泰地道 (Closed)

屈指一算, 師傅都有好多年冇食泰國菜, 最主要原因係興趣不大加上唔知邊度有出色泰國菜, 所以都冇去食喇! 最近友人大力推介叫師傅去呢間食店度試下, 咁既然大力推介, 師傅就豁出去試下啦!一早訂定位準時去到, 去到人唔算多, 地方都唔算大, 不過招呼都幾好! 兩個人坐底後即刻商量食d咩, 最後決定要一客蒜蓉包, 炒金邊粉, 泰式豬頸肉, 再要多一個贈食炸蝦餅!蒜蓉包好香蒜蓉味, 而個包烘得好脆之餘又好鬆軟, 正呀; 金邊粉煙煙韌韌, 炒得唔油, 味道可口, 真係好好味; 泰式豬頸肉燒得好香而且切得好薄, 豬頸肉係超爽口, 點埋個醬汁, 酸酸辣辣好好味, 掂呀; 炸蝦餅一客有三件, 蝦餅炸得好香脆, 而且唔油, 熱辣辣咁食, 冇得頂呀!總括而言食物質素相當出色, 服務又好, 埋單大約舊半, 價錢經濟抵食! 師傅咁耐冇食過泰國菜, 一試過呢間食店就已經難忘, 特別係個豬頸肉, 友人果然冇介紹錯, 下次一定會再去!

同事們唔忿氣尋日食唔到海南雞, 今日又0黎lunch, book 定位又book 定d 雞, 結果一檯6 人都係食海南雞飯XD雞肉好嫩滑, 新鮮雞的味道, 而且唔會太肥太瘦, 果然唔錯. 油飯好香, 醬汁辣辣0地幾惹味. Overall 相當唔錯!今日少d 人, service 亦好過尋日, 不過d waitresses 真係唔係好夠禮貌囉, 成日好似好唔耐煩咁!(P.S. 笑面全因海南雞飯好食, 其他0野只算ok !)

21-8-2007同4 個同事0黎lunch, 佢0地好鍾意呢度, 不斷推介海南雞飯... 叫了個豬頸肉海南雞飯, 點知雞已經賣晒, 結果要了淨豬頸肉飯.賣相唔錯, 豬頸肉幾厚切, 味道口感都好豐腴, 當然亦預0左會幾漏, 唯一唔夠好就係乾了少少; 醬汁幾惹味. 不過整體唔算好特別.反而同事的蠔仔炒米粉吸引好多... 早知跟佢0地叫啦.環境算幾闊落舒服, 不過冷氣真係太凍了; service 麻麻, 幾慢, d 阿姐亦唔多睬人.Overall 有少少失望, 一來食唔到海南雞飯, 二來quality 比想像中無咁好, 可能一直真係expect 太多. 0係九龍城食泰國0野大把選擇, 會唔會再0黎, 真係唔知. 不過點都好, 同事今日請了食飯, 多謝晒.

九龍城的泰菜出名好食，但大多數舖頭都係好細間，而且無掂裝修，相比下泰地道就坐得較舒適。雖然價錢較同區泰菜館貴少少，都是合理的。一家四口:咖哩肉蟹($168) –正! 蟹好大隻，肉又鮮甜，咖哩汁好好味，真係可以食到兩碗飯。蝦醬通菜($48) –唔夠味，幸好菜還嫩口。燒豬頸肉($58) –燒得幾香脆，肉不韌。炒蠔仔($80) –蠔仔不細，非常甜，老公讚不絕口。木瓜絲沙律($48) –鹹了些少，魚露太多，不太好食。榴槤飄香黑檽米/榴槤白檽米(各$30) –芒果黑檽米的榴槤版，榴槤季節的不錯選擇。

Booked a table of 12 last week but the restaurant offered us a table barely enough for 8, despite we arrived the place 25 min in advance. Negotiated but their answer was that the only 12p table was inside a room which we found out later that, to be served to a few persons only, including a Caucasian. And they further upset us by inserting in the stools between our 8 tightly spaced chairs whilst pretended not unstanding our request! So, forget it! ผลการค้นหาคำศัพท์! ( good bye!)p. s. Finally, we

10/5/07: 一行6 人食泰國菜.叫左辣味牛肉, 冬陰功湯, 泰式拼盤, 咖哩炒蟹, 咖哩牛腩, 薄餅, 馬拉盞通菜辣味牛肉: 好似牛肉乾, 麻麻地.冬陰功湯: 雖辣, 不過好飲.泰式拼盤: 要$200 幾蚊, 不過好大碟, 款式又多, 但軟殼蟹就差咗 d.咖哩炒蟹: 汁正, 蟹都幾大隻.咖哩牛腩: 有d 硬, 不過都可以接受.薄餅: 好正, 唔點汁都好好食.馬拉盞通菜: 一般.

