Hot Dog Stage (Closed)

用團購$29買了熱狗套餐，真係超值呀！即使正價$35一個set都好抵呀！先講食物，叫了一個皇牌熱狗同辣肉熱狗，麵包很香脆，加上啖啖肉，適量的醬、配料，真係好好味呀！而小食有洋蔥圏同車打芝士通粉角，車打芝士好濃味，好好味呀！而蘑菇忌廉湯則一則，忌廉味濃，但略嫌杰了一點，可以撈飯。環境方面，主要做外賣，所以地方較細，而且只得兩個位食。員工亦好努力製作新鮮熱辣的熱狗、小食，即叫即做的。如果怕等得太耐，可以先打電話落order，不過可能只得兩個員工做，所以打咗電話都可能要等一陣呀，但值得既！熱狗真係令人回味，會再來幫襯！

團購買左兩個熱狗set. 星期六下午去換取雖然我住附近. 但佢個地點都真係幾隱蔽,要順著街號數才找到.大廈外看見他們的招牌.經過一條黑黑地的走廊.打開門原來店子很少.只有兩個座位.於是我叫外賣.由於好多團購.我又没有電話預訂.所以都等左一陣一個看似老闆的男子.好好禮貌,親切...不過看見另外兩個後生仔,行動好慢...好似唔係好幫倒手.揀左一個皇牌熱狗及一個辣肉腸熱狗, 皇牌熱狗個汁好好味,正. 辣肉腸熱狗本人就覺得都幾辣下,不過幾野味. 套餐包磨菇湯,汽水及小食. 磨菇湯及小食都不錯.

憑yahoo團購 我又再一次踏足陌生的荔枝角可幸是食店地址挺易找由荔枝角地鐵站B1出口 往大南西街方向 轉個街口 過條馬路到了工廠大廈 穿過長長的走廊就到有點探險的感覺 好興奮 食店面積不算大 大部份都用作廚房當中騰出2個位子作堂食團購優惠 包了一款熱狗+小吃+飲品+餐湯 只賣HK$29超值 我選了金牌熱狗, 美式粗薯條, 忌廉汽水及蘑菇湯食店是即叫即製的 很有心 我也願意等等大約10分鐘 食物陸續出現 首先是餐湯及汽水汽水是罐裝的 頗大方 可惜不夠冰… 可能是剛開門的關係?餐湯只有一款 忌廉蘑菇湯 味道叫做過得去 罐頭湯的感覺…蘑菇嘛 我盡力地撈 都只是碎粉我不太著重前菜 無所謂了金牌熱狗上桌!!十分有驚喜!! 平常的快餐食物照 幻想得美好 見面了 就是失戀的時候…這隻金牌熱狗是本尊比較好看呢~!烘得香脆的芝麻包夾著大大條的法蘭克福腸當中有蕃茄 洋蔥 酸瓜及火箭菜淋上咖哩茄汁 芥末醬跟秘製千島醬好吃! 原價只售HK$26 超值呢~~再來的美式粗薯條 也是熱烘烘的 香氣滿滿茄汁也包裝得很衛生 抵讚! 食店的服務很好 也提供外賣 可見其用心經營 是次探險滿載而歸~

見冇人寫團購, 就寫下啦~~~我係下午茶時段(5pm)去, 幾個送外賣阿姐得閒d, 話間團購公司幫佢地接得太多order做唔切見到佢份單好厚就知~~湯已經冇, 不過專登黎食係為左個包, 都唔介意啦叫左皇牌熱狗, 辣肉腸熱狗小食叫左洋蔥圈, 車打芝士通心粉角皇牌熱狗 - 好味, 腸唔係太脆皮, 但都ok, 見店主小心地裝飾個包, 絕不求其辣肉腸熱狗 - 好辣, 好惹味, 不過我頂唔順, 要勁飲汽水洋蔥圈 - 脆漿good, 如果再少d漿仲好 (最憎一舊粉包住個d洋蔥圈), 但炸得太燶車打芝士通心粉角 - 勁好味~~~~想再食汽水 - 唔太凍....會再食~~~

