康年餐廳

Open Now

Now Closed

早上路經康年, 見有些肚餓, 想買個菠蘿飽充飢, 等候其間, 看到飽盆最後一排寫著"馳名沙嗲牛肉飽 - 每個八元"。八個大洋一個飽, 不算平, 說是"馳名", 買了一個試。一咬開,飽很軟熟, 沙嗲味不是很濃, 但配飽便剛好, 牛肉頗多片, 而且有厚度, 有咬口, 整個飽配合得非常好。下次經過一定會再買。

這日下午有點餓，想吃個light的下午茶點。剛好經過這家有出爐麵飽的茶餐廳，想起其實也很久超過一年沒吃過港式麵飽了，便排隊買一隻來吃吃。選了吞拿魚飽，$8一大個。飽仍是微溫的，也聞到麵包香。不過不知道為甚麼麵包是很甜的，像在食甜品！雖然魚份量很多，飽也很大隻，又是出爐不久，可是麵包味道太甜，不是我杯茶

之前光顧調景嶺的康年餐廳，留下了深刻的壞印象，本來決定不再難為自己，不再光顧，但朋友強烈盛讚，姑且給它一個翻身的機會吧！ 我們吃了~ 瑞士雞翼撈出前一丁：雞翼大大隻，瑞士汁很入味，出前一丁好像加了味粉，好味道但味精重。雞扒意粉：份量十足，雞扒啖啖肉，皮脆肉滑。意粉很多，蕃茄醬很少，幸好雞扒的汁亦能拌意粉，不怕意粉「乾爭爭」。羅宋湯：味道很濃，蔬菜亦多。凍檸茶：雖然有半杯是冰，但茶味夠，味道不錯。凍咖啡：朋友認為不錯。雞尾包：新鮮熱辣，香噴噴，軟綿綿，佳！今次服務尚可，侍應沒有黑口黑面或「串串貢」，我們亦沒有慢慢吃，快快吃飽便離開。太子的這間分店，算是不錯，可以偶一為之。

其實我既是康年一時既超級Fans..也是他們曾經的伙記, 我只係想講..康年既新鮮出爐面包係真係好熱辣辣, 好好食.特別推介有流沙雞尾包, 奶皇墨西哥包, 叉燒包等等..而最受歡迎既當然係常餐1 , 瑞士雞翼撈出前一丁.秘制豬軟骨撈公仔面, 連譚校長都極力推介既: 蝦球撈面.如果想食飯既, 可以試下大蝦首爾牛柳同埋羊仔扒, 可以跟飯或意粉.不過如果你想坐得舒服既就可能難D, 第一, 四人座位要搭台坐係好正常既事.第二, 如果你唔滿意既話你會比人話你<--呢個係事實.第三, 食完飲完即收碟收杯, 會威逼你有想走既感覺.(心理反應)第四, (我個人感受) 就算係顧及生意, 會唔理對其他人既態度. 照樣係眾人面前指責你.

康年餐廳的波羅油, 好好食波羅脆皮很脆, 香口非常件鮮油很厚, 因此讓人感受到牛油香麵包很軟熟, 最重要是, 個包是熱的!鮮油吃到一半開始半溶, 是最佳的品嘗時刻奶茶有水準, 跟這波羅油簡直係絕配

七月一日 (星期五)回歸紀念日,我們沒有去遊行但比遊行人仕更早起身約六時許,一大清早就去了旺角的天光墟相信對於有養魚和龜的朋友,天光墟絕不會陌生每日由剛天光開始到七八點會有很多賣魚販在那擺賣"天光墟"之名從而得來我還是頭一回去趁墟呢逛完天光墟,還未夠鐘看早場先去吃個早餐醫醫肚我提議到康年我們都愛吃它出爐的墨西哥包今次可以試試堂食進了店,見到有食客拿著大袋細袋的魚仔,他們必定也剛趁完墟坐下來邊看餐牌邊打開剛買的報紙一個吃既寫意又簡單的早餐一向怕肥,甚少吃公仔麵的我今日都括出去,點了個沙爹牛肉公仔麵配上腸仔炒蛋炒蛋和公仔麵是搭着上的(如圖)碟底碗面,看來一點不太衞生呢先說餐包,這裡的包類一向有水準新鮮焗製,分外鬆軟這兒的炒蛋頗滑溜,不過油就比較多沙爹牛肉公仔麵的牛肉份量較少沙嗲汁就頗香濃,撈上公仔麵很醒神吃完後,就再出發睇早場!!!

