炎天丼 (Closed)

今日late lunch 去食嘅，食過一次之後一定會再返去食過價錢親民，味道非常ok, 店員又好人天婦羅脆卜卜，唔係做左好耐放到林曬果啲嚟。件件天婦羅都大大件。另外叫左個炸香蕉做甜品，一個字形容...好呀

My friend told me about this tempura place in MK, I was so skeptical. I love Japanese food, but tempura isn't filling. And for the price I think it's not enough.We went anyway cause I trust my friend, and she seemed really eager to go.One look at the menu and I couldn't decide what to get. My heart wanted to get the beef rice but I also came to eat tempura, so I got the cold noodle with seafood tempura. My friend got the seafood tempura don.After maybe 10 minutes, her tempura rice showed up and

🌟呢餐係：「超級無敵後悔」嘅一餐（後悔點解咁遲先試）自稱天婦羅KOL嘅我，Bookmark低諗住食好耐，今日咁啱想食蕎麥麵就去咗👍🏻 星期六晏晝去，全鋪坐滿咁濟，但係都唔係等位好好彩！🥳 員工哥哥都好nice好friendly👍🏻 之前都有形容過我自己覺得合格嘅天婦羅係點（詳情請睇返麵.睦月嗰篇），今日就黎睇下呢間係咪淨係得平咁簡單啦！😈🍱海鮮天丼超級壯觀😱 有菜心苗，茄子，蓮藕，魷魚，蟹肉棒，虎蝦同埋天丼精華，流心蛋😍 唔講味道，淨係呢個份量就已經超級抵啦👏🏻 炸漿都唔會太厚，但係都覆蓋每一舊嘅每一個位，做到天婦羅「蒸」嘅效果👍🏻 外脆內軟，每樣都保留到佢本身嘅水份，個人好鍾意佢個菜心苗🥳 流心蛋都係炸過嘅😋 烚完之後要放入冰櫃凍完先可以炸，所以流心蛋真係好考功夫同心機，完全睇到廚師嘅誠意🥰 🍜海鮮天婦羅配信州蕎麥麵（凍）夏日炎炎，唔想食飯都可以揀蕎麥麵架！食落好清爽消濟，仲可以落少少wasabi刁味👍🏻 天婦羅就有菜心苗，蟹肉棒，虎蝦，椰菜花同埋魷魚。虎蝦炸漿略為厚咗啲。同天丼唔一樣係佢有椰菜花。本身唔鍾意食椰菜花嘅我覺得十分有驚喜。個椰菜花炸到入面又淋又濕潤，真係做到嗰個蒸嘅效果

讚1.以咁既價錢，份量係抵既，天婦羅蝦、南瓜、矮瓜咁大大堆野，飯亦多2.蝦係最好既，炸漿厚薄均勻，鹹味足夠既，雞蛋都好，溏心蛋都唔錯，蛋黃甜香彈1.素茶就唔太接受，油身，外面層漿亦唔均勻2.天婦羅汁甜得好單一

旺角通菜街有好多嘢食，依家係其中一間好中意食嘅餐廳，性價比極高。但身邊好似好多人都未食過呢間咁。我想食多好多次啦，真係忍唔住要寫返篇食評讚下佢。 每次黎都係叫海鮮天丼，有魷魚、蟹柳棒、虎蝦、菜心、茄子、蓮藕，仲有唔少得既流心蛋！ 份量同配料勁多，而且全部都係即叫即整，熱辣辣，勁香脆。店員仲會好貼心咁叫我地食左菜心先，因為怕好快淋。份量咁多先都係50幾蚊，仲要整得勁好食，真係唔支持呢啲餐廳唔得!!

每次經過 🇯🇵日本天婦羅丼飯專門店「 炎天丼 」門口，總喺見到要等位，但今日晏咗收工，食到最尾嗰水 🤩終於唔駛等位喇！💛💛💛由於得一個人🧍🏻‍♀️，所以好快安排我坐面壁嘅2人雅座，鍾意有呢個唔駛望到其他人嘅私人空間😎。之後，細心店員1號 提咗我幾次 「 啲衫同個袋擺喺隔離位喇，唔好坐得咁辛苦。 」🌼 海膽天丼· · · 菜心苗、茄子、蓮藕、南瓜、流心蛋、海膽天婦羅。細心店員1號提醒 海膽&菜心苗 必須趁熱食先。 · · · 估唔到菜心苗&流心蛋都有炸成天婦羅 😋 相當有驚喜 · · · 即叫即炸，嚟到熱辣辣，不油不膩 外衣勁香酥脆，又如紙咁簿👌🏻· · · 咁大個女無諗過海膽竟然可用嚟做天婦羅🍤 🤤🤤🤤 酥脆嘅麵衣 & 紫菜，同軟滑Creamy海膽，形成強烈對比！· · · 採用新潟米，洗四次，做出日本飯應有嘅軟香 💛 細心店員2號見我喺飯開始落 秘制天汁💦，就自動自覺幫我加勁多🇯🇵日本飯素✨✨✨(哈🤭我喺貪心小朋友)🌼 和牛粒盛盒· · · 時間掌握得非常之好👍🏻，咬開就見到肉質粉嫩迷人 🤤 入口即溶，味道濃郁，絕對喺啤酒嘅好朋友😋🌼 Suntory The

