浸會醫院E座餐廳

Open Now

Now Closed

去醫院做檢查，餓左兩日，係生理需求極之大的情況下，呢餐都算十分好味。蛋味濃郁，而且蛋汁適中，唔會好干。不過如果正常情況下應該好難接受，因為啲蝦的而且確好大陣雪藏味。

一般大家對醫院嘅餐廳都係覺得好淡好無味，今次竟然例外，食到一個非一般既牛扒！仲有非常優質既配菜，有青瓜、茄子、半隻大蕃茄同埋薯條配搭，最重要係成個份量好重手，雖然係外賣，但都有一個估唔到既質素，牛扒肉味濃郁，正嫁！

打波唔小心扭親隻腳，為左行更遠嘅路，為安全計，都係入醫院照一照佢安全d，咁醫院就安排左住浸會e座，攞左床之後就肚餓啦。就落樓下2樓餐廳食個晚飯啦。落到去，見到個餐牌係西餐黎，有焗豬扒飯同埋焗海鮮飯，但係本人就唔鐘意食d太熱嘅野。於是就點左個雞扒飯啦。餐廳有送餐服務，送到黎之後我都打個突，心唸唔差wor, 伴碟有胡麻醬沙律菜，有個紅湯什菜湯，都足料。而雞扒就煎得好乾身，好脆皮，而肉質好滑，配埋個汁都算ok，飲埋個檸檬水就好滿足啦，上房休息。

話說今日晏晝我好肚餓，於是決定食貴少少去到呢一間比較多人去扮高檔食嘅餐廳，我見到個餐牌其實都鬧咗人呃，但由於真係太我我就叫左我最鍾意嘅楊州炒飯來食，配埋杯凍檸茶，成為$78 ！呢個楊州炒飯討論因為之前炒過辣野，食落真係好難！對於我呢啲唔識得泰勒嘅嘢來講我真係食咗呢個分一半就算數啦！不過佢呢啲下都算幾新鮮嘅，但楊州炒飯來講呢個真係唔合格啦！特別係佢俾咗$1蕃茄我，我都唔知佢想點！不過整體而言呢一餐都食得飽我嘅！

今日過嚟醫院度食個飯啦，本來係想食泰式嘢，點知個女又傻更更幫我叫咗個西式餐，佢呢一個餐係叫咗個牛扒意粉，不過算啦，上一次食完個輕盈餐真係火都嚟，佢今次都醒目㗎啦冇叫過輕盈餐對於我呢一個死肥仔來講食輕盈餐真係食得唔飽㗎 ！講返呢一個意粉，個意粉尚算可以接受，佢真係煮得泰林，對於呢一啲世人來講我真係覺得佢做得麻麻！而且佢嘅配菜亦都唔算多，亦都住得實在太過諗，希望醫院方面可以改善！另外呢幾塊牛扒都真係幾難㗎，我每一次食都好驚成夠牛扒飛咗落我女友塊面度如果飛咗落去我真係知治療！

因為家人入院，就係醫院近近地食個飯，因為都環食幾餐， 都試咗午餐，下午茶同晚餐。 餐廳唔大， 40-50人左右， 枱椅放置位置就稍為特別，由於是送餐，所以方便員工，中間走動位置比較濶， 長連枱放在中間位置，本人非常讚賞，近窗放置兩人枱，待一人食飯的人，都可以心情舒暢一下。 長連枱放中間，姑如果唔係個d七姑八婆九舅父， 整個餐廳絕對舒服，最重要，仲有員工唔好大聲傾計，我去咗三日，都係有一位特別大聲，其他都唔會。食物份量都大份，雖然價格比起附近餐廳貴接近一倍，不果你想近近地又靜靜地，呢度都比到你心靈上一個小休點。我有一日個午餐係泰式牛腩，味道好好， 又多料，肉都有6舊，薯仔都有4小件，不似出面那些汁多過餸，係香葉好重，我拎走咗個4埋葉即時好多了。茶餐既公司三文治，個沙律菜處理能公些，太多都有銹式邊。 晚飯食過牛扒，五成熟，少少香，但熱度就差d,未食完一半，扒都冰晒，加埋血水，真係唔得。但私家醫黎講，比貴d都食到正常野。唯一建議希望有機會轉下菜式。

作為就快要結婚嘅男人今次去咗醫院度同女友食晏晝，本來都想食多少少，但俾佢迫要食少啲，便是就叫咗個輕盈份量嘅午餐，咁我哋今次就叫咗一個意粉同埋一個焗飯。首先呢一個係辣肉腸意粉，個意粉棉質比較啱已肉腸亦都偏小，對於男人來講真係唔算太多，二哥茄汁其實個味都唔算太出，相信一般，而份量亦都真係比較少，應該只不過係一個意粉餐嘅一半仲要，但價錢只不過係減咗正常餐嘅$4左右，對於呢個咁嘅選擇你講要我一個男人來說真係算唔係好抵！去到呢個焗豬扒肉醬飯， 個肉醬味都幾香，豬扒亦都尚算向後，可惜個飯亦唔係炒飯底而係普通飯底

朋友生左bb黎到浸會探佢食左呢到下午茶西多士加杯野飲同埋3 文治其實都係美心集團canteen好大 冇乜人 好多位坐西多士 花生醬唔夠多， 同唔脆 似就咁食個包奶茶就ok, 奶同茶比例 完美而且茶唔會濃唔苦奶茶算唔錯😄而3 文治 入面料算多要左碎蛋同火腿雖然話就話係private hospital ,但canteen真係冇服務可言， 收銀10 問9 唔應

有一日陪朋友嚟醫院覆診，我哋早左嚟到 見有好多時間🤡所以就去佢哋嘅餐廳食早餐。原來佢哋有分BLOCK A 同 BLOCK E 既，個分別就係員工食同街客食既分別。佢地2個都係一樣美心集團同朋友分別叫左2個餐 味道就真係好一般 最大既問題係態度既問題 員工好冇精神 態度又差 點解私家醫院會有咁既服務 ！！！會有一種比錢買難受既感覺 佢既價錢絕對唔係平 平均都要60蚊 但唔解會咁 ？ 諗極唔明我會寧願食對面既百味閣（食物好味，態度好）

臥床幾日後，終於可以落床自由活動，所以決定去醫院餐廳食飯。餐廳位於E座2樓，午飯時間坐窗邊座位也不錯。午飯陪家人吃。中西式套餐外，還有泰式套裝。家人點了冬蔭公肥牛金邊粉，套餐包餐湯及凍/熱飲品。以配合病人飲食來說，冬蔭公湯不算太濃味太辣太咸，但不會淡而無味。自己試了餐湯，覺得有驚喜，餐湯是雜菌湯，雜菌已打成茸，沒有加忌廉，雜菌香味更突出。也試了晚飯。自己選了意式茄茸雜菌炒意大利粉，意粉煙韌，食得到醬汁沒有茄膏，雜菌粉量也算多。晚飯還有鐵板餐，家人選了安格斯西冷牛扒鐵板餐，雖然接近全熟，但依然 juicy，不會好乾好硬，而且有牛味，不加醬汁也夠味。