合發翠華餐廳 (Closed)

呢排食得太heavy....想食得健康點又好味一點...今朝就同老公黎翠華(隔離那間, 因為呢度無位)!我散叫了鮮奶麥皮, $20, 滿滿的一碟, 淡淡地無加糖, 清清腸胃!老公叫了B餐, $22, 沙嗲公仔麵(轉了米粉加了$5, 有點過份), 不過, 老公話唔錯, 白菌炒蛋, 樣唔錯, 我無食, 細脆豬, 一般! 奶茶真係夠茶味又滑! 二人加埋係$47, 唔知點解又收$45! ????

平日諗唔到食咩就會走過黎呢到食飯,瑞士雞翼飯,奶油豬仔飽必食之作.每次都好多人,但waiter態度仍然可以keep得好好心情,真係好難得.

一向喜歡翠華的奶油豬仔包.其實很多地方都有奶油豬仔包, 但偏愛翠華的, 因為分店夠多, 方便; 而人流夠高, 豬仔包永遠新鮮熱辣, 每次吃都無令我失望, 烘得脆卜卜, 煉奶和牛油都下得夠重手, 其香, 甜, 脆令我滿足; 配一杯奶茶(他們的奶茶也不錯), 只花廿一元, 已是完美的一個tea set. 翠華的出品絕非甚麼珍饈美食, 但全部都勝在簡簡單單, 水準穩定, 甚少失手. 就算失手, 只要你肯投訴, 他們都願意跟進或更換, 只是這一點, 就已經值得付出比去其它茶記高一級的消費.每次當我經過中環, 銅鑼灣, 佐敦, 荃灣等地方, 時間不多或只想簡單直接地醫肚的話,翠華絕對是我的其中一個心水選擇. 我愛舊式茶記的感覺和風味, 我也愛新派茶餐廳的整齊方便. 這種新舊交融, 是香港的飲食文化支柱之一. 也是香港人的福氣之一種.

菠菜炒蛋, 唔錯o既配搭豬仔包, 好香脆好味呀!!!

尋日同馬騮去咗哩食下午茶,因為馬騮On Diet既關係,佢淨飲咗杯凍啡走糖,味道平平冇奇咋喎!!而我,就嗌咗個$32既常餐,內容有"牛油豬仔包","西煎雙蛋"(我改咗做炒蛋),"半肥瘦叉燒米線"仲有杯餐飲,我覺得同普通茶餐廳一樣o者,不外如是仲收$32添呀,簡直離譜!!你話碟蛋同個包大d,叉燒又多d,就話o者,根本唔成正比,太興都叫貴架啦,佢居然仲貴!!冇計喇,人o地有網站架喎,d客淨係食裝修同個名架咋,羊毛梗係出番係羊身上架啦!!

Lunch 嚟呢度食,其實之前嚟過幾次,覺得唔錯,今日再嚟.我同另外2個同事嚟食,叫咗:鮮蝦菠菜餃米線: ($20,好濃既菠菜味,蝦幾爽口,米線滑得嚟爽)午餐,肥牛米線+煎隻蛋+奶油豬仔飽: ($32,肥牛米線ok,蛋煎得幾靚,無話一pet pet,豬仔飽熱辣辣,好脆好香)咖喱牛腩飯: ($42,咖喱幾香,牛腩都幾淋,唔錯,但價錢就太貴)服務都唔錯,亞姐都幾醒目,手腳快,環境算企理乾淨,但人太多,坐得好迫吓,不過,食物真係唔錯,會再嚟!

想食得好味少少既茶餐廳係搵佢實無錯, 不過, 同街仲有間叫翠華, 要加埋入資料啦!下午時分到達, 今次叫個鮮蝦菠菜餃豆腐麵線, $22 + $4, 最鍾意食餃....呢碗麵有四隻餃- 菠菜好多同埋大大條, 幾粗糙下, 不過食落好有纖維感, 正! 蝦就少! 魚湯蘿蔔, $14, 有苦味, 唔合格, 都係菜好食! 老公叫個午餐- 勺草比目魚位炸蝦, 忌廉魚翅湯, 奶茶, $33, 黎到時見比目魚用粉漿炸賣相麻麻, 但食落唔油同埋好嫩, 可惜隻蝦就炸就過火, 片層炸漿勉強都食得既! 湯同奶茶唔講, 同以往既食評一樣!

次次黎老公都叫咖哩羊仔扒, $45, 今次要講係因為真係好好食, 要俾十個讚, 又腍又夠味! 灼菜, $14, 夠爽又甜! 瑤柱珍珠雲吞豆腐麵, $26, 有八粒細細粒雲吞, 蝦又彈牙, 個魚湯底清清地好飲! 係呢度已經落無數次食評, 次次講既都差唔多, 即係水準維持, 不愧為高級茶餐廳!