幫襯左呢間野幾年(以前個名叫"金不煥")野食質素當然好啦推介:活蝦刺身,烏頭,煎蠔餅,燒豬頸肉,蝦餅etc.佢呢間野d醬汁真係正都無得頂!聽人講黃x珍好食咪去試下lor都係唔得始終要食返泰地道一家四口去食(食埋甜品)都係400蚊左右好食所以唔係貴

朋友生日想吃泰菜,我想這間坐得比較舒適.八時前到訂了枱,當時只有两枱有人.一開始叫了拼盤(很多款份量也多蝦餅,軟殼蟹,脆鱔最好吃,其它有鷄,魚餅...也OK)丶生蝦細少少味道普通,跟住叫左冬陰牛肉鍋(用冬陰湯打邊鑪可以不叫),燒鷄不錯,咖哩膏蟹叫埋薄餅(蟹有膏有肉很正),波籮炒飯多料飯少算不錯,飲品兩杯(洛神花冰酸酸地消滞).埋単780,5位,服務也好.坐落一陣好快満,多數商務同西人去食.甜品去左合成食朋友想吃清心丸

今日下午去試左呢間餐廳﹐十一點半入去食﹐無乜人﹐可能太早啦。入到去﹐感覺都幾舒服﹐D Service 都ok. 一開始就叫左個活蝦刺身﹐好新鮮同好爽口﹐唔似平時食開個D咁黏口。之後再叫左蝦餅﹐雞串燒同埋鐵板煎豪仔米粉。D蝦餅好彈牙﹐配D甜甜地既汁﹐好味﹗個鐵板煎豪仔米粉有好多好多料﹐料仲多過米粉﹐好多豪係入面﹗雞串燒都好食﹐但無乜特別。想再試多D嘢食﹐但係得我哋兩個人﹐試唔到咁多。可惜﹐可惜... 最後叫左一杯珍多冰﹐一杯椰汁冰﹐幾好飲。埋單差不多成三百蚊連tips. Ok la.

價錢較同區其他'地MOU'泰菜餐廳貴~但相對環境好好多~想食得舒舒服服既呢度岩哂食物都算幾正宗~唔係話好特出~但係都比'黃X珍'好!~野食都幾大碟~-鐡板蠔~大大隻~好味!推介!-冬蔭公~略嫌香料唔夠~-粉絲蟿煲~大隻肉蟿~3個人都超夠分!!-薄餅~同印度既唔同~不過都幾好食-榴槤黑檽米~唔夠香~可以不試-芒果楊枝金露~冇特別服務都幾好~會成日幫你換碟~清一色泰國人~但係操流利廣東話~埋單$398~3個人

今次已經係第三次幫襯，今次淨係同老友兩個人食，可能係週一關係啦，只有兩成滿，比起weekend 去舒服好多，先黎一碟生蝦，再叫左招牌鐵板蠔餅同鹹肉炒椰菜苗。碟蝦當然新鮮啦，但凍多一點可以好D。個蠔餅就蠔多蛋少，D蠔隻隻都肥嘟嘟，arm晒口味，而個味鹹肉炒椰菜苗就清清地，油唔多，但幾惹味，兩支啤酒，埋單HK$275，合理。正!!!

這間餐廳我己經食過幾次, 水準一直可以保持一定水平. 唔驚撞啱個日師傅手勢唔好. 第一推介柚子沙律, 唔好以為沙律一定有沙律醬. 食完覺得好流. 這個柚子沙律食落有種清新爽口的感覺, 因為有柚子, 所以有少少酸酸地, 又夠開胃, 當頭盤食最好. 其次推介咖哩蟹, 夠晒香. 記得要個薄餅食啲咖哩汁. 唔....yumi(回憶中). 另外有生菜包豬肉. 清爽的生菜包住啲有少少棘既豬肉, 兩種有啲極端的感覺一起品嚐, 嘻嘻...有趣有趣. 甜品有棷汁西米糕. 味道啱啱好, 唔會太甜. 夏天重有他們自製冰棒. 不過這個我就去咁多次都食不到. 好可惜.

偶然走進這所泰國餐廳。別要給她的門面嚇壞。實在價錢合理，食物的水準亦一流。雖然口味不一定十分地道，經過調理後更合香港人口味。推介「海陸魚肚羮」。

我同屋位企人十月二十五號去左食飯, d野幾好食, 尤其係個curry crab，好好味，隻蟹好大隻，而且好新鮮，要黎送白飯一流．炸蝦餅都好食．菠蘿炒飯都幾得．炒菜就一般．

如果想在九龍城食泰國菜,要高級少少的話,一係黃珍珍,一係在啟德道的泰地道,是夜二揀一,揀左後者. 一王兩后叫左七味,最好味果隻叫泰式蠔餅,真正蠔仔做主角,蛋佔好少比例,隻隻蠔仔夠晒肥美.隻泰皇雞削左d,雞肉鞋拾拾兼無咩味,好比快餐店炸雞.其他辣椒炒蜆,鐵版蝦醬通菜,椰菜苗炒肥肉,炸蝦餅,蝦膏炒飯.不過不失,又唔係特別過人.幸好,總共$400埋單,做老細都無咁肉赤.