Video
2-min walk from Exit C, Shek Mun MTR Station
continue reading
Opening Hours
Mon - Sun
12:00 - 20:30
Above information is for reference only. Please check details with the restaurant.
今次我哋嚟到一間專營外賣韓式炸雞嘅店舖《Hong Korean Chicken》，佢喺元朗、石門同埋旺角都有分店，今次我哋就揀咗位於石門嘅分店去試。Menu 上除咗各款唔同味道嘅韓式炸雞之外，仲有韓式年糕、魚糕湯、炸雞卷餅等小食，無論係開party定自己一個食都有好多選擇。雖然係一間外賣店，但店員既服務及舖頭一啲小心思都十分抵讚👍。炸雞盒上附有個j有窿嘅膠蓋，設計可以防止剛炸起熱辣辣既炸雞所產生既蒸氣倒流到炸雞上令到佢變淋。因為第一次來，落order有選擇困難症既時侯🤣，店員主動介紹佢地既炸雞，亦會預先問我醬料需要分開另上定預先撈落炸雞到。🍗🇰🇷~🤩半無骨半有骨炸雞(HKD 172) 另加醬油＆蔥味醬料（HKD 15/款） 第一次嚟食，當然要叫佢地嘅招牌炸雞啦🍗！佢哋咁啱有半半炸雞(半隻有骨炸雞同無骨炸雞)，可以一次過試曬。呢個餐除咗炸雞，仲包括一小罐可樂、一碗酸蘿蔔同一碗椰菜絲。提醒大家，呢個餐嘅炸雞係原味，如果想加醬料，每款要另外加15蚊，我哋就揀咗醬油同蔥味。佢哋嘅無骨炸雞雖然用咗雞胸肉，但熟度掌握得恰到好處，唔會炸得過熟影響肉質；而有骨炸雞係半隻雞斬件再去炸。兩款醬料嘅味道都啱啱好，唔會太鹹。👍🤤~💵價錢合理🤵服務很好👨🍳食物有水準🛵外賣之選
continue reading
由石門開左呢間炸雞之後我都食過好多次，第一次為佢寫食評因為呢間真係我食過咁多間最好味既炸雞食過晒所有味，最愛芝士味佢芝士粉係佈滿晒整舊雞，炸粉唔會乾同厚，雞係juicy。同埋佢個量都真係多，一人餐份量我可以食到兩餐
continue reading
今次再去食試埋新出既韓式年糕，超好味，有水準又唔會太辣，太咸，味道剛剛好，超推介另外，再食芝士同原味有骨雞，脆卜卜，雞肉又滑，好正酸蘿蔔又係好味，我個仔都好鍾意食性格比超高👏🏻絕對值得番頭再食
continue reading
沙田石門新開韓式炸雞 好耐冇黎石門 原來京瑞廣新開左個food court區 多左好多餐廳 今次試試呢到嘅炸雞（餐牌睇圖）.⭐️紅六味無骨炸雞$268如果唔知揀咩味 呢個就岩你啦一次過試哂 6款口味 呢盒大概3-4人份量（芝滋 Wasabi蛋黃醬 原味 甜辣 蔥味 醬油）每件冇骨雞炸都係一口大小 懶人之選👍🏻芝滋味 炸雞表面大量偏甜芝士粉 好食👍🏻Wasabi蛋黃醬 唔攻鼻 大量醬汁 唔會整軟炸雞👌🏻原味 👌🏻蔥味 👌🏻醬油相對普通👌🏻甜辣 係bb辣 比較傳統 同其他店分別唔大.⭐️芝滋/甜辣有骨韓式炸雞$182一份有原隻全雞14件一盒大概3人份量 份量比一般韓式炸雞店多🔥炸雞即叫即炸 熱辣辣 做到皮脆肉嫩😋不得不講 連骨連皮 炸出黎juicy過無骨炸雞好多.呢次黎到見到幾多人排隊 同埋外賣‼️如果下次再黎 我會點（芝滋/Wasabi蛋黃醬有骨炸雞）.#hkfunfoodrecord窮遊香港#hkfunfoodrecord_沙田#hkfunfoodrecord_石門.#HongKoreanChicken (石門) (沙田)地址：沙田石門安群街1號京瑞廣場二期1樓OK Mall 102A01-02號舖.⭐️評分：味道：4/5環境：3/5 food court有得坐服務：3/5抵食：3.5/5.鐘意睇野食既朋友仔 記住幫手like分享 同撳埋右上鐘仔超感謝你嘅支持🙏🏻一齊見證我脂肪成長.#飲食 #美食 #優惠 #抵食 #hk #hkfood #hkfoodie #foodiehk #hkfoodblogger #foodstagram #foodporn #foodphotography #foodie #hkblogger #hkfoodies #hongkongfood #吃貨 #食評 #香港美食 #沙田美食 #石門美食 #炸雞 #韓式炸雞
continue reading
雞是新鮮的份量又算多不過一隻雞出現三隻翼😂都不是重點重點是原味炸雞沒有味道完全無味另外也叫了炸雞飯（味道好味）炸雞 是限定辣炸雞但飯真的不配合🥲希望可以改善原味炸雞味道
continue reading
You may be interested in