雨季來了，令向來深閏的我倆更深閏，就連週末也躲在家裡叫外賣算數。今次幫襯了翠華。等了足足一小時才有得吃的外賣，食物只剩微温，也不會好吃得哪裡，我的魚旦麵不過不失，魚旦和魚片味通頗鮮(但有骨)，魚湯亦濃郁，可惜生麵被放至乾爭爭，放了湯仍甚難下嚥。男友的三文魚雞扒晚餐卻出奇好吃，雞脾扒厚肉嫰滑，三文魚半生熟，蕃茄仔和脆肉瓜為飯盒添了幾份清新，算是一個味美有營的客飯，但要$50多元，價錢當然略貴。

落雨天, 唔煮飯, 又呢食優質茶餐, 仲未過下午茶餐時間, 我叫咗香辣炸醬麵伴魚湯珍珠雲吞, 熱奶茶, $28, 炸醬麻麻地, 只有辣味, 雲吞細細粒, 鮮蝦新鮮, 唔錯! 熱奶茶無太興咁香茶味, 但合格! 灼菜心, $14, 一般! 老公叫咗咖哩牛腩飯, $38, 食咗少少, 咖哩味濃郁, 牛腩好大舊, 且腍!

翠華開完一間又一間，早排仲係Tip Top的一個seminar遇到佢地既管理層。足見翠華財雄勢大之餘，還意識到提升服務質素的重要。侍應個個笑面迎人，服務和口碼做足。我雖只是買外賣，也得到好好的招呼，服務拋離一般茶餐廳九條街。這是翠華的管理層有遠見，還是Tip Top勵害呢?說回食物，我外賣了一盒西炒飯。飯盒是透明的膠飯盒，可入微波爐的，很好。炒飯好足料，雞絲、火腿絲、雞蛋、腸仔粒、蝦仁、蕃茄粒等，一應俱全。茄汁炒飯，酸酸地幾開胃，且飯又炒得香，收貨有餘。唯一要彈的是等候時間比較長，希望可以有所改善。

隔左一排又黎食呢度- 優質茶餐廳! 今晚老公又係叫咖哩羊扒配白飯, 咖哩好香, 我食左一件羊, 係五成熟既, 幾肥美! 我叫左個鮮蔬豆腐麵, 估唔到佢地有豆腐麵, 好健康, 魚湯浸芥蘭, 一般, 唔夠同區我食開既茶餐廳(美倫)好食!

年初一同朋友去荃灣,見無咩鋪頭開門,就選擇合發啦~!因為我之前都去開銅鑼灣既合發,覺得唔錯,咁就試下分店啦~!服務就一般啦,可能太多人。我同朋友都點左個餐(唔記得咩餐,好似係常餐), 有碗鮑魚片米線,d鮑魚片都ok新鮮,而奶茶就無咩茶咩,佢太重手落奶了~!而我最鍾意就係個雙蛋加奶油豬仔包,簡直無懈可擊~!!雙蛋煎得靚,大大個黃~奶油豬仔包鬆脆香口~~回味無窮~!!下次我要再食奶油豬仔包~~!真的希望合發翠華可以就做沙田居民,開一間o係附近就好了~~^^

今日我老娘無lala話請食飯~佢話想去翠華~無咩所謂~聽咁耐我都無試過，去到我叫左個晚餐，我老豆叫左個咖喱牛腩飯，我媽叫左個四寶麵同奶油豬仔包(奶油豬)。先講我老豆個牛腩飯，號稱第一，但咖喱一d 都唔辣，算係香~但我覺得甜左d~d 牛腩都叫幾冧，但係咖喱飯既咖喱唔得，d 牛腩好食都識飛都無用。然後講我個晚餐~係茶餐廳食一個80幾蚊餐，我都預左好大kala~見到真係好大，先試個南瓜湯，都可以，然後有個沙律，十個難食，但我老豆可以食曬..再試個主菜~個羊膝大到爆炸，但d 汁唔知想點...鹹到我就來喊...呢度d 奶茶唔太得....無茶味....彈完佢係時候讚一讚~講下我媽叫既四寶麵同奶油豬，個奶油豬真係幾好食~感覺好似饅頭搽左d 牛油同鍊奶咁，我諗我會再去食，仲有佢個麵，個湯底唔差wo~魚湯來~d 野食來得幾快下，但我見隔離好似等左幾耐，所以好難講佢上菜快唔快，服務都ok~我話死都唔坐門口，佢諗盡辦法另外一位我，算係咁~有d 地方會發你老脾...

講緊既係全港第一難食公仔麵平安夜九點幾黎食, 餐廳唔叫好多人, 兩個人叫左:1)瑤柱淨雲吞,雲吞係一口迷你版,一碗有十粒, 之但係呢碗野等左兩個字先有2)公司公仔麵, 呢個仲離譜, 牛小子已經慢慢慢慢慢慢咁等住黎食, 佢食晒碗雲吞碗麵都仲未到, 問個waiter, 佢幫我跟,OK. feedback 係今日多單,整緊, 但係我就見水吧個叔叔仲有時間同人傾計......好喇,等左起碼4/5個字, 終於都黎,公司麵有雙蛋一腸仔同兩塊薄到好似紙既午餐肉, 都算,最冇得頂既係個麵好難食,淡到好似水咁,連平時食野食得唔咸既牛小子都問點解冇味.......食左一半都冇我就比左個全港第一佢, 茶餐廳既公仔麵難食既話,真係要好好反省