喺香港淨係食過一間天婦羅丼飯，就係炎天丼！因為食過一次之後就返唔到轉頭，平民價錢！高質天婦羅！仲要每一次都係食海鮮天丼，因為呢個丼飯係最多餸，可以試到最多嘢！普遍天婦羅丼飯都要百零蚊，呢間海鮮天丼只需要$80，性價比極高！海鮮天丼有菜心苗，虎蝦，流心蛋，茄子，蓮藕，魷魚，蟹柳棒。一上菜職員就叫我哋食咗菜心苗同埋虎蝦先，菜心苗脆到索索聲，但係相對上粉漿都比較多，所以食落比較油膩。虎蝦好Juice。記得之前黎食有樽飯素喺枱面任加，呢樽飯素都係重點之一！送飯一流！但係今次唔見有，所以我哋問職員可唔可以要飯素，佢都係叫我地食左菜心苗同虎蝦先，後來係疫情下嘅分隔版上見到貼住張紙話海膽飯素無貨，所以無得供應我哋食完菜心苗同虎蝦之後，有位職員主動行過嚟幫我哋加多少少飯素落去，好彩仲有得加！加完叫我哋到少少天婦羅汁落去一齊食，拮爆個流心蛋，真係連飯都好好食！

炎天丼真係我食過最抵食又高質嘅天婦羅丼飯佢嘅丼飯只係幾廿蚊（比起出面下下要成舊水真係抵好多）😍雖然平價，但一d都唔會影響佢個質素天婦羅皮炸得好脆👍🏻 用嘅海鮮唔係話好浮誇，而係一般平民海鮮（蝦/魷魚等），但經過料理之後就變成好味又熱辣辣嘅tempura 💕 我覺得呢度最出色既係佢個炸蛋🍳係流心咖😍 佢仲話唔流心的話，可以同佢講，佢會換過隻俾你，不過次次食都係好流心☺️另外，我都好欣賞佢個炸菜心苗，炸粉薄薄一層，菜葉炸得好脆，一咬就碎，正飯係用日本米，而枱面會有飯素俾你加落個丼飯度食👍🏻可以增加個丼飯既層次用心經營嘅小店希望大家都多多支持一下💛

食過幾間日本過江龍天丼 大多數都要過百蚊🙈呢度$80就食到!😛質素都唔輸蝕過江龍💫性價比高😍🍤海鮮天丼🍚 $80呢度既天婦羅係我食過咁多間最脆🤩有流心蛋🥚菜心苗🥬茄子🍆蓮藕🍠魷魚🦑蟹肉棒🦀虎蝦🍤咁的確係餸方面比我之前食過既冇咁多海鮮~而且都細舊少少🙈呢度既魷魚偏爽口 我中意淋身多d😆但質素整體都好好! 天婦羅汁自己倒 我諗係因為咁所以先keep到天婦羅脆! 好惹味撈飯好正😋

呢間之前食過幾次都覺得水準唔錯行過見到午市再平十蚊，無多諗就入去啦～叫左最受歡迎嘅海鮮天丼，有齊好多款炸物 - 流心蛋，菜心苗，茄子，蟹棒，魷魚，蓮藕，蝦即叫即整，等左十分鐘到，新鮮熱辣送上，仲附上一碗麵豉湯，湯入面好多豆卜絲，好足料～整體嚟講每樣都炸得好，即叫即炸好難唔好食其實當然日本正宗嗰啲就個皮炸得再薄啲，油味再少啲。不過五六十蚊大大碗性價比真係十分高呢每枱仲有用日本啲餐廳款水樽嘅🍋水任斟，誠意十足，支持小店。

比起金子半之助同埋天丼個人覺得炎天丼更勝一籌第一次食天婦羅飯就係喺日本食天丼當時覺得好好食五日trip食兩次於是返到香港就周圍搵睇下有冇發現左旺角呢間小店叫左一個海老天婦羅丼同一個野菜天婦羅丼一開始見到佢有條天婦羅菜心苗覺得好搞笑感覺好香港特式一食發現原來菜心天婦羅係好好食基本上佢全部炸物都好好食個脆漿上得超級薄 脆卜卜感覺絕對唔會好多粉漿又濟又熱氣流心蛋又係超級出色 撈飯一流最開心係有樽飯素可以任落性價比高食完好滿足呢間絕對可以encore