好耐冇食過漢堡, 又諗起Hot Dog Stage, 依次比多次機會佢試下啦, 今次食物質數真係大大改善, 包係脆架, 漢堡有味又多汁. 雖然點都係得返以前的7成功力, 不過下次可以再去食過

由到左tea time時候...平時食開迷你熱狗餐..今日決定試新野...本人唔係太鐘意芝士但都想試一試~~熱辣辣既多士加一杯蘋果汁等左大約4個字終於送到我枱面la...賣相都ok..面頭勁多芝士~~...一共有2塊...先試一口...好好味呀...首先熱度剛剛好...芝士味唔會太濃岩哂我口味...辣肉醬真係好出色令我食唔停口~~~....不過真係幾辣如果唔食得辣既人會覺得好辣..我就覺得都係辣但未至於好辣..但咁先似辣肉醬ga ma..多士size差唔多la...lee個始終係迷你tea set唔會寄望話好大件..個皮有少少脆一d燶都冇..正~~~蘋果汁方面就有少許甜左d...應該係同橙汁同一出名即係"個質先生"..

來到Hot Dog Stage新店, 屈咗入工業大廈裡面, 唔易發現.全部Hot Dog同Hamburger都係即做即整, 好新鮮!首先試咗皇牌Hot Dog Stage, 一入口, 發覺芝麻包脆卜卜, 醬汁唔似出面只係芥末醬同茄汁咁求其. 而係自製咖哩茄汁, 千島醬同芥醬, 調得好正. $26真係好抵食! 另外再試了個美式純牛肉芝士漢堡, 又係師傅自製蜜糖芥末籽醬, 酸酸甜甜, 幾醒胃. 而且個牛肉真係好厚好大件.最後再食BBQ醬純牛肉漢堡, 佢個汁真係冇得頂, 將牛肉嘅鮮味吊哂出來, 好好食. 塊牛肉漢堡咁多汁, 個包仍然好脆身, 非常香口.好少食漢堡嘅我, 都覺得超有水準, 同M記不堪入口嗰啲比, 絕對超班!

今日老總請食下午茶，問大家想食咩，有人建議吃熱狗，也好。自從這間Hot Dog Stage搬到新的位置後，只做外賣，並沒有堂食，所以我一直也未有機會品嚐。這一次，我要了皇牌熱狗下午茶餐，套餐包一杯飲品，都係十九蚊，仲要有得送貨，真係好抵食。下午茶的熱狗是迷你版本，不過仍有蕃茄粒、酸瓜粒，甚至火箭菜在內，都算係咁。麵包都鬆軟，可惜條腸就完全沒有味道，全靠醬汁去調味，一分錢一分貨就是這樣的了。跟餐的飲品，我要了蘋果汁，是果汁先生的出品，都幾落本。

新年前的最後一個星期6, 和友人打算收工後去香工行返個轉!朋友說荔枝角有間HOT DOG好似不錯!但係都幾難搵..個招牌真係超細,要打TEL去問先搵到!同埋係冇坐位,應該主要做外賣,但係都有2張CHAIR俾你坐一坐! 辣肉醬熱狗好辣既我同友人都覺得小小辣架,,辣得黎好味!BBQ醬純牛肉漢堡好多肉汁!好厚!好好味! 跟餐既小食薯蓉同埋忌廉湯薯蓉係HOMEMADE,個肉醬有小小甜甜地..幾好味!忌廉湯就麻麻地喇.. 2個餐加埋先$70幾蚊,好抵食!

