香港風情 (Closed)

嗰日喺2號客運大樓check in， 知道自己要搭廉航冇得食嘢。就喺2號客運大樓醫埋肚先上機。突然間好叫餸食飯，搵搵下見到間類似嘅嘢叫做香港風情，食完都覺得唔錯。我哋分別叫咗兩個小菜，一個係肥牛粉絲煲。而另一個係咕嚕肉。雖然叫餸之後都等左幾耐先有得食，但係呢度食物即叫即炒，所以等下都OK啦。個肥牛粉絲煲好有鑊氣，啲肥牛唔會煮到好老。而且個汁唔會整到太鹹，整體來講都叫好食，有返大排檔嘅水準。另外個個都用嚟送飯都一流，酸酸甜甜好開胃。整體用餐經驗都叫唔錯。黎開機場朋友可以試吓！😀

呢日準備飛泰國🇹🇭短暫玩三天，主要還神hea 吓咁，7點起飛🛫️加上廉航無諗住喺機上食所以先醫肚再上機，基本上機場食嘢都唔平係預咗，但想搵間唔平當中會比較好食嘅喺terminal 2個邊行下睇睇有咩食，見到呢間似乎幾多員工在用膳，心諗應該唔差吧！正常茶餐廳嘅嘢，好過食麥當當或者翠花吧正值下午茶時間，幾款茶餐都係$45送熱飲，凍飲加$6乾炒牛河睇色水好似好重口味，不過食落ok唔會好咸又唔油咸魚雞粒炒飯，材料份量十足，咸魚同雞粒都超多，而且飯粒分明個人認為呢度算係機場之中較好食嘅其中一間

又來到新年前要接姨媽姑姐親朋戚既日子自己一個早左到搵食嘅日子😂邊個叫我24孝知相對最得閒嘅細女啊🤣🤣🤣唔係我自己都唔知可以叫邊個😂早左到就去機場嘅2號客運大樓度食個下午茶啦！見佢有咁多位唔使等🤣依家香港風情有我想食嘅西多士 於是我就坐低自己一個快食咗呢件西多！就算下午茶都係即炸嘅西多，入邊仲有花生醬！相對係較薄嘅西多士，佢唔係用厚麵包，但係都炸得好脆☝🏻唔錯👍🏻😆糖漿任落而且牛油都好大舊😊總括來講都幾快手上菜，因為我食完我阿姨都未到😂😂😂

最近開始係機場工作，食到冇咩好食，諗起好耐都冇食過車仔麵檔了。所以來到這間香港風情。先說餐廳環境：在機場，餐廳的裝潢還是簡單為主，沒有甚麼特別。餐具是自助形式，每張桌子都有個抽屜，抽屜內有齊基本的餐具。食物方面，我點了一個三送車仔麵。選擇了豬紅，水魷，雞翼，湯底是牛腩。朋友選擇的也是三送車仔麵，他選擇冬菇，炸魚蛋和雞翼。坦白說，牛腩湯底非常咸，即使我自行下了大量辣油，也蓋不了咸味。而雞翼又細隻又冇味。水魷和豬紅就一般水準。麵就煮得太熟。整體而言，價錢不值這個質素，中伏

懷著興奮嘅心情短短地飛一轉曼谷，因為坐廉航嘅關係無謂餓住肚上機，所以喺機場先醫飯個肚行到Terminal 2,check in之後經過呢間香港風情，眼見大部份客都是機場不同部門職員，心諗應該唔會差得去邊啩！正值下午茶時間未完，就叫兩個下午茶同家人同享分別叫咗乾炒牛河同咸魚雞粒炒飯加兩杯凍檸茶都係96！喺機場呢個價錢都算可接受啦！當兩個餐到咗食咗第一啖，簡直覺得好扺食呢個飯炒得夠乾身，咸魚份量剛剛好雞肉就算係雪藏但又唔係好食得出，感覺好似鮮雞味道，超正乾炒牛河，牛肉都好嫩，鑊氣夠，最好就係唔會油淋淋，超推介，唔怪得咁多機場職員喺度食啦

上星期去旅行, 咁岩係T2 check in, 諗住順便填飽個肚先出關, 又未試過T2既餐廳, 當時又唔係好肚餓, 所以搵間茶餐廳食個多士/蛋治, 飲返杯奶茶, 點知就中左伏🤮🤮🤮單叫左個蛋牛治, 34蚊! 雖然覺得好貴, 但諗住機場餐廳貴少少都正常既。但係完全無諗過隔左10分鐘上枱既蛋牛治咁唔正常😪😪成份蛋牛治勁薄, 2塊方包連埋d涵厚度都唔過1cm!!!! 咁既份量竟然可以賣$34!D蛋過熟, 搞到又鞋又乾! 最後連奶茶都唔敢叫, 幾啖就食完個蛋牛治, 即刻走人

