合發燉奶餐廳 (Closed)

入去食就預左要等, 因為人多到七彩, 不過都真係等好耐.豬扒飽係幾好食, 奶茶係幾好飲, 多士都整得不錯, 係要等太久.葡撻都係很好食, 就連飲品都整得不錯, 都係差在要等太久.扒方面就要看運氣了, 有時候的確係幾好食, 不過很多時候太硬.炒麵應該係最好食的食物, 每次都好快就食個凊光.

我住荃灣, 對合發都有一定既信心, 可惜星期六去完銅鑼灣.......叫我以後唔會去, 亦想大家三思味道係可以的.......不過服務就.........首先如果唔廚房唔可以處理咁多客人就唔好放咁多個位凍奶茶 : 等了 20min 才到 (奇怪佢係一次過出好多杯, 咁樣做茶餐廳, 死得啦)紅豆冰 : 等了 30min 完全唔可以接受既時間常餐既雙蛋 : 等了 40min 過了 n 次都冇黎, 追佢地時, 伙計跟榻冇理會我地既追單......最後我走出櫃檯同佢講 我等左好耐都唔黎, 你同我取消佢, 先有人理會我, 最黎經理幫我 void 左.........對於以上既投訴我即時寫左意見書, 希望佢地老闆會明白, 當日我見差不多每檯客都在追單, 可能真係太多人去, 要趕咁 d 客人, 我就唔會再去了

四月三十日(星期三)同老公食完好味咖哩之後,又要好忙咁去食甜品,不過o係銅鑼灣既甜品選擇真係比較少!上次經過呢度見到有燉奶,咁就試試啦!佢寫住係北海道燉奶,但係個menu又冇,咁唯有直接叫燉奶啦!點知一入口!e!mud係薑汁撞奶...呃人!同埋冇mud奶味wor!真係要比劣評喇!唔通真係新到連menu都冇名!如果一早知係薑汁撞奶,就唔會叫啦!但係出面又唔係咁寫...

2008年2月17日跑完10K馬拉松, 同D朋友去食合發, 原來同翠華完全一樣.食物無特別, 味道普通.奶茶–普通沙爹牛麵餐–勁普通魚柳–好大塊, 但味道普通*** 所有炒、炸野都好鬼油

其實對於我嚟講, 合發完全等同翠華餐廳,雖然佢哋兩個門口, 兩間舖, 兩邊裝修同坐位, 但其實佢哋個廚房係一齊用架!!我成日都見到佢哋兩邊既侍應將啲一碟碟既食物兩邊拎既!!話時話, 係度做咗咁耐, 我都係第一次入嚟坐底食嘢, 之前都係食外賣tea 咋~今次我哋好求其咁叫咗個午餐食, 有薯仔炆雞翼同帶子牛扒餐揀,我當然揀帶子牛扒餐跟薯菜啦! ($35)先嚟個羅宋湯, 都ok, 但唔算好特出,然後嚟碟扒, 未睇個扒得唔得, 我已經扣分啦!因為拎碟嘢既果個侍應係好大力「啪」一聲咁「掉」碟扒落嚟囉!!!嚇到我哋三位女仕立即停晒手望住個侍應,但佢係完全唔覺得自己有問題咁行開咗啦!而行係後面果個亞姐就問我哋咩事, 係咪嚟錯咗嘢,我話: 「唔係, 不過比佢嚇親啫...!!」亞姐笑笑口: 「唔好意思呀! 唔好意思呀!」老實講, 個扒真係麻麻哋! 以我嚟講食淨三分一就知有幾得啦!個汁太杰, 又似乎得個味精味, 成碟食物全部都只係暖暖哋, 唔夠熱喎!件扒一睇就知係cheap 貨, 又多肥膏又多根又韌, 雖然未至到完全入唔到口, 但係以呢間「名牌茶餐廳」嚟講, 真係好差囉!至於粒帶子真係普通到嘔, 又只係得

我主要係想講見到C君,,HAHA。佢個樣正常過ＣＤ　ＣＯＶＥＲ樣．．．．我好想立即拎佢隻ＣＤ　出黎搵佢簽名．．不過最後都係無咁做．．．仲有我個豬仔飽好好味．．．．．食左個晚餐．因為我好少食茶記唔知食咩好．叫左之後先覺得有好多野想食．．．．．Ｏ　ＷＨＹ！！！！！不過其實個晚餐都唔差．牛排仔都幾好味．不過食時已經９點幾所有野都５０％　ＣＵＴ｛千萬不要飲白湯｝｛其實Ｄ　ＴＡＢＬＥ同ＭＥＮＵ都好ＤＩＲＴＹ，小心｝

去完海洋公園,,我同女朋友都累喇!! 所以快快咁食個雲吞面+ 魚旦面!! 嘆返杯凍ot 就回家喇 總括泥講!!? 凍ot 個水準仲係度!! 不過食物呢,,下降左!! 最後賣單79蚊

其實去完食日本料理,(不過已經介紹過就唔再寫囉!)個fan提議去飲杯港產咖啡,咁就入左黎。不過叫左兩杯奶茶,兩客多士,我就對甜ge食物麻麻地,所以要齋多士,厚多士熱熱又幾好味,但係無買外賣,上次個fan就炒左碟麵同牛油豬帶番新界!四十二蚊雞!

