香港飯堂

Open Now

Now Closed

難得星期六休閒放假，睡到差不多1點幾，差不多2點可以去食下午茶。 剛好行街經過呢間Hong Kong Canteen. 外觀乾淨企理，加上店員親切 我就來排隊試試。雖然下午茶時間，不過都幾多人食野。心念應該掂啦 應該好食。我入坐點了一個煎蛋satay beef noodle， 果然好味！Satay 味濃，芳香飄飄，好令人想像呢個味道永遠停留在口中，好味到唔捨得飲水.牛肉也非常有水準，肉質鮮嫩，簡直係同satay 係最佳拍檔。令外蛋同奶茶都好好味👍下次會再來👍👍

性價比高的餐廳第一次我們亂碰入這餐廳，無想到無食10年西多的我，竟被他們的一口西多迷住了，西多炸得剛好，外脆內軟，配上煉奶和牛油一絕.... 由於太想念那西多，今次是我們特別來到這餐廳，發現原來麵包是自家製的，難怪這樣好食此外他們的咸點也同樣出色，簡單的雞扒出前一丁和焗豬扒意粉，麵條都煮軟度剛好等食時聽見他們的蛋撻剛好新鮮出爐，所以便忍不住叫一個試下，蛋是漲「book book」的，也很滑，但蛋味不太濃稠，也不太甜，喜歡清淡點的朋友會喜歡。價錢相比起食物質素是性價比高的，我們是下午茶時間來（2點開始），三十數元就有一個餐（包一杯飲品）

今日早餐去左香港飯店。🙂我叫左個常餐，包括沙爹牛肉湯意粉、炒蛋、火腿、厚多士同埋熱奶茶。😄佢個沙爹牛肉湯意粉有好多意粉😂，但係好少沙爹牛肉😅，而且佢既沙爹味唔重，牛肉比較韌🤷🏻‍♀️，成碗麵食到尾好似只係係到食緊意粉😓。佢個炒蛋唔錯，幾滑，又幾重蛋味🤩，不過唔知點解個炒蛋下面會有一大攤水🤭。佢個火腿正正常常，有烘過，但唔算熱🤨。佢個厚多士完全唔厚，只係一塊烘過既白方飽😔。佢既牛油只係落左少少，仲要分佈得好唔平均😕。最後，佢個熱奶茶反而唔錯，茶味重得黎又冇失去奶個個絲滑口感👍🏻。整體而言，以一個常餐黎講，佢既水準真係好一般🤔，食一次就夠🤫。

耐唔耐都會嚟幫襯下「香港飯堂」，依家唔做晚市，所以午市今日有位就即刻入咗嚟。海龍皇上海麵（$62）好新鮮嘅番茄湯同埋好多海鮮😍：有兩隻大蝦球，一塊魚，一粒帶子，同埋D雜錦海鮮，好抵食😋上海麵嘅份量都唔少，魚塊有D鯹味。每次黎親都會叫呢碟🤩飯堂C［轉通粉］（$47）份量較少，但係味道唔錯，雞扒煎得好脆😋是日午餐 - 菜遠炒牛河（$50）味道好好，牛肉好腍，但係份量唔夠男士食😅因為我地遲食，所以一到二點，就叫一個下午茶🤣😬一口西多拼炸薯條（$33）得三舊西多同埋幾細舊，有D失望😞。但係唔少薯條，薯條都脆，可以炸得脆D。西多炸得唔錯，但係中間冇花生醬。餐飲（凍飲+$3）呢度嘅檸茶真係值得一讚，茶好濃👍🏻凍飲同埋熱飲都好大杯😍整體來講，啲嘢食嘅味道同埋質素唔錯👍🏻。只不過份量可能會細份啲，下午茶嘅份量有啲失望😞但係都會繼續幫襯午餐😋。

作為一個素食者，平時同同事食晏，去親呢類型餐廳都係要「走呢樣，走嗰樣」。今日，鍾小姐認得我係食素嘅，就主動叫我試下佢自己平時食開嘅素午餐（唔响餐牌㗎～）： 沙律＋蛋＋茄汁焗豆＋白飯，我當然話好啦。 碟飯送到嚟，我已經好開心。鍾小姐過嚟發現個沙律變咗熟菜，佢好似唔係太滿意，入咗廚房幫我問個究竟，原來今日個廚唔同咗人，佢就叫廚房整多幾隻菇比我，好感動呀！ 我嗰三位同事見到鍾小姐嘅貼心服務，都超級滿意呀~實在係抵讚連埋杯奶茶都係46蚊