提起天婦羅丼飯，大家可能會即刻諗起幾間日本🇯🇵連鎖過江龍，唔知呢一間同樣專門食天婦羅🍤嘅良心小店會唔會俾到驚喜呢。海鮮天丼 $80（流心蛋，菜心苗，茄子，蓮藕，甲紋魷魚，蟹肉棒，虎蝦）一上枱就覺得好靚，樣樣野都炸到金黃色🤤，而且全部都係好貼皮好靚仔，唔會好似有啲天婦羅咁甩皮甩骨。入口超香脆，索索聲好治癒。未試過菜心🥬天婦羅，覺得好特別，原來又有幾好食。虎蝦🦐唔算好大隻，炸完之後入面仲係半生熟，係刺身嘅感覺，個人好鐘意。🥚橙黃色嘅流心蛋黃好香濃，加埋啲珍珠米🍚一齊食，格外有風味。而天婦羅汁偏向淡口帶啲甜味。略嫌飯同餸都唔係好夠熱，係室溫。海鮮天婦羅配信州蕎麥麵 $73（甲紋魷魚，蟹肉棒，海老，菜心苗，椰菜花）同樣炸得好金黃，但佢嘅魷魚🦑就得一舊而且比較細。而海老🦐就同丼飯嘅虎蝦應該一樣，不過朋友就唔鍾意佢比較生嘅感覺。蕎麥麵大大一碗，不過個湯同麵🍜都係室溫暖暖地，唔係好夠熱。我覺得以小店黎講算係相當有驚喜，可以及得上連鎖店嘅水準。雖然仲有進步嘅空間，但價錢味道都合宜，值得一試👍🏻。

-{黃店💛旺角天婦羅丼飯🍱}send左一個長長嘅list俾朋友揀邊間！最後就黎左依度試天婦羅🍤一出story勁多人覆依間好好食🤩就試下係咪咁勁先😛🤤海鮮天丼🤤 ($54)有流心蛋 蝦 蟹棒 菜芯苗 蓮藕 魷魚2嚿 茄子 菜芯苗最主要都係食炸粉😂但個粉好薄夠脆！好小油但可接受😍蓮藕好爽🥰咬落幾有味 蟹棒勁大嚿😆茄子炸得黎都保倒茄子嘅汁😙最勁係隻炸流心蛋！一咬啲蛋汁出曬黎！不過蛋有腥味🙊蝦同反而冇咁驚喜 正常味冇特別👀 幾鐘意個天婦羅汁甜甜地😁俾得幾多飯竟然食唔曬😌👖褲評: 8.5/10環境好居酒屋feel 咁啱坐門口位後面有櫃擺袋幾好😚每人都會送碗麵豉湯嘅🥳叫完野食都好快到！性價比好高☺️性價比: 8.8/10服務: 8.3/10環境: 8.2/10🔔小tips: 1️⃣可以打電話訂位！2️⃣午市再減10蚊勁抵食🥺🚩炎天丼🚩地址: 旺角通菜街23號地下#fuudjai #fuudjai黃店 #fuudjai旺角 #fuudjai日本菜

琴晚突然好想食炎天丼，今日返半日，收工即刻搭車過去食個lunch! 自從誤打誤撞黎左呢間食過一次之後就返唔到轉頭。今日第三次來，上兩次係叫海鮮天丼，今日餐牌都冇點睇就直接照舊海鮮天丼😂 其實除左丼，仲有咖喱飯，不過丼實在太好食🤤話說佢地慶祝三週年，所有lunch套餐都減10蚊呀。本身已經唔貴，再減10蚊真係唔食對唔住自已~先黎碗麵豉湯，味道啖啖地，不過用黎暖胃準備食丼都唔錯~ 海鮮天丼份量好足，有好多餸，有菜心苗、蓮藕、茄子、流心蛋、魷魚、蟹棒同蝦。店員勁細心會建議你食菜同蝦先，因為好快淋就冇咁好味。天婦羅既粉好少，完全唔會覺得食炸粉多過啲主角，仲要唔覺得油膩! 塊菜葉脆卜卜好正，仲有唔少得個流心蛋，啲黃流出黎個真係下好滿足😍 食過呢間真係返唔到轉頭，下次會再黎唔睇餐牌直接落單!

Hono Tenndon is a small restaurant that specializes in tempura. There are quite a lot of selections of the menu - for vegans and non vegans. If you do not feel like having tempura, they also have curry rice with non fried beef or chicken for you to choose. I ordered the vegetarian option today and the lunch set came with mushrooms, eggplants, pumpkin, bok choy sprouts, lotus root and a half boiled egg with rice. They also served a tiny dish of salad and a bowl of warm miso soup before the meal,