香港飯堂 (Closed)

下午茶35蚊勁細份🙄一口西多得3舊細細舊，味道正常嘅瑞士雞翼2隻中間段，味道一般有點凍趕住收工收5:00我地4:30到已經好似唔想你入另一份豬扒都係一早煎定檸茶好苦薯仔雜果沙律就幾好食啲阿姐趕收工咁款無下次：

天氣凍凍地，返工前心郁郁整返個早餐。價錢公道，叫咗個雪菜肉絲米跟雙蛋多士。出餐速度好快，但水準不錯！雪菜肉絲米湯熱辣辣，雪菜爽口唔咸，肉絲爽口。太陽蛋有趣邊，少油抵讚👍🏻多士趣口搽好牛油👍🏻

放lunch通常都去筲箕灣揾野食試吓呢間香港飯堂 第一次食.吾想食飯 就試下個撈麵蔥油雞扒撈出前一丁不過不失啦雞扒多左少少雪味如果吾係 會好食好多😆😆47蚊包杯熱飲少少貴😖😖😖

簡簡單單的一間港式茶餐廳, 位於筲箕灣電車總站旁, 以香港不同時代黑白照片作主題.下午茶時段, 人很多, 食物選擇亦很多.<<沙嗲牛肉 + 魚片頭 出前一丁>>好傳統嘅沙嗲味, 又香又濃郁! 牛肉嫩口, 魚片頭夠滑. <<一口西多 + 蝦多士>>西多細細件,  外層香脆, 入面滿滿花生醬, 加埋牛油同糖漿, 勁邪惡呀!! 蝦多士又係熱辣辣, 入面好多蝦!!  當然下午茶就要配埋港式奶茶, 檸茶!!兩口子來說, 剛剛好!!

今天約了一大班朋友準備去行山，來到這𥚃，當然食一過充滿力量的早餐，再次來到這間餐廳，因為這間餐廳的咖啡非常香醇，今天點了一個沙嗲牛肉米粉，這一個沙嗲牛肉米粉的牛肉非常之咁柔嫩加上沙嗲汁的香濃簡直完美配搭，還有炒蛋餐包這一個炒蛋沒有煮過火，所以非常香滑，而且餐包又鬆軟，食完了讓我今天早上精神百倍。

今日再到筲箕灣, 行經此店舖, 看看是早上十ㄧ時十分, 倒不如先吃個brunch, 免得到了午飯時間, 苦惱於找地方用餐。店舖面積不大, 只能容納約二十位客人。 早餐時段至早上十一時半, 故我們趕快點了兩份早餐。 早餐包配熱咖啡或奶茶。 雪菜肉絲米粉配西煎雙蛋和多士(或可選迷你甜餐包)配熱奶茶 : 雪菜肉絲米粉份量頗大, 味道也不會過鹹。 煎蛋和多士也可, 但熱奶茶不夠香滑。 雙拼三文治配熱咖啡 : 有十款餡料供選擇其中兩款。 今次點了雞蛋和吞拿魚。 麵包不夠綿密, 整份三文治普普通通吧。

今日呢再次嚟到一間餐廳呢食個早餐，咁呢我就點左一個好耐好耐冇食過嘅早餐…火腿通心依個通心粉啊外表呢就覺得平平無奇啦，但係呢食落去呢種感覺呢，就非常之咁彈牙同埋加埋佢個湯汁呢，就非常之好味，重有啲火腿絲有香香肉味，仲有今次連個雙蛋非常之香脆，依舊煮得剛剛好，最後加上呢杯熱鴛鴦，咁依個早餐就變得更加完美。

今朝天氣仍然很冷又要返工，就梗係食返個早餐啦，呢一間餐廳係我第一次嚟，先睇到餐牌呢，選擇幾多嘅，咁我就隨意點左一個雪菜米做早餐，原來呢呢個雪菜米有跟雙蛋同一個餐包，先講個雪菜米，味道很濃郁，而煎雙蛋呢外煎到好香而蛋黃又剛剛好熟，一點也不乾，重有個餐包重系好熱的加上件牛油溶溶哋非常之好食，這個早餐簡直超值又好食。

首試呢間新開的餐廳星期一至日的上午早餐時段超多人, 位又少, 所以無緣但晚上就有機了, 今次試左個雜扒意:價錢同附近兩間比貴少少, 但係有質數保證, 唔係求其俾pat野你既, 都看出師傅的細心但是味道就比較另類; 個意粉唔似意粉, 似拉麵多D, 同埋日式燒汁配扒就少少怪, 平時食都係黑淑或茄汁, 日式汁係甜, 有少少格格不入不過扒, 腸都OK, 唔係冰鮮野, 都有其水準由其是加隻雞蛋, 掂都可以話值得一試, 因為相比起其他幾間已叫好好食有突但係呢間飯堂最大不足之處就係選擇少, 來來去去都係果D, 可能會好快食厭 (都可能佢地想精而不濫)總結: (70分/100分)好的地方; 另類新派菜式, 做到果種有趣的味道(好難形容, 即係唔會太over咸或辣, 而係岩岩好)壞的地方; 地方太窄, 菜單選擇太少, 偏貴有閒錢的都可以一試