漢堡可以走牛肉，檸茶可以去檸檬，甚至乎冇雞的糯米雞，猴子都能夠接受，但係一條去掉香腸的熱狗，猴子一時間真係接受唔到。當侍應姐姐端出熱狗的一刻，猴子才如夢初醒。「這條熱狗，是否欠缺了甚麼？」猴子在心裡對自己說：「別怕，可能只係條香腸細得滯，被蛋白遮住而已。」但到了猴子用刀叉切開熱狗仍找不到香腸時，才知道原來塵世間，是存在著一種沒有香腸的熱狗，這就是黑松露炒蛋白熱狗…至於黑松露，只怪猴子學藝未精，實在吃不出它的味道，結果餘下來就只有淡薄的蛋白味和麵包味。或者廚師的原意是希望泡製一款健康而又清新的食品，因為唔少人食雞蛋只吃蛋白，嫌蛋黃高膽固醇（雖然有好多醫學報告都話雞蛋黃係屬於「好膽固醇」，對人體有益。）唔加香腸可能亦係出於同樣的健康考慮。猴子唔係話呢款熱狗唔好食，只係同猴子心目中的「熱狗」始終有落差。最後都係嗰句，整熱狗，千祈唔好「去腸」。

TODAY我地去咗和富個邊食個LUNCH呢間係香港飯堂平時見佢有時都有人等位既我食過覺得一般般 但都可以再去食既所以今日又黎食啦我覺得佢啲午餐其實麻麻地咁我見到佢有焗飯 咁我就試下佢啦我其實幾鐘意食焗飯呀所以叫焗飯食飯堂焗豬扒飯跟餐有杯野飲 個飯食落一般般仲有就係個飯好似焗得唔夠熱我鐘意焗完出黎熱辣辣既感覺同埋加上佢用鐵兜好似有陣鐵锈味咁感覺差啲所以下次都唔會再叫焗飯啦豬扒唔算多 汁有啖啖酸味 食落普通但賣相好差 加上鐵兜 冇增加好味 反而差咗唔知點解會用鐵兜焗SAD

The Hong Kong style milk tea is not strong and very authentic. The tea cup is chipped on two sides but still in use. The French toast is not thick and crispy as standard. condensed milk instead of syrup on toast - looks soapy..

由飯堂開舖,到現在我才寫食評,當然係要試下佢有變得hea 咗啦! 但佢地冇變過, 仲係咁好好食! 😋😋😋, 最最鍾意就係 (焗豬扒飯) ; 嗰早餐 雙蛋超好,唔會煮到冇咗嗰蛋黃. 佢地柸 (華田) 口感超滑.我勁like!

平日要上班，早餐都是匆匆忙忙。難得今天周六，就嘆番个醒晨早餐。沙爹牛肉+菜芯出前一丁公仔麵一看就知道跟其他茶餐厅的分別。首先沙爹味濃，配上三條又大又青綠嘅菜芯，看出厨師有心思和贴心。鲜茄濃湯烏冬：足料湯底冇得輸，配上烏冬有創意。加拿大煙肉夠厚身，香煎味道可口，有煙薰味，全瘦口感一流，咬落不鞋！炒蛋火候剛好，又滑又香，配上新鮮出爐迷你餐包，加上一杯香濃Coffee ，令整個早餐變得豐富又細緻！最後埋單跟附近茶餐㕔價格相若，怪不得客似雲來！

再來香港飯店，本來想試雞髀配黑醋沙律果個餐的，不過佢冇沙律，所以轉食美式熱狗餐 ($29)。所謂的美式熱狗，只係條腸和蕃茄，再加茄汁沙律醬而已......？！拎起隻狗一食，條腸即飛左落檯......下......我都知唔衛生，不過成隻熱狗主角係條腸，冇理由唔食唧....於是懾手懾腳夾番入個包裡......其實茄汁+沙律醬，大家酸鬥酸...除左酸之外就係酸，完全冇味道層次可言，又唔會為成隻熱狗錦上添花，點解揀呢兩種醬呢？......

呢間餐廳一直係我同屋企人既開飯飯堂，每次唔煮飯 都會去呢度食。當佢舊舖冇左既時候，我地一度好失落，唔知去邊度食飯好。一直到有一日行左去和富道既公園先發現佢地搬左黎呢個新舖，我地就立即去食，我叫左干炒牛河，我老豆叫左焗豬扒飯，水準同舊時一樣好食，但係佢地新鋪menu 既野食少左好多 佢既是日晚餐既選擇又好少 又好早賣哂。希望佢地可以改進，加返多D以前既菜式係menu度。加油！我地會繼續去開飯。

One of my favourite local Cha Chaan Teng near the neighbourhood! I always came here to order the 9 Cube French Toast (condensed milk & butter) from Cha Chaan Teng! The portion is enough for 4. It was super delicious and full! Although it was a bit oily, still yummy in my tummy it is definitely a good choice for afternoon tea!