁黑糯米糕 及馬豆糕都好食什果西米撈(芒果汁底),個芒果汁底由沙冰底變左好似芒果汁咁.芒果班戟由以前3舊變左2舊.愈黎愈來CREAM,芒果好少.仲有, 蓮蓉焗西米布丁無左.改為芝麻西米布丁.都無咁好食.好失望呀!最要投訴係坐左唔係好耐,有個侍應走埋黎問D野仲要唔要,但好明顯什果西米撈同芝麻西米布丁碗上仲有.過一陣,有幾個客人入黎話23位.當時只得一張有位.但D侍應就不停嗌23位等緊~~23位等緊~~講真,就算D野幾好食都無用啦.趕客走!請我食,都無MOOD啦.更何況D野都麻麻姐.

去完沙灘成大夥人超支力;;所以就去個到坐下同食下甜品=)間野都okay大!適合我地成7個人去XD我叫左個芝麻湖配黑糯米;;芝麻湖冇咩特別`但係超少黑糯米lor-,-仲要唔好食嫁tim\0/不過其他人食個d都唔錯下次會再去食;;不過唔叫依樣姐

食完Mos Burger...又口痕...行兩步就走過來吃碗糖水要了紅豆沙豆腐花,合桃露杏仁茶豆腐花好滑,杏仁茶好香,合桃同杏仁的味道配合得剛好,兩種味道均突出很喜歡這分店,窗外的景色特別漂亮,吃得令人份外開心

食完北京菜後，大家想食甜品，剛巧商場有間滿記，所以三人再食過，我點左芝麻糊豆腐花，朋友點了楊枝金露豆腐花同紅豆涼粉，另外再點了芒果糯米糍。我食嘅芝麻糊豆腐花完全唔掂，味淡，芝麻糊好浠，太失望，另外大家食嘅糯米糍唔軟熟，唔知雪左幾耐，所以連鎖式甜品店點都係差dd。咁就食左$91