萬歲

Open Now

Now Closed

佢哋逢星期一二三五嘅靚湯 真係冇得頂 用足料用足心機 呢個係蕃茄薯仔南瓜粟米牛鰍魚湯 完全冇用味精 飲到魚嘅鮮味 一啲都唔流水作業 好多時 毎個禮拜都有一次魚湯㗎 佢哋仲有自己包嘅餃子

第一次喺OpenRice寫食評 因為呢間小店實在太過值得推薦比附近返工嘅人住喺附近嘅人 佢每個星期一二三五都會有非常足料非常好飲嘅住家靚湯 星期四就會有好好味嘅糖水 除咗呢啲佢有好多好多唔同嘅嘢食 自從發覺咗佢哋之後 我早餐同晚餐都唔使再食垃圾 個店主係一個後生女仔 好有禮貌好好人 例如我呢啲麻煩嘅客人希望個多士烘燶啲 佢都完全冇問題 好食嘅嘢好難用文字去寫 大家自己去試吓幫襯吓支持吓吓啦

首先員工態度奇差，年紀大啲位女士（相信係媽媽），自己聽唔清楚人講咩，不停「咩呀？」「咩呀？」，找錢掉係枱面，係真係「掉」，餐牌又掉嚟掉去，坐係餐廳入面食好似好唔受佢歡迎咁。然後食物更加係神奇，居然可以做得差過7仔。叫咗魚蛋配營多撈麵，上枱我已經知瀨野，啲魚蛋咁似貢丸嘅？擺入口真係魚蛋嚟，不過完全冇味，咬左半粒其他全部冇食。個撈麵又係出色，未煮透又油淋淋，同我認識嘅indomie好大出入。$31嘅餐，我都冇要求啲咩，但求有野落肚。而家只有一肚氣😅

食車仔麵個麵底好緊要有銀針粉嘅車仔麵一定唔會差再睇一睇個餐牌都好多都需要自己製作嘅餸每次去都要食佢個蠔皇小花菇其實都唔係小花菇，全部都大隻厚身鍾意佢個自家辣醬，香辣唔係死辣食完個車仔麵唔會口乾，就知道冇味精除咗車仔麵之外，仲要推介埋佢地嘅真材實料無味精老火湯，每日新鮮煲，每日款式不同。鍾意飲嘅原因係佢煲湯初初係煲俾自己一家人飲，有客人問有冇湯飲先決定煲多啲，所以碗湯點會輸見到好多食評都話態度差，純粹本人覺得食幾十蚊嘢，真係唔需要講求態度，好食就得啦，反而覺得佢哋兩母女好友善，好好傾（睇吓你同唔同人打開心窗，態度雙向嘅）

中午喺度買咗個外賣，台灣黑椒腸肉燥飯，黑椒腸得四條，飯嘅份量少到呢，只可以填滿成個外賣盒嘅三分之一，小朋友都未必夠飽，嘢飲係茶包，$58，真係賺到笑，服務態度又差。

今日首次試呢間小店，無叫太多特別菜式、就咁一碗出前一丁、凍奶茶同一碟鮮竹卷。基本上食物質素都合格有餘、奶茶夠滑，麵底煮得剛剛好、$40完全係合理而且同同區比係滿意嘅水平。而呢一編食評嘅重點係後加嘅鮮竹卷。先講下價格先、一碟3件$30，相對隻麵嚟講算小貴，但係一食就明佢唔係亂標價。先講賣相、兩面煎到少少啡色、加上即叫即煎，整體外表係吸引嘅。夾落去軟身、本身以為會穿底而令我失望之際，夾起無散到(除咗有一條我唔確定係我落筷子嗰下整穿定點)，睇到啲鮮竹好似個袋仔咁袋住啲餡、嗰下就知有啲料到。咬落去有汁出，而且鮮竹都剛剛好、面個層香口、入面個層滑口、加埋餡料調味唔搶，呢個鮮竹卷幫我嘅下午茶加咗好多分。最後講下其他食客話嘅態度方面，個人認為無問題 、老闆娘言談之間都透露出佢同自己食物品質嘅信心，對我嚟講係吸引我回頭幫襯嘅其中一個原素。

喺附近返工，明明係一家三口開，大家會以為呢啲小店人情味濃厚，但呢一間真係例外。呢頭冇咩賣燒賣腸粉的店舖，所以就算明知老闆娘同個女無乜表情，粗聲粗氣，永遠都唔會同你講多謝/唔該，收完錢你自己走。但我抱住$29買個早餐，都唔expect你點樣熱烈歡迎，我有時都仲係會幫襯早餐外賣。但對上一次（亦係我決定以後無下一次）一入去成個氛圍好似全家啱啱鬧完交，我入去就係阻住佢哋咁……入到去, 老闆娘劈頭一句"要咩呀?"佢聽唔清楚我講咩，就勁大聲問"咩呀？？”之後比八達通，佢就繼續用佢嘅惡聲”拍得嫁啦!"態度差，而杯奶茶越嚟越淡，完全冇茶味，而燒賣腸粉就正常味道。

阿媽同個女態度十分之差，笑容完全冇，趕客只收現金，連八達通都冇野食得燒賣可以生菜魚肉唔好食仲衰過之前細鋪時個女既服務真係好差令人唔想再去情況冇改善過，惡劣不堪，唔好去

試食新產品 阿爺手撕雞 加靚湯中午黎到，自助式服務。到櫃面叫餐 先付款，坐低等食超級滑雞，手撕得好，醬汁味道不錯👍仲有埋青瓜絲，胡蘿蔔絲，津白，芝麻今日靚湯仲要係雙椰子🥥雞湯期待下次來試麻辣手絲雞再報告一下先

裡面嗰幾個staff都唔好mention喇，態度差到以為呢個世界所有人欠咗佢咁！最大問題係食物唔新鮮，唔知隔咗幾多夜！我食過幾樣嘢都質地同味道都古怪，疑似變壞，即刻要掉囉🤬

以為擴張左之後一老一嫩老闆娘態度同面口會有所改善啦，原來沒有從來都沒有！一如以往咁黑口黑面同惡，以為自己係噢牛？人哋半島之所以咁多年生意好就係靠態度同野食，呢間萬歲有野食差態度，比錢買難受。