連續2日Tea time都lee間野....尋日叫左辣肉醬熱狗+橙汁...今日都係一樣只係改左飲忌廉湯lee個唔係tea set個d迷你版..lee個係正常版..所以好大個食左佢夜晚唔洗食飯辣肉醬熱狗 好大個條辣肉腸係長過個包前後係頂住個盒ga..配料有洋葱碎牛肉碎同一d酸酸地既配料..真係好好食..勁多洋葱碎..加埋d牛肉碎醬真係好好食橙汁 唔係好大杯..麻麻地...不過唔酸都已經算係咁.忌廉湯 size好似橙汁咁...熱辣辣..可惜"傑"左少少..有洋葱粒同磨姑粒因為太好味既關係..今日有4個同事都叫左lee個餐..食完之後成個office都係辣肉醬熱狗味~~~~~~~~~~~~~提一提..如果唔食得辣就唔好叫lee個...但佢唔係太辣鐘意食辣既朋友可以一試

荔枝角工廠區少有好食既食物...之前執左而家係第二到開番都係荔枝角區.叫左個16蚊有皇牌熱狗+$飲品或湯. 本身想叫湯但賣哂lu...最後叫左杯橙汁..杯橙汁唔係好大..不過個熱狗都抵番哂la~個迷你熱狗我以為迷你..但係都比想像中大woo...其實算好抵又足料...抵讚呀!!!!!!

近來愛上了吃熱狗, 但食黎食去都係DELIFRANCE, 沒什選擇, 又到LUNCH 時間, 所以上黎呢到SEARCH,+上公司收到外賣紙, 發現佢印刷精明, 同其他公司的MENU 不同, 是有花過心思落去的, 所以決定一試。點了皇牌熱狗, 開頭見它說, 入面有咖哩醬, 很擔心個汁會不輪不類。外相不錯, 有新鮮蕃茄仲要係切左粒既, 有花過心機, 唔係一整塊放入去. 有酸瓜, (比我想像中爭少少, 不夠爽) 又有火箭菜, 配料合格。但腸普通了一點, 質地同DELIFRANCE 差不多, 如用好像 QBEAN CAFE 的腸會加分。另, 點了cream of mushroom, 開頭以為係罐頭湯之選, 後來飲完唔覺口乾, 相信係自己整出黎的, 呢個值得+分。薯容上面的肉醬, 甜了些少, + 上我是吃完包湯隔了兩個鐘頭先再食埋個著容, 所以已經凍左, 我相信,下次可以改叫另一小食比較好。

舊年忽然間話結業, 同事勁唔捨得佢既burger, 話咁既價錢去第2度買唔番呢個水準,同埋荔枝角又冇左一間有質數既食店!今朝番工收倒佢既傳單先知原來已經開番不過個位偏僻左, 番到公司即刻同同事講, 佢地開心到飛起! 唔駛講梗係即日叫lunch 啦, 而家佢lunch仲做埋外賣, 唔駛熱辣辣走落街買野食, 正! 我地12點叫要12點半送到, 佢12點7到,都ok啦!同事急不及待就即刻試左個cheese burger 先, 而家多左個burger 盒靚好多, 唔會好似以前咁d汁痴哂落張紙度, 但今次就略嫌唔夠汁,不過塊牛咬落一樣咁有口感,同以前一樣咁juicy咁有牛味,同事10個滿意! 另一個同事就試左以前冇既日式蟹籽沙律熱狗, 初頭我覺得呢個配搭怪怪地咁, 但我試左一啖之後又覺得幾正喎,條腸既底同面都有蟹籽沙律架, 唔係hea響面頭就算!估唔倒原來呢兩樣野可以match埋一齊,佢個汁仲唔係出面一般沙律醬,好fresh~ 但得一啖我食唔出有d咩,下次要自己叫黎試真d~ 我就照舊要左個皇牌熱狗餐, 第一啖咬落去陣味非常熟悉, 好懷念~~ 火箭菜果種苦苦地但加埋d醬汁同腸又出奇地夾, keep

雖然係同名同logo. 滿心歡喜以為又有好野食, 不過食物質數就一個天一個地. 依到地方比以前難搵左, 不過都好乾淨, 入到去廚師並不是以前的三位中年人, 廚房入面只有三位年青人, 唔理咁多好食米得lor. 叫左個 拿到返公司食. 一打開包裝比之前精美. 不過一食就發現味道完全唔同, 包內沒有煎燶, 牛肉比較薄, 沒有肉汁及蘇味. 只可以講比M記好d. 非常失望.