老香港菜館 (Closed)

花膠雞煲加任食打邊爐🍲，配料都算多選擇，填紙添加食材，由廚房師傅按人數配給。 飲品也包括啤酒🍻、汽水🥤及各類飲品，全部是自取的。雖然是放題，但是，材料絕不遜色。 🐮肥牛不會太肥膩，雪花部分都算得上勻稱。 筒蠔🦪好肥美鮮甜👍🏻，熟咗仍然都好大隻啊！酒樓都算寬敞，有長枱梳化位，也有圓枱及房間。 空間感一流，坐得好舒服，值得一讚的是，任食打邊爐是沒有時限的，可以吃到晚上10點，才清場。 員工叔叔🧍‍♂️服務周到，見他不停手，但態度仍然好好👍🏻

坊間有好多聲稱任食雞煲既餐廳，加雞都會另外收錢，搞到食得一啲都唔過癮🤦不過呢間雞煲就唔同，同侍應單聲就可以無限加添😋雞煲方面都幾夠味，但如果鍾意食麻辣既朋友就記得揀大辣，因為廚師落辣都幾手緊🤷雞既質素對得住個價錢，火鍋料方面都係一般任食火鍋質素，不過不失👌唯一差啲就係啲蝦，肉質有啲霉，應該有啲唔新鮮喇如果想約埋一班朋友食雞煲，我會推薦呢間餐廳俾大家👍除左抵食之外，都坐得幾舒服，侍應都唔會限制離座時間

2021年6月30日 晴早排同同事經openrice 買左佢個餐飲券有4個中任食雞煲放題, 見佢百幾蚊又可以坐咁耐, 一於黎試下啦雪櫃放滿飲品, 啤酒都係任拎任飲ga呢兩款果汁都幾好飲喎主角秘制雞煲, 份量唔算好多, 但都足夠。 好香唔會好辣, 食完雞留返d 汁用黎炒牛同豬正啊我地仲叫左一份芫茜, 濃濃芫茜味正啊任食火鍋d 料都幾多款同新鮮, 唔錯啊佢仲有雞子叫tim。每枱之間位置闊落, 坐位都幾舒適, 廁所都大同乾淨。一班朋友一齊食野吹水咁就一晚, 爽

尖沙咀天文台鄰近好多時都是韓國菜式為選。實是今天要食單人快飯，見免茶芥及加一，膽粗粗內進試試，多款小菜飯餐選擇配白飯及例湯一碗。見鄰近茶客小菜份量足，而且一定是常客，應該有一定水準。薑葱蠔，火候到位，味道好此時此刻，意外快飯

Covid-19下，成日都會選擇買外賣返屋企食，避免係街食，無意間發現左呢間茶樓，裡面有好多小菜選擇你想食既，都唔難揾到！今次我哋兩個人食，分別叫左兩個小炒：咸菜胡椒豬肚雞同欖菜肉碎四季豆，佢每個小菜都會跟一個飯、一碗湯同一罐飲品，咁多嘢都只係港幣120😻😻好抵食！味道方面，好有鑊氣，又唔會太油或太鹹，兩款嘅味道都好好，好足料，唔會因為係外賣就好細portion下次一定會再番黎幫襯，試下其他煲菜類🤤

聚會完，又喺到食晏嘅時候，大家都話想飲餐茶，坐低慢慢傾吓偈，記得以前呢個位有間「稻坊」，貪其平平哋，但嚟到，原來已經轉咗手，名為「老香港」，仲喺今日第一日嚟試業，所以，好多嘢都好生手。就連一啲電子付款系統都未準備好，齋收玩金。一上到樓梯，就喺成間餐廳嘅環境，咪睇佢好似好新簇，當然大部份嘅嘢都喺新裝修嘅，但左邊一排梳化椅啲線口披咗啲，就知沿用上手。其實個場幾大，但大概試業關係，都無開放晒，入啲嘅位置就以屏風隔開去。配合餐廳嘅名字，餐具都用上懷舊嘅公雞圖案，對我哋呢啲老餅，就梗喺有份集體回憶啦！此外，啲蒸籠都好新簇，更確家喺新開業。一大張點菜紙，就大致睇晒有啲咩選擇，如點心、小食、粥粉麵飯……等等，定價都唔平，另茶錢每位收$12，加一就唔在講啦。不過，試業期間，會打番個88折。此外，仲有多款精美小菜供選擇，不過，午市就應該會點嘅人唔多，大多數都喺幫襯晚市嘅人先會考慮嘅菜式。午市仲有一個懶人包，就喺「午市商務超值自選套餐」，有2人、4人、6人、8人、12人嘅選擇。但最後我哋無揀，因為想食多啲點心！淮山脆脆 $28其實，喺將啲淮山切成長條形再酥炸，外觀出嚟有啲似越式春卷，因為外皮喺網紋嘅脆漿。