今日行金魚街,經過康年,就入去食D野.入到去,覺得佢同翠華有90%似,諗住佢應該有翠華的質素,點知,強差人意我叫左一個茄茸海斑泡飯同蓄茄旦牛泡飯,分別係$42 & $38兩碗泡飯都好差,落左大量薑同胡椒粉.碗茄茸海斑泡飯係冇茄茸,D海斑係腥的,碗蓄茄旦牛泡飯D牛肉係羶的,D蓄茄仲係凍的兩碗泡飯唔值呢個價錢洗手間仲差,,十分污糟,仲要隔離就係廚房服務態度不要得,大叫五吓,都唔理你,又唔做野,

前些時在「喜喜冰室」吃過那裡的招牌「雞批浮台」後，忽然喚起了自己吃雞批的興趣，也因此在某一個早上，來到這兒吃了個雞批早餐。這間在旺角區也薄有名氣的港式茶餐廳，早上有不少出爐麵包供應，無論奶黃墨西哥包、流心雞尾包等，都能在傳統的港式麵包上加添一點新意，不過自己這次既為雞批而來，當然是叫雞批啦！再加杯凍奶茶，便成了一頓豐富的早餐。因為這天的雞批不是剛出爐，所以不算十分熱辣辣。這雞批雖有牛油香與蜜香，但批皮較厚，幸好尚見鬆化。裡面的雞肉細細碎碎的，忌廉汁也不太多，整個批顯得乾身了點，論水準只是過得去，算不上十分出色。不知道哪裡有超高水準的雞批吃呢？

一)地方超就腳二)有新鮮出爐麵包康年的優點僅至此, 也沒有其他惜得讚揚的地方 在星期六中午人流極旺的旺角, 食店更是一位難求難得有一個位也及時磁下 還是餅櫃的食物吸引 於是要了點輕食雞批和熱奶茶 熱辣辣的雞批充滿牛油香味批面帶點點密芽糖香, 但批皮很厚雞肉切成很碎很碎, 忌廉汁也不多, 所以口感有點干曾曾, 是一件無靈魂的雞批 奶茶味有點削而且澀口, 用了黑白奶也無補於成事, 非好茶也

今日單拖, 去左金魚街買龜糧...買完之後無無聊聊咁, 做乜好呢? 下午茶時段bor~ 啱啱就見到大大間康年餐廳 在眼前!! 即刻轉身入埋去食~ 一入去就有位坐, 不用等.. 勁好采!! 基本上就唔肚餓嘅.. 只係口寡寡咁, 食乜好呢?? 之後聽到有人大嗌 ~ ~波羅包出爐~ ~ 波羅包出爐~ ~ 正!! 唔駛諗! 即刻叫左個波羅油試下... 波羅油: 嘩! 熱辣辣呀! 我~咬~ 脆口呀~ 件牛油,同包包係我口中..嘞!!! 好食呀! 新鮮出盧的包就是好~ 不過! 我就覺得件牛油唔夠凍, 而且唔夠厚!! 波羅油....係要熱包夾住一塊又硬又冰又厚身的牛油.... 才是完美!. 涷奶茶: 飲一啖..夠濃夠滑bor... 再呷一口, 似乎又太甜bor, 等冰溶多一陣先...又變得太淡口lu~ 以下午茶來說... 算是不錯的了~ 總之, 吃得到新鮮出盧的包就是好!!

我認識康年, 係因為喺將軍澳轉巴士入西貢, 每次都会買熱辣辣的沙爹牛肉包做早餐, 回程必買拿破崙。 雖然價格比外邊的包貴, 但真係好足料某日我發現金魚街都有間康年......2月13日我同丈夫試下呢間康年, 一坐下就見到牆壁上貼滿食物海報但沒有標明價錢, 例如咖喱羊架、蝦球撈麵, 細問下要$60多元一客, 我覺得茶餐廳啫...唔抵俾呢個價錢隔離枱四個大男人, 講嘢好大聲, 所以我知道他們叫了咖喱羊架、蝦球撈麵, 到佢地食物上枱, 我見到蝦球撈麵d蝦球喺玻璃色, 又爽又脆咁, 好似用蘇打粉「嗱」過咁, no good講番自已嗰d午餐我地要A餐 $35羅宋湯好足料赤小豆粉葛煲唐排夠火喉飲飲下湯, 有人嗌: 「菠蘿包出爐！」咁立即引來多名食客騷動, 爭着大嗌:「一個菠蘿包吖！」或者「一個菠蘿油吖！」, 我見勢不可擋就襯埋個墟, 嗌埋一份「一個菠蘿油吖, 唔該！」牛油用Anchor牌, so GOOD! 菠蘿包新鮮, 點食都唔跌面層菠蘿皮, 不過菠蘿皮薄咗令到口感淺咗, so SAD 重量來講, OK吖, 不過應該麵粉加咗價所以無以前咁重。墨西哥雞扒咖喱角意粉...汁幾特別, 咖喱角普