晚上8:00一行10人到這裡吃飯，親戚們吃完後打算上機。進去後，職員就很緊張地說：晚上9:00就會準時下班收鋪。好像想我們快點離開的態度。寫單的職員全程黑面，真的是不想做生意。食物水準一般，我們叫的乾炒雞扒出前一丁、羅漢齋炒麵等食物，不會太差，但也不可以叫好食，不過不失。在香港國際機場開店，大多的食客都是旅客，職員態度好壞，直接影響旅客對香港的印像，希望日後加以改善。下次到香港機場應該不會再來這裡。

麵一沉落咖哩便變色了! 太神奇，原本黃黃既麵一變，變成紅色既麵，唔講我以為食物中幅射。而且食物質素一般，個大腸係成條上，湯底又淡到痴左線。有錢不如去7仔買合味道。

劣評車仔麵。送機 搵餐食。中伏了。牛肚 豬大腸 豬皮 粗麵。超咸 成碗野超咸 特別是腩汁湯底。味精重 又咸。粗麵煮到腍pat pat. 牛肚好硬 都是得個咸字。豬大腸算可以 洗得都乾淨。豬皮最正常。食完飲左幾杯水 條脷都仲好辛苦。

繼續在機場四處覓食，但地雷實在太多，只能說又貴又難食。香港風情位處新翼，就在food court樓層的一角，不難找。午餐要近$60，在機場而言不算貴了。例湯是金銀菜豬骨湯，味道夠淡的，火喉不足，是意料中事。京都豬扒賣相有眼睇，求其淋少少汁甜酸汁就算，馬虎得可以。墊底的是微溫的椰菜，京都豬扒的洋蔥還是生的，倒不如叫炸豬扒相信會合理得多。就連杯檸檬茶都不覺香，失望。

位置機場2號大樓的香港風情自成一國，份外寧靜，下午五、六時有很多機組人員光顧吃晚飯樓底高夠開揚，落地玻璃更可飽覽飛機升降生活總會有累的時候，稍作休息，叉叉電再出發，人生就是如此, 每個階段面對的問題都不同，我喜歡到機場, 行行拍攝狂shopping亂掃一通，在機場2號大樓內找到香港風情，位置自成一國，開放式設計、樓底高，開揚景緻可觀賞飛機升降，望望舖前餐牌，正如店名是以香港本地特式食物為主打，正值午茶時段，餐廳內有兩三圍客人，感覺寧靜。這裡連較少有的經典蝦多士也有供應啊!9款午茶套餐，可配冷熱飲品、涼茶、紅豆冰或涼粉冰，莫說是遊客，連身為本地人的筆者也為之心動啊!除了輕食，也有多款炒粉麵飯供應啊!找個近窗位置，餐廳以粉綠與深木色為主調，帶出懷舊味道，選擇食物，有多款下午茶套餐和粉麵供應，當中有坊間較少有的蝦多士，價錢大約是40-45元，相比市區不算特別貴，我們這次點了炸雞脾薯條配凍咖啡 ($45)及馬來醬炒貴刁x2 配凍檸水及熱咖啡 ($45/$40)。令人口水直流的炸雞脾薯條雞脾體積不算巨型，炸的時間恰好，內裡仍保持點點肉汁反觀炸薯條的份量十足，外香脆內粉甜，好好吃啊!炸雞脾薯條配凍

是日來到機場午膳點選了撈撈一丁餐的蕃茄茸肉碎珍寶腸片撈出前一丁配熱啡。由於時間尚早不用10分鐘已全部上檯， 蕃茄茸肉碎珍寶腸片撈出前一丁，珍寶腸原條切件， 蕃茄茸肉碎糧算多且蕃茄汁濃烈唯偏鹹一點，麵夠爽口不腍。

餸菜烹調，除了色香味之外，簡單的基本要求：熱！與同事到此用膳後，吃後感只有一個 - 無下次！食肆每日供應不同選擇！例湯：冬瓜薏米煲豬骨湯，一定要夠熱才好味，甫上桌的湯，連䁔也及不上，所以我呷了兩啖便放棄了！鎮江豬扒豬扒的江醋味道不夠濃郁，略淡，獻汁較稠，沒有即煮的火喉！干葱豆豉雞球這味餸菜理應雞球是主角，殊不知配菜干葱和豆豉，比雞球還要多，叧一敗筆亦是餸菜不夠熱！從未試過一間食肆，每樣菜式如此差勁，基本要求「熱」也稱不上，令我們頭也不回的離開！

因為趕飛機關係，原本想飲茶也趕不及了，經過便在此吃早餐。想不到中式、西式早餐也有。一行８人平均每人消費$35, 有些人已有一碗粉，兩樣餸連飲品了，有些人吃三文治也很大份，食物味道不錯，很抵食。會推介給朋友上機前吃個茶餐。