放假行開呢頭，見佢d食物幾特別咁，就同左男朋友入去一試! 1) 雞肉石頭煱飯$65: 好多料又大份，但係味道普通，餐重兩種汁比我地自己加，我個人認為紅色嗰款吸引d，阿姐重問洗唔洗幫我地撈左先2) 鹿兒島豬軟骨撈公仔麵$33: 豬軟骨好淋好入味，可惜啲公仔麵太淋(我個人鐘意食硬野多)，重有碗大大既魚湯，試左少少湯，好濃魚味，但係亦放左唔少味精眼見其他食客order 佢地既常餐(有粉, 炒蛋, 奶油豬仔) 同是日lunch set (瑞士雞翼豬扒飯)，比起我地今日既order 更吸引=__="" 失敗~!!

星期六唔知食咩好, 黎呢度咩都有得食, 價錢又大眾化, 又唔趕人走~唔知係咪太舒服既關係, 連電話都唔記得拎, 個waiter跑出黎比番我!!!!好險呀~~~真係要讚呀~~~~

八月二日（星期四），好耐未試過十點幾先食飯，見經常去翠華，男朋友提議去食合發燉奶。唔太肚餓點咗好少嘢食，有火腿炒蛋多士（多士係我至愛既厚多士，正）、燉北海道牛乳（即燉奶）- 唔知係咪真係選用北海道牛乳，但燉奶做得很滑，有香濃牛奶味）、凍檸茶及熱檸水各一杯。下次想去茶餐廳食嘢唔使成日去翠華囉！^v^

由灣仔行返去銅鑼灣，一心想去翠華度食，佢地起得太近，我入錯o左黎。不過，佢地都係同一集團。食物方面，叫了一個韓式蝦球石頭飯，熱騰騰，又有得自己撈，有得玩，幾好。可惜，味道卻是一般而已！不過，杯奶茶都幾滑。價錢就略貴。

一間咁貴既茶餐廳,諗住一定有水準啦~點知...其實呢間野我地公司叫親下午茶外賣都係佢,d野食都幾好既,有d仲幾大份,但就超貴囉!不過早前有過一個經驗,我地成間公司既人叫下午茶,有兩個同事share咁叫一份熱狗,(因為呢度既熱狗真係大份到你唔信,足夠一個男人當晚飯!)其中男同事食左兩啖,竟然見到有隻小強係個熱狗既底............我同事即時作嘔,另外同佢Share個同事當然唔敢食啦~其他有叫到熱狗既同事都唔敢食............我地之後立即將個熱狗盒「cup」實,後來我地打畀合發同佢講,傾左一陣,佢地先叫個普通職員上黎我地office講,傾左幾句,個普通職員先又落去搵左個Manager上黎,佢先話買番兩碗麵上黎畀我地個同事食,嘩~~~~~~~~~~~~~想咁就算數?!!而家就淨係個熱狗有事者~老實講,都唔知其他食物有冇事架喎~!!而且我地話有証有據,真係可以告佢架喎~老實講,我地唔係諗住要佢地d乜野,我地初頭真係諗住告佢地架!!個Manager解釋話因為前一晚焗左蚤,所以走晒d小動物出黎,嘩!如果係咁就唔好開舖做生意住啦~之後佢地又話送半打蛋撻上黎,嘩!唔係呀!頭先上到黎都

打完機，二個人搵個地方坐叫左芒果班戟﹑燉蛋，芒果班戟比我想像中來的好食，皮薄、而cream同芒果的比例都剛剛好而燉蛋就一般，無咩特別P.S: 第一次入到無人食煙的茶餐廳，無煙味，good!

早上十一點十分, 仲想搵早餐, 附近幾間的早餐都只係到十一點, 得呢間至到十一點半, 正, 即刻入去﹗早餐選擇唔係好多, 連一個雪菜芝士腸公仔麵跟野飲都要$23, 都幾貴。不過家傑肚餓, 都叫咗呢個餐; 而我就見到另外有唔跟餐飲的選擇, 有個火腿炒蛋三文治, $10, 幾抵, 可以兩份一杯野飲, 呢個三文治都係唔錯選擇。雪菜芝士腸公仔麵好細碗, 麻麻地﹗相反個火腿炒蛋三文治就非常大份, 炒蛋好滑好厚, 火腿就少咗d, 如果烘埋底就仲正﹗食食下先見到有個奶油豬仔包, 朝早只係$5, 好似好吸引, 於是加多件兩份。嘩﹗估唔到非常鬆脆, 熱辣辣, 好好味, 不過奶油太少, 如果唔係就超值﹗