星期三食晏，十二點七左右去到民華，已經大排長龍。同事唔等，於是就行前少少去康年。喺呢頭咁耐，都係第1次幫襯，因為個門面唔多吸引。入到去，人都幾多，座位逼逼的，餐牌有些已褪色，仲要肥肥地。午餐只有3款，非常少。一個中式，兩個西式，午餐$35，包湯同飲品。喺呢區黎計算貴囉！要了羅宋湯，ok ge, 唔會太咸同太多油。飲品要熱朱，都唔錯，不會太甜。反而個午餐就麻麻，我面了肉眼扒意粉。份量看下去好似好多，但其實食完都唔會話好飽。肉眼扒ok, 無咩點嗱過，有肉質及肉味。最難頂係個汁，好杰同勁多油，而d醬又淋晒喺意粉上面，撥都撥唔走。好在伴碟有少少椰菜，食番d菜就感覺無咁膩。呢間野應該無下次。

一年前，曾造訪這間餐廳，那時留下良好印象，但之後一直很少路經，因此沒機會吃。今天，碰巧和男友在附近買衫，便到這裡用膳。康年無論是裝修、餐牌設計和食物款式也和翠華非常相似。近似值90%，不知他們有沒有關系？雖看來非常相似，但實際上是有分別的。例如我想吃奶油豬，這裡就沒有像翠華的那款脆外皮的，而是芝麻豬仔包。我放棄了吃奶油豬，點了鮮蝦波菜餃米線。男友叫了鐵板雞脾菇併牛扒。等食物時，看見師傅捧著一盆麵包從廚房走出來，叫道：雞尾包新鮮出爐~ 都晚上9:30了，還有麵包出爐? 師傅經過我們的枱時，那包香真是令人唾延三尺。可惜我們已點了餐~ 跟餐的羅宋湯和凍奶茶先來。羅宋湯內有大塊牛肉，已煲得很腍。味道不錯，但稍為不夠番茄的酸味。凍奶茶稍甜，除此之外，算是一杯好奶茶。鐵板雞脾菇併牛扒樣貌不俗，夠分量，牛扒大塊和有厚道的那種。切開牛扒，裡面約6-7成熟，吃下腍而不韌，茶餐廳來說是上等貨色，好過翠華那些。雞脾菇則是非常的小片，有點吝嗇...鮮蝦波菜餃米線鮮蝦波菜餃的蝦一般，沒有蝦味；但波茶那股味則很濃，不是我喜歡的，感覺整個餃的味道怪怪的，和我在翠華吃的有很大出入。米線，一個字：差！很像有一點脹，略

噚晚經過已吃晚飯,亦行過了金魚街一次,準備坐車返屋企,見到仍好多人係佢門口買外賣包.抱着唔執書的心態,見自己肚又末full,不如買個包上車時食........招牌麥西哥奶皇.望上去亦漲身.摸上手仍熱辣辣一個正字當時趕車,一攞便走,上了車咬落口,才發覺包皮未夠鬆身,不知是否麵粉包皮未行得夠身所致,與發酵時間有關.此包與我以前在此店食的美味麥西哥奶皇不一樣相信是一時失手

星期日, 去金魚街買養魚用品, 之前來了這裡吃午餐, 幫襯的原因有二: 一是這間茶餐廳的食評不錯, 二是其他店子都擠滿人, 又要等位又要排隊, 見這裡居然不用排, 於是入內一試. 店內的裝修很新, 與平常的茶餐廳不同, 感覺較高級 (之後發覺連價錢也較高級!!!), 但位子仍然是比較窄, 不大舒服! 看過那彩色繽紛但又令人有點眼花的餐牌後, 便點了些食物吃.老爸點了午餐A, 就是香茅豬扒伴咖哩飯, 和檸檬水.感覺很"碟頭飯", 豬扒的香茅味道不濃, 有很多蔥粒, 反而像燒臘飯多一點! 豬扒比較硬且不太入味; 反而旁邊的配菜不俗, 像西餐裡的沙律, 色彩繽紛, 量多, 雖然也是白烚的, 但感覺反而健康! .老媽點了鮮魚湯金銀魚蛋河粉說是金銀魚蛋, 其實是白魚蛋和片頭. 魚蛋並不彈牙, 魚味一般, 食味和一般粉麵店內的魚蛋河差不多.魚湯味道也濃, 但可惜很鹹, 吃後又很口渴, 又是味精問題.我點了瑞士雞翼撈天使和咖啡. 一眼看下去已經覺得分量很少, 瑞士雞翼共有三隻, 味道偏甜但可惜不太入味; 用上天使麵來撈也是不太合適, 因為天使麵很幼, 不能吸收瑞士汁的味道, 好像不太合拍. 至於餐湯